SAN JUAN 18
18
Oipɨɨ reta Jesús
(Mt 26.47-56; Mc 14.43-50; Lc 22.47-53)
1Jesús kuaekuae jei güire, oasa jemimboe reta ndive ɨ̈aka raɨ Cedrón jee vae jovaicho kotɨ; metei kó raɨ oimea pe, joko pe oike jemimboe reta ndive. 2Jare Judas, jae ko omee jovaicho reta pe vae oikuaa vi jókuae kó raɨ. Echa joko pe Jesús oyemboatɨñoi yepi jemimboe reta ndive. 3Jayave Judas güɨraja sacerdote reta itenondegua reta jare fariseo reta isundaro reta jare jembiokuai reta Jesús oïa pe. Yogüɨraja reta mechero reve reve jare kɨsepuku reve reve. 4Jayave Jesús oë oövaiti, jare jei chupe reta:
—¿Kia pa peeka?
Echa jae oikuaa ma mbae oyeapota chupe vae.
5Jare jei reta chupe:
—Jesús Nazaret-ɨgua.
Jesús jei chupe reta:
—“CHE KO jae.”
Jare Judas, omee chupe reta pe vae oï vi jae reta ndive. 6Jesús jei yave chupe reta: “CHE KO”, opa oa reta jaɨkue kotɨ rupi ɨvɨ re. 7Javoi Jesús oparandu ye chupe reta:
—¿Kia pa peeka?
Jei reta ye:
—Jesús Nazaret-ɨgua.
8Jesús jei:
—Amombeu ma peve che ko jae vae. Pe reta che chereeka yave, pemaeño toyogüɨraja kuae che ndive ñogüɨnoi vae reta.
9Kuae jei oyembopo vaerä tenonde yave jei vae: “Mbaetɨ amokañɨ metei ave nde remee cheve vae reta güi.” 10Jayave Simón Pedro kɨsepuku güɨnoi vae, güɨnoe jɨru güi jare oiporu sacerdote tenondegua ete jembiokuai inambi iyakatu kotɨgua re, jare oyasɨa inambi chugüi. Jókuae tembiokuai jee Malco. 11Jayave Jesús jei Pedro pe:
—Eñono ye ndekɨsepuku jɨru pe. CheRu omee aiporara vaerä vae, aiporara ñotai ko.#Mt 26.39; Mc 14.36; Lc 22.42.
Jesús sacerdote tenondegua ete Anás jóvai
(Mt 26.57-58; Mc 14.53-54; Lc 22.54)
12Jayave sundaro jeta vae juvicha ndive jare judío reta itenondegua reta jembiokuai reta oipɨɨ Jesús jare oipokua. 13Jayave güɨraja Jesús Anás pe räri jae ko Caifás jovaya, Caifás jae ko sacerdote tenondegua ete jókuae año. 14Tenonde yave kuae Caifás ko jei judío reta pe jaekavita ko chupe reta metei kuimbae omano vaerä opaete vae jekovia pe.#Jn 11.49-50.
Pedro Anás joka pe
(Mt 26.69-70; Mc 14.66-68; Lc 22.55-57)
15Simón Pedro jare ïru temimboe yogüɨraja Jesús jaɨkue. Jare kuae ïru temimboe oike sacerdote tenondegua joka pe Jesús oike yave. Echa sacerdote tenondegua oikuaa kuae temimboe. 16Ërei Pedro mbaetɨ oike japɨpe pe. Opɨta öke güi ikatu pe. Jayave ïru temimboe sacerdote tenondegua oikuaa vae oë omomiari kuña öke järoa jare omoingeuka Pedro. 17Jayave tembiokuai kuña öke järoa jei Pedro pe:
—¿Jaeä pa ko nde vi jókuae kuimbae jemimboe?
Pedro jei:
—Jaeä ko che.
18Jare sacerdote tenondegua jembiokuai reta jare judío reta itenondegua reta jembiokuai reta oyatapɨ iyeupe echa iroɨ oï jare oyepee ñogüɨnoi. Pedro vi oyemboɨ oyepee oï jae reta ndive.
Anás oparandu Jesús pe
(Mt 26.59-66; Mc 14.55-64; Lc 22.66-71)
19Jayave sacerdote tenondegua ete oparandu Jesús pe jemimboe reta re jare iporomboe re. 20Jayave Jesús jei chupe:
—Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari. 21¿Maera pa reparandu cheve? Eparandu oyeapɨsaka cheré vae reta pe mbae ra jae chupe reta vae re. Jae reta oikuaa che jae vae.
