LUK 6
6
Nounyet shangabü Phebü
(Mt 12.1-8; Mk 2.23-28)
1Nounyet hao whetlaak danko paiko kiteikei, hoba haoeibü eikshuongei youman yetan sungan ika nyuian shauko hapbei. 2Farisibü atei laukei, “Aila kanei ngühkhüm lulimbo Nounyet leilutida?” 3Jisuei haoen to jongaikei, “Dawid hoba hao you jambü shuong mühei haijinei haoei ai kümbei kanei ladangkei aweou lo? 4#1 Sam 21.1-6 Hao Mühghaü chem to atkei, hoba Mühghaü thedanga phobü Wentek, laobou ungshedbou to liman lubüei shaujan aying, kho haoei sungkei hoba shaukei, hoba hao youjambü shuong la kukei.” 5Haoei haoen to laukei, “Müteibü Shou kho Nounyet Bunyubou ki.”
Iksibü Müt
(Mt 12.9-14; Mk 3.1-6)
6Lubü Nounyet hao sinagog to atkei hoba khünei lenko kikei. Khünei mae ik sibü müt che kiteikei. 7Hobaje Ngühkhüm lenbou shuong si Farisi shuongei haoei Nounyet maitikuasaoje dogo, hao attila shanga aukabü lambo Jisu to chühko kiteikei. 8Lausikei haoei haoeneibü dambü ngeenkei hoba iksibü müt khüto laukei, “Pienashi hoba jenyua loashi.” Hao pienkei hoba khünei lokei. 9Jisuei haoen to laukei, “Ngei kan to pheda, Nounyet maibü kümla si amaibü kümla sakkuda? Langkei püetla si kho haitila sakkuda?” 10Haoei haoen pendou to chühkei hoba müt khüto laukei, “Kaibü ik shingashi.” Haoei khei kümbei hoba haoeibü ik maian apbei. 11Lausikei haoen aeibou khauangkei hoba haoenei Jisu to ai kümsi maila dogo sangkukei.
Jisuei Eik Anthüknyi Pienbü
(Mt 10.1-4; Mk 3.13-19)
12Khübü chaloua hao welaula shongh to angkei, hoba haoei langyang sünga Mühghaü to welauko dantikei. 13Ladang langngekei haoei hao eikshuong hao jungto ngakei, hoba haoen yoa haoei anthüknyi pienan haoen to Youkoikjai shuong dogo ngakei: 14Simon, ao to Peter laukei, hoba haona Andria, Jakob si Johan, Filip si Bartholomia, 15Mathi si Thoma, Alfia shou Jakob, Zealot nyenbü Simon, 16Jakob shou Judas hoba Judas Iskhariot, ao huonbou yeikei.
Jisuei Lenbü hoba Maitibü
(Mt 4.23-25)
17Jisu haoen yoa yankei hoba yo chenei lokei. Hobaje hao eikshuong mütshang yaang, Judea kaodak hoba Jerusalem pendou aeka hoba Tair si Sidon yungko ka noknyüh yaang, 18hao ngüh ditla hoba haoen shat maila shanga loukei; hoba aoyou shabü souei khonsakko kikei haoen maitikei. 19Noknyüh pendouei hao to meitila lameikei, aishanga hao ka sei longko hoba pendou maitiko kikei.
Olin hoba Maangmau
(Mt 5.1-12)
20Haoei hao eikshuong to chühangtikei hoba laukei,
“Kan shalebü olinbou;
aishanga Mühghaü sangle kaneibü.
21Kan tou mühei haiko kibü shuong olinbou;
aishanga kan senyüh shemlabü.
Kan tou haapbü shuong olinbou;
aishanga kan nyilabü.
22“Ladang Müteibü Shou nyen laüa mütei kan mangsenlaje, hoba ladang haoenei haoen yoka kan kuktilaje, hoba kaneibü nyen amaibü laueiko aplaje, kan olinbou. 23Khünyet maang haiashi, hoba olinbüei saiyashi; aishanga khuthüka kaneibü jongsak yaangbü ki. Haoeneibü pisibou shuongei thuseibü shuong to kheinyu jungeikei.
24‘Lausikei kan keibü shuong ügütü;
aishanga kanei kaneibü olinbü lekhüma.’
25 #
Tet 14.13 ‘Kan tou photetnyu kibü shuong ügütü;
aishanga kan mühei hailabü.’
‘Kan tou nyibü shuong ügütü;
aishanga kanei manghaaplabü hoba haaplabü.’
26“Ladang müt pendouei kan shangabü ngüh maibü laulaje ügütü. Aishanga haoen pisibouei amlangbü thuseibü shuong to khei jungeikei.
