Luku 21
21
1Lomba ŵaYesu ŵaliceŵucile, nekuŵaŵona aŵaŵile aŵalukuposamo ifyakupa fyaŵo mumulimba. 2Nakaŵili ŵalibwene mukakusyala umbi upeŋgele alukuposa-mo mulya utukobili tuŵili. 3Peŋka ŵalilaŵile ati: Icinenene ndukumuŵuleni ati uyu-mukakusyala upeŋgele aposa-mo ifyakucila napafyaŵo aŵo ŵonse. 4Pakuti aŵo ŵonse ŵaposa-mo mufyakupa fimbi ifyakuŵuŵile bwaŵo; sombi uyu kuwupeŋgele bwakwe aposa-mo ifyamweo wakwe fyonse.
5Lomba ŵambi, ili ŵalukwambala ifyetempuli, ati lilitaŋgele nemabwe aweme, nefyampese, ŵaYesu ŵalilaŵile ati: 6Ifyafintu ifi ifi mulukuŵona, insiku sikesa, lomba talikasyala-po pano neli libwe limo paliŵyakwe, ilyakuŵulo'kuposwa pansi. 7Naŵo ŵaliŵepwisye ati: MweŵaSambisi mbefi-fintu fikaŵa-po lisa? Nakaŵili mbakesa-kesiŵilo kakaŵa-po pakupalamina ukucitwe'fi-fintu? 8Naŵo ati: Kamucenjela, mwiŋgesakuŵeyekwa: pakuti aŵantu aŵenji ŵakesa mwisina lyanji, nekulaŵila ati: Neŵo ndi woyo! neli ati: Impindi yapalamina! Tekulukuŵalonda. 9Nakaŵili, ili mukomfwa ifyaŋkondo nefipupa, tekususwa; pakuti icine fyelelwe ati ifintu ifyo fikataŋgo'kwisa; sombi icipelele-ko tacikesa-po impindi iyo yopele, tau.
10Peŋka ŵalilaŵile kuli ŵo ati: Umusyoŵo waŵantu ukemina pamusyoŵo uŵyakwe, neŵufumu ŵumo naŵo paŵuŵyakwe. 11Kaŵili fikaŵa-po nefitulika ifikulu, nakaŵili pambi napambi nensala isyatuwumbo sikaŵa-po nemyalo; nakaŵili pakaŵa nefyenswa netwisiŵilo utukulu utwakufuma kwiulu.
12Sombi ili tafiŋgesa-po ifyo fyonse, ŵakamwikateni nekumukululusyeni, ili ŵamuloŵeleni kumasunagoge nakumakati; nekumutwaleni pamenso amfumu neŵekalicisi pakuti pesina lyanji. 13Ifyo fikamuŵeleni koti niŵumboni. 14Pakuti pali fyefyo kamukosye'mitima yenu, ati tekuti mutaŋge ukwalakanya ifyakwasuka: 15pakuti neŵo ŋkamupeleni akanwa nemano, opele utupondo twenu tonse tatukesiŵa-po ukucicila neli kuleŋgulula, 16Sombi mukaloŵelwa nakuŵamufyeleni, nakuŵakwaŵenu, nakuŵena ŵenu, nakufiŵusa fyenu; namweŵambi ŵakamwipayeni. 17Kaŵili aŵantu ŵonse ŵakamufitilweni pakuti pesina lyanji. 18Sombi imisisi yamumitwi yenu taikonalwa neli umo. 19Pakuteke'mitima yenu ukulukupembelele, mukaŵa nemyeo yenu.
20Sombi ili mukauŵona umusi ŵaJelusalemi usiŋgulucilwe amaŵumba afita, mukesiŵe ati ukonalwa kwauo kuli apepi. 21Peŋka'po aŵo aŵakalukuli mucalo caJ udiya, ŵakaŵutucile kumapili; naŵaŵo aŵakalukuli mukati muli wo, ŵakafume-mo; naŵaŵo aŵamumpaŋga ŵekenjila-mo. 22Pakuti insiku isyo syakucite'milandu ati ifintu fyonse ifilembelwe fikapelelwe pamo. 23Ŵakasyama aŵo aŵakalukuli nemapafu, naŵaŵo aŵakalukonsya insiku isyo! Pakuti pakaŵa ukupensiwa ukukulu pacalo, nekukalipa paŵantu aŵa. 24Ŵakafwa kumpoko, nekutwalwa muli ŵukaili kuŵantu aŵamisyoŵo yonse; naJelusalemi nawo ukanyantalwa kuŵenafyalo, ili tasiŋgakensiwa impindi syaŵenafyalo.
