Aposel 19
19
Pol nanda' maol Godi Efesus
1Apolos nape Korin, nogota anama Pol nafe' wambel anama nape nomona halafutagw ea' nafe' nataga Efesus nati enis Kristen. 2Ea' nahali'as na'i, “Fowa' ipe' pembale'efa Jisas pefa' Ambal Bu'unai Godi?”
Ea' esis sa'i, “Ata' owa'. Ape' ina mame' basefa anan Ambal Bu'unai Godi Holi Spirit nape, owa'.”
3Ea' Pol na'ipas na'i, “Dei' ipe' pefa' baptaisa main?”
Ea' sa'i, “Ape' mofa' baptais Joni.”
4Ea' Pol na'i, “Fowa' Jon napisi'as embeli na'iam na'i, ‘Ipe' pemboma opalef pewa' alafugaha waf aonai pefe'ma God pefa' baptais. Ea' pembale'efa aman anama Dembinai nambimb nigi'ma ae' nifi'i. Aman anama anan Jisas.’ ”
5Esis same' basef amama, sembale'efa Dembinai Jisas sofa' baptaisa agel Ananinai. 6Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami. 7Esis seamba epes isima sataga felefele'ma 12-peleis.
8Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef. 9Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa. 10Ea' nanda'am na'ama etin nape afagof biam. Esis amam nematawa hiesi sape etap hiagoma Esiai wambel hiagoma same' basef Dembinai, esis Juda saloma isima owa' Judaisi wapoti'.
Amam Skeva nogamana
11God nagiambama Pol nanda' pepel la'ifinai hianai si'i God nanda'anai. 12Esis sati amama, sofa' hankisip luwaguf maima sanogam alop Poli, sofa'as safe'ma esis awes nanda'asi. Esis sanda'am na'ama, awes hianai hi'alana ea' ambagof awami makwaha esis mafe'.
13Ea' anom Juda mafe' ganigani manda' bisnisa maol anama matofa ambagof awami. Mati maol Pol nanda'anai ma'i motofa ambagof awami ma waf anama. Ma'iam na'ama atona etin ma'i, “Agel Jisas anama Pol nawalapa basefanai, afa' wa'ipipa mehip endilisi ma pekwaha epes isima piwisi ande'.”
14Ea' anona aman Judainai pris dembinai agel ananinai Skeva. Nogamana ananimi 7-peleim manda' waf anama ma'i motofa ambagof awami ma agel Jisasi. 15Ea' aman anama ambal aonai napainai nagwa basefa amam na'ama na'i, “Ae' egawa Jisas naloma Pol. Ea' ipe' emi egafipa? Ae' ina egawepa.”
16Ea' aman anama ambal aonai napainai fete'ana nalatawa amam ea' naham nanda'am aom kwapete'am nahambombaga alop amamunai nahape' luwaguf maim amamumi makwaha ipat anama mafa' mafe' alop wafifina.
17Ea' epes hiesi sape Efesusi, Juda saloma esis owa' Judaisi wapoti' same' basef amama ea' umbamahas kwapete'as. Ea' safela agel Dembinai Jisasi lu'una. 18Amam nematawa hiesi sembale'efanai safi'i sawalapa waf aonai esis sanda'anai sa'iana. 19Ea' isima hiesi sanda' naoh awami mamumami satamai buk amama hiami sanda' mu'uhup ma'akw naoh mailanai saofana nifa naep esis amam nematawai. Esis seamba otamba ma'um ma satala buk amama mataga 50,000 kina. 20Sanda' waf anama, ea' basef Dembinai mataga la'ifim mawalapai pepel Ananinai nataga lu'una endilisi mafe'agon hi'alagon.
Esis Efesus sofala Pol sa'ipana awagon
21Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”
22Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.