Dangbou to Sanoubü
(Mt 5.38-48; 7.12a)
27“Ngei kan kü ngüh ditbü shuong to lenda: Kaneibü dangbou to sanouashi, kan mangsenbü shuong to maibü jungeiashi, 28kan to khükbüokbü shuong haükuashi, kan amaiko jungeibü shuong shanga welaukuashi. 29Atei kaneibü om to ipalonga hao la ji ae khokei sepeikuashi, hoba kaibü nei sungbou ka mang- yukkei tesenet. 30Kaka hibü pendou la kuashi, hoba kaibü peisilei langbou ka tehingai. 31Mütshuongei kan to lai jungeitimang sühda kho tegü kanei haoen to jungeiashi. 32Kanei kan to sanoubü shuong to ong sanoua longa kanei ai nyensang hapla? Shabü mütshuongeikei haoen to sanoubü shuong to ong sanoungaida.
33“Hobaje kan to maibü dan to kanei maibü küma longa kanei ai nyensang hapla? Shabü shuongeikei khei kümda. 34Hobaje shemenlabü dogo dambü la kanei lotkua longa kanei ai nyensang hapla? Haoenei khüjoche hapmailabü shanga shabü shuongeikei shabü shuong la lotkuda. 35Lausikei kaneibü dangbou sanouashi, haoen to maibü kümashi, hoba aikei hapmaila adambo lotkuashi; hoba kaneibü pailetbü yaang kilabü, hoba kan Thükkabou Mühghaü shousi shuong yeilabü aieilausi nyensang akubü hoba amaibü to haoei üeisanou ki. 36Kaneibü Bou ailai üeisanou ki kho tegü üeisanou kishi.
Mümat Jembü
(Mt 7.1-5)
37“Mümat tejem, hoba kan matkei ajemlabü. Kanei mü tüatti, hoba kankei üattilabü. Ap kuashi hoba kanlakei ap kulabü. 38Kuashi, hoba lubüeikei kan la kulabü; haoenei kan la shangko, hokeiko, hoba sopbojaiko kulabü; aishanga nyi mü shanga jungeibü takletbü khonei kala haungaikulabü.”
39Haoei haoen la ngühphatbü che lenkei: “Nyekthubü cheei lubü nyekthubü leila thükkei lo? Ham püngkhün to üatetlep lo? 40Eik che kho haoeibü lenbou thüka aying; lausikei ladang eik weko penbüsoubü yeilaje, jembü lenbou tegü kilabü.
41“Aila nyi jembü nyek kabü inphou shangabü adamenko, kaibü jaisina nyeka thamngu nepbü to chühkuda? 42Ayingsi nyi kaibü jembü nyek kabü inphou kho üpbo kaibü jaisina to, ‘Jaisina, ngei ka nyek ka tham kho apbukho’ dogo lai laula thükkei?
“Hibüyoubü, nyi jembü nyek ka shaang inphou kho apashi hoba kheijinei ong nyi kaibü jaisina nyeka kibü thamngu kho apbula nyi shangashatko haplabü.
Bunyu hoba khoeibü Hek
(Mt 7.16-20; 12.33-35)
43“Bunyu maibüei buhek amaibü ehekkuda; ayingsi bunyu amaibüei buhek maibü ehekkuda. 44Bunyu weko hekei shenda; aishanga mütei jaklong ka bhuk akheida, ayingsi haoenei biham ka semlühhek akheida. 45Müt maibüei jembü maangpona maibü thanan phobü ka maibü sungenda, hoba müt amaibüei jembü maangpona amaibü thanan kibü ka amaibü sungenda. Aishanga aiei maangpon shenetnyu ki kho jembü sembungei lauda.
Chemdangbü Müt Nyi
(Mt 7.24-27)
46“Aila kanei kü to, ‘Bunyubou, Bunyubou’ dogoje ngada hoba ngei lenbü akümda? 47Aoyou kü jungto louda hoba kü ngüh ditda hoba khübü jungeida, hao ao phatkei kho ngei kan la lenlabü. 48Hao laang thüka haüko jakan chem huongbü müt che phatkei. Ladang yungsen loukoukei, kho deiei chem to thangyolangkei, lausikei anyaakei aieilausi kho aeibou maian dangkei. 49Lausikei aoei ditda hoba ajungeida, hao huongshang ajakenko kaomaia chemdangbü müt che phatkei. Kho chem to yungsenei thangkei, hoba khoyam nopthetko tuongkei, hoba kho chem lusakbü kho yaang kiteikei.”
