Luku 7
7
1Lomba ili ŵasilile ifyakulaŵila fyaŵo fyonse apomfwanicile kuŵantu, ŵaliinjile muKapanaumi.
2Peŋka umuntu wacilolo cimbi icafita, ucatemenwe, alukutenda, nekupalamina ukufwa. 3Peŋka ili caumfwile ifyaŵaYesu, calitumine kuli ŵo aŵakulu ŵaŵaJuda, mukuŵalomba ati—Iseni, mumupulusye umuntu wanji. 4Naŵo pakufika kuli ŵaYesu, ŵaliŵakombetele nemuŋkonsya ati: Co cilielelwe ati mucicitile' fi! 5Pakuti cilukutemwa umusyoŵo wesu, nakaŵili icine calitwiŵacile isunagoge lyesu. 6Naŵo ŵaYesu ŵaliile naŵo. Peŋka ili ŵapalamine kunanda, icilolo ico calitumine aŵaŵyakwe kuli ŵo, nekulaŵila kuli ŵo ati: MweŵaSikulu, mwilukulikatasya; pakuti neŵo nsielelwe ati mwinjile muŋanda yanji. 7Pakuti pali fyefyo, nsilieŵele ati neŵo ndielelwe ukwisa kuli mweŵo; sombi mulaŵile lukoso isiwi, peŋka umuntu wanji akuŵuka. 8Pakuti naneŵo ndi muntu ukomekelwe kuŵukulu, nekulukuŵekalika aŵasilikani; peŋka ndalaŵila kuli woyo ati: Koya! naye nekuya; nakuli umbi ati: Isa! naye nekwisa; nakaŵili nakumupyunjisi wanji ati: Cite' fi! naye nekuficita. 9Lomba ŵaYesu, ili ŵaumfwile'fyo, ŵalikaŋkamene pakuti pali ye, nekusyololoka, nekulaŵila kwiŵumba lyaŵantu aŵalukuŵalonda, ati: Ndukumuŵuleni ati: Nsiŋgawona-po ukucetekela ukukulu ukwakuŵe'fi, koku neli nimuŵaIsilaeli! 10Peŋka aŵo aŵatuminwe ŵalibwelele kunanda, nekumusaŋgana umupyunjisi wawuka.
11Lomba pantanjile panini paliŵele ati ŵaliile kumusi umbi, isina lyauo niNaini; neŵasambile ŵaŵo naŵo ŵaliile naŵo, pamo neŵumba lyaŵantu ilikulu. 12Peŋka ili ŵapalamine kumulyaŋgo wakumusi, kuŵona alitembelwe ukumufumya umuntu ufwile, umwana uwafyelwe eŋka kuli ŵanyina, naŵo ŵanyina niŵamukamfwilwe; nakaŵili aŵantu aŵenji aŵamumusi ŵali naŵo. 13Lomba ŵaSikulu, ili ŵaŵabwene, ŵaliŵele neŋkumbu pali ŵo, nekulaŵila kuli ŵo ati: Wilukulila. 14Naŵo nekupalamina, nekutintila-po pamuseŵa; peŋka aŵo aŵapintile nekwimakana. Naŵo ŵaSikulu ati: Wemusaŋkwa ndukukuŵula ati: Ŵuka! 15Peŋka uyo uwafwile alianducile, nekutatiko'kulaŵila. Naŵo nekumupela kuli ŵanyina. 16Lomba ŵonse ŵaliŵele nemwenso, nekulukuŵalemya ŵaLesa, ati: Uwakusimika umukulu aŵuka pakati pali fweŵo: ŵaLesa ŵaisa mukuŵona aŵantu ŵaŵo. 17Lomba impupo syaŵo syaliumfwanicile nekukumana monse mucalo ca Iudiya namumitala iyasiŋgulucile.
