JOHAN 4
4
Jisu hoba Samaria Sao
1Johan toje Jisuei bouje juongbou baptikuda hoba eik yeitida dogo Farisibüei dida dogo ladang Jisuei ngekei 2-3haoei Jihuda apyokei hoba Galil to nyibou ngaikei. Tükdebüeije kho Jisuei ayingko hao eikshuongei baptikukei. 4Hao Samaria nakjung haulabü yingan kikei; 5hibü hao Samariaa Jakobei haoshou Josef la kubü Saikhar nyenan sekphai hanbü che nyangko sang che to loukei. 6Jakobeibü deikhün khünei kikei. Wakouei hüan, Jisu deikhün jungatham setkei. Kho chajih aoa kiteikei.
7Samaria sao che deikhula loukei, hoba Jisuei sao to laukei, “Kü la yungla kubü.” 8(Hao eikshuong sangnyu to shausiyung jekla angan apan kikei.) 9Samaria saoei laukei, “No Jihudabü che yingan ngo Samaria sao che to yunglabü lai küman hida?” (Aishanga Jihudabü si Samariabü ajep ashauyoda.) 10Jisuei sao to jongaikei, “Nyi Mühghaü jongsak ngean kikei tegüje hoba ka to, ‘Küla yungla kubü’ dogo laubou kho ngea tegüje, nyi hao ka hian kikhoulabü, hoba haoei ka la langkeibü dei kukhoulabü.” 11Yaksa khoei hao to laukei, “Yaangbou, nyi khujin aki; hoba deikhün kho aeibou haüakei; nyi langkeibü dei kho laka khula? 12Küneibü pi Jakob, aoei kün la ho deikhün kukei, hoba hao hoba hao shousi shuong hoba haoeibü shatsinameikei yungkei, no hao to yaangbou sai?” 13Jisuei sao to jongaikei, “Aoyouei ho dei yunglaje nyibou dei lalabü, 14lausikei aoei ong ngei kubü dei yunglaje hao ladangkei dei alalabü; lausikei ngei hao la kulabü dei khoei hao to ponpen langkei dei pakko deikük la yeilabü.” 15Yaksa khoei hao to laukei, “Yaangbou, ngo dei alalabü hoba hato deikhula aloulabü lele kü la kho dei kubü.” 16Haoei sao to laukei, “Hauashi hoba kalao ngaashi, hoba hato kaiya.” 17Yaksa khoei jongaikei, “Ngei lao aki.” Jisuei sao to laukei, “‘Ngei lao aki’ dogo nyi tükde ong laua; 18aishanga nyi lao ngao kikei, hoba no tou aoto ki, khoje kalao aying. Khonei nyi ngühmai lena.” 19Yaksa khoei hao to laukei, “Yaangbou, no thuseibü che yingkei dogo hapda. 20Küneibü pisibouei ho shongha lembei hoba kan Jihudabüei mütei lemjan kaoen kho Jerusalem ki dogo lauda.” 21Jisuei sao to laukei, “Kü to mailemashi, kanei ho shongha yingsikei Jerusalema yingsikei Bou to alemlabü jihsiphai che louda. 22#Isa 2.3 Kanei ai ange kho kanei lemda; künei ai ngekei kho künei lemda, aishanga khümenbü kho Jihudabü ka ki. 23Lausikei maimaitham Bou to lembü shuongei soushoua hoba ngühmaia lemlabü jih che lousühada, hoba kho tou hanei ki; aishanga Bouei hao lembü dan yingla shanga kheibü mütshuong lamda. 24Mühghaüje Soushou, hoba aoyouei hao lemlaje soushoua hoba ngühmaia lemjan.” 25Yaksa khoei hao to laukei, “Messia, (aoto Naangenbou dogo lauda), hao louada dogo ngei ngeakei. Ladang hao loulaje, haoei kün la ajanjan pendou lenlabü.” 26Jisuei sao to laukei, “Ka to aoei joyoda kho hao.”