25Nakaŵili tukaŵa-po utwisiŵilo mukasuŵa namumwensi namutuwaŋgaŵaŋga; napansi pacalo nekupeŋga kwaŵantu, awalukukaŋkamuka pakuti pakululuma kwacisiŵa nemaŋkapa: 26ili ŵalesuka aŵantu pakuti pamwenso, napakuti pakulaŋguluka ifyafintu ifyo ifikesa pacalo capa nsi; pakuti amakosa amwiulu akateŋkanisiwa, 27Lomba ŵakamuŵona Umwana waMuntunsi alukwisa mwikumbi nemakosa neŵuleme uŵukulu. 28Sombi ili fikatatika ukucitwa ifintu ifyo, mukaceŵuke musuntule nemitwi yenu; pakuti kale kwapalamina ukuluŵuka kwenu.
29Naŵo ŵalilaŵile kuli ŵo ukupalanya ati: Ŵoneni umukuyu nemiti yonse: 30ili isonsa, mulafiŵone'fyo, nekwisiŵa mweŵene ati pano ulusuŵa lwapalamina. 31Fyopele'fyo namweŵo, pakuŵona ati ifintu ifyo filukucitwa, mukesiŵe ati Uŵufumu bwaŵaLesa ŵuli apepi. 32Icinenene ndukumuŵuleni ati icitentekwa cino tacikasila-po, ili tafiŋgakonsiwa fyonse. 33Iulu necalo capansi fikasila; sombi amasiwi anji taakasila-po.
34Sombi mulukucenjela imitima yenu iŋgesa-kwisula ŵupumpunta nekupendwa nekulukulikutula ifyamweo uno, lomba nekasuŵa ako nekupulililo'kwisa pali mweŵo koti cakwikasya. 35Pakuti fyopele'fyo kakesa pali ŵaŵo ŵonse awa lukwikala pacalo conse icapansi. 36Sombi mulukupembelela impindi yonse, ili mulomba, ati mukelelwe ukupuluka kuli fyefyo fyonse ifikesa, nekwiminina pamenso aMwana waMuntunsi.
37Utusuŵa tonse ŵalukusambisya mwitempuli, nemasiku onse nekulukufuma-mo, nekulukwikele mulupili ulwailicilwe ati lwaMaolife. 38Neŵantu ŵonse naŵo ŵalukwisa kuli ŵo lucelocelo mwitempuli mukuŵomfwa.
Currently Selected:
Luku 21: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Luku 21
21
1Lomba ŵaYesu ŵaliceŵucile, nekuŵaŵona aŵaŵile aŵalukuposamo ifyakupa fyaŵo mumulimba. 2Nakaŵili ŵalibwene mukakusyala umbi upeŋgele alukuposa-mo mulya utukobili tuŵili. 3Peŋka ŵalilaŵile ati: Icinenene ndukumuŵuleni ati uyu-mukakusyala upeŋgele aposa-mo ifyakucila napafyaŵo aŵo ŵonse. 4Pakuti aŵo ŵonse ŵaposa-mo mufyakupa fimbi ifyakuŵuŵile bwaŵo; sombi uyu kuwupeŋgele bwakwe aposa-mo ifyamweo wakwe fyonse.
5Lomba ŵambi, ili ŵalukwambala ifyetempuli, ati lilitaŋgele nemabwe aweme, nefyampese, ŵaYesu ŵalilaŵile ati: 6Ifyafintu ifi ifi mulukuŵona, insiku sikesa, lomba talikasyala-po pano neli libwe limo paliŵyakwe, ilyakuŵulo'kuposwa pansi. 7Naŵo ŵaliŵepwisye ati: MweŵaSambisi mbefi-fintu fikaŵa-po lisa? Nakaŵili mbakesa-kesiŵilo kakaŵa-po pakupalamina ukucitwe'fi-fintu? 8Naŵo ati: Kamucenjela, mwiŋgesakuŵeyekwa: pakuti aŵantu aŵenji ŵakesa mwisina lyanji, nekulaŵila ati: Neŵo ndi woyo! neli ati: Impindi yapalamina! Tekulukuŵalonda. 9Nakaŵili, ili mukomfwa ifyaŋkondo nefipupa, tekususwa; pakuti icine fyelelwe ati ifintu ifyo fikataŋgo'kwisa; sombi icipelele-ko tacikesa-po impindi iyo yopele, tau.
10Peŋka ŵalilaŵile kuli ŵo ati: Umusyoŵo waŵantu ukemina pamusyoŵo uŵyakwe, neŵufumu ŵumo naŵo paŵuŵyakwe. 11Kaŵili fikaŵa-po nefitulika ifikulu, nakaŵili pambi napambi nensala isyatuwumbo sikaŵa-po nemyalo; nakaŵili pakaŵa nefyenswa netwisiŵilo utukulu utwakufuma kwiulu.