23Nogota anama enis epes sanda' naumbih saloma eaf bu'unai Dembinai sanda' aga lu'unai sindininifama sa'i mehip. 24Anona aman agilinama Demitrius, aman anama nanda' amamaga hiami ma anona kapa siliwa. Anan ofagonama nanda' bisnis nanda' ifagw so'uso'umi endilisi manda' kapa siliwa manda'ami. Ea' mandati si'i ipat lu'unai sanda' lotuma god nemata'w akwama Artemis. Ea' nase'ama maol amam manda' maol siliwai mofa' otamba lu'wami. 25Ea' natagama amam amama maloma anom amam manda' maol atifina si'i amam manda'anai na'i, “Ipe' pegawa ape' mofa' otamba lu'wami maol anama atona. 26Ea' aman anama Pol na'ipa amam nematawa hiesi saila anona waf namboma ukup asasimi, amama ipe' patolom pegawam! Anan ina nanda'am na'ae Efesus atogon, owa'. Anan nanda'am mafe'agon hi'alagon felefele'ma etap hiagoma Esia anama hiagoma. Anan na'i, ‘Amam god ape' manda' lagof manda'ami, amama ina god endilisimi, owa'.’
27Basef amama Poli nambimb mohambombaga maola bisnis ape'imi. Ea' ina amama atom, owa'. Basef amama ananimi mohambombaga ipat lu'unai god ape'ikwi nemata'w dembe'wi Artemis. Ea' kotaga falafu'wi ma naep esis amam nematawai ma ukup asasimi. Dei' esis sape etap hiagoma Esiai hiesi saloma epes hiesi sape etap hiagomai wapoti' sanda' lotuma god ape'ikwi nemata'w akwama ato'w. Ea' basef Poli ma'i mohambombaga agel lu'unai akwa'unai.”
28Amam manda' maoli mame' basef amama, ukup amamumi wandafum endilisi moga ma'i mehip ma'i, “Artemis ape' Efesusi akwa'w ato'w Dembe'wi agel lu'unai.”
29Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.
30Pol na'i nefe' ni'ipa esis amam nematawa la'afisa, ea' esis Kristen sili'akwana. 31Anom amam mape gavman dambami ma etap hiagoma Esiai amam alupumi Poli masapa' basef mafe'ma anan. Ea' ma'ipana mehipa ina nefe' nuwis anama sandatama sape sanifa basefa, owa'.
32Amam nematawa isima epes hiesi ukup asasimi ea' mololas endilisi. Enis soga sa'i mehip sa'i anom basef, enis sa'i anom basef. Ea' esis amam nematawa hiesi ina sogawa esis safi'i sandakolasa main. 33Esis Juda sasapa' Aleksander nafe' la'afena esis saitu sa'i basefa. Ama sa'i anan ni'ipasa anom basef. Ea' Aleksander nafela lagel na'i nogwamasa basef esis amam nematawa. 34Ea' satolona sogawa anan Judainai. Na'ama dei' hiesi sandame'mam na'ama etin sakolasa malogof atom sa'i, “Artemis ape' Efesusi akwa'w ato'w dembe'wi agel lu'unai.”
Esis sa'i mehip na'ama etin sape la'ela'ef nogota launai awa biefina.
35Ea' kaunsel agilinai esis Efesusi na'ipasa basef la'ifimi esis amam nematawa na'i, “Ipe' epes Efesusipei, esis hiesi sape wambel hiagoma sogawa Efesus taun ape'inai numafi ipat lu'unai sanda' lotuma god dembe'wi Artemisi, taun anama numafi otam nowai heven ilifi. 36Ina anona aman nasambala basef amama, owa'. Ipe' feso'mepa pepan. Ipe' ina penda' anom amamaga mehip, owa'. 37Ipe' pefa'ai amam amama biam mafi'i na'ae. Ea' amam ina makowalopa anom amamaga ma ipat lu'unai ape' manda' lotuwanai, owa'. Amam ina ma'i basef findiwami ma god nemata'w ape'ikwi, owa'. 38I'i Demitrius noloma amam manda' maola anani mi'i monda' basefa epen emi, anona nemaf monda'ama kot. Amam jas mape. Amam Demitriusami mi'ipam. 39I'i ipe' penda' anom basef wapoti', penandonam anama sandatama sa'i basefa nogota anama dambami gavman mape meme' basef. 40Amam dambami gavman Rom nambimb monda'mapa basef o owa'? Ape' ina mogawa. Dei' maina ape' mafela wandaf manda'ana dei' nemaf anae'? Ofagema owa'etin endilisi ma amamaga amama. I'i amam dambami Rom mihali'apa ma amamaga ofagema ma mandakolas anama, ape' ina anom basefa mogwam, owa'.”
41Kaunsel agilinai na'iam ea', nasapa' esis amam nematawa safe'.
