KAOBAK 35
35
Mühghaüei Bethela Jakob Haükubü
1Kheijinei Mühghaüei Jakob to laukei, “Bethel to angan khünei kiashi, hoba kajai Esau jungka no satkujinei ka jungto longbü Mühghaü la lemshang che yaükuashi.”
2Hibü Jakobei haoeibü chempen hoba hao yoa kibü pendou to laukei, “Kan yoa kibü küksithang mühghaü apashi hoba kan lolo saüenashi, hoba kaneibü neisimei jeiashi. 3Sen meimeijung Bethel to angkho; hoba ngo khonsakbü chaloua küto jongaibou hoba ngo haubü lama kü yoa kibou Mühghaü shanga ngei khünei lemshang che yaükho.” 4Hibü haoenei Jakob la haoeneibü ika kibü küksithang mühghaü pendou hoba haoeneibü noua jibü chimen kukei; hoba Jakobei khübü Shekhem nyangko kibü yembu chungthema khünkei.
5Ladang Jakob meimeikei, sangnyu pendou thükto hatbümokbü longkei, khoei haoenei Jakobeibü shousi shuong phaito ashi. 6Kho khei Jakob hoba hao yoa kibü mütshuong pendou Kanana kibü Luz (kho Bethel) to hao hoba hao yoa kibü müt pendou loukei. 7Haoei khünei lemshang che yaüan khoto ElBethel dogo laukei, aishanga hao haojai jungka satjung haujinei khünei Mühghaü hao jungto tangkhitkei. 8Hobaje Rebekaeibü thuinyu Debora haikei, hoba sao Bethel phanga kibü yembulong phanga khünkei. Hibü kho Alon Bakuth nyenkei.
9Jakob Padan Aram ka longeian phaia, Mühghaü nyibou Jakob jungto longkei, hoba hao haükukei. 10Hobaje Mühghaüei hao to laukei, “Kaibü nyen Jakob; tou ka jaüan kaibü nyen Jakob anyenlabü, lausikei kaibü nyen Israel dogo nyenlabü.” Hibü Mühghaüei haoeibü nyen Israel dogo nyenkukei. 11Hobaje Mühghaüei hao to laukei, “Ngo pendou Thükenbou Mühghaü; bukko haako juong haashi, phang che hoba phangshuong che kilabü, hoba choba shuong kaka longlabü. 12Ngei Abraham hoba Isak la kubü kao kho ngei kala kulabü, hoba kaphainei kaibü thensilen lakei kho kao kulabü.” 13Kheijinei Mühghaüei hao to joyoshang ka angan apbei. 14Jakobei hao to joyoshang khünei laang che phonan kekei, hoba kho thüka lembü yunglabü jonkei, hoba khünei onangkei jonkei. 15Jakobei Mühghaüei hao to joyoshang kaoen khoto Bethel dogo laukei.
Rachel Haibü
16Kheijinei haoen Bethel ka kukkei, hoba Efrat sühla toukei longche kian Rachel na hapla shat longko aeibou khonkukei. 17Hobaje nabuk shat longko kijinei nabuk thuinyuei sao to laukei, “Tehütma, aieilausi tou nyi bousushou che buklabü.” 18Lausikei sao haila thonbü hak hinda yingsije saoei shou la BenOni nyenkukei. Lausikei haobouei hao la Benjamin nyenkukei.
19Hibü Rachel haikei hoba Efrat (kho Bethlehem) lama sao khünkei. 20Jakobei saoeibü hee thüka laang che kekei, kho tat sühko Racheleibü hee laangkee dogo kia. 21Hobaje Israel meimeijung haukei, hoba haoeneibü neichem Eder laangshong danan dangkei.
Jakob Shousishuong
(1 Ld 2.1-2)
22Israel kho kaodaka kijinei, Reubenei hauan haoboueibü thangnyu to yepbei, hoba Israelei ho shangabü ditkei. Israelei shousi anthüknyi kikei. 23Leaeibü shousi shuong ho: Jakobeibü shou jaishoubou Reuben hoba Simeon, Levi, Jehuda, Issakar hoba Zebulun. 24Racheleibü shousi: Josef hoba Benjamin. 25Racheleibü samnyu Bilhaeibü shousi: Dan hoba Naftali; 26hoba Lea samnyu Zilpaeibü shousi: Gad hoba Asher, habü ho Jakob shousi aoyou Padan Aram kaoa hao la bukkukei.
Isak Haibü
27Jakobeibü bou Isak jungto Mamre, Kiriath-Arba (kho Hebron) to loukei, laonei Abraham si Isak kikei. 28Hobaje Isak langkei salang po saongaoto saolei kikei. 29Kheijinei hao thonbü hak hinan haikei, hoba hao jembü mütli yoa yokei, hoba haoshou Esau si Jakobei hao khünkei.