22Kuae jei yave Jesús, metei judío reta itenondegua reta jembiokuai joko pe oï vae oovapete Jesús jei reve:
—¿Maera pa jökorai rere sacerdote tenondegua ete pe?
23Jesús jei chupe:
—Mbaetɨ jaekavi chemiari yave, emombeu mbae pe ra mbaetɨ jaekavi. Ërei jaekavi chemiari yave, ¿maera pa rekua cheré?
24Jayave Anás omondo Jesús ipokuaa reve Caifás pe jae vi ko sacerdote tenondegua.
Pedro oikuaku Jesús
(Mt 26.71-75; Mc 14.69-72; Lc 22.58-62)
25Jare Simón Pedro oyemboɨ oyepee oï yave, ïru vae reta jei chupe:
—¿Jaeä pa ko nde, jae jemimboe?
Pedro oikuaku, jare jei:
—Jaeä ko che.
26Jayave metei sacerdote tenondegua ete jembiokuai, jae ko jókuae Pedro oyasɨa inambi chugüi vae jëtara, jei Pedro pe:
—Che roecha kó raɨ pe jae ndive.
27Pedro jekuae oikuaku ye; jare jupivei oñee takareo.
Jesús Pilato jóvai
(Mt 27.1-2,11-31; Mc 15.1-20; Lc 23.1-5,13-25)
28Jayave güɨraja reta Jesús Caifás jëta güi mburuvicha oporojäa pe. Ndeimboveasɨ ko jare jae reta mbaetɨ oike mburuvicha oporojäa pe, agüɨye vaerä oyemongɨa, jare jökorai reve jou vecha kuimbae taɨrusu vae isoo Pascua pe. 29Jayave Pilato oë oparandu chupe reta.
—¿Mbae re pa pemboeko kuae kuimbae?
30Jare jei reta chupe:
—Kuae kuimbae oyapo ikavi vae yave, ngaraa tëi ko romboeterenga ndeve.
31Jayave Pilato jei chupe reta:
—Pe reta etei peraja pejäa, mborookuai penoi vae jei rupi.
Jare judío reta jei chupe:
—Ore reta mbaetɨ ko orepuere royuka kia.
32Jökorai jei reta, oyembopo vaerä Jesús jei ma oyeapota chupe vae. Echa Jesús omombeu ma këraita ko omano vae.#Jn 3.14; 12.32. 33Jayave Pilato oike ye morojäa renda pe jare oenɨi Jesús jei chupe:
—¿Nde pa ko jae judío reta Juvicha guasu?
34Jesús jei:
—¿Ndeyeugüi aeño pa rere kuae, ani ïru vae reta pa jei ndeve cheregua?
35Pilato jei chupe:
—Che judioä ko. Nerëtaɨgua reta jare sacerdote reta itenondegua reta ndemboeterenga cheve. ¿Mbae pa reyapo?
36Jesús jei:
—Cheporookuaía kuae ɨvɨ peguaä ko; cheporookuaía kuae ɨvɨ pegua ko yave, cherembiokuai reta oñerarota tëi ko, agüɨye vaerä añemee judío reta ipo pe. Ërei cheporookuaía kuae peguaä ko.
37Jayave Pilato jei chupe:
—¿Jayave, nde pa ko jae mburuvicha guasu?
Jesús jei chupe:
—Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.
38Jayave Pilato oparandu chupe:
—¿Mbae pa jókuae añete vae?
Pilato omboeterenga Jesús omano vaerä
(Mt 27.15-31; Mc 15.6-20; Lc 23.13-25)
Jare kuae jei ma yave, Pilato oë ye judío reta jóvai jare jei chupe reta:
—Mbaetɨ etei aväe teko jese. 39Ërei pe reta peyepokuaa ko oyeyora vaerä peve metei tembipɨɨ Pascua pe. ¿Peipota pa ayora vaerä peve kuae peruvicha guasu?
40Jae reta osapúkai reve jei:
—Agüɨye eyora jókuae kuimbae. Eyora oreve Barrabás.
Jókuae Barrabás ko jae imonda vae.
