Luk 20
20
Esis sahali' Jisas sa'i, emi nase'ana agel lu'unai
(Mt 21:23-27; Mk 11:27-33)
1Anona nemaf Jisas nape nase'asa basef amam nematawa ipat lu'unai Godi nomon, nawalapa basef bu'wami Godi. Ea' amam pris dambami maloma amam mawalipasa mi'uli Godi maloma agufumi amam Judai mafi'mai anan. 2Ea' mahali'ana ma'i, “Ine' ni'ipafa. Ine' nanda' maol anama ma pepel eminai? Emi na'ipina dei' nape dembinai nanda' maol anama?”
3Ea' Jisas nagwamama basef na'i, “Ae' wapoti' a'i ihali'ipama anom basef pi'ipiam. 4Aman anama Jon napisi'as embeli, God nape heveni na'ipana napisi'as o enin epen etapani na'ipana?”
5Ea' amam mame' basef amama manda'ipama ma'i, “Afa' wi'i, ‘God nape heveni na'ipa Jon napisi'asi’, atuwasi anan ni'ipafa ni'i, ‘Dei' maina ipe' owa' pembale'efana?’ 6Ea' afa' wi'i, ‘Enin epen nape etapanai na'ipana’, na'ama esis amam nematawa sohafa. Dei' main, hiesi sa'i Jon anona profet dembinai.”
7Ea' magwamana basef Jisas ma'i, “Afa' ina ogawana.”
8Ea' Jisas na'ipam na'i, “Na'ama etin ae' ina i'ipipa ma emi nase'e agel lu'unai anda' maol anama Ae'anai, owa'.”
Basef womun etina epes awami mumafi aof sawa mandalef wainim
(Mt 21:33-46; Mk 12:1-12)
9Ea' Jisas na'ipasa basef amama womun etin esis amam nematawa na'i, “Anona aman nanda' anona aof nawa wain. Ea' nakwahomana aof anama anom amam monda' maolana aof anama mofa' monianai. Ea' nafe' napani nogota launai anona wambel laogoma. 10Ama nogota su'utip mailanai, anan nafamona aofi nasapa' anona nanda' maoli nafe'ma amam manda' maol aof ananinai. Anan na'i amam mose'ana anom su'utip gwa'aimi ma aof anama. Ea' amam mahana matofana notanima nafe'. 11Ea' nafamona aofi nasapa' anona nanda' maoli nafe' wapoti' ma amam, ea' mahana wapoti' manda'ana aona matofana nafa' nafe'. 12Ea' nasapa' anona nafe'ma wenifi. Ea' amam mahana makwahona nawis ande'.
13Ea' anan nafamona aofi na'i, ‘Ae' ata' enda' main? Nogalome ae'anai ae' okom nainailana, esapa'ana nofo'o. Nambimb mome' malogel ananinai o owa'?’
14Ea' amam mati nogalomana ananinai nafi'i, manda'ipama etin ma'i, ‘Aman anama anona nemaf nofa' amamaga hiami ahalomanai. Afa' ohana ma afa' atofa ofa' aof anae'.’
15Ea' mahana makwahona nawis aof ande'ana, mahana afuna. Ea' nambimb anan nafamona aofi nonda' maina amam? 16Nambimb nifi'i noham afum hi'ilam, nose'asa aof anama nofe'ma enis epes.”
Esis same' basef amama sa'i, “Waf anama aonai endilisi. Afa' wandaiwa'mana.”
17Ea' Jisas natilis andeande' na'ipas na'i, “Ea' na'ama etin si'i basef amama mape Baibeli ma'i,
'Owap anama amam mala' ipati magalo'mana, dei' nataga owap nape nali'i ma nembalo' ipat.’
Basef amama ofagema ma'i main? 18Emi egafis hilili'ilamas sowa owap anama, pepe'etas. Ea' i'i owap anama nowa nesali'as, loloweas si'i sopof atona.”
19Ea' amam agufumi esis Judai mogawa Anan na'i basef amama womun etini mondela'wifa amam. Ea' ma'i mombalo'ana. Ea' amam umbamahama esis amam nematawa hiesi.
Amam mahali' Jisasa esis sease'ana takis Sisar gavman dembinai Romunai o owa'?