18Popele aŵasambile ŵakwe Yoane ŵalimuŵulile Yoane ifyafintu ifyo fyonse. 19Lomba Yoane aliŵetile aŵasambile ŵakwe ŵambi ŵaŵili, nekuŵatuma kuli ŵaSikulu, mukulaŵila ati—Kani muli ŵaŵo aŵasimicilwe ati ŵakesa? Kani tupembelele ŵambi naŵo? 20Peŋka pakufika kuli ŵo aŵantu aŵo, ŵalilaŵile ati: ŴaYoane aŵakuŵatisya ŵatutuma fweŵo kuli mweŵo, mukulaŵila ati—Kani muli ŵaŵo aŵasimicilwe ati ŵakesa? Kani tupembelele ŵambi naŵo? 21Impindi iyo yopele ŵaYesu ŵaliŵusisye aŵenji aŵalukutenda amalwele nemyalo nemipasi iŵipile, nempofu isinji ŵalisipele ukulaŵa. 22Naŵo ŵaliŵaasucile ati: Kamuyeni, muŵaŵule ŵaYoane ifyafintu ifi ifi mwaŵona nekumfwa: impofu silukupoka ukulaŵa kwasisyo, nefilema nafyo filukwenda, neŵamanata naŵo ifilonda fyaŵo filukupola, neŵasincile amatwi naŵo ŵalukumfwa, neŵafwile naŵo ŵalukuŵusiwa, neŵapeŋgele naŵo ŵalukuŵulisisiwa iceŵo iciweme. 23Alisyucile uyo utaakaŵona muli neŵo icakumucicila.
24Peŋka, ili syakumbulucile iŋkalamba syakwe Yoane, ŵaYesu ŵalitaticile ukulaŵila kumaŵumba ifyakwe Ycane ati: Mbanindo mwailile mumpaŋga mukuwona? Kani litete ilyateŋkene kucipupu? 25Sombi mbanindo mwailile mukuŵona? Kani muntu ufwite ifyakufwala ifinacile? Umfweni, aŵo aŵafwala ifyacilola nekulukwikala ifiweme fyeŋka, ŵalekala pamansa syamfumu. 26Sombi mbanindo mwailile mukuŵona? Kani wakusimika? Inya, ndukumuŵuleni ati wakucilo'kwakuti napawakusimika! 27Uyu ewoyo ifyakwe fyalembelwe ati—
Ŵona! Ndukutuma iŋkalamba yanji pamenso oŵe,
Yopele'vo eikaansike'nsila ukukutanjilila.
28Ndukumuwuleni ati pali ŵaŵo aŵafyelwe kuŵanakasi, tapali-po ucilile Yoane neli umo; naŋgawe'fyo uyo munini lukoso muŵufumu bwaŵaLesa, uyo eucilile pali ye. 29Lomba neŵantu ŵonse, ili ŵaumfwile, pamo newasoŋkesi, ŵaliŵasumine ŵaLesa ati ŵaliluŋgeme, pakuti ŵaliŵatisiwe kukuŵatisya kwakwe Yoane. 30Sombi aŵaFalisi neŵamano amumafunde ŵalilikenye ukufunda kwaŵaLesa, nekuŵulo'kuŵatisiwa kuli ye.
31Mbasyani lomba nakuŵapalanya aŵantu aŵacitentekwa cino; nakaŵili findo ifi ŵapalile? 32Ŵalipalile aŵanice aŵalukwikala paluŵansa lwakuulila-po, nekulukwitana, nekulaŵila ati: Fweŵo twalukumulisisyeni imisembe, sombi mweŵo ukusyana mweŵone; twalukulile'misowa fweŵo, sombi mweŵo ukulila mweŵone! 33Pakuti Yoane uwakuŵatisya aliisile uwakuŵulo'kulya siŋkwa neli kunwa-po imfaina, woyu; peŋka mulalaŵila ati—Ali neciŵanda! 34NeMwana waMuntunsi naye aliisile uwakulya nekulukunwa; peŋka mulalaŵila ati—Ŵoneni-ko! Uyu nipumpunta, ulukunwe'mfaina, ciŵusa cawasoŋkesi nembifi! 35Sombi amano alisuminwe ati aliluŋgeme kuŵana ŵaako ŵonse.
36Lomba umbi umuFalisi alukufwaya ati ŵalye nakwe. Popele ŵaYesu ŵaliinjile muŋanda yamuFalisi uyo, nekusamina ukulukulya. 37Lomba emwali mu musi umwanakasi uwakuwifya; nave, ili aisiŵile ati ŵalisamine ukulukulya muŋanda yamuFalisi uyo, aliletele umusasi waalabasita uwamafuta anuncile bwino; 38peŋka nekwiminina kunuma kumakasa aŵo, nekulukulila; nekutatika ukutontosya amakasa a ŵo neminsosi yakwe, nekulukwisumuna-ko kumisisi yamumutwi wakwe, nekufyonta-ko kumakasa aŵo, nekusufya-ko nemafuta ayo.
