Aposel 9
9
Sol namboma opaf nataga Kristen
(Ap 22:4-16; 26:9-18)
1Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami. 2Na'ipana ea' pris anama nanda' basefa pas mafe'ma agufumi hiami mumafi ifagw esis Juda sa'i basef sapeimi wambel Damaskus. Ea' nase'ana pasa basef amama Sol. Ma'iam na'ama ma'i, “I'i Sol niti enis amam nematawa saila eaf anama dambainai sape Damaskusi, nonda' kalabusimas nombale'as nefa'as sefe' Jerusalem.”
3Ea' Sol nafe' nataga felefele'ma Damaskus, mehip anona nafifili howalagon nafi'i nisila'i heven ea' mafifimana. 4Ea' nowa na'oh etap ea' name' anona maf na'ipana na'i, “Sol, Sol, dei' maina ine' nahambombaga ae'?”
5Ea' Sol nahali'ana na'i, “Dembinai, ine' emi egafina?”
Ea' maf anama na'i, “Ae' Jisas ine' nahambombaga ae'. 6Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”
7Ea' amam mafe' maloma Soli mame' maf anama ea' ina mati anona epen, owa'. 8Ea' Sol nohafel na'i niti, owa'. Nati owamb atona. Ea' amam mahapila lagof ananimi mofa'ana mafe' mawis Damaskus.
9Anan nati owamb atona nape nimeguf wanom ea' ina na' gwa'aimi embel maim, owa'.
10Ea' anona alupunai Jisasi nape na'ama Damaskus, agilinama Ananaias. Ea' na'oh nandondo'oh nati Dembinai nofalana na'ipana na'i, “Ananaias!”
Ea' anan na'i, “Dembinai, ae' ape na'ae.”
11Ea' Dembinai na'ipana na'i, “Ine' hafel fo'o eaf anama sa'i usi'inai nefe' ipat Judasi ea' niti anona aman Tarsusinai, agilinama Sol. Dei' anan nanda' beten nape. 12Sol nali' na'oh nandondo'oh ea' nati anona aman agilinama Ananaias atuwasi nifi'i nuwisi nowamona lagofa anona nonda' naep miti andeande' wapoti'.”
13Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem. 14Anan nofa' agel lu'unai ea' ma amam pris dambami ma nombalo' amam nematawa sanda' betena agel ine'inai wambel anae' ma nanda' kalabusimas.”
15Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'. 16Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”
17Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”
18Ea' amamaga mape masopama naep Soli si'i dunduf mafe' mehip makwaha naep Soli mowa. Ea' naep ananimi mati wapoti', nohafel nofa' baptais. 19Ea' na' gwa'aimi nataga la'ifina wapoti'.
Sol nawalapa basef bu'wami Damaskus
Sol nape anom nimeguf naloma amam alupumi Jisasi Damaskus. 20Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”
21Epes hiesi same' basef ananimi ea' sohafel gegelalasis kwapete'as sa'i, “Aman anama nahambombaga amam nematawa sofala agel Jisasi wambel Jerusalem. Ea' dei' nafi'i na'ae ma nowa' esis nonda' kalabusimas nofa'as sefe'ma amam pris dambami. Ea' ma'una aman anama atona.”
22Ea' pepel Soli nataga la'ifina nihi'amabas ma basef nawalipasami. Ea' esis Juda sape Damaskusi same' basefa anan. Esis ina la'ifisa sogwa anom basef si'ipanam, owa'. Anan la'ifina nihi'ambas endilisi na'i, “Jisas anan Krais, God nandandepana nasapa'ana nafi'i.”
Amam Juda manda'mana waf aonai ma moha Sol afuna ea' nafa' nafe'
23Nimeguf hiami mafe'ma ea', amam Juda ma'i basef mandame'mama moha Sol noga'. 24Ea' Sol name' basef amama amamumi. Ea' amam Juda hiami mape mumafi utagw hiami ma taun anama owamb alip wapoti' ma ma'i moha Sol noga'. 25Ea' amam alupumi Soli mofa'ana owamb mafe' malata endalelemb nomon. Ea' malana nape anona holaf lu'unai mapana mandelef malana nisila' endalelemb ande'.
