Luku 3
3
1Lomba pamwaka wekumi naisanu uwaŵufumu bwakwe Tibelyo Kaisa, lomba Pontyo Pilati emwikalicisi wapacalo caludiya, naElode naye nimpemba yapacalo caGalili, naFilipo umukwaŵo naye nimpemba yapacalo caliulaya naTilakonite, naLusanya naye nimpemba yapaAbilene, 2pampindi yaŵupapatilisi uŵukulu bwaŵaAnasi naKayafa, isiwi lyaŵaLesa lyaliisile kuli Yoane, umwana wakwe Sakaliya, ili ali mumpaŋga. 3Peŋka alificile monse mucalo icasiŋgulucile kujodeni, ili atulisya ukuŵatisya ukwakulapila ukwakulekelela ifyakuŵifya; 4koti nifyopele'fyo ifyalembelwe mwi buku lyamasiwi akwe Yisaya uwakusimika ati:
Isiwi lyaulukuŵilicisya mumpaŋga ati:
Wamyeni umwakupita ŵaSikulu,
Mulunjike nensila syaŵo.
5Imikolo yonse ikasikama;
Amapili onse netupili tonse tukaŵasamikwa;
Insila isiŵeyeme sikaŵa siluŋgeme,
Nesyafiŋkolonto nasyo sikaŵa sitesimine;
6Kaŵili aŵantunsi ŵonse ŵakaŵona ukupulusya kwaŵaLesa.
7Pakuti pali fyefyo epo alaŵilile kumaŵumba aŵaŵo aŵaile mukuŵatisiwa kuli ye ati: Mweŵana ŵaŵamakata, mbaninani uwamucenjesyeni ati muŵutuke ukupuluka kuŵukali uŵukesa? 8Kamwikata lomba ifisepo ifyelelwe ifyakulapila; mwilukutatika ukulaŵila mumitima yenu ati: Tuli naAblaamu ŵisifwe! pakuti ndukumuŵuleni ati ŵaLesa eŵesi ukuŵusya kumabwe aya aŵana kuli Ablaamu. 9Naŵukumo ŵonse akatemo kali kumisyu yamiti: peŋka imiti yonse utaulukwikata ifisepo ifiweme ulatemwa nekuposwa mumulilo.
10Peŋka amaŵumba alimwipwisye ati: Ŋgatucite syani lomba? 11Naye nekuŵaasucila ati: Uyo uli neminjila iŵili ŋgaamupele-po uyo utaakwete; nawoyo uli nefyakulya ŋgaacite fyopele'fyo. 12Popele ŵaliisile newasoŋkesi mukuŵatisiwa, naŵo ŵalilaŵile kuli ye ati: Mweŵasambisi mbafweŵo, tucite syani? 13Naye nekuŵeŵa ati: Tekulukuŵapanjila aŵantu ukucisya-po pali syesyo isyansicilwe kuli mweŵo. 14Nefita nafyo fyalimwipwisye ati: Mbafweŵo, tucite syani? Naye nekufyeŵa ati: Tekulukucito'ŵumpuwa kuŵantu ŵonse neli umo, neli kuŵaŵepesya; nakaŵili tekulukuteŋga ifyakulambulwa fyenu.
15Peŋka aŵantu ili yalukukutika imitima yaŵo, naŵo ŵonse nekulukwalakanya mumitima yaŵo ifyakwe Yoane, kani ye niŵaKlistu, 16eli Yoane aŋgaŵaasucila ŵonse ati: Neŵo icine ndukumuŵatisyeni mumenda; sombi ŵakesa aŵancilile neŵo, ulusiŋga lwaŋkwawilo syaŵo nsielelwe ukulukakulula: ŵopele aŵo eŵakamuŵatisyeni muMupasi Uswetelele namumulilo. 17Necakupekula-ko caŵo cili muminwe yaŵo, icakuswesya-po bwino pacilupwilo caŵo, nekuloŋgela tiligu muŵutala bwaŵo; sombi imisuŋgu ŵakayoca mumulilo uwakuŵulo'kusimika.
18Nefyakuŵacenjesya fimbi ifinji aliŵulisisye iceŵo iciweme kuŵantu. 19Sombi Elode impemba yalisininwe kuli ye pakuti pali Elodya, umukasi wamukwaŵo, napakuti pafiŵipile ifyo fyonse ifi acitile Elode; 20lomba yalilundile-po' pali fyefyo fyonse, ukumwisalila Yoane mwikati.
21Lomba ili ŵasilile aŵantu ŵonse ukuŵatisiwa, ŵaYesu naŵo ŵaliŵatisiwe, nekutembela, peŋka neulu nekwisuka; 22neMupasi Uswetelele nekuŵaselucila nemekalilo amuŵili waŵuciŵa, nesiwi nalyo lyalifumine kwiulu ati: Weŵo uli mwana wanji untemenwe: muli weŵo emo ndukusaŋgalala.