27Kho jiha hao eikshuong loukei, hoba hao yaksa che to joyoko kibü hapan haoen maang- pangkei; lankei, “Nyi ai mangsühda?,” ayingsi “Nyi aila sao to joyoda?” dogo aoeikei alau. 28Yaksa khoei deikhu chak apyoan sangnyu to ungkei hoba mütshuong to laukei, 29“Ngei kümbüleibü pendou kü la lenbou, louan chühashi, kho Messia yingasao?” 30Haoen sangnyu ka longkei, hoba hao jungto loukei.
31Kheijineitham hao eikshuongei hao to sukojako laukei, “Lenbou, shauayungashi.” 32Haoei haoen to laukei, “Ngei kanei angebü shausiyung kia.” 33Eikshuong cheei che to laukei, “Müt atei hao la shausiyung sungbakukei sai?” 34Jisuei haoen to laukei, “Kü shausiyung kho ngo hautibouei maangangbü kümla hoba haoeibü kümsilei wantikulabü kho ki. 35‘Lit che kian phaia, toukei youlat jih sühda’, dogo kanei alauda lo? Ngei kan la lenda, kan nyek longan sek aeto limchühashi; haoen latlabü lele nyenakei. Mudonga 36#Dan 12.3 latboueije mu hapda, hoba wenbou si latbou ham liko olinyolabü lele, haoei ponpen langkei youman yoshaiko kia. 37Kho tegü, cheei wenda hoba lubüei latda dogo laubü ngühtet kho ngühmai ki. 38Laonei kan hükotouko aküm kho youman latla shanga ngei kan hautikei; lubü shuongei kümaleia, hoba haoen hübütoubü mai ka kankei penda.”
39“Haoei ngei kümbüleibü pendou lena”, dogo yaksanyuei aukabü kuko lausije kho sangnyu kabü Samariabü juongnyuei hao to mailembei. 40Ladang Samariabü hao jungto loukei, haoenei Jisu to haoen yoa thüngshi dogo sukeijakei; hoba hao khünei chalou nyi setkei. 41Haoeibü ngühei juongnyuei mailembei, 42hoba haoenei yaksanyu to laukei, “Künei ho nyi lenbü ngühliei mailembei dogokei aying, aishanga künei kün lolokei dida, hoba hao kaodak Khümenbou dogo künei ngea.”
Jisuei Yaangbü Cheeibü Shou Maitikubü
43Chalou nyi kho phaia hao khüka Galil to haukei. 44Aishanga thuseibü che kho jembü kaoa nyensang aki dogo Jisuei haoei lolo aukabü kukei. 45Ladang hao Galil to loukei, Galilbüei hao olinko sungletkei; haoei Jerusalem Lema kümbüleibü pendou haoenei hapa, aishanga haoenkei Lem to loukei.
46Hao tokei haoei dei ka ih yeitishang Galil kabü Kana to nyibou loukei. Khünei choba jungkabü yaangbü che kikei, laoboueibü shou Kapernauma shatko kiteikei. 47Ladang kho mütei Jisu Jihuda ka Galil to loua dogo ditkei, hao hao jungto haukei, hoba louan hao shou hailabü lele ong kibou kho maitikushi dogo sukeijakei. 48Jisuei hao to laukei, “Kan dan hoei amaa- philabü hoba maangpanglabü ühüpshongko kanei maialemlabü.” 49Choba jungkabü yaangbouei hao to laukei, “Yaangbou, küshou ühaitoua kaiyena.” 50Jisuei hao to laukei, “Hauashi, kashou langlabü.” Müt khoei Jisuei hao to joyobü ngüh to mailembei, hoba ngaikei. 51Hao lama yanko kitoua hao sambü shuong haü- yokei hoba haoshou langda dogo laukei. 52Hao ai jih ka maijung longeikei dogo haoen ka phekei. Haoenei hao to laukei, “Miet, chaangombou angh chenei mangbokei hao apyokei.” 53Jisuei hao to, “Kashou langlabü” dogo laubü jih khoneitham yingkei dogo haobouei ngekei; hoba hao hoba hao chemdang khümboei mailembei. 54Jisuei hao Jihuda ka Galil to loujinei kümbü amaaphilabü yoa ho nyiboubü ki.
