YOUKOIKJAI 13
13
Barnaba si Saul Pienan Hautibü
1Antiok lashonga thuseibü hoba lenbou shuong kiteikei: Barnaba, Niger dogo nyenbou Simon, Kurini kabü Lukia, Herod Tetrark yoa chingenbou Manean, hoba Saul. 2Haoen Bunyubou to lembo hoba mühei nyengko kijinei Soushou Saopobüei laukei, “Barnaba si Saul ngei haosi aila ngakei kho kümsilei kümtila kü shanga phangche pienan phoashi.” 3Ladang haoenei mühei nyengko haosi to shangetan welau thonkei kheijinei haoenei haosi meimeitikei.
4Hibü Soushou Saopobüei haosi hautikei hoba haosi Seleukia sühko koukei. Khüka haosi Kupra to longa haukei. 5Haosi Salamia sühlangkei hoba Jihudabü sinagoga Mühghaü ngühlang phinthonkei; hoba haosi to thuiyola Johan yoan kikei.
6Ladang haoen Pafosa sühko su pendou danjung haukei, haoen Jihudabü amlangbü thuseibü seibü che to kühshokkei; haoeibü nyen Bar-Jisu kikei. 7Hao aeibou akbou governor Sergia Paulas yoa kikei. Governorei Barnaba si Saul ngala hautikei hoba Mühghaü ngühlang ditla shanga phekei. 8Lausikei seibou Elimaei (kho haoeibü nyen tetlabü) governor mailem ka ngaitila haujembo haosi khulimbei. 9Lausikei Saul, aoto Paul dogo laukei, Soushou Saopobüei shenko haoei hao to nyek thean chühkei hoba laukei, 10“No shabüeibü shou, khüpsilang hoba huonei youei shenan, saopobü pendoueibü dangbou, nyi tou Bunyuboueibü lam peksekbü haka athaklep lo? 11Ditashi, toutham Bunyubou ikok ka thüka kia; no nyek thulabü hoba longche nyi chanyu ühüplabü.” Mangde deihak hoba nakthüh hao thükto lotkei, hoba hao jentila shanga müt lamla haujembei. 12Governorei haüthükbü kho hapbei, hoba mailembü che la yeikei. Bunyubou shangabü lenbü khünei hao maangpangkei.
Pisidia kabü Antiok
13Paul si hao jambü shuong Pafos ka longa hauan Pamfiliaa Perga to loukei; lausikei Johanei haosi apyokei hoba Jerusalem to ngaikei. 14Haosikei Perga ka satkei hoba Pisidia kabü Antiok to loukei. Haosiei Nounyet sinagog to atkei hoba setkei. 15Ngühkhüm hoba thuseibü le wean phaia sinagog kabü yaangbü shuongei haoen jungto ngühlang hai hautikei, “Jaisinasi shuong, kanei mütshuong shanga denche thungei jangeilabü ngühlang kisije lenashi.” 16Paul loenkei hoba ik jungeiko hai laukei, “Israelbü hoba Mühghaü to hatbü shuong ditashi. 17#Leiy 6.6 Ho Israel mütli Mühghaüei seneibü pisibou shuong pienkei hoba haoen Ijep kaodaka yenla lean kijinei mütli yaangbü la yeitikei. Haoeibü thükenbü hauei haoen khüka leibakei. 18#NA 1.31 Haoei haoen lamanga po saonyi thüng pangteikei. 19#NA 7.1-2 Kheijinei haoei Kanan kaoa phangshuong nyet sühko shemtikei hoba haoeneibü kao Israelbü la letikei. 20#Matj 2.16 Po saongao leito anjinsem danan phaia tokei haoei haoen la thuseibü Samuel jih asühshongko matjembü shuong kukei. 21#1 Sam 8.5-6 Nyiboua haoenei Choba che hikei, hoba Mühghaüei haoen la Benjamin phang kabü, Kish shou Saul kukei, aoei po saonyi songdakkei. 22#2 Sam 2.4 Kho phaia haoei Saul kuktikei hoba haoeneibü Choba shanga Dawid longtikei.
“Mühghaüei hao shangabü aukabü leko hai laukei, ‘Ngei Jesse shou Dawid hapoua. Ngeibü dambü pendou künan haulabü lele hao kho maangsembü müt che ki.’ 23Kho müteibü thensilen ka, haoei theletbü tegü Mühghaüei Israelbü la khümenbou che sungbakei, hoba hao kho Jisu ki. 24Hobaje hao aloujinei Johanei Israel mütshuong pendou shanga maangpon sepeibü tetsida lenko baptikubü huileda. 25Ladang Johan haoküm haolei thonko loukei haoei laukei, ‘Kanei ngo ao dogo damda? Ngo hao aying, lausikei kü phainei, aoeibü nguoklüh sengkula ngo amu, hao louada.’