23NaŵaYesu aŵene, ili ŵataticile ukusambisya, yalikumene imyaka yaŵo koti makumi ata tu; ŵo (koti nifyefyo ifi walukutaŋguluka) ŵana ŵakwe Josefi, uwa kwe Eli, 24umwana wakwe Matato, umwana wakwe Lefai, umwana wakwe Melici, umwana wakwe Jana, umwana wakwe Josefi, 25umwana wakwe Matatia, umwana wakwe Amosi, umwana wakwe Naumi, umwana wakwe Esili, umwana wakwe Nagai, 26umwana wakwe Maati, umwana wakwe Matatia, umwana wakwe Simyai, umwana wakwe Josefi, umwana wakwe Juda, 27umwana wakwe Joana, umwana wakwe Leesa, umwana wakwe Selubabeli, umwana wakwe Salatieli, umwana wakwe Neli, 28umwana wakwe Melici, umwana wakwe Adi, umwana wakwe Kosamu, umwana wakwe Elimodama, umwana wakwe Elu, 29umwana wakwe Yose, umwana wakwe Elyesa, umwana wakwe Yolimu, umwana wakwe Matato, umwana wakwe Lefai, 30umwana wakwe Simvoni, umwana wakwe Juda, umwana wakwe Josefi, umwana wakwe Yonani, umwana wakwe Elyacimu, 31umwana wakwe Melea, umwana wakwe Menani, umwana wakwe Matata, umwana wakwe Natani, umwana wakwe Dafidi, 32umwana wakwe Jese, umwana wakwe Obedi, umwana wakwe Boasi, umwana wakwe Salimoni, umwana wakwe Nasyoni, 33umwana wakwe Aminadabi, umwana wakwe Alama, umwana wakwe Esilomi, umwana wakwe Pelesi, umwana wakwe Juda, 34umwana wakwe Yakobi, umwana wakwe Isaci, umwana wakwe Ablaamu, umwana wakwe Tela, umwana wakwe Nako, 35umwana wakwe Saluci, umwana wakwe Laga, umwana wakwe Paleci, umwana wakwe Ebeya, umwana wakwe Syela, 36umwana wakwe Kainani, umwana wakwe Afakesadi, umwana wakwe Syemu, umwana wakwe Noa, umwana wakwe Lemeci, 37umwana wakwe Metusala, umwana wakwe Enoci, umwana wakwe Yaledi, umwana wakwe Malalyeli, umwana wakwe Kainani, 38umwana wakwe Enosi, umwana wakwe Seti, umwana wakwe Adama, umwana waŵaLesa.
Currently Selected:
Luku 3: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Luku 3
3
1Lomba pamwaka wekumi naisanu uwaŵufumu bwakwe Tibelyo Kaisa, lomba Pontyo Pilati emwikalicisi wapacalo caludiya, naElode naye nimpemba yapacalo caGalili, naFilipo umukwaŵo naye nimpemba yapacalo caliulaya naTilakonite, naLusanya naye nimpemba yapaAbilene, 2pampindi yaŵupapatilisi uŵukulu bwaŵaAnasi naKayafa, isiwi lyaŵaLesa lyaliisile kuli Yoane, umwana wakwe Sakaliya, ili ali mumpaŋga. 3Peŋka alificile monse mucalo icasiŋgulucile kujodeni, ili atulisya ukuŵatisya ukwakulapila ukwakulekelela ifyakuŵifya; 4koti nifyopele'fyo ifyalembelwe mwi buku lyamasiwi akwe Yisaya uwakusimika ati:
Isiwi lyaulukuŵilicisya mumpaŋga ati:
Wamyeni umwakupita ŵaSikulu,
Mulunjike nensila syaŵo.
5Imikolo yonse ikasikama;
Amapili onse netupili tonse tukaŵasamikwa;
Insila isiŵeyeme sikaŵa siluŋgeme,
Nesyafiŋkolonto nasyo sikaŵa sitesimine;
6Kaŵili aŵantunsi ŵonse ŵakaŵona ukupulusya kwaŵaLesa.
7Pakuti pali fyefyo epo alaŵilile kumaŵumba aŵaŵo aŵaile mukuŵatisiwa kuli ye ati: Mweŵana ŵaŵamakata, mbaninani uwamucenjesyeni ati muŵutuke ukupuluka kuŵukali uŵukesa? 8Kamwikata lomba ifisepo ifyelelwe ifyakulapila; mwilukutatika ukulaŵila mumitima yenu ati: Tuli naAblaamu ŵisifwe! pakuti ndukumuŵuleni ati ŵaLesa eŵesi ukuŵusya kumabwe aya aŵana kuli Ablaamu. 9Naŵukumo ŵonse akatemo kali kumisyu yamiti: peŋka imiti yonse utaulukwikata ifisepo ifiweme ulatemwa nekuposwa mumulilo.