Currently Selected:
JOHAN 4: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
JOHAN 4
4
Jisu hoba Samaria Sao
1Johan toje Jisuei bouje juongbou baptikuda hoba eik yeitida dogo Farisibüei dida dogo ladang Jisuei ngekei 2-3haoei Jihuda apyokei hoba Galil to nyibou ngaikei. Tükdebüeije kho Jisuei ayingko hao eikshuongei baptikukei. 4Hao Samaria nakjung haulabü yingan kikei; 5hibü hao Samariaa Jakobei haoshou Josef la kubü Saikhar nyenan sekphai hanbü che nyangko sang che to loukei. 6Jakobeibü deikhün khünei kikei. Wakouei hüan, Jisu deikhün jungatham setkei. Kho chajih aoa kiteikei.
7Samaria sao che deikhula loukei, hoba Jisuei sao to laukei, “Kü la yungla kubü.” 8(Hao eikshuong sangnyu to shausiyung jekla angan apan kikei.) 9Samaria saoei laukei, “No Jihudabü che yingan ngo Samaria sao che to yunglabü lai küman hida?” (Aishanga Jihudabü si Samariabü ajep ashauyoda.) 10Jisuei sao to jongaikei, “Nyi Mühghaü jongsak ngean kikei tegüje hoba ka to, ‘Küla yungla kubü’ dogo laubou kho ngea tegüje, nyi hao ka hian kikhoulabü, hoba haoei ka la langkeibü dei kukhoulabü.” 11Yaksa khoei hao to laukei, “Yaangbou, nyi khujin aki; hoba deikhün kho aeibou haüakei; nyi langkeibü dei kho laka khula? 12Küneibü pi Jakob, aoei kün la ho deikhün kukei, hoba hao hoba hao shousi shuong hoba haoeibü shatsinameikei yungkei, no hao to yaangbou sai?” 13Jisuei sao to jongaikei, “Aoyouei ho dei yunglaje nyibou dei lalabü, 14lausikei aoei ong ngei kubü dei yunglaje hao ladangkei dei alalabü; lausikei ngei hao la kulabü dei khoei hao to ponpen langkei dei pakko deikük la yeilabü.” 15Yaksa khoei hao to laukei, “Yaangbou, ngo dei alalabü hoba hato deikhula aloulabü lele kü la kho dei kubü.” 16Haoei sao to laukei, “Hauashi hoba kalao ngaashi, hoba hato kaiya.” 17Yaksa khoei jongaikei, “Ngei lao aki.” Jisuei sao to laukei, “‘Ngei lao aki’ dogo nyi tükde ong laua; 18aishanga nyi lao ngao kikei, hoba no tou aoto ki, khoje kalao aying. Khonei nyi ngühmai lena.” 19Yaksa khoei hao to laukei, “Yaangbou, no thuseibü che yingkei dogo hapda. 20Küneibü pisibouei ho shongha lembei hoba kan Jihudabüei mütei lemjan kaoen kho Jerusalem ki dogo lauda.” 21Jisuei sao to laukei, “Kü to mailemashi, kanei ho shongha yingsikei Jerusalema yingsikei Bou to alemlabü jihsiphai che louda. 22#Isa 2.3 Kanei ai ange kho kanei lemda; künei ai ngekei kho künei lemda, aishanga khümenbü kho Jihudabü ka ki. 23Lausikei maimaitham Bou to lembü shuongei soushoua hoba ngühmaia lemlabü jih che lousühada, hoba kho tou hanei ki; aishanga Bouei hao lembü dan yingla shanga kheibü mütshuong lamda. 24Mühghaüje Soushou, hoba aoyouei hao lemlaje soushoua hoba ngühmaia lemjan.” 25Yaksa khoei hao to laukei, “Messia, (aoto Naangenbou dogo lauda), hao louada dogo ngei ngeakei. Ladang hao loulaje, haoei kün la ajanjan pendou lenlabü.” 26Jisuei sao to laukei, “Ka to aoei joyoda kho hao.”