Currently Selected:
Aposel 19: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 19
19
Pol nanda' maol Godi Efesus
1Apolos nape Korin, nogota anama Pol nafe' wambel anama nape nomona halafutagw ea' nafe' nataga Efesus nati enis Kristen. 2Ea' nahali'as na'i, “Fowa' ipe' pembale'efa Jisas pefa' Ambal Bu'unai Godi?”
Ea' esis sa'i, “Ata' owa'. Ape' ina mame' basefa anan Ambal Bu'unai Godi Holi Spirit nape, owa'.”
3Ea' Pol na'ipas na'i, “Dei' ipe' pefa' baptaisa main?”
Ea' sa'i, “Ape' mofa' baptais Joni.”
4Ea' Pol na'i, “Fowa' Jon napisi'as embeli na'iam na'i, ‘Ipe' pemboma opalef pewa' alafugaha waf aonai pefe'ma God pefa' baptais. Ea' pembale'efa aman anama Dembinai nambimb nigi'ma ae' nifi'i. Aman anama anan Jisas.’ ”
5Esis same' basef amama, sembale'efa Dembinai Jisas sofa' baptaisa agel Ananinai. 6Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami. 7Esis seamba epes isima sataga felefele'ma 12-peleis.
8Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef. 9Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa. 10Ea' nanda'am na'ama etin nape afagof biam. Esis amam nematawa hiesi sape etap hiagoma Esiai wambel hiagoma same' basef Dembinai, esis Juda saloma isima owa' Judaisi wapoti'.
Amam Skeva nogamana
11God nagiambama Pol nanda' pepel la'ifinai hianai si'i God nanda'anai. 12Esis sati amama, sofa' hankisip luwaguf maima sanogam alop Poli, sofa'as safe'ma esis awes nanda'asi. Esis sanda'am na'ama, awes hianai hi'alana ea' ambagof awami makwaha esis mafe'.
13Ea' anom Juda mafe' ganigani manda' bisnisa maol anama matofa ambagof awami. Mati maol Pol nanda'anai ma'i motofa ambagof awami ma waf anama. Ma'iam na'ama atona etin ma'i, “Agel Jisas anama Pol nawalapa basefanai, afa' wa'ipipa mehip endilisi ma pekwaha epes isima piwisi ande'.”
14Ea' anona aman Judainai pris dembinai agel ananinai Skeva. Nogamana ananimi 7-peleim manda' waf anama ma'i motofa ambagof awami ma agel Jisasi. 15Ea' aman anama ambal aonai napainai nagwa basefa amam na'ama na'i, “Ae' egawa Jisas naloma Pol. Ea' ipe' emi egafipa? Ae' ina egawepa.”
16Ea' aman anama ambal aonai napainai fete'ana nalatawa amam ea' naham nanda'am aom kwapete'am nahambombaga alop amamunai nahape' luwaguf maim amamumi makwaha ipat anama mafa' mafe' alop wafifina.
17Ea' epes hiesi sape Efesusi, Juda saloma esis owa' Judaisi wapoti' same' basef amama ea' umbamahas kwapete'as. Ea' safela agel Dembinai Jisasi lu'una. 18Amam nematawa hiesi sembale'efanai safi'i sawalapa waf aonai esis sanda'anai sa'iana. 19Ea' isima hiesi sanda' naoh awami mamumami satamai buk amama hiami sanda' mu'uhup ma'akw naoh mailanai saofana nifa naep esis amam nematawai. Esis seamba otamba ma'um ma satala buk amama mataga 50,000 kina. 20Sanda' waf anama, ea' basef Dembinai mataga la'ifim mawalapai pepel Ananinai nataga lu'una endilisi mafe'agon hi'alagon.
Esis Efesus sofala Pol sa'ipana awagon
21Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”
22Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.