Sol nape Jerusalem
26Sol nafe' Jerusalem ea' na'i nondakolas noloma esis alupusi Jisasi. Ea' esis hiesi umbamahasana. Esis ina sombale'efana sa'i anan alupunai Jisasi, ata' owa'. 27Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.
28Ea' dei' sogawa anan wambota atona Jisasi nalomas nape la'afena esis. Anan la'ifina nanda' maol nafe' Jerusalem anama hiagoma nawalapa basefa agel Dembinai. Anan ina umbamahana, owa'. 29Na'ipasa basef Godi naloma amam Juda magawa diga Griki ea' na'i basef nalomam mandahihianama. Ea' amam mandaiwa'ma basef ananimi magolopa eafa mohana noga'. 30Amam Kristen sahin owan mogawa amama, ea' mofa' Sol mafe' makini Sisaria. Ea' masapa'ana nafe' nape wambel Tarsus.
31Dei' esis amam nematawa Kristen sape etap anama hiagoma Judia naloma Galili naloma Samaria sape opalef awanem sape andeande' ea' esis Kristen sataga la'ifis. Esis sape owina Dembinai ea' Ambal Bu'unai Godi nanda'as sataga la'ifis opalef asasimi. Ea' esis Kristen sataga hias.
Pita nanda' Inas bo'ona
32Pita nafe' wambel anama hiagoma ea' nakini' nafe' taun anama Lida wapoti' nape naloma esis amam nematawa Godi sape wambel anama. 33Ea' nati anona aman Inas. Alop bihiguf ananimi maga'ana, tol na'oh nala lehis nape nogota laona afagof 8-peleim. 34Ea' Pita na'ipana na'i, “Inas, dei' Jisas Krais nanda'ena bo'wena wapoti'. Ine' hafel nendondomba lehis ine'imi andeande'.”
Pita na'ipana ea' dei' etef nohafel. 35Ea' epes hiesi wambel anama biefina Lida naloma Saron satolona samboma opalef safe'ma Dembinai.
Tabita kwaga', Pita nafela'w kohafel wapoti'
36Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim. 37Nemaf anama awes nanda'akw kwaga'. Ea' sasa'opa alop akwa'unai ma sowa'w. Ea' sofa'akw sambe'akw kwa'oh rum ilifanai. 38Wambel Lida nape felefele' ma Jopa. Ea' esis alupusi Jisasi same' basefa Pita nape Lida, sasapa' amam biam mafe'ma anan mahali'ana na'ama ma'i, “Ine' nifi'mai afa'. Ni'i ota' ota' owa'.”
39Ea' Pita nohafel nafe' nalomam, ea' mafe' mataga mofa'ana mafe' rum anama ilif akwa'w kwa'oma. Nematawa hiawai alifiwai wafi'i waitu felefele'ma Pita wape walopa'w. Ea' wihi'ambana klos sagwegw maim akwa'w Dorkas kwagundisami nimbewa' la'ela'ef ata' kwape kwalomawa. 40Ea' Pita nagolo'ma esis amam nematawa sawisi ande', nindiwa nembawa notawa nanda' beten. Ea' namboma amaga ananinai nafe'ma alop nemata'wi na'i, “Tabita, ine' hafel.”
Ea' akwa'w naep mati kwati Pita kohafel kwape. 41Ea' Pita nahapila lagel akwa'unai nafela'w kwaitu. Ea' nofalai esis amam nematawa sombale'efa Godi saloma nematawa awama alifiwai, naso' akwa'w kotanima kwafe'ma esis. 42Basef amama mafe' anama hiagoma wambel Jopa ea' esis amam nematawa hiesi same'am sombale'efa Dembinai. 43Pita nape wambel anama Jopa nimeguf hiami. Anan nape naloma anona aman nandondomba agwafuh bulmakaumi agel ananinai Saimon.
