Aposel 12
12
Dembinai king Herot naha Jems naga' ea' nanda' Pita nanda' kalabus
1Nogota anama dembinai king Herot naha enis amam nematawa Kristen sefa' nimanimi. 2Ea' na'ipa anom soldia ananimi maha Jems, Jon sahalomana bainat mahana naga'. 3Ea' anan nati esis Juda sandanifel ma amama ea' nanda' kalabusima Pita wapoti' nemaf anama esis Juda sanda' gwa'aimi lu'wami sa' bret wafinai owa' neatifi. 4Anan nombalo' Pita nanda'ana nanda' kalabus. Ea' nanda'ana nafe'ma soldia wambotagw biami biam mumafiana. Herot okom na'i ota' Pita nape wambota atotona soldia biami biami mumafiana ma esis Juda sope sea' gwa'aimi lu'wami sa'i Pasova ma hi'ilam, nefa'ai Pita nuwisi ande'ma naep amam nematawa hiesi sotolona ma nohana noga'.
5Pita ata' napani kalabus amam soldia mape mumafiana. Ea' la'ela'ef esis Kristen sanda' beten la'ifisa God numafia Pita.
Ensel naula Pita nawisi ande' ma kalabus
6Wafilu Herot na'i nofa' Pita nefe' ma kot. Ea' nemaf anama owa' ata' notaga ulal owamb anama Pita na'oh la'afena anom soldia biam. Amam mowa' Pita sen biefina. Anom soldia maitu mumafi uta ipat anama sanda' kalabusanai. 7Ea' mehip ensel Dembinai nataga naloma howalagon nawis ipat sanda' kalabusanai nomon. Ea' ensel naha lambeh Pitai ninimbalona na'ipana na'i, “Ine' hafel mehip.”
Ea' sen pele'atana etin lagof Pitai nowa na'oh etap.
8Ea' ensel na'ipana na'i, “Ine' waho' let nugundisa lowaf la su bo'wagah ine'imi.”
Ea' Pita nanda'am si'i ensel na'ipana. Ea' ensel na'ipana wapoti' na'i, “La siot ine'inai nila ae' nifi'i.”
9Ea' Pita nakwaha ipat sanda' kalabusanai nomon nagi'ma ensel anama nafe'. Ea' anan ina nogawa amamaga amama ensel nanda'ami na'i endilisi, owa'. Pita na'i si'i na'oh nandondo'oh etin. 10Amam biam mafe' makwaha amam plisman maitu mali'i mafe' mikila' anom wapoti' ea' mafe' mataga uta lu'unai sonda' ainambanai. Uta anama nafe' tauni. Ea' uta anama lu'unai nandawisi' etina amam biam. Ea' amam makwaha kalabus mawisi ande' mafe' anona eaf. Ea' mehip ensel nandambaho'ma Pita nafe' anagon.
11Ea' okom Pitai nataga alihina nogawa na'i, “Dei' ae' egawa endilisi. Dembinai nasapa'i ensel ananinai nafi'i natagahowe ma lagel king Heroti ma awami amama hiami esis Juda ukup ma'i seanda'me emi.”
12Anan negawa amama ea', nafe' ipat Mariai, Jon Mak mama'wana nati esis Kristen sandakolas etifigin sape ipat anama atona sape sanda' beten. 13Ea' Pita nafe' naitu naha uta ande', ano'w nemata'w kwanda'masa maoli agili'wa Roda kwafi'i kwa'i kuwisi' uta. 14Ea' kwame' maf Pitai kogawana, okom akwa'unai bo'ona kwandanifel ea' ina kwawisi' uta, owa'. Kwasagih kotanima kwafe' nomon kwa'ipas kwa'i, “Pita nani naitu uta ande'!”
15Ea' esis sa'ipakw sa'i, “Ine' okom nahaga nagaolinai.”
Ea' akwa'w la'ifikw kwa'iam kwa'i, “Endilisi, anan naitu ande'.”