(Mt 22:15-22; Mk 12:13-17)
20Ea' amam mawalipasa mi'uli Godi maloma amam pris dambami manda'ana naep di'indi'ana ma mombalo'ana mofa'ana. Ea' masapa' anom amam mafi'i matolona. Amam amama manda' doufindouf mambaso'am ma'i amam manda' waf endilisinai. Owa'etin. Amam ma'i mombalo'a Jisasa anom basef na'iami ma moso' anan neafe'ma gavman dembinai ma nonda' kotimana.
21Ea' mahali' Jisas ma'i, “Dembinai tisa, ape' mogawena basef ine'imi bu'wami atom na'ipasam esis amam nematawa. Ine' na'i basef atifima epes isima hiesi agufisi saloma isima agof a'asi na'ama etin hi'alas. Ine' na'ipasa basef maloma waf bu'unai Godi endilisi ma epes hiesi. 22Mi'uli ape'inai na'iam na'imama? Ape' mose'ana takis Sisar gavman dembinai esis Romi o owa'?”
23Jisas negawa ea' ma baso'am amamunai. Ea' na'ipam na'i, 24“Ipe' pihi'ambe anona moni ma ata' itolona. Ambal naloma agel anama mailanai eminai?”
Ea' ma'i, “Amama gavman dembinai Sisar esis Romi.”
25Ea' nagwamam na'ipam na'i, “Ea' amamaga Sisari, amama pese'anam Sisar. Ea' amamaga Godi, pese'anam God.”
26Ea' amam ina la'ifima mombalo'ana ma anom basefa naep esis amam nematawa hiesi, owa'. Amam ukup matamea ma basef amama na'ipamami, ea' masopama malogof tol mape.
Amam manda' doufindouf mahali' Jisasa epes saga'i sohafel wapoti'
(Mt 22:23-33; Mk 12:18-27)
27Anom Sadyusi mafi'mai Jisas. Amam hiami mombale'ef saga'i ina anona nemaf sotanima sohafel wapoti', owa'. 28Ea' mahali'ana ma'i, “Dembinai tisa, fowa' gani Moses nanda' anom basef mail buki ma ape' ma'i, ‘I'i anona aman noga' ma anan awasi a'ana, waulu'mana ata' kope, owalomana ananinai nose'akwa nola enis awasi ma soho'ofana.’ 29Ea' fowa' amam wambota atotona 7-peleim mape. Nali'i sahalomam nase'akw so'uso'win a'akw naga' nakwaho'w kwape. 30Ea' owalomana nafela'w nase'akw. 31Ea' anona owalomana la'efinai wapoti' nanda'am na'ama etin, ea' anona natu'ulanai nase'akw manda'am na'ama etin mafe' matagama owagufunai akutainai. Amam amama wambutaim 7-peleim ina mola enis awasi, owa'. Maga' etin hi'alam. 32Anona nemaf nemata'w waulu'mam kwagi'mam kwagi' kwaga'. 33Ea' anona nemaf esis saga'i sohafel wapoti', nemata'w akwama kope nemata'w emi'wi? Amam 7-peleim mase'akw hi'alam.”
34Ea' Jisas na'ipam na'i, “Amam nematawa nogota anae'isi dei' sandase'ama. 35Ea' emi egafis God na'i bo'wes andeande'ma sotanima sohafel wapoti' sope namusi nemaf anama etap dambainai neataga ina sendase'ama, owa'. 36Esis ina soga' wapoti', owa'. Sopen si'i ensel Godi. Sotanima sohafel hi'agilif wapoti'. Na'ama sope awasi Godi. 37Basef amama ma saga'i sotanima sohafel wapoti', amama fowa' gani Moses nihi'ambepam nif ilalowa mataga lawag sa'unai fandonai, ma'i anan nofala Dembinai na'i
‘Ae' God Abrahami, Aisaki, naloma Jekopi.’
38Basef amama ma'i God ina Dembinai ma epes isima saga'i, owa'. Anan Dembinai ma epes isima sape namusi. Dei' main, epes hiesi sape namisa naep Godi hi'alas.”
39-40Jisas na'iam na'ama, amam mawalipasa mi'uli Godi umbamahama mohali'ana ma anom basef wapoti'. Ea' anom magwamana basef ma'i, “Dembinai Tisa, ine' na'iam andeande'.”