23Nogota anama enis epes sanda' naumbih saloma eaf bu'unai Dembinai sanda' aga lu'unai sindininifama sa'i mehip. 24Anona aman agilinama Demitrius, aman anama nanda' amamaga hiami ma anona kapa siliwa. Anan ofagonama nanda' bisnis nanda' ifagw so'uso'umi endilisi manda' kapa siliwa manda'ami. Ea' mandati si'i ipat lu'unai sanda' lotuma god nemata'w akwama Artemis. Ea' nase'ama maol amam manda' maol siliwai mofa' otamba lu'wami. 25Ea' natagama amam amama maloma anom amam manda' maol atifina si'i amam manda'anai na'i, “Ipe' pegawa ape' mofa' otamba lu'wami maol anama atona. 26Ea' aman anama Pol na'ipa amam nematawa hiesi saila anona waf namboma ukup asasimi, amama ipe' patolom pegawam! Anan ina nanda'am na'ae Efesus atogon, owa'. Anan nanda'am mafe'agon hi'alagon felefele'ma etap hiagoma Esia anama hiagoma. Anan na'i, ‘Amam god ape' manda' lagof manda'ami, amama ina god endilisimi, owa'.’
27Basef amama Poli nambimb mohambombaga maola bisnis ape'imi. Ea' ina amama atom, owa'. Basef amama ananimi mohambombaga ipat lu'unai god ape'ikwi nemata'w dembe'wi Artemis. Ea' kotaga falafu'wi ma naep esis amam nematawai ma ukup asasimi. Dei' esis sape etap hiagoma Esiai hiesi saloma epes hiesi sape etap hiagomai wapoti' sanda' lotuma god ape'ikwi nemata'w akwama ato'w. Ea' basef Poli ma'i mohambombaga agel lu'unai akwa'unai.”
28Amam manda' maoli mame' basef amama, ukup amamumi wandafum endilisi moga ma'i mehip ma'i, “Artemis ape' Efesusi akwa'w ato'w Dembe'wi agel lu'unai.”
29Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.
30Pol na'i nefe' ni'ipa esis amam nematawa la'afisa, ea' esis Kristen sili'akwana. 31Anom amam mape gavman dambami ma etap hiagoma Esiai amam alupumi Poli masapa' basef mafe'ma anan. Ea' ma'ipana mehipa ina nefe' nuwis anama sandatama sape sanifa basefa, owa'.
32Amam nematawa isima epes hiesi ukup asasimi ea' mololas endilisi. Enis soga sa'i mehip sa'i anom basef, enis sa'i anom basef. Ea' esis amam nematawa hiesi ina sogawa esis safi'i sandakolasa main. 33Esis Juda sasapa' Aleksander nafe' la'afena esis saitu sa'i basefa. Ama sa'i anan ni'ipasa anom basef. Ea' Aleksander nafela lagel na'i nogwamasa basef esis amam nematawa. 34Ea' satolona sogawa anan Judainai. Na'ama dei' hiesi sandame'mam na'ama etin sakolasa malogof atom sa'i, “Artemis ape' Efesusi akwa'w ato'w dembe'wi agel lu'unai.”
Esis sa'i mehip na'ama etin sape la'ela'ef nogota launai awa biefina.
35Ea' kaunsel agilinai esis Efesusi na'ipasa basef la'ifimi esis amam nematawa na'i, “Ipe' epes Efesusipei, esis hiesi sape wambel hiagoma sogawa Efesus taun ape'inai numafi ipat lu'unai sanda' lotuma god dembe'wi Artemisi, taun anama numafi otam nowai heven ilifi. 36Ina anona aman nasambala basef amama, owa'. Ipe' feso'mepa pepan. Ipe' ina penda' anom amamaga mehip, owa'. 37Ipe' pefa'ai amam amama biam mafi'i na'ae. Ea' amam ina makowalopa anom amamaga ma ipat lu'unai ape' manda' lotuwanai, owa'. Amam ina ma'i basef findiwami ma god nemata'w ape'ikwi, owa'. 38I'i Demitrius noloma amam manda' maola anani mi'i monda' basefa epen emi, anona nemaf monda'ama kot. Amam jas mape. Amam Demitriusami mi'ipam. 39I'i ipe' penda' anom basef wapoti', penandonam anama sandatama sa'i basefa nogota anama dambami gavman mape meme' basef. 40Amam dambami gavman Rom nambimb monda'mapa basef o owa'? Ape' ina mogawa. Dei' maina ape' mafela wandaf manda'ana dei' nemaf anae'? Ofagema owa'etin endilisi ma amamaga amama. I'i amam dambami Rom mihali'apa ma amamaga ofagema ma mandakolas anama, ape' ina anom basefa mogwam, owa'.”
41Kaunsel agilinai na'iam ea', nasapa' esis amam nematawa safe'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.