Aposel 21
21
Pol nalata sip ea' nafe' Jerusalem
1Afa' wakwaha agufumi wafe' walata sip nakwaha Miletus ea' nafe'. Afa' usi'ifa wafe' naoh wataga Kos. Ama wafilu wafe' wataga Rodes. Ea' wakwaha Rodes wafe' wataga Patara wakwaha sip anama ukila'i wape. 2Ea' wati anona sip na'i nefe' Fonisia ea' walata anama nakwaha anama ea' nafe'. 3Ea' wati ailan anama Saiprus wikila'agon nape da'isinaima. Afa' wafe' wataga etap hiagoma Siria ea' wafe' wataga wail Tair. Esis sa'i sowafa hiahaom ma sip anama wambel anama. 4Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'. 5Nogota afa'inai hi'alana wambel anama, wa'i a' ofe'. Amam Kristen maloma awasi nematawa amamisi saitumafa wafe' wawis ande'ma taun anama. Ea' ape' mindiwa nembawa manda' beten naoh akata. 6Ea' esis sa'i basef sandanifel salomafa ma mondaso'ama lagof etin ea' sotanima safe' ifagw asasimi, afa' wafe' sip.
Profet Agabus na'ipana basef Pol anona wambel Sisaria
7Afa' wafe' sip wakwaha Tair wafe' wataga Tolemes. Ea' wape wanda'masa nemaf bu'unai esis Kristen wape walomas nemaf atotona. 8Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel. 9Anan nola nematawa biawai biawa, ina dei' waso' amam, ata' owa'. God nase'awa gawa wawalapa basef ananimi si'i profet.
10Afa' wape Sisaria anom nimeguf wapoti' ea' anona profet agilinama Agabus nakwaha etap hiagoma Judia nakini'i Sisaria. 11Anan nafi'mai afa' nofa' let Poli nowa' bo'wagah maloma lagof ananimi atom. Ea' na'iam na'ama na'i, “Spirit Ambal Godi na'i na'ama na'i, ‘Amam Juda mape Jerusalemi nambimb mowa' aman anama ofagenama let anama. Ea' mose'ana nefe'ma lagof anom amam mololama Godi.’ ”
12Afa' wame' basef amama ea' waloma esis wambel anamaisi wapoti' wa'ipa Pol mehip wa'i anan ina nefe' Jerusalem, owa'.
13Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”
14Ea' afa' ina la'ififama osambala okom ananinai, owa'. Ea' afa' ukup mase'afa ma basef amama wa'i, “Okom Dembinai notaga.”
Pol nawalapa basefa maol na'ipa amam agufumi mumafi esis Kristen sape Jerusalemi
15Anom nimeguf mafe'ma ea', afa' wandondomba amamaga afa'imi ma ofe' Jerusalem. 16Ea' enis alupusi saila Jisasi Sisariaisi safe' salomafa. Esis saitumafa wafe' ipat Nasoni, anan Saiprusinai nataga Kristen fowa'inai. Anan na'i afa' atuwasi ope ipat ananinai. 17Ea' wafe' wataga Jerusalem, esis Kristen sandanifela sofa'afa.
18Ama wafilu nemaf gi'maifi Pol nafe' nalomafa ma niti Jems. Ea' amam agufumi hiami ma esis Kristeni mape malomana. 19Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.
Pol name' basef amam agufumi ea' nafe' nawis ipat lu'unai Godi
20Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai. 21Ea' enis epes sambaso'mas sa'ipasa ine' na'ama sa'i, ‘Pol na'ipa esis Juda safe' sape salomas anona wambel enis epes hiesi owa' Judaisi. Na'ipasa esis sokwaha mi'uli anama fowa' God naso' Mosesanai.’ Anan na'i, ‘Ipe' ina petopa' alopa amam so'umi ipe'imi ea' ipe' ina ata' pilana wapoti' waf fowa'inai, hapainai.’ Enis epes some' basef ine' na'iami dei' sa'iam na'ama. 22Ape' mogawa endilisi atuwasi esis Kristen Judaisi some' basefa ine' nafi'i nataga. Na'ama dei' afa' ata' onda'am wi'imama? 23Ea' afa' wa'i wi'ipina anona wafa ine' nenda'ana na'ama. Afa' anom amam biamibiam ma'i basef endilisimi maloma Goda monda' anom amamaga. 24Ea' ine' ne'wa amam pila waf anama nenda'epa petaga bo'wepa ma naep Godi. Ine' netal otamba amamumi wapoti' amam migi'ma waf esis Judai ma mando balagah amamumi. Ine' nenda'am na'ama, epes hiesi sogawa basef amama esis sanda'menam ine'i, amama baso'maimi atom. Ea' sogawa ine' naila mi'uli anama. 25Ea' esis Kristen owa' Judaisi, ape' manda' basef mafe'masi ma'ipasa basef amama fowa' mowa'ami. Esis sindumafuma sope andeande' na'ama. Esis ina sea' mafis saham saso' god baso'amunai ea' ina sea' esimbel ea' ina sea' mafis amama sowa' bagafowa ma afumi ea' ina sonda' waf aonai so'a waulanai, owa'.”