Currently Selected:
Aposel 9: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 9
9
Sol namboma opaf nataga Kristen
(Ap 22:4-16; 26:9-18)
1Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami. 2Na'ipana ea' pris anama nanda' basefa pas mafe'ma agufumi hiami mumafi ifagw esis Juda sa'i basef sapeimi wambel Damaskus. Ea' nase'ana pasa basef amama Sol. Ma'iam na'ama ma'i, “I'i Sol niti enis amam nematawa saila eaf anama dambainai sape Damaskusi, nonda' kalabusimas nombale'as nefa'as sefe' Jerusalem.”
3Ea' Sol nafe' nataga felefele'ma Damaskus, mehip anona nafifili howalagon nafi'i nisila'i heven ea' mafifimana. 4Ea' nowa na'oh etap ea' name' anona maf na'ipana na'i, “Sol, Sol, dei' maina ine' nahambombaga ae'?”
5Ea' Sol nahali'ana na'i, “Dembinai, ine' emi egafina?”
Ea' maf anama na'i, “Ae' Jisas ine' nahambombaga ae'. 6Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”
7Ea' amam mafe' maloma Soli mame' maf anama ea' ina mati anona epen, owa'. 8Ea' Sol nohafel na'i niti, owa'. Nati owamb atona. Ea' amam mahapila lagof ananimi mofa'ana mafe' mawis Damaskus.
9Anan nati owamb atona nape nimeguf wanom ea' ina na' gwa'aimi embel maim, owa'.
10Ea' anona alupunai Jisasi nape na'ama Damaskus, agilinama Ananaias. Ea' na'oh nandondo'oh nati Dembinai nofalana na'ipana na'i, “Ananaias!”
Ea' anan na'i, “Dembinai, ae' ape na'ae.”
11Ea' Dembinai na'ipana na'i, “Ine' hafel fo'o eaf anama sa'i usi'inai nefe' ipat Judasi ea' niti anona aman Tarsusinai, agilinama Sol. Dei' anan nanda' beten nape. 12Sol nali' na'oh nandondo'oh ea' nati anona aman agilinama Ananaias atuwasi nifi'i nuwisi nowamona lagofa anona nonda' naep miti andeande' wapoti'.”
13Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem. 14Anan nofa' agel lu'unai ea' ma amam pris dambami ma nombalo' amam nematawa sanda' betena agel ine'inai wambel anae' ma nanda' kalabusimas.”
15Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'. 16Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”
17Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”
18Ea' amamaga mape masopama naep Soli si'i dunduf mafe' mehip makwaha naep Soli mowa. Ea' naep ananimi mati wapoti', nohafel nofa' baptais. 19Ea' na' gwa'aimi nataga la'ifina wapoti'.
Sol nawalapa basef bu'wami Damaskus
Sol nape anom nimeguf naloma amam alupumi Jisasi Damaskus. 20Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”
21Epes hiesi same' basef ananimi ea' sohafel gegelalasis kwapete'as sa'i, “Aman anama nahambombaga amam nematawa sofala agel Jisasi wambel Jerusalem. Ea' dei' nafi'i na'ae ma nowa' esis nonda' kalabusimas nofa'as sefe'ma amam pris dambami. Ea' ma'una aman anama atona.”
22Ea' pepel Soli nataga la'ifina nihi'amabas ma basef nawalipasami. Ea' esis Juda sape Damaskusi same' basefa anan. Esis ina la'ifisa sogwa anom basef si'ipanam, owa'. Anan la'ifina nihi'ambas endilisi na'i, “Jisas anan Krais, God nandandepana nasapa'ana nafi'i.”
Amam Juda manda'mana waf aonai ma moha Sol afuna ea' nafa' nafe'
23Nimeguf hiami mafe'ma ea', amam Juda ma'i basef mandame'mama moha Sol noga'. 24Ea' Sol name' basef amama amamumi. Ea' amam Juda hiami mape mumafi utagw hiami ma taun anama owamb alip wapoti' ma ma'i moha Sol noga'. 25Ea' amam alupumi Soli mofa'ana owamb mafe' malata endalelemb nomon. Ea' malana nape anona holaf lu'unai mapana mandelef malana nisila' endalelemb ande'.