39Popele umuFalisi uyo uwaŵetile, ili abwene'fyo, alilaŵile mumutima wakwe ati: Uyu-muntu, ŋga ali wakusimika, ŋga kale amwisiŵa umwanakasi uyu ulukumukuma-ko, amekalilo akwe, ati ye wakuŵifya. 40Naŵo ŵaYesu ŵalimwasucile ati: Simoni, ndi neceŵo icakulaŵila kuli weŵo. Kumfwa naye ati: MweŵaSambisi, kamulaŵila! 41Kumfwa ati: Umbi umuntu uwakwapwisya ali neŵamyapu ŵaŵili: umbi ali nemwapu wandalama imyanda isanu, naumbi naye indalama amakumi asanu. 42Peŋka, ili taŵakwete ifyakumufuta, aliŵalekelele ŵoŵilo. Pakuti pali fyefyo, paŵantu aŵo mbaninani ukalukumutemwa ukwakucila? 43Simoni naye aliŵaasucileati: Niwoyo, eundukulaŋguluka, uyu alekelele isyakucila. Naŵo nekulaŵila kuli ye ati: Walunjika. 44Peŋka ŵalisyolokele kumwanakasi, nekulaŵila kuli Simoni ati: Waŵona umwanakasi uyu? Nainjila muno muŋanda yoŵe; taumpele-po amenda akumakasa anji; sombi ye atontosya amakasa anji kuminsosi yakwe, nekwisumuna-po kumisisi yakwe. 45Weŵo taumfyontele-po; sombi ye ukufuma kumpindi iyo nainjila, taaŋgaleka ukufyonta-ko kumakasa anji, 46Weŵo taunsufisye-po amafuta kumutwi wanji; sombi ye ansufya kumakasa amafuta anuncile bwino. 47Pakuti pali fyefyo, ndukukuŵula ati ifyakuŵifya fyakwe ifili finji fyafitulucilwa; pakuti alukutemwo'kwakuti; sombi uwafitulucilwa panini ewopele uli neŵutemwe uŵuee. 48Naŵo ŵalilaŵile kumwanakasi ati: Ifyakuŵifya fyoŵe fyafitulucilwa. 49Peŋka aŵo aŵasamine ukulukulya naŵo, ŵalitaticile ukulaŵila mumitima yaŵo ati: Mbaninani uyu ulukufitulucila nefyakuŵifya? 50Naŵo ŵalilaŵile kumwanakasi ati: Ukucetekela koŵe kwakupulusya; koya neŵutende.
Currently Selected:
Luku 7: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Luku 7
7
1Lomba ili ŵasilile ifyakulaŵila fyaŵo fyonse apomfwanicile kuŵantu, ŵaliinjile muKapanaumi.
2Peŋka umuntu wacilolo cimbi icafita, ucatemenwe, alukutenda, nekupalamina ukufwa. 3Peŋka ili caumfwile ifyaŵaYesu, calitumine kuli ŵo aŵakulu ŵaŵaJuda, mukuŵalomba ati—Iseni, mumupulusye umuntu wanji. 4Naŵo pakufika kuli ŵaYesu, ŵaliŵakombetele nemuŋkonsya ati: Co cilielelwe ati mucicitile' fi! 5Pakuti cilukutemwa umusyoŵo wesu, nakaŵili icine calitwiŵacile isunagoge lyesu. 6Naŵo ŵaYesu ŵaliile naŵo. Peŋka ili ŵapalamine kunanda, icilolo ico calitumine aŵaŵyakwe kuli ŵo, nekulaŵila kuli ŵo ati: MweŵaSikulu, mwilukulikatasya; pakuti neŵo nsielelwe ati mwinjile muŋanda yanji. 7Pakuti pali fyefyo, nsilieŵele ati neŵo ndielelwe ukwisa kuli mweŵo; sombi mulaŵile lukoso isiwi, peŋka umuntu wanji akuŵuka. 8Pakuti naneŵo ndi muntu ukomekelwe kuŵukulu, nekulukuŵekalika aŵasilikani; peŋka ndalaŵila kuli woyo ati: Koya! naye nekuya; nakuli umbi ati: Isa! naye nekwisa; nakaŵili nakumupyunjisi wanji ati: Cite' fi! naye nekuficita. 9Lomba ŵaYesu, ili ŵaumfwile'fyo, ŵalikaŋkamene pakuti pali ye, nekusyololoka, nekulaŵila kwiŵumba lyaŵantu aŵalukuŵalonda, ati: Ndukumuŵuleni ati: Nsiŋgawona-po ukucetekela ukukulu ukwakuŵe'fi, koku neli nimuŵaIsilaeli! 10Peŋka aŵo aŵatuminwe ŵalibwelele kunanda, nekumusaŋgana umupyunjisi wawuka.