26Ea' Pol nao'wa amam amama ma wafilu naila waf hianai ma nonda' anan nataga bo'ona ma naep Godi noloma amam. Anan nanda'am na'ama nafe' nawis ipat lu'unai Godi na'ipa amam pris. Na'ipama nemaf anama atuwasi anan no'wa amam amama mifi'i ma amam pris monda' ofa mondolali ma amam atona etina motaga bo'oma naep Godi.
Amam Juda mombalo' Pol nomon ipat lu'unai Godi sanda' lotuwanai
27Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana. 28Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”
29Dei' main, fowa' amam mati anona aman Trofimus Efesusinai owa' Judainai nape naloma Pol taun anama. Ea' amam ukup ma'i Pol nao'wana mafe' mawis nomon ipat anama. Owa'etin. Mambaso'mas.
30Ea' amama atom dei' esis hiesi sape Jerusalemi sohafel gegelalasis kwapete'as ma basef amama sa'i sonda' wandaf. Ea' sasagih safi'i sondowa'anima sawis ipat nomon sombalo' Pol sahonde'ana nawisi ande'. Ea' mehip etin sowalowa utagw ipat anama.
Soldia Dembinai numafi soldia hiami Romumi nofa' Pol
31Esis sa'i soha Pol noga', ea' basef mafe' matagama soldia dembinai numafi amam soldiai. Basef ma'iam na'ama ma'i, “Esis Jerusalem hiesi sohafel gegelalasis kwapete'as sa'i sonda' wandaf.”
32Ea' mehip anan nao'wa anom soldia masagih makini' ma esis hiesi. Ea' amam Juda mati anan ofisa dembinai nao'wa amam soldia, makwaha Pol ina ata' mahana wapoti', owa'.
33Soldia anama dembinai nafi'i felefele' nombalo' Pol na'ipa amam soldia mowa' lagof ananimi sen biefina. Ea' nahali' esis na'i, “Anan emi? Anan nanda' main?”
34Amam nematawa hiesi sohafel sa'i basef. Ea' esis ina sagwam mafe' etifigin, owa'. Sagwam mafe' deindei. Ea' sanda' salamala Pol sa'i sohana sa'i mehip, ea' ofisa dembinai ina nogawa basef ofagema asasimi, owa'. Ea' na'ipa amam soldia ma mo'wa Pol nafe' nuwis ipat amam soldiai. 35Ea' Pol nafe' nataga bulasan salata ipat anama, esis amam nematawa la'ifis endilisi ma sohana. Na'ama amam soldia mafelona mofa'ana mafe'.
36Ea' esis amam nematawa hiesi sa'i mehip sa'i, “Hana ma afuna, hana ma afuna!” Ea' amam soldia mafelana mefa'ana mafe' ma'i muwis ipat.
Pol na'ipa esis Juda ma bale'ef kofagona ananinai
37Amam soldia ma'i mofa' Pol mofe' muwis ipat amamunai nomon, ea' Pol nahali' ofisa dembinai na'i, “Ae' a'i i'ipina anom basef o owa'?”
Ea' soldia anama dembinai na'ipana na'i, “Ine' negawa diga Griki? 38Ae' a'i ine' aman Isipinai fowa' nogota anama nafela wandaf napa' naloma gavmani ea' nao'wa amam 4,000-peleim mahapila bainahi nao'wam mafe' anama wafiguma epes a'agoma.”
39Ea' Pol na'i, “Owa'. Ae' aman Judaiwei. Wambel ae'anai Tarsus etap hiagoma Silisia. Ea' ae' aman anona wambel lu'unai agel lu'unai. Ine' ni'i awi, ae' i'ipasa anom basef esis amam nematawa.”
40Ea' soldia anama na'i aho'mana na'i. Pol naitu bulasan anama, nafela lagel nanda'ana de'inda' ma esis amam nematawa sosopama malogof. Ea' Pol na'ipasa basef diga Hibrui.