12Sombi ili tafiŋgesa-po ifyo fyonse, ŵakamwikateni nekumukululusyeni, ili ŵamuloŵeleni kumasunagoge nakumakati; nekumutwaleni pamenso amfumu neŵekalicisi pakuti pesina lyanji. 13Ifyo fikamuŵeleni koti niŵumboni. 14Pakuti pali fyefyo kamukosye'mitima yenu, ati tekuti mutaŋge ukwalakanya ifyakwasuka: 15pakuti neŵo ŋkamupeleni akanwa nemano, opele utupondo twenu tonse tatukesiŵa-po ukucicila neli kuleŋgulula, 16Sombi mukaloŵelwa nakuŵamufyeleni, nakuŵakwaŵenu, nakuŵena ŵenu, nakufiŵusa fyenu; namweŵambi ŵakamwipayeni. 17Kaŵili aŵantu ŵonse ŵakamufitilweni pakuti pesina lyanji. 18Sombi imisisi yamumitwi yenu taikonalwa neli umo. 19Pakuteke'mitima yenu ukulukupembelele, mukaŵa nemyeo yenu.
20Sombi ili mukauŵona umusi ŵaJelusalemi usiŋgulucilwe amaŵumba afita, mukesiŵe ati ukonalwa kwauo kuli apepi. 21Peŋka'po aŵo aŵakalukuli mucalo caJ udiya, ŵakaŵutucile kumapili; naŵaŵo aŵakalukuli mukati muli wo, ŵakafume-mo; naŵaŵo aŵamumpaŋga ŵekenjila-mo. 22Pakuti insiku isyo syakucite'milandu ati ifintu fyonse ifilembelwe fikapelelwe pamo. 23Ŵakasyama aŵo aŵakalukuli nemapafu, naŵaŵo aŵakalukonsya insiku isyo! Pakuti pakaŵa ukupensiwa ukukulu pacalo, nekukalipa paŵantu aŵa. 24Ŵakafwa kumpoko, nekutwalwa muli ŵukaili kuŵantu aŵamisyoŵo yonse; naJelusalemi nawo ukanyantalwa kuŵenafyalo, ili tasiŋgakensiwa impindi syaŵenafyalo.
25Nakaŵili tukaŵa-po utwisiŵilo mukasuŵa namumwensi namutuwaŋgaŵaŋga; napansi pacalo nekupeŋga kwaŵantu, awalukukaŋkamuka pakuti pakululuma kwacisiŵa nemaŋkapa: 26ili ŵalesuka aŵantu pakuti pamwenso, napakuti pakulaŋguluka ifyafintu ifyo ifikesa pacalo capa nsi; pakuti amakosa amwiulu akateŋkanisiwa, 27Lomba ŵakamuŵona Umwana waMuntunsi alukwisa mwikumbi nemakosa neŵuleme uŵukulu. 28Sombi ili fikatatika ukucitwa ifintu ifyo, mukaceŵuke musuntule nemitwi yenu; pakuti kale kwapalamina ukuluŵuka kwenu.
29Naŵo ŵalilaŵile kuli ŵo ukupalanya ati: Ŵoneni umukuyu nemiti yonse: 30ili isonsa, mulafiŵone'fyo, nekwisiŵa mweŵene ati pano ulusuŵa lwapalamina. 31Fyopele'fyo namweŵo, pakuŵona ati ifintu ifyo filukucitwa, mukesiŵe ati Uŵufumu bwaŵaLesa ŵuli apepi. 32Icinenene ndukumuŵuleni ati icitentekwa cino tacikasila-po, ili tafiŋgakonsiwa fyonse. 33Iulu necalo capansi fikasila; sombi amasiwi anji taakasila-po.
34Sombi mulukucenjela imitima yenu iŋgesa-kwisula ŵupumpunta nekupendwa nekulukulikutula ifyamweo uno, lomba nekasuŵa ako nekupulililo'kwisa pali mweŵo koti cakwikasya. 35Pakuti fyopele'fyo kakesa pali ŵaŵo ŵonse awa lukwikala pacalo conse icapansi. 36Sombi mulukupembelela impindi yonse, ili mulomba, ati mukelelwe ukupuluka kuli fyefyo fyonse ifikesa, nekwiminina pamenso aMwana waMuntunsi.
37Utusuŵa tonse ŵalukusambisya mwitempuli, nemasiku onse nekulukufuma-mo, nekulukwikele mulupili ulwailicilwe ati lwaMaolife. 38Neŵantu ŵonse naŵo ŵalukwisa kuli ŵo lucelocelo mwitempuli mukuŵomfwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.