Luku 5
5
1Peŋka'po ili alukuŵasinincisya amaŵumba aŵantu nekulukumfwa amasiwi aŵaLesa, lomba ŵaYesu ŵaliimakene kumbali yacisiŵa caGenesaleti; 2naŵo ŵalibwene amato aŵili aikele kumumba yacisiŵa, sombi aŵakwikasye'saŵi kale ŵafumine-mo muli o, nekulukusamfya utombe twaŵo. 3Peŋka ŵaliicile mubwato ŵumbi ubwakwe Simoni, nekumuŵula ati—Tesesyo'bwato panini mumenda! Peŋka kaŵekala nekulukusambisya amaŵumba ayo mubwato, 4Lomba, ili ŵalekele ukulaŵila, miilaŵile kuli Simoni ati: Kawoŵa, tufike kumenda atali, uteye utombe toŵe, utuku lumu ne. 5Simoni naye aliŵaasucile ati: MweŵaSikulu twalukupyuŋga uŵusiku ŵonse, tatwaikesye-po neli kantu: naŋgawa nifyefyo, pakuti pesiwi lyenu, nakuteyo'tombe. 6Peŋka ili ŵacitile' fyo, ŵaliikesye amasaŵi aenji makosa, netombe twawo twalukufwayo'kuputaka; 7eli ŵacebwile aŵaŵyaŵo aŵali mubwato ŵumbi ati—Iseni, mutofwe-ko, Naŵaŵo ŵaliisile, nekwisusya amato oŵilo, lomba amato nekutatiko'kwiŵila. 8Sombi Simoni Petilo, ili abwene'fyo, aliwilile pansi mu ceni caŵaYesu, nekulaŵila ati: Fumeni-po pali neŵo; pakuti ndi muntu wakuŵifya, mweŵaSikulu! 9Pakuti alikaŋkamene, naŵaŵo ŵonse aŵo ali nawo, pakuti pakukulumuna kwamasaŵi ayo aŵaikesye; 10fyopele' fyo naJakobo naYoane, aŵana ŵakwe Sebedai, aŵalukofwana nakwe Simoni. Sombi ŵaYesu ŵalilaŵile kuli Simoni ati: Witina; ukufuma kumpindi ino wakulukwikasya'ŵantu. 11Eli ŵaletele amato aŵo kumutunta, naŵo nekuleka fyonse, nekulukuŵalonda ŵaYesu.
12Lomba, ili ŵali mumusi mumbi, emwali nemuntu uwamanata aenji: peŋka, ili aŵabwene ŵaYesu, aliwile ubwifuneme, nekulukuŵakombetela ati: MweŵaSikulu, kani mulukufwaya, muliisi ukumposya ifilonda. 13Naŵo ŵalitambicile ukuŵoko kwaŵo, nekumutintila-po, nekulaŵila ati: Ndukufwaya! Fipole! Peŋka nemanata nekupulilila ukupola. 14Lomba ŵalimufundile ati: Tekuŵula neli muntu: sombi uye, ulibwenesye kumupapatilisi, ukapose nemulambu pakuti pakusweta koŵe, koti mafunde akwe Mose, akesiŵilo kuli ŵo. 15Sombi impupo isyakuli ŵo syaliumfwanicile ukwakuti: nemaŵumba aŵantu akulu aliwuŋgene mukumfwa, nekuŵusiwa kumalwele aŵo; 16sombi ŵaYesu ŵalikumbulucile ukuya mumpaŋga, nekulukutembela.