Ea' esis sa'i, “Anama ensel ananinai atona.”
16Ea' Pita ata' naitu naha uta wapoti'. Ea' esis same'ana safe' sawisi' uta satolona, sohafel gegelalasis kwapete'asa anan.
17Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.”
Ea' nakwaha esis notanima nawisi ande' nafe' anagon.
18Ea' lala kuhimbita, amam soldia matimana owa' mohafel gegelalasom kwapete'am ukup matamea ea' ma'i, “Pita nafe' eti?”
19Ea' Herot wapoti' nafe' nagolopa Pita, owa'. Ina natolona nofa'anai, owa'. Ea' nandamboma nahali' amam soldia nanda' kotimama noham moga'.
Dembinai king Herot naga'
Ea' Herot nakwaha etap hiagoma Judia nafe' nakini' napani wambel Sisaria.
20Anan okom numbutinama esis amam nematawa sape wambel lu'unai biefina Tair naloma Saidon. Ea' enis epes Tair naloma Saidon sandakolas safi'mai anan. Ea' sali' sagolopa Blastus, nanda' maola dembinai kingi. Ea' sonandana basef salefa sonda' okom anama wandafunai noga'. Dei' main, epes sape wambel anama biefina sofa' gwa'aimi ma etap hiagoma kingi.
21Anona nemaf Herot nandandepanai anan nandausa sosaf dembinai kingi ea' nape natoma balata kingi nanda' basef lu'wami ma esis. 22Ea' esis seme'ana sa'i mehip sa'i, “Anama maf anona dembinai si'i god. Anan ina maf anona epeni, owa'!”
23Ea' Herot ina ata' nafela agel Godi, owa'. Na'ama dei' atef ensel Dembinai nahana. Ea' asagof iguf so'uso'umi mahana mahahape' alop ananinai ea' afuna.
24Ea' basef Dembinai mataga la'ifim mafe' wambel hiagoma ma epes hiesi sombale'efana.
25Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.
Currently Selected:
Aposel 12: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 12
12
Dembinai king Herot naha Jems naga' ea' nanda' Pita nanda' kalabus
1Nogota anama dembinai king Herot naha enis amam nematawa Kristen sefa' nimanimi. 2Ea' na'ipa anom soldia ananimi maha Jems, Jon sahalomana bainat mahana naga'. 3Ea' anan nati esis Juda sandanifel ma amama ea' nanda' kalabusima Pita wapoti' nemaf anama esis Juda sanda' gwa'aimi lu'wami sa' bret wafinai owa' neatifi. 4Anan nombalo' Pita nanda'ana nanda' kalabus. Ea' nanda'ana nafe'ma soldia wambotagw biami biam mumafiana. Herot okom na'i ota' Pita nape wambota atotona soldia biami biami mumafiana ma esis Juda sope sea' gwa'aimi lu'wami sa'i Pasova ma hi'ilam, nefa'ai Pita nuwisi ande'ma naep amam nematawa hiesi sotolona ma nohana noga'.
5Pita ata' napani kalabus amam soldia mape mumafiana. Ea' la'ela'ef esis Kristen sanda' beten la'ifisa God numafia Pita.
Ensel naula Pita nawisi ande' ma kalabus
6Wafilu Herot na'i nofa' Pita nefe' ma kot. Ea' nemaf anama owa' ata' notaga ulal owamb anama Pita na'oh la'afena anom soldia biam. Amam mowa' Pita sen biefina. Anom soldia maitu mumafi uta ipat anama sanda' kalabusanai. 7Ea' mehip ensel Dembinai nataga naloma howalagon nawis ipat sanda' kalabusanai nomon. Ea' ensel naha lambeh Pitai ninimbalona na'ipana na'i, “Ine' hafel mehip.”
Ea' sen pele'atana etin lagof Pitai nowa na'oh etap.
8Ea' ensel na'ipana na'i, “Ine' waho' let nugundisa lowaf la su bo'wagah ine'imi.”