11Lomba pantanjile panini paliŵele ati ŵaliile kumusi umbi, isina lyauo niNaini; neŵasambile ŵaŵo naŵo ŵaliile naŵo, pamo neŵumba lyaŵantu ilikulu. 12Peŋka ili ŵapalamine kumulyaŋgo wakumusi, kuŵona alitembelwe ukumufumya umuntu ufwile, umwana uwafyelwe eŋka kuli ŵanyina, naŵo ŵanyina niŵamukamfwilwe; nakaŵili aŵantu aŵenji aŵamumusi ŵali naŵo. 13Lomba ŵaSikulu, ili ŵaŵabwene, ŵaliŵele neŋkumbu pali ŵo, nekulaŵila kuli ŵo ati: Wilukulila. 14Naŵo nekupalamina, nekutintila-po pamuseŵa; peŋka aŵo aŵapintile nekwimakana. Naŵo ŵaSikulu ati: Wemusaŋkwa ndukukuŵula ati: Ŵuka! 15Peŋka uyo uwafwile alianducile, nekutatiko'kulaŵila. Naŵo nekumupela kuli ŵanyina. 16Lomba ŵonse ŵaliŵele nemwenso, nekulukuŵalemya ŵaLesa, ati: Uwakusimika umukulu aŵuka pakati pali fweŵo: ŵaLesa ŵaisa mukuŵona aŵantu ŵaŵo. 17Lomba impupo syaŵo syaliumfwanicile nekukumana monse mucalo ca Iudiya namumitala iyasiŋgulucile.
18Popele aŵasambile ŵakwe Yoane ŵalimuŵulile Yoane ifyafintu ifyo fyonse. 19Lomba Yoane aliŵetile aŵasambile ŵakwe ŵambi ŵaŵili, nekuŵatuma kuli ŵaSikulu, mukulaŵila ati—Kani muli ŵaŵo aŵasimicilwe ati ŵakesa? Kani tupembelele ŵambi naŵo? 20Peŋka pakufika kuli ŵo aŵantu aŵo, ŵalilaŵile ati: ŴaYoane aŵakuŵatisya ŵatutuma fweŵo kuli mweŵo, mukulaŵila ati—Kani muli ŵaŵo aŵasimicilwe ati ŵakesa? Kani tupembelele ŵambi naŵo? 21Impindi iyo yopele ŵaYesu ŵaliŵusisye aŵenji aŵalukutenda amalwele nemyalo nemipasi iŵipile, nempofu isinji ŵalisipele ukulaŵa. 22Naŵo ŵaliŵaasucile ati: Kamuyeni, muŵaŵule ŵaYoane ifyafintu ifi ifi mwaŵona nekumfwa: impofu silukupoka ukulaŵa kwasisyo, nefilema nafyo filukwenda, neŵamanata naŵo ifilonda fyaŵo filukupola, neŵasincile amatwi naŵo ŵalukumfwa, neŵafwile naŵo ŵalukuŵusiwa, neŵapeŋgele naŵo ŵalukuŵulisisiwa iceŵo iciweme. 23Alisyucile uyo utaakaŵona muli neŵo icakumucicila.
24Peŋka, ili syakumbulucile iŋkalamba syakwe Yoane, ŵaYesu ŵalitaticile ukulaŵila kumaŵumba ifyakwe Ycane ati: Mbanindo mwailile mumpaŋga mukuwona? Kani litete ilyateŋkene kucipupu? 25Sombi mbanindo mwailile mukuŵona? Kani muntu ufwite ifyakufwala ifinacile? Umfweni, aŵo aŵafwala ifyacilola nekulukwikala ifiweme fyeŋka, ŵalekala pamansa syamfumu. 26Sombi mbanindo mwailile mukuŵona? Kani wakusimika? Inya, ndukumuŵuleni ati wakucilo'kwakuti napawakusimika! 27Uyu ewoyo ifyakwe fyalembelwe ati—
Ŵona! Ndukutuma iŋkalamba yanji pamenso oŵe,
Yopele'vo eikaansike'nsila ukukutanjilila.
28Ndukumuwuleni ati pali ŵaŵo aŵafyelwe kuŵanakasi, tapali-po ucilile Yoane neli umo; naŋgawe'fyo uyo munini lukoso muŵufumu bwaŵaLesa, uyo eucilile pali ye. 29Lomba neŵantu ŵonse, ili ŵaumfwile, pamo newasoŋkesi, ŵaliŵasumine ŵaLesa ati ŵaliluŋgeme, pakuti ŵaliŵatisiwe kukuŵatisya kwakwe Yoane. 30Sombi aŵaFalisi neŵamano amumafunde ŵalilikenye ukufunda kwaŵaLesa, nekuŵulo'kuŵatisiwa kuli ye.