Currently Selected:
KAOBAK 35: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 35
35
Mühghaüei Bethela Jakob Haükubü
1Kheijinei Mühghaüei Jakob to laukei, “Bethel to angan khünei kiashi, hoba kajai Esau jungka no satkujinei ka jungto longbü Mühghaü la lemshang che yaükuashi.”
2Hibü Jakobei haoeibü chempen hoba hao yoa kibü pendou to laukei, “Kan yoa kibü küksithang mühghaü apashi hoba kan lolo saüenashi, hoba kaneibü neisimei jeiashi. 3Sen meimeijung Bethel to angkho; hoba ngo khonsakbü chaloua küto jongaibou hoba ngo haubü lama kü yoa kibou Mühghaü shanga ngei khünei lemshang che yaükho.” 4Hibü haoenei Jakob la haoeneibü ika kibü küksithang mühghaü pendou hoba haoeneibü noua jibü chimen kukei; hoba Jakobei khübü Shekhem nyangko kibü yembu chungthema khünkei.
5Ladang Jakob meimeikei, sangnyu pendou thükto hatbümokbü longkei, khoei haoenei Jakobeibü shousi shuong phaito ashi. 6Kho khei Jakob hoba hao yoa kibü mütshuong pendou Kanana kibü Luz (kho Bethel) to hao hoba hao yoa kibü müt pendou loukei. 7Haoei khünei lemshang che yaüan khoto ElBethel dogo laukei, aishanga hao haojai jungka satjung haujinei khünei Mühghaü hao jungto tangkhitkei. 8Hobaje Rebekaeibü thuinyu Debora haikei, hoba sao Bethel phanga kibü yembulong phanga khünkei. Hibü kho Alon Bakuth nyenkei.
9Jakob Padan Aram ka longeian phaia, Mühghaü nyibou Jakob jungto longkei, hoba hao haükukei. 10Hobaje Mühghaüei hao to laukei, “Kaibü nyen Jakob; tou ka jaüan kaibü nyen Jakob anyenlabü, lausikei kaibü nyen Israel dogo nyenlabü.” Hibü Mühghaüei haoeibü nyen Israel dogo nyenkukei. 11Hobaje Mühghaüei hao to laukei, “Ngo pendou Thükenbou Mühghaü; bukko haako juong haashi, phang che hoba phangshuong che kilabü, hoba choba shuong kaka longlabü. 12Ngei Abraham hoba Isak la kubü kao kho ngei kala kulabü, hoba kaphainei kaibü thensilen lakei kho kao kulabü.” 13Kheijinei Mühghaüei hao to joyoshang ka angan apbei. 14Jakobei hao to joyoshang khünei laang che phonan kekei, hoba kho thüka lembü yunglabü jonkei, hoba khünei onangkei jonkei. 15Jakobei Mühghaüei hao to joyoshang kaoen khoto Bethel dogo laukei.
Rachel Haibü
16Kheijinei haoen Bethel ka kukkei, hoba Efrat sühla toukei longche kian Rachel na hapla shat longko aeibou khonkukei. 17Hobaje nabuk shat longko kijinei nabuk thuinyuei sao to laukei, “Tehütma, aieilausi tou nyi bousushou che buklabü.” 18Lausikei sao haila thonbü hak hinda yingsije saoei shou la BenOni nyenkukei. Lausikei haobouei hao la Benjamin nyenkukei.
19Hibü Rachel haikei hoba Efrat (kho Bethlehem) lama sao khünkei. 20Jakobei saoeibü hee thüka laang che kekei, kho tat sühko Racheleibü hee laangkee dogo kia. 21Hobaje Israel meimeijung haukei, hoba haoeneibü neichem Eder laangshong danan dangkei.
Jakob Shousishuong
(1 Ld 2.1-2)
22Israel kho kaodaka kijinei, Reubenei hauan haoboueibü thangnyu to yepbei, hoba Israelei ho shangabü ditkei. Israelei shousi anthüknyi kikei. 23Leaeibü shousi shuong ho: Jakobeibü shou jaishoubou Reuben hoba Simeon, Levi, Jehuda, Issakar hoba Zebulun. 24Racheleibü shousi: Josef hoba Benjamin. 25Racheleibü samnyu Bilhaeibü shousi: Dan hoba Naftali; 26hoba Lea samnyu Zilpaeibü shousi: Gad hoba Asher, habü ho Jakob shousi aoyou Padan Aram kaoa hao la bukkukei.
Isak Haibü
27Jakobeibü bou Isak jungto Mamre, Kiriath-Arba (kho Hebron) to loukei, laonei Abraham si Isak kikei. 28Hobaje Isak langkei salang po saongaoto saolei kikei. 29Kheijinei hao thonbü hak hinan haikei, hoba hao jembü mütli yoa yokei, hoba haoshou Esau si Jakobei hao khünkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.