Ea' Pita nanda'am si'i ensel na'ipana. Ea' ensel na'ipana wapoti' na'i, “La siot ine'inai nila ae' nifi'i.”
9Ea' Pita nakwaha ipat sanda' kalabusanai nomon nagi'ma ensel anama nafe'. Ea' anan ina nogawa amamaga amama ensel nanda'ami na'i endilisi, owa'. Pita na'i si'i na'oh nandondo'oh etin. 10Amam biam mafe' makwaha amam plisman maitu mali'i mafe' mikila' anom wapoti' ea' mafe' mataga uta lu'unai sonda' ainambanai. Uta anama nafe' tauni. Ea' uta anama lu'unai nandawisi' etina amam biam. Ea' amam makwaha kalabus mawisi ande' mafe' anona eaf. Ea' mehip ensel nandambaho'ma Pita nafe' anagon.
11Ea' okom Pitai nataga alihina nogawa na'i, “Dei' ae' egawa endilisi. Dembinai nasapa'i ensel ananinai nafi'i natagahowe ma lagel king Heroti ma awami amama hiami esis Juda ukup ma'i seanda'me emi.”
12Anan negawa amama ea', nafe' ipat Mariai, Jon Mak mama'wana nati esis Kristen sandakolas etifigin sape ipat anama atona sape sanda' beten. 13Ea' Pita nafe' naitu naha uta ande', ano'w nemata'w kwanda'masa maoli agili'wa Roda kwafi'i kwa'i kuwisi' uta. 14Ea' kwame' maf Pitai kogawana, okom akwa'unai bo'ona kwandanifel ea' ina kwawisi' uta, owa'. Kwasagih kotanima kwafe' nomon kwa'ipas kwa'i, “Pita nani naitu uta ande'!”
15Ea' esis sa'ipakw sa'i, “Ine' okom nahaga nagaolinai.”
Ea' akwa'w la'ifikw kwa'iam kwa'i, “Endilisi, anan naitu ande'.”
Ea' esis sa'i, “Anama ensel ananinai atona.”
16Ea' Pita ata' naitu naha uta wapoti'. Ea' esis same'ana safe' sawisi' uta satolona, sohafel gegelalasis kwapete'asa anan.
17Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.”
Ea' nakwaha esis notanima nawisi ande' nafe' anagon.
18Ea' lala kuhimbita, amam soldia matimana owa' mohafel gegelalasom kwapete'am ukup matamea ea' ma'i, “Pita nafe' eti?”
19Ea' Herot wapoti' nafe' nagolopa Pita, owa'. Ina natolona nofa'anai, owa'. Ea' nandamboma nahali' amam soldia nanda' kotimama noham moga'.
Dembinai king Herot naga'
Ea' Herot nakwaha etap hiagoma Judia nafe' nakini' napani wambel Sisaria.
20Anan okom numbutinama esis amam nematawa sape wambel lu'unai biefina Tair naloma Saidon. Ea' enis epes Tair naloma Saidon sandakolas safi'mai anan. Ea' sali' sagolopa Blastus, nanda' maola dembinai kingi. Ea' sonandana basef salefa sonda' okom anama wandafunai noga'. Dei' main, epes sape wambel anama biefina sofa' gwa'aimi ma etap hiagoma kingi.
21Anona nemaf Herot nandandepanai anan nandausa sosaf dembinai kingi ea' nape natoma balata kingi nanda' basef lu'wami ma esis. 22Ea' esis seme'ana sa'i mehip sa'i, “Anama maf anona dembinai si'i god. Anan ina maf anona epeni, owa'!”
23Ea' Herot ina ata' nafela agel Godi, owa'. Na'ama dei' atef ensel Dembinai nahana. Ea' asagof iguf so'uso'umi mahana mahahape' alop ananinai ea' afuna.
24Ea' basef Dembinai mataga la'ifim mafe' wambel hiagoma ma epes hiesi sombale'efana.
25Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.