YOUKOIKJAI 18
18
Korinta
1Kho phaia Paulei Athen apyoan Korint to loukei. 2Haoei Aquila nyenbü Jihudabü che, Itali ka nyangko loushedbü Pontia mütli che hapbei; aishanga Klaudiaei Jihudabü pendou la Rom apyoan satla ngühkhüm kukei. Hao haoen jungto loukei, 3haoeneibü namsei kümsilei kho phekhun shibü kikei, hoba haokei kheibü yingsije haoei haoen yoa homan liko kümbeileikei. 4Nounyet weko haoei sinagoga aukabü kuko laukei, hoba Grikbü si Jihudabü ham suletla haujembei.
5Ladang Sila si Timoti Makedonia ka lousühkei, Jihudabü la Messia kho Jisu yingkei dogo ngühchung kuko hao lolo khümbo kuan jih pendou songlenla lekei. 6Ladang haoenei hao khulimbei hoba nyikukei, haoei haoeibü nei ka thamngu kangan apbo haoen to laukei, “Kan maualonga kho kaneibü shedbü ong yinglabü. Ho on ngei akünda. Tou ka jaüan ngo Küksithang to haulabü.” 7Haoei apyokei hoba Mühghaü lembü che Titia Jasta nyenbü chem to atkei; haoeibü chem kho sinagog to lepan kikei. 8Krispa nyenbü sinagog kabü yaangbü che, haoeibü chemdang pendou thonan Bunyubou to mailembei; hoba songlenbü ditan Korintbü juongei mailembei hoba baptikei. 9Bunyubouei Paul to mangsanga lenkei, “Tehüt; lendang leashi, sangsembo teki, 10aishanga ngo ka yoa kia.” 11Hibü haoei kho sangnyua po che lit lak thüngko haoen to Mühghaü ngühlang lenkei.
12Galio Akhaiaa governor kijinei Jihudabü pendou chenei thipan Paul khulimbo lokei hoba matjemshang to, 13“Ho mütei Ngühkhüm khulimbo Mühghaü lemtila shanga mütshuong suletla haujemda” dogo lauko leibakei. 14Paulei ngühlau khangla kümbo kitoua Galioei Jihudabü to laukei, “Jihudabü shuong, ho aiche kümshed leishedtibü ayingsi kokbü yepeibü tegüje ngei kan to ditkukhoulabü, 15lausikei ho ngüh shuong hoba nyen shuong hoba kaneibü ngühkhüm shangabü yingalonga, khoje kanei lolo chühshi; ngei kheibü mat jemmang asühda.” 16Hobaje haoei haoen matjemshang ka shian ngaitikei. 17Kheijinei haoen pendouei Sosthena, sinagog yaangbü lapan matjembü khonga ngümeikei; lausikei kho shanga Galioei aikei aphanei.
Antiok to Longeibü
18 #
Wej 6.18 Paul khünei chalou lounyu thüngkei. Kho phaia haoei jaisinasi shuong to bangngüh lenan Priskila si Aquila yoa Siria to longa haukei. Haoei Kenkhraa khu shuan apbei, aishanga haoei thebülanbü lekei. 19Haoen Efesiaa sühkei hoba haoen apyojung hao sinagog to atkei hoba Jihudabü yoa ngühchung kuko laukei. 20Haoenei hao loushangko thüngla phekei, lausikei haoei athelet. 21Hobaje haoen to bangngüh lenan phaia haoei laukei, “Mühghaüei maang angsije ngo kan jungto longeilabü.” Kho phaia hao Efesia ka longa haukei. 22Hao Kaisariaa thakkei hoba Jerusalem to haukei hoba lashongbü to salem lenkei. Kho phaia hao Antiok to yankei. 23Khünei chalou shijo thüngan, haoei haoen apyojung Galatia si Frigia kaonyeka kaoen che ka che to shonko eikshuong pendou hau kitijung haukei.
Efesia si Korinta Apolo
24Alexandria mütli Apolo nyenbü Jihudabü che Efesia to loukei. Hao Lai shangalia shatbü hoba ngühsong kakbü müt che kikei. 25Hao kho Bunyubou lamnyua lenenan kiteikei, hoba haoei Johanei baptibü shanga ong ngeasikei haoei aeibou soushou maangdakbüa Jisu shangabü tükde lauko lenkei. 26Haoei sinagoga aeibou maangkhaiko laukei. Ladang Priskila si Aquilaei haoei laubü ditkei haosiei leilangan Bunyubou lamnyu shanga aei shangashatko lenkei. 27Hao Akhaia to haumang sühkei, hoba jaisinasi shuongei hao thungeijangeikei hoba eikshuong jungto hao sunglettila shanga le dokukei.
Hao ladang sühlangkei, Mühghaü onou danko hao kho mailembü shuong shanga aeibou thuibü yingan kikei; 28aieilausi haoei aeibou hau kiko Messia kho Jisu yingan kikei dogo Lai ka aukabü sungenan kuko wetyoan Jihudabü shuong pühdaka thüklangkei.