31Mbasyani lomba nakuŵapalanya aŵantu aŵacitentekwa cino; nakaŵili findo ifi ŵapalile? 32Ŵalipalile aŵanice aŵalukwikala paluŵansa lwakuulila-po, nekulukwitana, nekulaŵila ati: Fweŵo twalukumulisisyeni imisembe, sombi mweŵo ukusyana mweŵone; twalukulile'misowa fweŵo, sombi mweŵo ukulila mweŵone! 33Pakuti Yoane uwakuŵatisya aliisile uwakuŵulo'kulya siŋkwa neli kunwa-po imfaina, woyu; peŋka mulalaŵila ati—Ali neciŵanda! 34NeMwana waMuntunsi naye aliisile uwakulya nekulukunwa; peŋka mulalaŵila ati—Ŵoneni-ko! Uyu nipumpunta, ulukunwe'mfaina, ciŵusa cawasoŋkesi nembifi! 35Sombi amano alisuminwe ati aliluŋgeme kuŵana ŵaako ŵonse.
36Lomba umbi umuFalisi alukufwaya ati ŵalye nakwe. Popele ŵaYesu ŵaliinjile muŋanda yamuFalisi uyo, nekusamina ukulukulya. 37Lomba emwali mu musi umwanakasi uwakuwifya; nave, ili aisiŵile ati ŵalisamine ukulukulya muŋanda yamuFalisi uyo, aliletele umusasi waalabasita uwamafuta anuncile bwino; 38peŋka nekwiminina kunuma kumakasa aŵo, nekulukulila; nekutatika ukutontosya amakasa a ŵo neminsosi yakwe, nekulukwisumuna-ko kumisisi yamumutwi wakwe, nekufyonta-ko kumakasa aŵo, nekusufya-ko nemafuta ayo.
39Popele umuFalisi uyo uwaŵetile, ili abwene'fyo, alilaŵile mumutima wakwe ati: Uyu-muntu, ŋga ali wakusimika, ŋga kale amwisiŵa umwanakasi uyu ulukumukuma-ko, amekalilo akwe, ati ye wakuŵifya. 40Naŵo ŵaYesu ŵalimwasucile ati: Simoni, ndi neceŵo icakulaŵila kuli weŵo. Kumfwa naye ati: MweŵaSambisi, kamulaŵila! 41Kumfwa ati: Umbi umuntu uwakwapwisya ali neŵamyapu ŵaŵili: umbi ali nemwapu wandalama imyanda isanu, naumbi naye indalama amakumi asanu. 42Peŋka, ili taŵakwete ifyakumufuta, aliŵalekelele ŵoŵilo. Pakuti pali fyefyo, paŵantu aŵo mbaninani ukalukumutemwa ukwakucila? 43Simoni naye aliŵaasucileati: Niwoyo, eundukulaŋguluka, uyu alekelele isyakucila. Naŵo nekulaŵila kuli ye ati: Walunjika. 44Peŋka ŵalisyolokele kumwanakasi, nekulaŵila kuli Simoni ati: Waŵona umwanakasi uyu? Nainjila muno muŋanda yoŵe; taumpele-po amenda akumakasa anji; sombi ye atontosya amakasa anji kuminsosi yakwe, nekwisumuna-po kumisisi yakwe. 45Weŵo taumfyontele-po; sombi ye ukufuma kumpindi iyo nainjila, taaŋgaleka ukufyonta-ko kumakasa anji, 46Weŵo taunsufisye-po amafuta kumutwi wanji; sombi ye ansufya kumakasa amafuta anuncile bwino. 47Pakuti pali fyefyo, ndukukuŵula ati ifyakuŵifya fyakwe ifili finji fyafitulucilwa; pakuti alukutemwo'kwakuti; sombi uwafitulucilwa panini ewopele uli neŵutemwe uŵuee. 48Naŵo ŵalilaŵile kumwanakasi ati: Ifyakuŵifya fyoŵe fyafitulucilwa. 49Peŋka aŵo aŵasamine ukulukulya naŵo, ŵalitaticile ukulaŵila mumitima yaŵo ati: Mbaninani uyu ulukufitulucila nefyakuŵifya? 50Naŵo ŵalilaŵile kumwanakasi ati: Ukucetekela koŵe kwakupulusya; koya neŵutende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.