Currently Selected:
LUK 6: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
LUK 6
6
Nounyet shangabü Phebü
(Mt 12.1-8; Mk 2.23-28)
1Nounyet hao whetlaak danko paiko kiteikei, hoba haoeibü eikshuongei youman yetan sungan ika nyuian shauko hapbei. 2Farisibü atei laukei, “Aila kanei ngühkhüm lulimbo Nounyet leilutida?” 3Jisuei haoen to jongaikei, “Dawid hoba hao you jambü shuong mühei haijinei haoei ai kümbei kanei ladangkei aweou lo? 4#1 Sam 21.1-6 Hao Mühghaü chem to atkei, hoba Mühghaü thedanga phobü Wentek, laobou ungshedbou to liman lubüei shaujan aying, kho haoei sungkei hoba shaukei, hoba hao youjambü shuong la kukei.” 5Haoei haoen to laukei, “Müteibü Shou kho Nounyet Bunyubou ki.”
Iksibü Müt
(Mt 12.9-14; Mk 3.1-6)
6Lubü Nounyet hao sinagog to atkei hoba khünei lenko kikei. Khünei mae ik sibü müt che kiteikei. 7Hobaje Ngühkhüm lenbou shuong si Farisi shuongei haoei Nounyet maitikuasaoje dogo, hao attila shanga aukabü lambo Jisu to chühko kiteikei. 8Lausikei haoei haoeneibü dambü ngeenkei hoba iksibü müt khüto laukei, “Pienashi hoba jenyua loashi.” Hao pienkei hoba khünei lokei. 9Jisuei haoen to laukei, “Ngei kan to pheda, Nounyet maibü kümla si amaibü kümla sakkuda? Langkei püetla si kho haitila sakkuda?” 10Haoei haoen pendou to chühkei hoba müt khüto laukei, “Kaibü ik shingashi.” Haoei khei kümbei hoba haoeibü ik maian apbei. 11Lausikei haoen aeibou khauangkei hoba haoenei Jisu to ai kümsi maila dogo sangkukei.
Jisuei Eik Anthüknyi Pienbü
(Mt 10.1-4; Mk 3.13-19)
12Khübü chaloua hao welaula shongh to angkei, hoba haoei langyang sünga Mühghaü to welauko dantikei. 13Ladang langngekei haoei hao eikshuong hao jungto ngakei, hoba haoen yoa haoei anthüknyi pienan haoen to Youkoikjai shuong dogo ngakei: 14Simon, ao to Peter laukei, hoba haona Andria, Jakob si Johan, Filip si Bartholomia, 15Mathi si Thoma, Alfia shou Jakob, Zealot nyenbü Simon, 16Jakob shou Judas hoba Judas Iskhariot, ao huonbou yeikei.
Jisuei Lenbü hoba Maitibü
(Mt 4.23-25)
17Jisu haoen yoa yankei hoba yo chenei lokei. Hobaje hao eikshuong mütshang yaang, Judea kaodak hoba Jerusalem pendou aeka hoba Tair si Sidon yungko ka noknyüh yaang, 18hao ngüh ditla hoba haoen shat maila shanga loukei; hoba aoyou shabü souei khonsakko kikei haoen maitikei. 19Noknyüh pendouei hao to meitila lameikei, aishanga hao ka sei longko hoba pendou maitiko kikei.
Olin hoba Maangmau
(Mt 5.1-12)
20Haoei hao eikshuong to chühangtikei hoba laukei,
“Kan shalebü olinbou;
aishanga Mühghaü sangle kaneibü.
21Kan tou mühei haiko kibü shuong olinbou;
aishanga kan senyüh shemlabü.
Kan tou haapbü shuong olinbou;
aishanga kan nyilabü.
22“Ladang Müteibü Shou nyen laüa mütei kan mangsenlaje, hoba ladang haoenei haoen yoka kan kuktilaje, hoba kaneibü nyen amaibü laueiko aplaje, kan olinbou. 23Khünyet maang haiashi, hoba olinbüei saiyashi; aishanga khuthüka kaneibü jongsak yaangbü ki. Haoeneibü pisibou shuongei thuseibü shuong to kheinyu jungeikei.
24‘Lausikei kan keibü shuong ügütü;
aishanga kanei kaneibü olinbü lekhüma.’
25 #
Tet 14.13 ‘Kan tou photetnyu kibü shuong ügütü;
aishanga kan mühei hailabü.’
‘Kan tou nyibü shuong ügütü;
aishanga kanei manghaaplabü hoba haaplabü.’
26“Ladang müt pendouei kan shangabü ngüh maibü laulaje ügütü. Aishanga haoen pisibouei amlangbü thuseibü shuong to khei jungeikei.
