Luku 15
15
1Lomba awasoŋkesi nembifi syonse syalukupalamina kuli ŵo mukuŵomfwa. 2Peŋka aŵaFalisi neŵalembesi nawowalukuliŋwiŋwisya ati: Uyu-muntu alukusipokelela imbifi, nekulukulya nasyo.
3Naŵo ŵalilaŵile kuli ŵo ukupalanya uku ati: 4Apa pali mweŵo, mbaninani uli nembelele umwanda, nekulufya-po imo, utaasya-po mumpaŋga isyo amakumi asanu naane nasisanu nasine, nekwilonda nayeyo iluŵile, ili taaŋgaiwona? 5Ili aibwene, alailalika pamafusi akwe, ili asemba. 6Peŋka pakufika kwaŵo, alafiita ifiŵusa fyakwe neŵaŵyakwe, nekulaŵila kuli ŵo ati: Saŋgalaleni pamo naneŵo, pakuti naiŵona imbelele yanji iyaluŵile. 7Ndukumuŵuleni ati fyopele'fyo kukaŵa nekusaŋgalala kwiulu pakuti pambifi imo iyaaluluka, ukwakucila napaŵantu awaluŋgeme amakumi asanu naane naŵasanu muli ŵasanu naŵane, awakuwulo'kufipeŋgela ifyakwalulula.
8Neli mbawisa-mwanakasi uli-po nendalama yesilifa ikumi, kani akailufyepo imo, utekwasya inyale, nekulukupyaŋga muŋanda, nekufwaya-fwaya bwino bwino, ili taaŋgalwona? 9Peŋka'po, pakwiŵona, alafiita ifiŵusa fyakwe neŵaŵyakwe, nekulaŵila ati: Saŋgalaleni pamo naneŵo, pakuti naiŵona nayeyo inalufisye! 10Fyopele'fyo ndukumuŵuleni ati pali nekusaŋgalala pamenso aŋkalamba syaŵaLesa, pakuti pambifi imo iyaaluluka.
11Nakaŵili ŵalilaŵile ati: Umbi umuntu ali neŵana aŵalalume ŵaŵili. 12Popele umwanice-ŵantu alilaŵile kuli ŵawisi ati: Tata, mumpele neŵo ifyakwaŵanya ifyamaŵoni enu ifikaŵa fyanji. Naŵo ŵaliŵaaŵenye amaŵoni aŵo. 13Peŋka'po, ili tasiŋgapita insiku isinji, uyo-mwanice-ŵantu alifiloŋgenye fyonse, nekwimo'lwendo lwakwe ukulukuya kucalo ukutali; kopele uko aliposaile uŵuŵoni bwakwe kukwikala kwaŵuŋgwa. 14Peŋka ili afiposaile fyonse, nensala iyakawumbo ikulu yalikolele mucalo ico; naye alitaticile ukulukupeŋga, 15Peŋka aliile mukukumaŋkana nemuntu umbi uwamucalo ico; naye alimutumine kufyembelelo fyakwe mukusiteŵeta iŋkumba. 16Naye alukufwayo'kwikuta ifipapwa ifyalukulya iŋkumba: tapali-po umuntu uwakumupela. 17Sombi, pakusinsimuka mumutima, alilaŵile ati: Mbati ubwinji aŵantu ŵaŵaTata aŵalambulwa ŵali nefyakulya ifyakukumana, kaŵili nafimbi peulu, sombi neŵo ndukufwa lukoso kuno kunsala! 18Ŋkema, ŋkaye kuli ŵaTata, ŋkalawile kuli ŵo ati: Tata naliŵifisye kwiulu napamenso enu; 19nsielelwe ŵukumo ukwilikwa ati mwana wenu; muŋgalule koti niumbi umupyunjisi wenu ulambulwa! 20Peŋka aliimine, nekufika kuli ŵawisi.