Jisas nahali' amam Farisi ma Krais anan nogalomana eminai
(Mt 22:41-46; Mk 12:35-37)
41Ea' Jisas na'ipam na'i, “Amam ma'i Krais, God nasapa'ana nafi'i anan akunamana Deviti. Ma'i Krais aman atona falafunai si'i epes sape etapi. Dei' maina amam ma'iam na'ama ma Krais? 42Buk anama Songi Devit na'i na'ama na'i,
'Dembinai God na'ipa Dembinai ae'anai na'i, “Ine' nepe lagel da'isinai ae'anai,
43la'ela'ef nefe' netagama anona nemaf ae' enda' naumbih ine'isi sefe' owina ine' si'i sia bo'wagah ine'imi maituma.” ’
44Devit fowa' gani nofala Krais na'i anan Dembinai. Amama atom Krais ina aman atona falafunai, owa'. Anan Dembinai. Dei' maina Devit nofala Krais akunamana ananinai?”
Jisas na'i waf aonai amam tisa mawalipasa mi'uli Godi manda'anai
(Mt 23:1-36; Mk 12:38-40; Lu 11:37-54)
45Amam nematawa hiesi ata' sape same' basef amama, Jisas na'ipa alupumi ananimi na'i, 46“Ipe' pindumafuma amam amama mawalipasa mi'uli Godi. Amam ma'i mundawisam luwaguf bu'wami atom mefe', si'i dambami atom mandawisami. Ma'i enis epes sotolom sondalalimam sonda'mam nemaf bu'unai sinifelom anama lu'wagoma ma naep hiesi sandatama sapoma ma sefela agof amamumi lu'um. Ea' amam ukup ma'i siaifah amama motawa mali'i atom, dambami atom mapoma, nomon ifagw esis Juda hiesi sa'i basef sapeimi o anama hiesi sandakolasam nimeguf amama sanda' gwa'aimi lu'wami. 47Amam amama mawis ifagw amama nematawa alifiwai, manda' wala amamaga awoumi. Ea' manda' beten launai etina esis sotolom si'i amam bu'wami. Anona nemaf God nowaloga epes hiesi, enis epes owa' seanda' waf aonai na'amainai sofa' nimanimi kwawie'um ea' amam mofa' nimanimi lu'wami endilisi.”
Currently Selected:
Luk 20: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Luk 20
20
Esis sahali' Jisas sa'i, emi nase'ana agel lu'unai
(Mt 21:23-27; Mk 11:27-33)
1Anona nemaf Jisas nape nase'asa basef amam nematawa ipat lu'unai Godi nomon, nawalapa basef bu'wami Godi. Ea' amam pris dambami maloma amam mawalipasa mi'uli Godi maloma agufumi amam Judai mafi'mai anan. 2Ea' mahali'ana ma'i, “Ine' ni'ipafa. Ine' nanda' maol anama ma pepel eminai? Emi na'ipina dei' nape dembinai nanda' maol anama?”
3Ea' Jisas nagwamama basef na'i, “Ae' wapoti' a'i ihali'ipama anom basef pi'ipiam. 4Aman anama Jon napisi'as embeli, God nape heveni na'ipana napisi'as o enin epen etapani na'ipana?”
5Ea' amam mame' basef amama manda'ipama ma'i, “Afa' wi'i, ‘God nape heveni na'ipa Jon napisi'asi’, atuwasi anan ni'ipafa ni'i, ‘Dei' maina ipe' owa' pembale'efana?’ 6Ea' afa' wi'i, ‘Enin epen nape etapanai na'ipana’, na'ama esis amam nematawa sohafa. Dei' main, hiesi sa'i Jon anona profet dembinai.”
7Ea' magwamana basef Jisas ma'i, “Afa' ina ogawana.”
8Ea' Jisas na'ipam na'i, “Na'ama etin ae' ina i'ipipa ma emi nase'e agel lu'unai anda' maol anama Ae'anai, owa'.”
Basef womun etina epes awami mumafi aof sawa mandalef wainim
(Mt 21:33-46; Mk 12:1-12)
9Ea' Jisas na'ipasa basef amama womun etin esis amam nematawa na'i, “Anona aman nanda' anona aof nawa wain. Ea' nakwahomana aof anama anom amam monda' maolana aof anama mofa' monianai. Ea' nafe' napani nogota launai anona wambel laogoma. 10Ama nogota su'utip mailanai, anan nafamona aofi nasapa' anona nanda' maoli nafe'ma amam manda' maol aof ananinai. Anan na'i amam mose'ana anom su'utip gwa'aimi ma aof anama. Ea' amam mahana matofana notanima nafe'. 11Ea' nafamona aofi nasapa' anona nanda' maoli nafe' wapoti' ma amam, ea' mahana wapoti' manda'ana aona matofana nafa' nafe'. 12Ea' nasapa' anona nafe'ma wenifi. Ea' amam mahana makwahona nawis ande'.