26“Jaisinasi shuong, Abraham thensilen shuong, hoba kan Mühghaü to soumo hatbü dan, kho khümenbü ngühlang kho kün jungto hautikukei; 27aishanga Jerusalembü hoba haoeneibü lei- yeibü danei hao ashen, hoba haoenei hao la shedbü kuko Nounyet weko webü thuseibü ngüh shuong loushedtikei. 28Hao haitilabü lele aukabü ai ühüpsikei haoenei hao haitila shanga Pilat to phekei. 29Ladang haoenei hao shanga doan kibü tegü pendou loushedtikei, haoenei hao peisei ka sungyankei hoba hee chenei khünkei. 30Lausikei Mühghaüei hao haikhün ka langngaitikei. 31Hao yoa Galil ka Jerusalem to haubü shuong la chalou lounyu haptikei; hoba haoen tou mütshuong to haoeibü aukabü ki. 32-33#NC 2.7 Künei kan la Ngühlang Maibü songlenda, khei Jisu Khrista langngaitibü danko, sen haoeneibü shisi shuong shanga pisishuong to theletbü kho nyiboubü Nyensang Chiaa lenan kibü tegü hai loushedkei:
‘No kü shou;
tat ngo Kabou la yeia.’
34 #
Isa 5.3 Mangkhün nyaübü to ladangkei nyibou angailabü lele haoei hao haibü ka langngaitia, hoba khüto yoko haoei hai laua:
‘Ngei ka la Dawid la thekubü saopobü
hoba tükdebü haülabü kulabü.’
35 #
NC 16.10 Maimaitham haoei lubü nyensang chiaa lauda:
‘Nyi kaibü saopobü kho anyaütilabü.’
36“Tou Dawid hao metena Mühghaüei tetenbü tegü khangenan phaia haikei, hoba hao pisi shuong yoa khünkei. Hao nyaületkei. 37Lausikei ao Mühghaüei langngaitikei haoje anyaü. 38Hibü, jaisinasi shuong, kanei ho ngeashi, hao danko shabü apbubü kho kan to phinthonda, 39hoba kan Mosa ngühkhüm phanga laobouei atangtien pendou ka hao to mailembü weko tangtibü hapbei. 40#Hab 1.5 Hibü sangashi! Thuseibü lea lenbü loushedlakei thükkei;
41‘Chühashi, kan nyikubü dan!
Maangpangashi hoba mauashi;
aishanga ngei kan jiha kümsilei che kümda,
kümsilei che laobou kan to atei wanan lenasikei
kanei ladangkei maialemlabü!’ ”
42Paul si Barnaba ngaijinei jeteibü ngühnyek haoen to loulabü Nounyetkei laukushi dogo mütshuongei haosi to phekei. 43Ladang kamshai linkei, khünei lembo shaibü Jihudabü hoba Jihuda songle to sepeibü shuong Paul si Barnaba phai sembei hoba haosiei haoen to Mühghaü onou thüka nongan kila shanga thungeijangeikei.
44Sühlangbü Nounyet sangnyu kabü khümbo tegü Bunyubou ngühlang ditla takshatkei. 45Lausikei ladang Jihudabü shuongei kho hapbei haoenei nyek to shatkei. Haoenei nyikukei hoba Paulei laubü to pekngeidang lekei. 46Paul si Barnabaei hau kiko laukei, “Mühghaü ngühlang kho kan la shaang lenjan yingan kikei. Lausikei kanei ho wailetda hoba thon akibü langkei hapla amukei dogo kan lolo lenensije, kün tou Küksithang to sepeida. 47Bunyubouei kün la sakkubü ngühkhüm kho ho ki:
‘Kaodak thonbüa sühko khümenbü hangsilam shanga,
ngei no Küksithang to ngesakbü che yingla pienkei.’ ”
48Küksithang shuongei kho ditan olinyokei hoba haoei Bunyubou ngühlang soneikangtikei. Thon akibü langkei shanga pienan phobü shuong mailembü la yeikei; 49hoba Bunyubou ngüh kaonyek phambo phinthonkei. 50Lausikei Jihudabü shuongei Mühghaü lembü yaangbü saoshuong hoba sangnyu kabü khuleibü tensepbei; haoenei Paul si Barnaba khulimbo shieikoe khangkei, hoba haoen kaonyek ka shian sattikei. 51Lausikei Paul si Barnabaei haoen khulimbo you ka thamngu kangan apbei hoba Ikonia to haukei. 52Hobaje eikshuong kho olinbü hoba Soushou Saopobüei shenkei.