Currently Selected:
Aposel 21: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 21
21
Pol nalata sip ea' nafe' Jerusalem
1Afa' wakwaha agufumi wafe' walata sip nakwaha Miletus ea' nafe'. Afa' usi'ifa wafe' naoh wataga Kos. Ama wafilu wafe' wataga Rodes. Ea' wakwaha Rodes wafe' wataga Patara wakwaha sip anama ukila'i wape. 2Ea' wati anona sip na'i nefe' Fonisia ea' walata anama nakwaha anama ea' nafe'. 3Ea' wati ailan anama Saiprus wikila'agon nape da'isinaima. Afa' wafe' wataga etap hiagoma Siria ea' wafe' wataga wail Tair. Esis sa'i sowafa hiahaom ma sip anama wambel anama. 4Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'. 5Nogota afa'inai hi'alana wambel anama, wa'i a' ofe'. Amam Kristen maloma awasi nematawa amamisi saitumafa wafe' wawis ande'ma taun anama. Ea' ape' mindiwa nembawa manda' beten naoh akata. 6Ea' esis sa'i basef sandanifel salomafa ma mondaso'ama lagof etin ea' sotanima safe' ifagw asasimi, afa' wafe' sip.
Profet Agabus na'ipana basef Pol anona wambel Sisaria
7Afa' wafe' sip wakwaha Tair wafe' wataga Tolemes. Ea' wape wanda'masa nemaf bu'unai esis Kristen wape walomas nemaf atotona. 8Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel. 9Anan nola nematawa biawai biawa, ina dei' waso' amam, ata' owa'. God nase'awa gawa wawalapa basef ananimi si'i profet.
10Afa' wape Sisaria anom nimeguf wapoti' ea' anona profet agilinama Agabus nakwaha etap hiagoma Judia nakini'i Sisaria. 11Anan nafi'mai afa' nofa' let Poli nowa' bo'wagah maloma lagof ananimi atom. Ea' na'iam na'ama na'i, “Spirit Ambal Godi na'i na'ama na'i, ‘Amam Juda mape Jerusalemi nambimb mowa' aman anama ofagenama let anama. Ea' mose'ana nefe'ma lagof anom amam mololama Godi.’ ”
12Afa' wame' basef amama ea' waloma esis wambel anamaisi wapoti' wa'ipa Pol mehip wa'i anan ina nefe' Jerusalem, owa'.
13Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”
14Ea' afa' ina la'ififama osambala okom ananinai, owa'. Ea' afa' ukup mase'afa ma basef amama wa'i, “Okom Dembinai notaga.”
Pol nawalapa basefa maol na'ipa amam agufumi mumafi esis Kristen sape Jerusalemi
15Anom nimeguf mafe'ma ea', afa' wandondomba amamaga afa'imi ma ofe' Jerusalem. 16Ea' enis alupusi saila Jisasi Sisariaisi safe' salomafa. Esis saitumafa wafe' ipat Nasoni, anan Saiprusinai nataga Kristen fowa'inai. Anan na'i afa' atuwasi ope ipat ananinai. 17Ea' wafe' wataga Jerusalem, esis Kristen sandanifela sofa'afa.
18Ama wafilu nemaf gi'maifi Pol nafe' nalomafa ma niti Jems. Ea' amam agufumi hiami ma esis Kristeni mape malomana. 19Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.
Pol name' basef amam agufumi ea' nafe' nawis ipat lu'unai Godi
20Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai. 21Ea' enis epes sambaso'mas sa'ipasa ine' na'ama sa'i, ‘Pol na'ipa esis Juda safe' sape salomas anona wambel enis epes hiesi owa' Judaisi. Na'ipasa esis sokwaha mi'uli anama fowa' God naso' Mosesanai.’ Anan na'i, ‘Ipe' ina petopa' alopa amam so'umi ipe'imi ea' ipe' ina ata' pilana wapoti' waf fowa'inai, hapainai.’ Enis epes some' basef ine' na'iami dei' sa'iam na'ama. 22Ape' mogawa endilisi atuwasi esis Kristen Judaisi some' basefa ine' nafi'i nataga. Na'ama dei' afa' ata' onda'am wi'imama? 23Ea' afa' wa'i wi'ipina anona wafa ine' nenda'ana na'ama. Afa' anom amam biamibiam ma'i basef endilisimi maloma Goda monda' anom amamaga. 24Ea' ine' ne'wa amam pila waf anama nenda'epa petaga bo'wepa ma naep Godi. Ine' netal otamba amamumi wapoti' amam migi'ma waf esis Judai ma mando balagah amamumi. Ine' nenda'am na'ama, epes hiesi sogawa basef amama esis sanda'menam ine'i, amama baso'maimi atom. Ea' sogawa ine' naila mi'uli anama. 25Ea' esis Kristen owa' Judaisi, ape' manda' basef mafe'masi ma'ipasa basef amama fowa' mowa'ami. Esis sindumafuma sope andeande' na'ama. Esis ina sea' mafis saham saso' god baso'amunai ea' ina sea' esimbel ea' ina sea' mafis amama sowa' bagafowa ma afumi ea' ina sonda' waf aonai so'a waulanai, owa'.”