17Lomba akasuŵa kambi akansiku isyo, ŵalukuŵasambisya aŵantu; neŵaFalisi neŵamano amumafunde naŵo ŵaliikele apepi, aŵafumine kumisi yonse iyamucalo caGalili neca Iudiya, nakuJelusalemi; nemakosa aŵaSikulu ŵali nao akuŵaŵusya. 18Lomba aŵantu ŵaliletele paŵulo umuntu ukonaicile, nekwesya ukumwinjisya mukumulalika pamenso aŵo. 19Peŋka, pakuŵulo'kuŵona apakumwinjisisya, pakuti pewumbe'lvo, ŵalininine peulu pananda nekumwinjisisya pacipense pancelwa isyakumutenje, nekumuselusya newulo bwakwe pakati paŵantu pamenso aŵaYesu. 20Peŋka, ili ŵabwene ukucetekela kwaŵo, ŵaYesu ati: Wemuntu, ifyakuŵifya fyoŵe fyafitulucilwa kuli weŵo. 21Lomba aŵalembesi neŵaFalisi nawowalitaticile ukwipusyansyanya ati: Mbaninani uyu ulukulaŵila ifyamucobwe? Mbaninani uwisi ukufitulucila ifyakuŵifya, sombi niŵaLesa ŵeŋka? 22Sombi ŵaYesu, ili ŵaisiŵile ukwalakanya kwaŵo, ŵaliŵaasucile ati: Mbafindo mulukwalakanya mumitima yenu? 23Mbacindo icapepi icakulaŵila, kani kulaŵila ati—Ifyakuŵifya fyoŵe fyafitulucilwa! kani ati—Ŵuka, wende? 24Sombi ati mwisiŵe ati Umwana waMuntunsi ali nemakosa pansi pano akufitulucila ifyakuŵifya (alilaŵile kuli woyo ukonaicile ati): ndukukuŵula ati—Ŵuka, uŵule neŵulo ŵoŵe, ulukuya kunanda yoŵe! 25Impindi iyo yopele aliŵucile pamenso paŵo, nekuŵula naceco ici alele-po, nekukumbuluka ukulukuya kunanda yakwe, ili alemya ŵaLesa. 26Lomba ŵonse ŵalikaŋkamene ukwakuti, nekulukuŵalemya ŵaLesa; kaŵili ŵaliŵele nekutina, nekulaŵila ati: Twaŵona ifyakukaŋkamika lelo!
27Panuma yafintu ifyo ŵaYesu ŵalifumine nekusaŋgana umusoŋkesi, isina lyakwe niLefai, uwalukwikala pamupunda wamusoŋko, nekulaŵila kuli ye ati: Undonde! 28Naye alilekele fyonse, nekwima nekulukuŵalonda. 29Lomba Lefai aliŵacitile icitenje icikulu muŋanda yakwe: neŵumba ilikulu lyaŵasoŋkesi naŵambi naŵo ŵalukwikala ukulukulya pamo naŵo. 30Sombi aŵaFalisi neŵalembesi ŵaŵo walilinŵinwisisye kuŵasambile ŵaŵo ati: Mbanindo mulukulila nekunwa pamo newasoŋkesi nembifi? 31Peŋka ŵaYesu waliwaasucile ati: Aŵakosele taŵafwaya-mulaye, sombi aŵo aŵalukutenda eŵafwayo'mulaye. 32Nsiisile mukuŵeta awaluŋgeme, sombi ŵakuŵifya ati ŵaaluke.
33Naŵo ŵalilaŵile kuli ŵo ati: Aŵasambile ŵakwe Yoane ŵalukulikanyo' kulya liŵili liŵili nekulukupapatila kuli ŵaLesa, fyopele'fyo neŵaŵaFalisi; sombi aŵenu ŵalalya nekulukunwa. 34Lomba ŵaYesu ŵalilaŵile kuli ŵo ati: Kani muliisi ukuŵakanyo'kulya aŵantu aŵetilwe kuwuufi, ili acili nawouwakuupa? 35Sombi insiku isyo sikesa, newakuupa ŵakamufumya kuli ŵo, eli ŵakalikanyo'kulya insiku isyo.
36Kaŵili ŵalipalakenye kuli ŵo ati: Tapali-po umuntu ukwamuna iciŵambi kucakufwala icaŵukumo, nekuŵambika pacakufwala icakale; eŋgesa mukukwamala icaŵukumo, nakaŵili neciŵambi icaŵukumo ciiŋgesa-kuwula ukwikala bwino necakale. 37Nakaŵili papo'muntu uwitila-mo imfaina syaŵukumo mufikoko fyakale, siiŋgesa mukutoŵesya ifikoko imfaina syaŵukumo, nasyesyo isine nekusempaka, nefikoko nafyo nekufwa. 38Sombi imfaina syaŵukumo silielelwe ukwi tila mufikoko fyaŵukumo. 39Nakaŵili papo'muntu, uwanwine imfaina syakale, ulukufwaya isyaŵukumo: pakuti alalaŵila ati—Isyakale siliweme!