Currently Selected:
YOUKOIKJAI 13: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
YOUKOIKJAI 13
13
Barnaba si Saul Pienan Hautibü
1Antiok lashonga thuseibü hoba lenbou shuong kiteikei: Barnaba, Niger dogo nyenbou Simon, Kurini kabü Lukia, Herod Tetrark yoa chingenbou Manean, hoba Saul. 2Haoen Bunyubou to lembo hoba mühei nyengko kijinei Soushou Saopobüei laukei, “Barnaba si Saul ngei haosi aila ngakei kho kümsilei kümtila kü shanga phangche pienan phoashi.” 3Ladang haoenei mühei nyengko haosi to shangetan welau thonkei kheijinei haoenei haosi meimeitikei.
4Hibü Soushou Saopobüei haosi hautikei hoba haosi Seleukia sühko koukei. Khüka haosi Kupra to longa haukei. 5Haosi Salamia sühlangkei hoba Jihudabü sinagoga Mühghaü ngühlang phinthonkei; hoba haosi to thuiyola Johan yoan kikei.
6Ladang haoen Pafosa sühko su pendou danjung haukei, haoen Jihudabü amlangbü thuseibü seibü che to kühshokkei; haoeibü nyen Bar-Jisu kikei. 7Hao aeibou akbou governor Sergia Paulas yoa kikei. Governorei Barnaba si Saul ngala hautikei hoba Mühghaü ngühlang ditla shanga phekei. 8Lausikei seibou Elimaei (kho haoeibü nyen tetlabü) governor mailem ka ngaitila haujembo haosi khulimbei. 9Lausikei Saul, aoto Paul dogo laukei, Soushou Saopobüei shenko haoei hao to nyek thean chühkei hoba laukei, 10“No shabüeibü shou, khüpsilang hoba huonei youei shenan, saopobü pendoueibü dangbou, nyi tou Bunyuboueibü lam peksekbü haka athaklep lo? 11Ditashi, toutham Bunyubou ikok ka thüka kia; no nyek thulabü hoba longche nyi chanyu ühüplabü.” Mangde deihak hoba nakthüh hao thükto lotkei, hoba hao jentila shanga müt lamla haujembei. 12Governorei haüthükbü kho hapbei, hoba mailembü che la yeikei. Bunyubou shangabü lenbü khünei hao maangpangkei.
Pisidia kabü Antiok
13Paul si hao jambü shuong Pafos ka longa hauan Pamfiliaa Perga to loukei; lausikei Johanei haosi apyokei hoba Jerusalem to ngaikei. 14Haosikei Perga ka satkei hoba Pisidia kabü Antiok to loukei. Haosiei Nounyet sinagog to atkei hoba setkei. 15Ngühkhüm hoba thuseibü le wean phaia sinagog kabü yaangbü shuongei haoen jungto ngühlang hai hautikei, “Jaisinasi shuong, kanei mütshuong shanga denche thungei jangeilabü ngühlang kisije lenashi.” 16Paul loenkei hoba ik jungeiko hai laukei, “Israelbü hoba Mühghaü to hatbü shuong ditashi. 17#Leiy 6.6 Ho Israel mütli Mühghaüei seneibü pisibou shuong pienkei hoba haoen Ijep kaodaka yenla lean kijinei mütli yaangbü la yeitikei. Haoeibü thükenbü hauei haoen khüka leibakei. 18#NA 1.31 Haoei haoen lamanga po saonyi thüng pangteikei. 19#NA 7.1-2 Kheijinei haoei Kanan kaoa phangshuong nyet sühko shemtikei hoba haoeneibü kao Israelbü la letikei. 20#Matj 2.16 Po saongao leito anjinsem danan phaia tokei haoei haoen la thuseibü Samuel jih asühshongko matjembü shuong kukei. 21#1 Sam 8.5-6 Nyiboua haoenei Choba che hikei, hoba Mühghaüei haoen la Benjamin phang kabü, Kish shou Saul kukei, aoei po saonyi songdakkei. 22#2 Sam 2.4 Kho phaia haoei Saul kuktikei hoba haoeneibü Choba shanga Dawid longtikei.
“Mühghaüei hao shangabü aukabü leko hai laukei, ‘Ngei Jesse shou Dawid hapoua. Ngeibü dambü pendou künan haulabü lele hao kho maangsembü müt che ki.’ 23Kho müteibü thensilen ka, haoei theletbü tegü Mühghaüei Israelbü la khümenbou che sungbakei, hoba hao kho Jisu ki. 24Hobaje hao aloujinei Johanei Israel mütshuong pendou shanga maangpon sepeibü tetsida lenko baptikubü huileda. 25Ladang Johan haoküm haolei thonko loukei haoei laukei, ‘Kanei ngo ao dogo damda? Ngo hao aying, lausikei kü phainei, aoeibü nguoklüh sengkula ngo amu, hao louada.’