10Peŋka amaŵumba alimwipwisye ati: Ŋgatucite syani lomba? 11Naye nekuŵaasucila ati: Uyo uli neminjila iŵili ŋgaamupele-po uyo utaakwete; nawoyo uli nefyakulya ŋgaacite fyopele'fyo. 12Popele ŵaliisile newasoŋkesi mukuŵatisiwa, naŵo ŵalilaŵile kuli ye ati: Mweŵasambisi mbafweŵo, tucite syani? 13Naye nekuŵeŵa ati: Tekulukuŵapanjila aŵantu ukucisya-po pali syesyo isyansicilwe kuli mweŵo. 14Nefita nafyo fyalimwipwisye ati: Mbafweŵo, tucite syani? Naye nekufyeŵa ati: Tekulukucito'ŵumpuwa kuŵantu ŵonse neli umo, neli kuŵaŵepesya; nakaŵili tekulukuteŋga ifyakulambulwa fyenu.
15Peŋka aŵantu ili yalukukutika imitima yaŵo, naŵo ŵonse nekulukwalakanya mumitima yaŵo ifyakwe Yoane, kani ye niŵaKlistu, 16eli Yoane aŋgaŵaasucila ŵonse ati: Neŵo icine ndukumuŵatisyeni mumenda; sombi ŵakesa aŵancilile neŵo, ulusiŋga lwaŋkwawilo syaŵo nsielelwe ukulukakulula: ŵopele aŵo eŵakamuŵatisyeni muMupasi Uswetelele namumulilo. 17Necakupekula-ko caŵo cili muminwe yaŵo, icakuswesya-po bwino pacilupwilo caŵo, nekuloŋgela tiligu muŵutala bwaŵo; sombi imisuŋgu ŵakayoca mumulilo uwakuŵulo'kusimika.
18Nefyakuŵacenjesya fimbi ifinji aliŵulisisye iceŵo iciweme kuŵantu. 19Sombi Elode impemba yalisininwe kuli ye pakuti pali Elodya, umukasi wamukwaŵo, napakuti pafiŵipile ifyo fyonse ifi acitile Elode; 20lomba yalilundile-po' pali fyefyo fyonse, ukumwisalila Yoane mwikati.
21Lomba ili ŵasilile aŵantu ŵonse ukuŵatisiwa, ŵaYesu naŵo ŵaliŵatisiwe, nekutembela, peŋka neulu nekwisuka; 22neMupasi Uswetelele nekuŵaselucila nemekalilo amuŵili waŵuciŵa, nesiwi nalyo lyalifumine kwiulu ati: Weŵo uli mwana wanji untemenwe: muli weŵo emo ndukusaŋgalala.
23NaŵaYesu aŵene, ili ŵataticile ukusambisya, yalikumene imyaka yaŵo koti makumi ata tu; ŵo (koti nifyefyo ifi walukutaŋguluka) ŵana ŵakwe Josefi, uwa kwe Eli, 24umwana wakwe Matato, umwana wakwe Lefai, umwana wakwe Melici, umwana wakwe Jana, umwana wakwe Josefi, 25umwana wakwe Matatia, umwana wakwe Amosi, umwana wakwe Naumi, umwana wakwe Esili, umwana wakwe Nagai, 26umwana wakwe Maati, umwana wakwe Matatia, umwana wakwe Simyai, umwana wakwe Josefi, umwana wakwe Juda, 27umwana wakwe Joana, umwana wakwe Leesa, umwana wakwe Selubabeli, umwana wakwe Salatieli, umwana wakwe Neli, 28umwana wakwe Melici, umwana wakwe Adi, umwana wakwe Kosamu, umwana wakwe Elimodama, umwana wakwe Elu, 29umwana wakwe Yose, umwana wakwe Elyesa, umwana wakwe Yolimu, umwana wakwe Matato, umwana wakwe Lefai, 30umwana wakwe Simvoni, umwana wakwe Juda, umwana wakwe Josefi, umwana wakwe Yonani, umwana wakwe Elyacimu, 31umwana wakwe Melea, umwana wakwe Menani, umwana wakwe Matata, umwana wakwe Natani, umwana wakwe Dafidi, 32umwana wakwe Jese, umwana wakwe Obedi, umwana wakwe Boasi, umwana wakwe Salimoni, umwana wakwe Nasyoni, 33umwana wakwe Aminadabi, umwana wakwe Alama, umwana wakwe Esilomi, umwana wakwe Pelesi, umwana wakwe Juda, 34umwana wakwe Yakobi, umwana wakwe Isaci, umwana wakwe Ablaamu, umwana wakwe Tela, umwana wakwe Nako, 35umwana wakwe Saluci, umwana wakwe Laga, umwana wakwe Paleci, umwana wakwe Ebeya, umwana wakwe Syela, 36umwana wakwe Kainani, umwana wakwe Afakesadi, umwana wakwe Syemu, umwana wakwe Noa, umwana wakwe Lemeci, 37umwana wakwe Metusala, umwana wakwe Enoci, umwana wakwe Yaledi, umwana wakwe Malalyeli, umwana wakwe Kainani, 38umwana wakwe Enosi, umwana wakwe Seti, umwana wakwe Adama, umwana waŵaLesa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.