13Ea' anan nafamona aofi na'i, ‘Ae' ata' enda' main? Nogalome ae'anai ae' okom nainailana, esapa'ana nofo'o. Nambimb mome' malogel ananinai o owa'?’
14Ea' amam mati nogalomana ananinai nafi'i, manda'ipama etin ma'i, ‘Aman anama anona nemaf nofa' amamaga hiami ahalomanai. Afa' ohana ma afa' atofa ofa' aof anae'.’
15Ea' mahana makwahona nawis aof ande'ana, mahana afuna. Ea' nambimb anan nafamona aofi nonda' maina amam? 16Nambimb nifi'i noham afum hi'ilam, nose'asa aof anama nofe'ma enis epes.”
Esis same' basef amama sa'i, “Waf anama aonai endilisi. Afa' wandaiwa'mana.”
17Ea' Jisas natilis andeande' na'ipas na'i, “Ea' na'ama etin si'i basef amama mape Baibeli ma'i,
'Owap anama amam mala' ipati magalo'mana, dei' nataga owap nape nali'i ma nembalo' ipat.’
Basef amama ofagema ma'i main? 18Emi egafis hilili'ilamas sowa owap anama, pepe'etas. Ea' i'i owap anama nowa nesali'as, loloweas si'i sopof atona.”
19Ea' amam agufumi esis Judai mogawa Anan na'i basef amama womun etini mondela'wifa amam. Ea' ma'i mombalo'ana. Ea' amam umbamahama esis amam nematawa hiesi.
Amam mahali' Jisasa esis sease'ana takis Sisar gavman dembinai Romunai o owa'?
(Mt 22:15-22; Mk 12:13-17)
20Ea' amam mawalipasa mi'uli Godi maloma amam pris dambami manda'ana naep di'indi'ana ma mombalo'ana mofa'ana. Ea' masapa' anom amam mafi'i matolona. Amam amama manda' doufindouf mambaso'am ma'i amam manda' waf endilisinai. Owa'etin. Amam ma'i mombalo'a Jisasa anom basef na'iami ma moso' anan neafe'ma gavman dembinai ma nonda' kotimana.
21Ea' mahali' Jisas ma'i, “Dembinai tisa, ape' mogawena basef ine'imi bu'wami atom na'ipasam esis amam nematawa. Ine' na'i basef atifima epes isima hiesi agufisi saloma isima agof a'asi na'ama etin hi'alas. Ine' na'ipasa basef maloma waf bu'unai Godi endilisi ma epes hiesi. 22Mi'uli ape'inai na'iam na'imama? Ape' mose'ana takis Sisar gavman dembinai esis Romi o owa'?”
23Jisas negawa ea' ma baso'am amamunai. Ea' na'ipam na'i, 24“Ipe' pihi'ambe anona moni ma ata' itolona. Ambal naloma agel anama mailanai eminai?”
Ea' ma'i, “Amama gavman dembinai Sisar esis Romi.”
25Ea' nagwamam na'ipam na'i, “Ea' amamaga Sisari, amama pese'anam Sisar. Ea' amamaga Godi, pese'anam God.”
26Ea' amam ina la'ifima mombalo'ana ma anom basefa naep esis amam nematawa hiesi, owa'. Amam ukup matamea ma basef amama na'ipamami, ea' masopama malogof tol mape.