26“Jaisinasi shuong, Abraham thensilen shuong, hoba kan Mühghaü to soumo hatbü dan, kho khümenbü ngühlang kho kün jungto hautikukei; 27aishanga Jerusalembü hoba haoeneibü lei- yeibü danei hao ashen, hoba haoenei hao la shedbü kuko Nounyet weko webü thuseibü ngüh shuong loushedtikei. 28Hao haitilabü lele aukabü ai ühüpsikei haoenei hao haitila shanga Pilat to phekei. 29Ladang haoenei hao shanga doan kibü tegü pendou loushedtikei, haoenei hao peisei ka sungyankei hoba hee chenei khünkei. 30Lausikei Mühghaüei hao haikhün ka langngaitikei. 31Hao yoa Galil ka Jerusalem to haubü shuong la chalou lounyu haptikei; hoba haoen tou mütshuong to haoeibü aukabü ki. 32-33#NC 2.7 Künei kan la Ngühlang Maibü songlenda, khei Jisu Khrista langngaitibü danko, sen haoeneibü shisi shuong shanga pisishuong to theletbü kho nyiboubü Nyensang Chiaa lenan kibü tegü hai loushedkei:
‘No kü shou;
tat ngo Kabou la yeia.’
34 #
Isa 5.3 Mangkhün nyaübü to ladangkei nyibou angailabü lele haoei hao haibü ka langngaitia, hoba khüto yoko haoei hai laua:
‘Ngei ka la Dawid la thekubü saopobü
hoba tükdebü haülabü kulabü.’
35 #
NC 16.10 Maimaitham haoei lubü nyensang chiaa lauda:
‘Nyi kaibü saopobü kho anyaütilabü.’
36“Tou Dawid hao metena Mühghaüei tetenbü tegü khangenan phaia haikei, hoba hao pisi shuong yoa khünkei. Hao nyaületkei. 37Lausikei ao Mühghaüei langngaitikei haoje anyaü. 38Hibü, jaisinasi shuong, kanei ho ngeashi, hao danko shabü apbubü kho kan to phinthonda, 39hoba kan Mosa ngühkhüm phanga laobouei atangtien pendou ka hao to mailembü weko tangtibü hapbei. 40#Hab 1.5 Hibü sangashi! Thuseibü lea lenbü loushedlakei thükkei;
41‘Chühashi, kan nyikubü dan!
Maangpangashi hoba mauashi;
aishanga ngei kan jiha kümsilei che kümda,
kümsilei che laobou kan to atei wanan lenasikei
kanei ladangkei maialemlabü!’ ”
42Paul si Barnaba ngaijinei jeteibü ngühnyek haoen to loulabü Nounyetkei laukushi dogo mütshuongei haosi to phekei. 43Ladang kamshai linkei, khünei lembo shaibü Jihudabü hoba Jihuda songle to sepeibü shuong Paul si Barnaba phai sembei hoba haosiei haoen to Mühghaü onou thüka nongan kila shanga thungeijangeikei.
44Sühlangbü Nounyet sangnyu kabü khümbo tegü Bunyubou ngühlang ditla takshatkei. 45Lausikei ladang Jihudabü shuongei kho hapbei haoenei nyek to shatkei. Haoenei nyikukei hoba Paulei laubü to pekngeidang lekei. 46Paul si Barnabaei hau kiko laukei, “Mühghaü ngühlang kho kan la shaang lenjan yingan kikei. Lausikei kanei ho wailetda hoba thon akibü langkei hapla amukei dogo kan lolo lenensije, kün tou Küksithang to sepeida. 47Bunyubouei kün la sakkubü ngühkhüm kho ho ki:
‘Kaodak thonbüa sühko khümenbü hangsilam shanga,
ngei no Küksithang to ngesakbü che yingla pienkei.’ ”
48Küksithang shuongei kho ditan olinyokei hoba haoei Bunyubou ngühlang soneikangtikei. Thon akibü langkei shanga pienan phobü shuong mailembü la yeikei; 49hoba Bunyubou ngüh kaonyek phambo phinthonkei. 50Lausikei Jihudabü shuongei Mühghaü lembü yaangbü saoshuong hoba sangnyu kabü khuleibü tensepbei; haoenei Paul si Barnaba khulimbo shieikoe khangkei, hoba haoen kaonyek ka shian sattikei. 51Lausikei Paul si Barnabaei haoen khulimbo you ka thamngu kangan apbei hoba Ikonia to haukei. 52Hobaje eikshuong kho olinbü hoba Soushou Saopobüei shenkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.