Currently Selected:
SAN JUAN 18: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
SAN JUAN 18
18
Oipɨɨ reta Jesús
(Mt 26.47-56; Mc 14.43-50; Lc 22.47-53)
1Jesús kuaekuae jei güire, oasa jemimboe reta ndive ɨ̈aka raɨ Cedrón jee vae jovaicho kotɨ; metei kó raɨ oimea pe, joko pe oike jemimboe reta ndive. 2Jare Judas, jae ko omee jovaicho reta pe vae oikuaa vi jókuae kó raɨ. Echa joko pe Jesús oyemboatɨñoi yepi jemimboe reta ndive. 3Jayave Judas güɨraja sacerdote reta itenondegua reta jare fariseo reta isundaro reta jare jembiokuai reta Jesús oïa pe. Yogüɨraja reta mechero reve reve jare kɨsepuku reve reve. 4Jayave Jesús oë oövaiti, jare jei chupe reta:
—¿Kia pa peeka?
Echa jae oikuaa ma mbae oyeapota chupe vae.
5Jare jei reta chupe:
—Jesús Nazaret-ɨgua.
Jesús jei chupe reta:
—“CHE KO jae.”
Jare Judas, omee chupe reta pe vae oï vi jae reta ndive. 6Jesús jei yave chupe reta: “CHE KO”, opa oa reta jaɨkue kotɨ rupi ɨvɨ re. 7Javoi Jesús oparandu ye chupe reta:
—¿Kia pa peeka?
Jei reta ye:
—Jesús Nazaret-ɨgua.
8Jesús jei:
—Amombeu ma peve che ko jae vae. Pe reta che chereeka yave, pemaeño toyogüɨraja kuae che ndive ñogüɨnoi vae reta.
9Kuae jei oyembopo vaerä tenonde yave jei vae: “Mbaetɨ amokañɨ metei ave nde remee cheve vae reta güi.” 10Jayave Simón Pedro kɨsepuku güɨnoi vae, güɨnoe jɨru güi jare oiporu sacerdote tenondegua ete jembiokuai inambi iyakatu kotɨgua re, jare oyasɨa inambi chugüi. Jókuae tembiokuai jee Malco. 11Jayave Jesús jei Pedro pe:
—Eñono ye ndekɨsepuku jɨru pe. CheRu omee aiporara vaerä vae, aiporara ñotai ko.#Mt 26.39; Mc 14.36; Lc 22.42.
Jesús sacerdote tenondegua ete Anás jóvai
(Mt 26.57-58; Mc 14.53-54; Lc 22.54)
12Jayave sundaro jeta vae juvicha ndive jare judío reta itenondegua reta jembiokuai reta oipɨɨ Jesús jare oipokua. 13Jayave güɨraja Jesús Anás pe räri jae ko Caifás jovaya, Caifás jae ko sacerdote tenondegua ete jókuae año. 14Tenonde yave kuae Caifás ko jei judío reta pe jaekavita ko chupe reta metei kuimbae omano vaerä opaete vae jekovia pe.#Jn 11.49-50.
Pedro Anás joka pe
(Mt 26.69-70; Mc 14.66-68; Lc 22.55-57)
15Simón Pedro jare ïru temimboe yogüɨraja Jesús jaɨkue. Jare kuae ïru temimboe oike sacerdote tenondegua joka pe Jesús oike yave. Echa sacerdote tenondegua oikuaa kuae temimboe. 16Ërei Pedro mbaetɨ oike japɨpe pe. Opɨta öke güi ikatu pe. Jayave ïru temimboe sacerdote tenondegua oikuaa vae oë omomiari kuña öke järoa jare omoingeuka Pedro. 17Jayave tembiokuai kuña öke järoa jei Pedro pe:
—¿Jaeä pa ko nde vi jókuae kuimbae jemimboe?
Pedro jei:
—Jaeä ko che.
18Jare sacerdote tenondegua jembiokuai reta jare judío reta itenondegua reta jembiokuai reta oyatapɨ iyeupe echa iroɨ oï jare oyepee ñogüɨnoi. Pedro vi oyemboɨ oyepee oï jae reta ndive.