Currently Selected:
Luku 5: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Luku 5
5
1Peŋka'po ili alukuŵasinincisya amaŵumba aŵantu nekulukumfwa amasiwi aŵaLesa, lomba ŵaYesu ŵaliimakene kumbali yacisiŵa caGenesaleti; 2naŵo ŵalibwene amato aŵili aikele kumumba yacisiŵa, sombi aŵakwikasye'saŵi kale ŵafumine-mo muli o, nekulukusamfya utombe twaŵo. 3Peŋka ŵaliicile mubwato ŵumbi ubwakwe Simoni, nekumuŵula ati—Tesesyo'bwato panini mumenda! Peŋka kaŵekala nekulukusambisya amaŵumba ayo mubwato, 4Lomba, ili ŵalekele ukulaŵila, miilaŵile kuli Simoni ati: Kawoŵa, tufike kumenda atali, uteye utombe toŵe, utuku lumu ne. 5Simoni naye aliŵaasucile ati: MweŵaSikulu twalukupyuŋga uŵusiku ŵonse, tatwaikesye-po neli kantu: naŋgawa nifyefyo, pakuti pesiwi lyenu, nakuteyo'tombe. 6Peŋka ili ŵacitile' fyo, ŵaliikesye amasaŵi aenji makosa, netombe twawo twalukufwayo'kuputaka; 7eli ŵacebwile aŵaŵyaŵo aŵali mubwato ŵumbi ati—Iseni, mutofwe-ko, Naŵaŵo ŵaliisile, nekwisusya amato oŵilo, lomba amato nekutatiko'kwiŵila. 8Sombi Simoni Petilo, ili abwene'fyo, aliwilile pansi mu ceni caŵaYesu, nekulaŵila ati: Fumeni-po pali neŵo; pakuti ndi muntu wakuŵifya, mweŵaSikulu! 9Pakuti alikaŋkamene, naŵaŵo ŵonse aŵo ali nawo, pakuti pakukulumuna kwamasaŵi ayo aŵaikesye; 10fyopele' fyo naJakobo naYoane, aŵana ŵakwe Sebedai, aŵalukofwana nakwe Simoni. Sombi ŵaYesu ŵalilaŵile kuli Simoni ati: Witina; ukufuma kumpindi ino wakulukwikasya'ŵantu. 11Eli ŵaletele amato aŵo kumutunta, naŵo nekuleka fyonse, nekulukuŵalonda ŵaYesu.
12Lomba, ili ŵali mumusi mumbi, emwali nemuntu uwamanata aenji: peŋka, ili aŵabwene ŵaYesu, aliwile ubwifuneme, nekulukuŵakombetela ati: MweŵaSikulu, kani mulukufwaya, muliisi ukumposya ifilonda. 13Naŵo ŵalitambicile ukuŵoko kwaŵo, nekumutintila-po, nekulaŵila ati: Ndukufwaya! Fipole! Peŋka nemanata nekupulilila ukupola. 14Lomba ŵalimufundile ati: Tekuŵula neli muntu: sombi uye, ulibwenesye kumupapatilisi, ukapose nemulambu pakuti pakusweta koŵe, koti mafunde akwe Mose, akesiŵilo kuli ŵo. 15Sombi impupo isyakuli ŵo syaliumfwanicile ukwakuti: nemaŵumba aŵantu akulu aliwuŋgene mukumfwa, nekuŵusiwa kumalwele aŵo; 16sombi ŵaYesu ŵalikumbulucile ukuya mumpaŋga, nekulukutembela.