Dangbou to Sanoubü
(Mt 5.38-48; 7.12a)
27“Ngei kan kü ngüh ditbü shuong to lenda: Kaneibü dangbou to sanouashi, kan mangsenbü shuong to maibü jungeiashi, 28kan to khükbüokbü shuong haükuashi, kan amaiko jungeibü shuong shanga welaukuashi. 29Atei kaneibü om to ipalonga hao la ji ae khokei sepeikuashi, hoba kaibü nei sungbou ka mang- yukkei tesenet. 30Kaka hibü pendou la kuashi, hoba kaibü peisilei langbou ka tehingai. 31Mütshuongei kan to lai jungeitimang sühda kho tegü kanei haoen to jungeiashi. 32Kanei kan to sanoubü shuong to ong sanoua longa kanei ai nyensang hapla? Shabü mütshuongeikei haoen to sanoubü shuong to ong sanoungaida.
33“Hobaje kan to maibü dan to kanei maibü küma longa kanei ai nyensang hapla? Shabü shuongeikei khei kümda. 34Hobaje shemenlabü dogo dambü la kanei lotkua longa kanei ai nyensang hapla? Haoenei khüjoche hapmailabü shanga shabü shuongeikei shabü shuong la lotkuda. 35Lausikei kaneibü dangbou sanouashi, haoen to maibü kümashi, hoba aikei hapmaila adambo lotkuashi; hoba kaneibü pailetbü yaang kilabü, hoba kan Thükkabou Mühghaü shousi shuong yeilabü aieilausi nyensang akubü hoba amaibü to haoei üeisanou ki. 36Kaneibü Bou ailai üeisanou ki kho tegü üeisanou kishi.
Mümat Jembü
(Mt 7.1-5)
37“Mümat tejem, hoba kan matkei ajemlabü. Kanei mü tüatti, hoba kankei üattilabü. Ap kuashi hoba kanlakei ap kulabü. 38Kuashi, hoba lubüeikei kan la kulabü; haoenei kan la shangko, hokeiko, hoba sopbojaiko kulabü; aishanga nyi mü shanga jungeibü takletbü khonei kala haungaikulabü.”
39Haoei haoen la ngühphatbü che lenkei: “Nyekthubü cheei lubü nyekthubü leila thükkei lo? Ham püngkhün to üatetlep lo? 40Eik che kho haoeibü lenbou thüka aying; lausikei ladang eik weko penbüsoubü yeilaje, jembü lenbou tegü kilabü.
41“Aila nyi jembü nyek kabü inphou shangabü adamenko, kaibü jaisina nyeka thamngu nepbü to chühkuda? 42Ayingsi nyi kaibü jembü nyek kabü inphou kho üpbo kaibü jaisina to, ‘Jaisina, ngei ka nyek ka tham kho apbukho’ dogo lai laula thükkei?
“Hibüyoubü, nyi jembü nyek ka shaang inphou kho apashi hoba kheijinei ong nyi kaibü jaisina nyeka kibü thamngu kho apbula nyi shangashatko haplabü.
Bunyu hoba khoeibü Hek
(Mt 7.16-20; 12.33-35)
43“Bunyu maibüei buhek amaibü ehekkuda; ayingsi bunyu amaibüei buhek maibü ehekkuda. 44Bunyu weko hekei shenda; aishanga mütei jaklong ka bhuk akheida, ayingsi haoenei biham ka semlühhek akheida. 45Müt maibüei jembü maangpona maibü thanan phobü ka maibü sungenda, hoba müt amaibüei jembü maangpona amaibü thanan kibü ka amaibü sungenda. Aishanga aiei maangpon shenetnyu ki kho jembü sembungei lauda.
Chemdangbü Müt Nyi
(Mt 7.24-27)
46“Aila kanei kü to, ‘Bunyubou, Bunyubou’ dogoje ngada hoba ngei lenbü akümda? 47Aoyou kü jungto louda hoba kü ngüh ditda hoba khübü jungeida, hao ao phatkei kho ngei kan la lenlabü. 48Hao laang thüka haüko jakan chem huongbü müt che phatkei. Ladang yungsen loukoukei, kho deiei chem to thangyolangkei, lausikei anyaakei aieilausi kho aeibou maian dangkei. 49Lausikei aoei ditda hoba ajungeida, hao huongshang ajakenko kaomaia chemdangbü müt che phatkei. Kho chem to yungsenei thangkei, hoba khoyam nopthetko tuongkei, hoba kho chem lusakbü kho yaang kiteikei.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.