Amam manda' doufindouf mahali' Jisasa epes saga'i sohafel wapoti'
(Mt 22:23-33; Mk 12:18-27)
27Anom Sadyusi mafi'mai Jisas. Amam hiami mombale'ef saga'i ina anona nemaf sotanima sohafel wapoti', owa'. 28Ea' mahali'ana ma'i, “Dembinai tisa, fowa' gani Moses nanda' anom basef mail buki ma ape' ma'i, ‘I'i anona aman noga' ma anan awasi a'ana, waulu'mana ata' kope, owalomana ananinai nose'akwa nola enis awasi ma soho'ofana.’ 29Ea' fowa' amam wambota atotona 7-peleim mape. Nali'i sahalomam nase'akw so'uso'win a'akw naga' nakwaho'w kwape. 30Ea' owalomana nafela'w nase'akw. 31Ea' anona owalomana la'efinai wapoti' nanda'am na'ama etin, ea' anona natu'ulanai nase'akw manda'am na'ama etin mafe' matagama owagufunai akutainai. Amam amama wambutaim 7-peleim ina mola enis awasi, owa'. Maga' etin hi'alam. 32Anona nemaf nemata'w waulu'mam kwagi'mam kwagi' kwaga'. 33Ea' anona nemaf esis saga'i sohafel wapoti', nemata'w akwama kope nemata'w emi'wi? Amam 7-peleim mase'akw hi'alam.”
34Ea' Jisas na'ipam na'i, “Amam nematawa nogota anae'isi dei' sandase'ama. 35Ea' emi egafis God na'i bo'wes andeande'ma sotanima sohafel wapoti' sope namusi nemaf anama etap dambainai neataga ina sendase'ama, owa'. 36Esis ina soga' wapoti', owa'. Sopen si'i ensel Godi. Sotanima sohafel hi'agilif wapoti'. Na'ama sope awasi Godi. 37Basef amama ma saga'i sotanima sohafel wapoti', amama fowa' gani Moses nihi'ambepam nif ilalowa mataga lawag sa'unai fandonai, ma'i anan nofala Dembinai na'i
‘Ae' God Abrahami, Aisaki, naloma Jekopi.’
38Basef amama ma'i God ina Dembinai ma epes isima saga'i, owa'. Anan Dembinai ma epes isima sape namusi. Dei' main, epes hiesi sape namisa naep Godi hi'alas.”
39-40Jisas na'iam na'ama, amam mawalipasa mi'uli Godi umbamahama mohali'ana ma anom basef wapoti'. Ea' anom magwamana basef ma'i, “Dembinai Tisa, ine' na'iam andeande'.”
Jisas nahali' amam Farisi ma Krais anan nogalomana eminai
(Mt 22:41-46; Mk 12:35-37)
41Ea' Jisas na'ipam na'i, “Amam ma'i Krais, God nasapa'ana nafi'i anan akunamana Deviti. Ma'i Krais aman atona falafunai si'i epes sape etapi. Dei' maina amam ma'iam na'ama ma Krais? 42Buk anama Songi Devit na'i na'ama na'i,
'Dembinai God na'ipa Dembinai ae'anai na'i, “Ine' nepe lagel da'isinai ae'anai,
43la'ela'ef nefe' netagama anona nemaf ae' enda' naumbih ine'isi sefe' owina ine' si'i sia bo'wagah ine'imi maituma.” ’
44Devit fowa' gani nofala Krais na'i anan Dembinai. Amama atom Krais ina aman atona falafunai, owa'. Anan Dembinai. Dei' maina Devit nofala Krais akunamana ananinai?”
Jisas na'i waf aonai amam tisa mawalipasa mi'uli Godi manda'anai
(Mt 23:1-36; Mk 12:38-40; Lu 11:37-54)
45Amam nematawa hiesi ata' sape same' basef amama, Jisas na'ipa alupumi ananimi na'i, 46“Ipe' pindumafuma amam amama mawalipasa mi'uli Godi. Amam ma'i mundawisam luwaguf bu'wami atom mefe', si'i dambami atom mandawisami. Ma'i enis epes sotolom sondalalimam sonda'mam nemaf bu'unai sinifelom anama lu'wagoma ma naep hiesi sandatama sapoma ma sefela agof amamumi lu'um. Ea' amam ukup ma'i siaifah amama motawa mali'i atom, dambami atom mapoma, nomon ifagw esis Juda hiesi sa'i basef sapeimi o anama hiesi sandakolasam nimeguf amama sanda' gwa'aimi lu'wami. 47Amam amama mawis ifagw amama nematawa alifiwai, manda' wala amamaga awoumi. Ea' manda' beten launai etina esis sotolom si'i amam bu'wami. Anona nemaf God nowaloga epes hiesi, enis epes owa' seanda' waf aonai na'amainai sofa' nimanimi kwawie'um ea' amam mofa' nimanimi lu'wami endilisi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.