Sol nape Jerusalem
26Sol nafe' Jerusalem ea' na'i nondakolas noloma esis alupusi Jisasi. Ea' esis hiesi umbamahasana. Esis ina sombale'efana sa'i anan alupunai Jisasi, ata' owa'. 27Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.
28Ea' dei' sogawa anan wambota atona Jisasi nalomas nape la'afena esis. Anan la'ifina nanda' maol nafe' Jerusalem anama hiagoma nawalapa basefa agel Dembinai. Anan ina umbamahana, owa'. 29Na'ipasa basef Godi naloma amam Juda magawa diga Griki ea' na'i basef nalomam mandahihianama. Ea' amam mandaiwa'ma basef ananimi magolopa eafa mohana noga'. 30Amam Kristen sahin owan mogawa amama, ea' mofa' Sol mafe' makini Sisaria. Ea' masapa'ana nafe' nape wambel Tarsus.
31Dei' esis amam nematawa Kristen sape etap anama hiagoma Judia naloma Galili naloma Samaria sape opalef awanem sape andeande' ea' esis Kristen sataga la'ifis. Esis sape owina Dembinai ea' Ambal Bu'unai Godi nanda'as sataga la'ifis opalef asasimi. Ea' esis Kristen sataga hias.
Pita nanda' Inas bo'ona
32Pita nafe' wambel anama hiagoma ea' nakini' nafe' taun anama Lida wapoti' nape naloma esis amam nematawa Godi sape wambel anama. 33Ea' nati anona aman Inas. Alop bihiguf ananimi maga'ana, tol na'oh nala lehis nape nogota laona afagof 8-peleim. 34Ea' Pita na'ipana na'i, “Inas, dei' Jisas Krais nanda'ena bo'wena wapoti'. Ine' hafel nendondomba lehis ine'imi andeande'.”
Pita na'ipana ea' dei' etef nohafel. 35Ea' epes hiesi wambel anama biefina Lida naloma Saron satolona samboma opalef safe'ma Dembinai.
Tabita kwaga', Pita nafela'w kohafel wapoti'
36Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim. 37Nemaf anama awes nanda'akw kwaga'. Ea' sasa'opa alop akwa'unai ma sowa'w. Ea' sofa'akw sambe'akw kwa'oh rum ilifanai. 38Wambel Lida nape felefele' ma Jopa. Ea' esis alupusi Jisasi same' basefa Pita nape Lida, sasapa' amam biam mafe'ma anan mahali'ana na'ama ma'i, “Ine' nifi'mai afa'. Ni'i ota' ota' owa'.”
39Ea' Pita nohafel nafe' nalomam, ea' mafe' mataga mofa'ana mafe' rum anama ilif akwa'w kwa'oma. Nematawa hiawai alifiwai wafi'i waitu felefele'ma Pita wape walopa'w. Ea' wihi'ambana klos sagwegw maim akwa'w Dorkas kwagundisami nimbewa' la'ela'ef ata' kwape kwalomawa. 40Ea' Pita nagolo'ma esis amam nematawa sawisi ande', nindiwa nembawa notawa nanda' beten. Ea' namboma amaga ananinai nafe'ma alop nemata'wi na'i, “Tabita, ine' hafel.”
Ea' akwa'w naep mati kwati Pita kohafel kwape. 41Ea' Pita nahapila lagel akwa'unai nafela'w kwaitu. Ea' nofalai esis amam nematawa sombale'efa Godi saloma nematawa awama alifiwai, naso' akwa'w kotanima kwafe'ma esis. 42Basef amama mafe' anama hiagoma wambel Jopa ea' esis amam nematawa hiesi same'am sombale'efa Dembinai. 43Pita nape wambel anama Jopa nimeguf hiami. Anan nape naloma anona aman nandondomba agwafuh bulmakaumi agel ananinai Saimon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.