Sombi ili acili ukutali, ŵawisi ŵalimubwene, nekuŵa neŋkumbu, nekuŵutuka, nekumukumbata namumukosi, nekumufyonta. 21Naye umwano'yo alilaŵile kuli ŵo ati: Tata naliŵifisye kwiulu napamenso enu, nsielelwe ŵukumo ukwilikwa ati mwana wenu! 22Sombi ŵawisi ŵalilaŵile kuŵapyunjisi ŵaŵo ati: Fumyeni bwaŋgu umwinjila uweme ukucila, mumufwike: mumufwike nensalamu kumunwe, neŋkwawilo kumakasa akwe; 23mulete nemombe uyo unonene, mwipaye, tulukulya, tulukusaŋgalata: 24pakuti uyu-mwana wanji walifwile, pano aŵuka liŵili: waliluŵile, kaŵili aŵonwa. Peŋka ŵalitaticile ukulukusemba.
25Sombi umwana waŵo umukuluŵantu ali kumaŵala; lomba ili aisile nekupalamina kunanda, aliumfwile ukwimba nekulukusyana. 26Peŋka alimwitile umupyunjisi umbi, nekwipusya ati: Mbe'fi-fintu findo? 27Kumfwa kaamuŵula ati: Umukwani aisa; peŋka ŵawiso ŵaipaya umombe uyo unonene, pakuti ŵamupoka alikosele. 28Sombi naye alikalipile, nekukano'kwinjila; peŋka ŵawisi ŵalifumine, nekulukumukombetela, 29Sombi aliŵaasucile ŵawisi ati: Ŵoneni, imyaka ino iinji ndukumupyunjileni; kaŵili nsinapulaisye-po ifunde lyenu neli limo; sombi tamwampele-po neli mwana wambusi, ati nsaŋgalale nefiŵusa fyanji; 30sombi, pakwisa uyu-mwana wenu, uwaposaile amaŵoni enu pamo neŵanakasi aŵacencemesi, lomba mwamwipaila umombe uyo unonene.
31Naŵo ŵalilaŵile kuli ye ati: Wemwana wanji, ndi noŵe insiku syonse, nefintu fyanji fyonse fyoŵe; 32sombi ukwelelwa ukusemba nekulukusaŋgalala; pakuti uyu-mukwanu walifwile, pano aŵuka; waliluŵile, pano aŵonwa.
Currently Selected:
Luku 15: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Luku 15
15
1Lomba awasoŋkesi nembifi syonse syalukupalamina kuli ŵo mukuŵomfwa. 2Peŋka aŵaFalisi neŵalembesi nawowalukuliŋwiŋwisya ati: Uyu-muntu alukusipokelela imbifi, nekulukulya nasyo.
3Naŵo ŵalilaŵile kuli ŵo ukupalanya uku ati: 4Apa pali mweŵo, mbaninani uli nembelele umwanda, nekulufya-po imo, utaasya-po mumpaŋga isyo amakumi asanu naane nasisanu nasine, nekwilonda nayeyo iluŵile, ili taaŋgaiwona? 5Ili aibwene, alailalika pamafusi akwe, ili asemba. 6Peŋka pakufika kwaŵo, alafiita ifiŵusa fyakwe neŵaŵyakwe, nekulaŵila kuli ŵo ati: Saŋgalaleni pamo naneŵo, pakuti naiŵona imbelele yanji iyaluŵile. 7Ndukumuŵuleni ati fyopele'fyo kukaŵa nekusaŋgalala kwiulu pakuti pambifi imo iyaaluluka, ukwakucila napaŵantu awaluŋgeme amakumi asanu naane naŵasanu muli ŵasanu naŵane, awakuwulo'kufipeŋgela ifyakwalulula.
8Neli mbawisa-mwanakasi uli-po nendalama yesilifa ikumi, kani akailufyepo imo, utekwasya inyale, nekulukupyaŋga muŋanda, nekufwaya-fwaya bwino bwino, ili taaŋgalwona? 9Peŋka'po, pakwiŵona, alafiita ifiŵusa fyakwe neŵaŵyakwe, nekulaŵila ati: Saŋgalaleni pamo naneŵo, pakuti naiŵona nayeyo inalufisye! 10Fyopele'fyo ndukumuŵuleni ati pali nekusaŋgalala pamenso aŋkalamba syaŵaLesa, pakuti pambifi imo iyaaluluka.