Anás oparandu Jesús pe
(Mt 26.59-66; Mc 14.55-64; Lc 22.66-71)
19Jayave sacerdote tenondegua ete oparandu Jesús pe jemimboe reta re jare iporomboe re. 20Jayave Jesús jei chupe:
—Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari. 21¿Maera pa reparandu cheve? Eparandu oyeapɨsaka cheré vae reta pe mbae ra jae chupe reta vae re. Jae reta oikuaa che jae vae.
22Kuae jei yave Jesús, metei judío reta itenondegua reta jembiokuai joko pe oï vae oovapete Jesús jei reve:
—¿Maera pa jökorai rere sacerdote tenondegua ete pe?
23Jesús jei chupe:
—Mbaetɨ jaekavi chemiari yave, emombeu mbae pe ra mbaetɨ jaekavi. Ërei jaekavi chemiari yave, ¿maera pa rekua cheré?
24Jayave Anás omondo Jesús ipokuaa reve Caifás pe jae vi ko sacerdote tenondegua.
Pedro oikuaku Jesús
(Mt 26.71-75; Mc 14.69-72; Lc 22.58-62)
25Jare Simón Pedro oyemboɨ oyepee oï yave, ïru vae reta jei chupe:
—¿Jaeä pa ko nde, jae jemimboe?
Pedro oikuaku, jare jei:
—Jaeä ko che.
26Jayave metei sacerdote tenondegua ete jembiokuai, jae ko jókuae Pedro oyasɨa inambi chugüi vae jëtara, jei Pedro pe:
—Che roecha kó raɨ pe jae ndive.
27Pedro jekuae oikuaku ye; jare jupivei oñee takareo.
Jesús Pilato jóvai
(Mt 27.1-2,11-31; Mc 15.1-20; Lc 23.1-5,13-25)
28Jayave güɨraja reta Jesús Caifás jëta güi mburuvicha oporojäa pe. Ndeimboveasɨ ko jare jae reta mbaetɨ oike mburuvicha oporojäa pe, agüɨye vaerä oyemongɨa, jare jökorai reve jou vecha kuimbae taɨrusu vae isoo Pascua pe. 29Jayave Pilato oë oparandu chupe reta.
—¿Mbae re pa pemboeko kuae kuimbae?
30Jare jei reta chupe:
—Kuae kuimbae oyapo ikavi vae yave, ngaraa tëi ko romboeterenga ndeve.
31Jayave Pilato jei chupe reta:
—Pe reta etei peraja pejäa, mborookuai penoi vae jei rupi.
Jare judío reta jei chupe:
—Ore reta mbaetɨ ko orepuere royuka kia.
32Jökorai jei reta, oyembopo vaerä Jesús jei ma oyeapota chupe vae. Echa Jesús omombeu ma këraita ko omano vae.#Jn 3.14; 12.32. 33Jayave Pilato oike ye morojäa renda pe jare oenɨi Jesús jei chupe:
—¿Nde pa ko jae judío reta Juvicha guasu?
34Jesús jei:
—¿Ndeyeugüi aeño pa rere kuae, ani ïru vae reta pa jei ndeve cheregua?
35Pilato jei chupe:
—Che judioä ko. Nerëtaɨgua reta jare sacerdote reta itenondegua reta ndemboeterenga cheve. ¿Mbae pa reyapo?
36Jesús jei:
—Cheporookuaía kuae ɨvɨ peguaä ko; cheporookuaía kuae ɨvɨ pegua ko yave, cherembiokuai reta oñerarota tëi ko, agüɨye vaerä añemee judío reta ipo pe. Ërei cheporookuaía kuae peguaä ko.
37Jayave Pilato jei chupe:
—¿Jayave, nde pa ko jae mburuvicha guasu?
Jesús jei chupe:
—Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.
38Jayave Pilato oparandu chupe:
—¿Mbae pa jókuae añete vae?
Pilato omboeterenga Jesús omano vaerä
(Mt 27.15-31; Mc 15.6-20; Lc 23.13-25)
Jare kuae jei ma yave, Pilato oë ye judío reta jóvai jare jei chupe reta:
—Mbaetɨ etei aväe teko jese. 39Ërei pe reta peyepokuaa ko oyeyora vaerä peve metei tembipɨɨ Pascua pe. ¿Peipota pa ayora vaerä peve kuae peruvicha guasu?
40Jae reta osapúkai reve jei:
—Agüɨye eyora jókuae kuimbae. Eyora oreve Barrabás.
Jókuae Barrabás ko jae imonda vae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.