27Kho jiha hao eikshuong loukei, hoba hao yaksa che to joyoko kibü hapan haoen maang- pangkei; lankei, “Nyi ai mangsühda?,” ayingsi “Nyi aila sao to joyoda?” dogo aoeikei alau. 28Yaksa khoei deikhu chak apyoan sangnyu to ungkei hoba mütshuong to laukei, 29“Ngei kümbüleibü pendou kü la lenbou, louan chühashi, kho Messia yingasao?” 30Haoen sangnyu ka longkei, hoba hao jungto loukei.
31Kheijineitham hao eikshuongei hao to sukojako laukei, “Lenbou, shauayungashi.” 32Haoei haoen to laukei, “Ngei kanei angebü shausiyung kia.” 33Eikshuong cheei che to laukei, “Müt atei hao la shausiyung sungbakukei sai?” 34Jisuei haoen to laukei, “Kü shausiyung kho ngo hautibouei maangangbü kümla hoba haoeibü kümsilei wantikulabü kho ki. 35‘Lit che kian phaia, toukei youlat jih sühda’, dogo kanei alauda lo? Ngei kan la lenda, kan nyek longan sek aeto limchühashi; haoen latlabü lele nyenakei. Mudonga 36#Dan 12.3 latboueije mu hapda, hoba wenbou si latbou ham liko olinyolabü lele, haoei ponpen langkei youman yoshaiko kia. 37Kho tegü, cheei wenda hoba lubüei latda dogo laubü ngühtet kho ngühmai ki. 38Laonei kan hükotouko aküm kho youman latla shanga ngei kan hautikei; lubü shuongei kümaleia, hoba haoen hübütoubü mai ka kankei penda.”
39“Haoei ngei kümbüleibü pendou lena”, dogo yaksanyuei aukabü kuko lausije kho sangnyu kabü Samariabü juongnyuei hao to mailembei. 40Ladang Samariabü hao jungto loukei, haoenei Jisu to haoen yoa thüngshi dogo sukeijakei; hoba hao khünei chalou nyi setkei. 41Haoeibü ngühei juongnyuei mailembei, 42hoba haoenei yaksanyu to laukei, “Künei ho nyi lenbü ngühliei mailembei dogokei aying, aishanga künei kün lolokei dida, hoba hao kaodak Khümenbou dogo künei ngea.”
Jisuei Yaangbü Cheeibü Shou Maitikubü
43Chalou nyi kho phaia hao khüka Galil to haukei. 44Aishanga thuseibü che kho jembü kaoa nyensang aki dogo Jisuei haoei lolo aukabü kukei. 45Ladang hao Galil to loukei, Galilbüei hao olinko sungletkei; haoei Jerusalem Lema kümbüleibü pendou haoenei hapa, aishanga haoenkei Lem to loukei.
46Hao tokei haoei dei ka ih yeitishang Galil kabü Kana to nyibou loukei. Khünei choba jungkabü yaangbü che kikei, laoboueibü shou Kapernauma shatko kiteikei. 47Ladang kho mütei Jisu Jihuda ka Galil to loua dogo ditkei, hao hao jungto haukei, hoba louan hao shou hailabü lele ong kibou kho maitikushi dogo sukeijakei. 48Jisuei hao to laukei, “Kan dan hoei amaa- philabü hoba maangpanglabü ühüpshongko kanei maialemlabü.” 49Choba jungkabü yaangbouei hao to laukei, “Yaangbou, küshou ühaitoua kaiyena.” 50Jisuei hao to laukei, “Hauashi, kashou langlabü.” Müt khoei Jisuei hao to joyobü ngüh to mailembei, hoba ngaikei. 51Hao lama yanko kitoua hao sambü shuong haü- yokei hoba haoshou langda dogo laukei. 52Hao ai jih ka maijung longeikei dogo haoen ka phekei. Haoenei hao to laukei, “Miet, chaangombou angh chenei mangbokei hao apyokei.” 53Jisuei hao to, “Kashou langlabü” dogo laubü jih khoneitham yingkei dogo haobouei ngekei; hoba hao hoba hao chemdang khümboei mailembei. 54Jisuei hao Jihuda ka Galil to loujinei kümbü amaaphilabü yoa ho nyiboubü ki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.