26Ea' Pol nao'wa amam amama ma wafilu naila waf hianai ma nonda' anan nataga bo'ona ma naep Godi noloma amam. Anan nanda'am na'ama nafe' nawis ipat lu'unai Godi na'ipa amam pris. Na'ipama nemaf anama atuwasi anan no'wa amam amama mifi'i ma amam pris monda' ofa mondolali ma amam atona etina motaga bo'oma naep Godi.
Amam Juda mombalo' Pol nomon ipat lu'unai Godi sanda' lotuwanai
27Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana. 28Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”
29Dei' main, fowa' amam mati anona aman Trofimus Efesusinai owa' Judainai nape naloma Pol taun anama. Ea' amam ukup ma'i Pol nao'wana mafe' mawis nomon ipat anama. Owa'etin. Mambaso'mas.
30Ea' amama atom dei' esis hiesi sape Jerusalemi sohafel gegelalasis kwapete'as ma basef amama sa'i sonda' wandaf. Ea' sasagih safi'i sondowa'anima sawis ipat nomon sombalo' Pol sahonde'ana nawisi ande'. Ea' mehip etin sowalowa utagw ipat anama.
Soldia Dembinai numafi soldia hiami Romumi nofa' Pol
31Esis sa'i soha Pol noga', ea' basef mafe' matagama soldia dembinai numafi amam soldiai. Basef ma'iam na'ama ma'i, “Esis Jerusalem hiesi sohafel gegelalasis kwapete'as sa'i sonda' wandaf.”
32Ea' mehip anan nao'wa anom soldia masagih makini' ma esis hiesi. Ea' amam Juda mati anan ofisa dembinai nao'wa amam soldia, makwaha Pol ina ata' mahana wapoti', owa'.
33Soldia anama dembinai nafi'i felefele' nombalo' Pol na'ipa amam soldia mowa' lagof ananimi sen biefina. Ea' nahali' esis na'i, “Anan emi? Anan nanda' main?”
34Amam nematawa hiesi sohafel sa'i basef. Ea' esis ina sagwam mafe' etifigin, owa'. Sagwam mafe' deindei. Ea' sanda' salamala Pol sa'i sohana sa'i mehip, ea' ofisa dembinai ina nogawa basef ofagema asasimi, owa'. Ea' na'ipa amam soldia ma mo'wa Pol nafe' nuwis ipat amam soldiai. 35Ea' Pol nafe' nataga bulasan salata ipat anama, esis amam nematawa la'ifis endilisi ma sohana. Na'ama amam soldia mafelona mofa'ana mafe'.
36Ea' esis amam nematawa hiesi sa'i mehip sa'i, “Hana ma afuna, hana ma afuna!” Ea' amam soldia mafelana mefa'ana mafe' ma'i muwis ipat.
Pol na'ipa esis Juda ma bale'ef kofagona ananinai
37Amam soldia ma'i mofa' Pol mofe' muwis ipat amamunai nomon, ea' Pol nahali' ofisa dembinai na'i, “Ae' a'i i'ipina anom basef o owa'?”
Ea' soldia anama dembinai na'ipana na'i, “Ine' negawa diga Griki? 38Ae' a'i ine' aman Isipinai fowa' nogota anama nafela wandaf napa' naloma gavmani ea' nao'wa amam 4,000-peleim mahapila bainahi nao'wam mafe' anama wafiguma epes a'agoma.”
39Ea' Pol na'i, “Owa'. Ae' aman Judaiwei. Wambel ae'anai Tarsus etap hiagoma Silisia. Ea' ae' aman anona wambel lu'unai agel lu'unai. Ine' ni'i awi, ae' i'ipasa anom basef esis amam nematawa.”
40Ea' soldia anama na'i aho'mana na'i. Pol naitu bulasan anama, nafela lagel nanda'ana de'inda' ma esis amam nematawa sosopama malogof. Ea' Pol na'ipasa basef diga Hibrui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.