11Nakaŵili ŵalilaŵile ati: Umbi umuntu ali neŵana aŵalalume ŵaŵili. 12Popele umwanice-ŵantu alilaŵile kuli ŵawisi ati: Tata, mumpele neŵo ifyakwaŵanya ifyamaŵoni enu ifikaŵa fyanji. Naŵo ŵaliŵaaŵenye amaŵoni aŵo. 13Peŋka'po, ili tasiŋgapita insiku isinji, uyo-mwanice-ŵantu alifiloŋgenye fyonse, nekwimo'lwendo lwakwe ukulukuya kucalo ukutali; kopele uko aliposaile uŵuŵoni bwakwe kukwikala kwaŵuŋgwa. 14Peŋka ili afiposaile fyonse, nensala iyakawumbo ikulu yalikolele mucalo ico; naye alitaticile ukulukupeŋga, 15Peŋka aliile mukukumaŋkana nemuntu umbi uwamucalo ico; naye alimutumine kufyembelelo fyakwe mukusiteŵeta iŋkumba. 16Naye alukufwayo'kwikuta ifipapwa ifyalukulya iŋkumba: tapali-po umuntu uwakumupela. 17Sombi, pakusinsimuka mumutima, alilaŵile ati: Mbati ubwinji aŵantu ŵaŵaTata aŵalambulwa ŵali nefyakulya ifyakukumana, kaŵili nafimbi peulu, sombi neŵo ndukufwa lukoso kuno kunsala! 18Ŋkema, ŋkaye kuli ŵaTata, ŋkalawile kuli ŵo ati: Tata naliŵifisye kwiulu napamenso enu; 19nsielelwe ŵukumo ukwilikwa ati mwana wenu; muŋgalule koti niumbi umupyunjisi wenu ulambulwa! 20Peŋka aliimine, nekufika kuli ŵawisi.
Sombi ili acili ukutali, ŵawisi ŵalimubwene, nekuŵa neŋkumbu, nekuŵutuka, nekumukumbata namumukosi, nekumufyonta. 21Naye umwano'yo alilaŵile kuli ŵo ati: Tata naliŵifisye kwiulu napamenso enu, nsielelwe ŵukumo ukwilikwa ati mwana wenu! 22Sombi ŵawisi ŵalilaŵile kuŵapyunjisi ŵaŵo ati: Fumyeni bwaŋgu umwinjila uweme ukucila, mumufwike: mumufwike nensalamu kumunwe, neŋkwawilo kumakasa akwe; 23mulete nemombe uyo unonene, mwipaye, tulukulya, tulukusaŋgalata: 24pakuti uyu-mwana wanji walifwile, pano aŵuka liŵili: waliluŵile, kaŵili aŵonwa. Peŋka ŵalitaticile ukulukusemba.
25Sombi umwana waŵo umukuluŵantu ali kumaŵala; lomba ili aisile nekupalamina kunanda, aliumfwile ukwimba nekulukusyana. 26Peŋka alimwitile umupyunjisi umbi, nekwipusya ati: Mbe'fi-fintu findo? 27Kumfwa kaamuŵula ati: Umukwani aisa; peŋka ŵawiso ŵaipaya umombe uyo unonene, pakuti ŵamupoka alikosele. 28Sombi naye alikalipile, nekukano'kwinjila; peŋka ŵawisi ŵalifumine, nekulukumukombetela, 29Sombi aliŵaasucile ŵawisi ati: Ŵoneni, imyaka ino iinji ndukumupyunjileni; kaŵili nsinapulaisye-po ifunde lyenu neli limo; sombi tamwampele-po neli mwana wambusi, ati nsaŋgalale nefiŵusa fyanji; 30sombi, pakwisa uyu-mwana wenu, uwaposaile amaŵoni enu pamo neŵanakasi aŵacencemesi, lomba mwamwipaila umombe uyo unonene.
31Naŵo ŵalilaŵile kuli ye ati: Wemwana wanji, ndi noŵe insiku syonse, nefintu fyanji fyonse fyoŵe; 32sombi ukwelelwa ukusemba nekulukusaŋgalala; pakuti uyu-mukwanu walifwile, pano aŵuka; waliluŵile, pano aŵonwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.