17Lomba akasuŵa kambi akansiku isyo, ŵalukuŵasambisya aŵantu; neŵaFalisi neŵamano amumafunde naŵo ŵaliikele apepi, aŵafumine kumisi yonse iyamucalo caGalili neca Iudiya, nakuJelusalemi; nemakosa aŵaSikulu ŵali nao akuŵaŵusya. 18Lomba aŵantu ŵaliletele paŵulo umuntu ukonaicile, nekwesya ukumwinjisya mukumulalika pamenso aŵo. 19Peŋka, pakuŵulo'kuŵona apakumwinjisisya, pakuti pewumbe'lvo, ŵalininine peulu pananda nekumwinjisisya pacipense pancelwa isyakumutenje, nekumuselusya newulo bwakwe pakati paŵantu pamenso aŵaYesu. 20Peŋka, ili ŵabwene ukucetekela kwaŵo, ŵaYesu ati: Wemuntu, ifyakuŵifya fyoŵe fyafitulucilwa kuli weŵo. 21Lomba aŵalembesi neŵaFalisi nawowalitaticile ukwipusyansyanya ati: Mbaninani uyu ulukulaŵila ifyamucobwe? Mbaninani uwisi ukufitulucila ifyakuŵifya, sombi niŵaLesa ŵeŋka? 22Sombi ŵaYesu, ili ŵaisiŵile ukwalakanya kwaŵo, ŵaliŵaasucile ati: Mbafindo mulukwalakanya mumitima yenu? 23Mbacindo icapepi icakulaŵila, kani kulaŵila ati—Ifyakuŵifya fyoŵe fyafitulucilwa! kani ati—Ŵuka, wende? 24Sombi ati mwisiŵe ati Umwana waMuntunsi ali nemakosa pansi pano akufitulucila ifyakuŵifya (alilaŵile kuli woyo ukonaicile ati): ndukukuŵula ati—Ŵuka, uŵule neŵulo ŵoŵe, ulukuya kunanda yoŵe! 25Impindi iyo yopele aliŵucile pamenso paŵo, nekuŵula naceco ici alele-po, nekukumbuluka ukulukuya kunanda yakwe, ili alemya ŵaLesa. 26Lomba ŵonse ŵalikaŋkamene ukwakuti, nekulukuŵalemya ŵaLesa; kaŵili ŵaliŵele nekutina, nekulaŵila ati: Twaŵona ifyakukaŋkamika lelo!
27Panuma yafintu ifyo ŵaYesu ŵalifumine nekusaŋgana umusoŋkesi, isina lyakwe niLefai, uwalukwikala pamupunda wamusoŋko, nekulaŵila kuli ye ati: Undonde! 28Naye alilekele fyonse, nekwima nekulukuŵalonda. 29Lomba Lefai aliŵacitile icitenje icikulu muŋanda yakwe: neŵumba ilikulu lyaŵasoŋkesi naŵambi naŵo ŵalukwikala ukulukulya pamo naŵo. 30Sombi aŵaFalisi neŵalembesi ŵaŵo walilinŵinwisisye kuŵasambile ŵaŵo ati: Mbanindo mulukulila nekunwa pamo newasoŋkesi nembifi? 31Peŋka ŵaYesu waliwaasucile ati: Aŵakosele taŵafwaya-mulaye, sombi aŵo aŵalukutenda eŵafwayo'mulaye. 32Nsiisile mukuŵeta awaluŋgeme, sombi ŵakuŵifya ati ŵaaluke.
33Naŵo ŵalilaŵile kuli ŵo ati: Aŵasambile ŵakwe Yoane ŵalukulikanyo' kulya liŵili liŵili nekulukupapatila kuli ŵaLesa, fyopele'fyo neŵaŵaFalisi; sombi aŵenu ŵalalya nekulukunwa. 34Lomba ŵaYesu ŵalilaŵile kuli ŵo ati: Kani muliisi ukuŵakanyo'kulya aŵantu aŵetilwe kuwuufi, ili acili nawouwakuupa? 35Sombi insiku isyo sikesa, newakuupa ŵakamufumya kuli ŵo, eli ŵakalikanyo'kulya insiku isyo.
36Kaŵili ŵalipalakenye kuli ŵo ati: Tapali-po umuntu ukwamuna iciŵambi kucakufwala icaŵukumo, nekuŵambika pacakufwala icakale; eŋgesa mukukwamala icaŵukumo, nakaŵili neciŵambi icaŵukumo ciiŋgesa-kuwula ukwikala bwino necakale. 37Nakaŵili papo'muntu uwitila-mo imfaina syaŵukumo mufikoko fyakale, siiŋgesa mukutoŵesya ifikoko imfaina syaŵukumo, nasyesyo isine nekusempaka, nefikoko nafyo nekufwa. 38Sombi imfaina syaŵukumo silielelwe ukwi tila mufikoko fyaŵukumo. 39Nakaŵili papo'muntu, uwanwine imfaina syakale, ulukufwaya isyaŵukumo: pakuti alalaŵila ati—Isyakale siliweme!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.