Currently Selected:
YOUKOIKJAI 18: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
YOUKOIKJAI 18
18
Korinta
1Kho phaia Paulei Athen apyoan Korint to loukei. 2Haoei Aquila nyenbü Jihudabü che, Itali ka nyangko loushedbü Pontia mütli che hapbei; aishanga Klaudiaei Jihudabü pendou la Rom apyoan satla ngühkhüm kukei. Hao haoen jungto loukei, 3haoeneibü namsei kümsilei kho phekhun shibü kikei, hoba haokei kheibü yingsije haoei haoen yoa homan liko kümbeileikei. 4Nounyet weko haoei sinagoga aukabü kuko laukei, hoba Grikbü si Jihudabü ham suletla haujembei.
5Ladang Sila si Timoti Makedonia ka lousühkei, Jihudabü la Messia kho Jisu yingkei dogo ngühchung kuko hao lolo khümbo kuan jih pendou songlenla lekei. 6Ladang haoenei hao khulimbei hoba nyikukei, haoei haoeibü nei ka thamngu kangan apbo haoen to laukei, “Kan maualonga kho kaneibü shedbü ong yinglabü. Ho on ngei akünda. Tou ka jaüan ngo Küksithang to haulabü.” 7Haoei apyokei hoba Mühghaü lembü che Titia Jasta nyenbü chem to atkei; haoeibü chem kho sinagog to lepan kikei. 8Krispa nyenbü sinagog kabü yaangbü che, haoeibü chemdang pendou thonan Bunyubou to mailembei; hoba songlenbü ditan Korintbü juongei mailembei hoba baptikei. 9Bunyubouei Paul to mangsanga lenkei, “Tehüt; lendang leashi, sangsembo teki, 10aishanga ngo ka yoa kia.” 11Hibü haoei kho sangnyua po che lit lak thüngko haoen to Mühghaü ngühlang lenkei.
12Galio Akhaiaa governor kijinei Jihudabü pendou chenei thipan Paul khulimbo lokei hoba matjemshang to, 13“Ho mütei Ngühkhüm khulimbo Mühghaü lemtila shanga mütshuong suletla haujemda” dogo lauko leibakei. 14Paulei ngühlau khangla kümbo kitoua Galioei Jihudabü to laukei, “Jihudabü shuong, ho aiche kümshed leishedtibü ayingsi kokbü yepeibü tegüje ngei kan to ditkukhoulabü, 15lausikei ho ngüh shuong hoba nyen shuong hoba kaneibü ngühkhüm shangabü yingalonga, khoje kanei lolo chühshi; ngei kheibü mat jemmang asühda.” 16Hobaje haoei haoen matjemshang ka shian ngaitikei. 17Kheijinei haoen pendouei Sosthena, sinagog yaangbü lapan matjembü khonga ngümeikei; lausikei kho shanga Galioei aikei aphanei.
Antiok to Longeibü
18 #
Wej 6.18 Paul khünei chalou lounyu thüngkei. Kho phaia haoei jaisinasi shuong to bangngüh lenan Priskila si Aquila yoa Siria to longa haukei. Haoei Kenkhraa khu shuan apbei, aishanga haoei thebülanbü lekei. 19Haoen Efesiaa sühkei hoba haoen apyojung hao sinagog to atkei hoba Jihudabü yoa ngühchung kuko laukei. 20Haoenei hao loushangko thüngla phekei, lausikei haoei athelet. 21Hobaje haoen to bangngüh lenan phaia haoei laukei, “Mühghaüei maang angsije ngo kan jungto longeilabü.” Kho phaia hao Efesia ka longa haukei. 22Hao Kaisariaa thakkei hoba Jerusalem to haukei hoba lashongbü to salem lenkei. Kho phaia hao Antiok to yankei. 23Khünei chalou shijo thüngan, haoei haoen apyojung Galatia si Frigia kaonyeka kaoen che ka che to shonko eikshuong pendou hau kitijung haukei.
Efesia si Korinta Apolo
24Alexandria mütli Apolo nyenbü Jihudabü che Efesia to loukei. Hao Lai shangalia shatbü hoba ngühsong kakbü müt che kikei. 25Hao kho Bunyubou lamnyua lenenan kiteikei, hoba haoei Johanei baptibü shanga ong ngeasikei haoei aeibou soushou maangdakbüa Jisu shangabü tükde lauko lenkei. 26Haoei sinagoga aeibou maangkhaiko laukei. Ladang Priskila si Aquilaei haoei laubü ditkei haosiei leilangan Bunyubou lamnyu shanga aei shangashatko lenkei. 27Hao Akhaia to haumang sühkei, hoba jaisinasi shuongei hao thungeijangeikei hoba eikshuong jungto hao sunglettila shanga le dokukei.
Hao ladang sühlangkei, Mühghaü onou danko hao kho mailembü shuong shanga aeibou thuibü yingan kikei; 28aieilausi haoei aeibou hau kiko Messia kho Jisu yingan kikei dogo Lai ka aukabü sungenan kuko wetyoan Jihudabü shuong pühdaka thüklangkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.