SAN MARCOS 7
7
Yandepɨa omongɨa vae
(Mt 15.1-20)
1Fariseo reta jare amogüe mborookuai re oporomboe vae Jerusalén güi yogüeru vae reta yatɨ Jesús re. 2Jae reta oecha amogüe Jesús jemimboe reta okaru ñogüɨnoi oyepoembae reve.#7.2 Oyepoembae, jae ko judío reta iporookuai rupi oyepoe reta Tumpa jóvai oyetɨo vaerä vae (Mc 7.2,5). Jáeramo omboeko reta. 3Echa fariseo reta jare opaete judío reta mbaetɨ oyepoe yave mbaetɨ okaru, oyapo vaerä iñemuñagüe reta jeko rami. 4Yogüeru ye maemeea güi yave ave, mbaetɨ oyepoe yave mbaetɨ okaru. Jare oyapoñoi reta jeta ïru mbaembae iñemuñagüe reta iporomboe jei vae: Oyoe tasa reta, yapepo reta, jiero pegua yapepo reta jare tupa reta. 5Jáeramo fariseo reta jare mborookuai re oporomboe vae reta oparandu Jesús pe, jei:
—¿Maera pa nderemimboe reta mbaetɨ oyapo ñaneñemuñagüe reta jeko rami? ¿Maera pa okaru reta oyepoembae reve?
6Jayave Jesús jei chupe reta:
—¡Jova mókoi vae reta! Añete yepe Isaías imiari peré. Echa jae oikuatía körai:
“Kuae tëta chemboete raanga jembe peño.
Ërei ngatu ipɨa mombɨrɨ ko oï chegüi.
7Chemboete raangaiño.
Oporomboe reta kuimbae iporookuai re,#Is 29.13.
Tumpa iporomboe re rami.”
8Echa peeya Tumpa iporookuai, peyapo vaerä peñemuñagüe reta jeko: Peyoe tasa guasu reta jare tasa reta, jare jeta ïru mbaembae peyapo.
9Jare Jesús jei vi chupe reta:
—Peeya ko Tumpa iporookuai, peyapo vaerä peñemuñagüe reta jeko. 10Moisés jei körai: “Pemboete peru jare pesɨ.”#Ex 20.12; Dt 5.16. Jare jei vi körai: “Tu jare ichɨ kotɨ jei ñee kavimbae vae, tomano.”#Ex 21.17; Lv 20.9. 11Ërei pe reta pere körai: “Metei kuimbae ipuere jei tu ani ichɨ pe: ‘Tumpa pe amee vaeräño anoi, chepuere etei romborɨ pɨpe vae.’ ” 12Jökorai pe reta mbaetɨ pemaeño omborɨ vaerä tu ani ichɨ. 13Jare jeta kuae nunga peyapo, jökorai pe reta peeya Tumpa iporookuai peyapo vaerä peñemuñagüe reta jeko, peyomboe jese vae.
14Jesús oenɨi ikotɨ jeta vae reta, jare jei chupe:
—Peyeapɨsaka cheré opaete vae reta, peikuaa kavi vaerä. 15Oipotagüe mbae kuimbae jou vae mbaetɨ ko omongɨa ipɨa. Ërei ipɨa güi mbae oë vae ko omongɨa. 16Oipota oyeapɨsaka vae, toyeapɨsaka kuae re.
17Jare Jesús oeya yatɨ vae reta yave, oike o pe. Jayave jemimboe reta oparandu chupe jókuae ombojaanga reve jei vae re. 18Jayave Jesús jei chupe reta:
—¿Pe reta ave pa mbaetɨ peikuaa kavi? ¿Mbaetɨ pa peikuaa oipotagüe mbae peu vae, mbaetɨ ko omongɨa pepɨa vae? 19Echa mbaetɨ ko ojo pepɨa pe, ojo ko perɨe pe, javoi pemombo ye.
Kuae jei vae rupi opaete tembíu ikavi ko. 20Jare Jesús jei vi:
—Jókuae pepɨa güi oë vae ko, omongɨa pepɨa. 21Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae, 22monda reta, mbaepota rai, mbaembae ikavimbae vae, mborombotavɨ, ikuña pota yae ani imbɨa pota yae, moromotareɨ, ñee ikavimbae, pɨarai jare arakuaambae. 23Opaete kuae ikavimbae vae oë pepɨa güi. Kuae reta ko omongɨa pepɨa.
Kuña Sirofeniciaɨgua iporogüɨrovia
(Mt 15.21-28)
24Jayave Jesús ojo ye joko güi Tiro jare Sidón iɨvɨ kotɨ. Jare oike yave metei o pe, mbaetɨ tëi oipota kia ave oikuaa joko pe oï vae. Ërei oikuaañoi joko pegua reta. 25Jare metei kuña imemɨkuña re aña oya vae oendu Jesús regua yave, ou oyetavatɨka jae jóvai. 26Jae ko judiombae Sirofeniciaɨgua. Jae oyerure Jesús pe ombosɨrɨ vaerä aña imemɨkuña güi. 27Ërei Jesús jei chupe:
—Emaeño tiyangapɨɨ räri michia reta. Echa mbaetɨ jaekavi ñapɨ̈ro vaerä mbɨyape michia reta güi, jare ñamee yaɨmba reta pe.
28Jare kuña jei:
—Añete ko cheYa, ërei yaɨmba raɨ reta ave jou vi ko mesa igüɨ pe michia reta tembíu ombosururugüe.
29Jayave Jesús jei chupe:
—Kuae rere vae jeko pegua ndepuere reo. Aña osɨrɨ ma nememɨkuña güi.
30Jare kuña ojo oväe jo pe yave, oecha imemɨkuña güi aña osɨrɨ ma, jare oyapakua oï jupa pe.
Jesús ombogüera kuimbae iyapɨsambae iñeembae vae
31Jayave Jesús ou ye Tiro iɨvɨ kotɨ güi, jare oasa Sidón jare Decápolis rupi, ou oväe Ɨguasu Galilea pe. 32Jare güeru reta chupe metei kuimbae iyapɨsambae iñeembae vae. Jókuae jerúa reta omoñera Jesús oñono vaerä ipo jese. 33Jayave Jesús güɨraja ïkotɨa yatɨ vae reta güi, jare opöe kuimbae iyapɨsa pe. Jayave ondɨvɨ ipo re, jare opoko kuimbae ikü re. 34Jayave omae ara kotɨ, jare ipɨayekɨi reve jei:
—¡Efata! (Kuae oipota jei: “¡Eyepea!”)
35Jupivei kuimbae iyapɨsa reta oyepea, ikü omɨi jare imiari kavi. 36Jayave Jesús oyókuai reta agüɨye vaerä omombeu kia pe ave. Yepe tëi oyókuai yeyé, ërei jeseve jae reta jeieteño omoërakua. 37Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”
Currently Selected:
SAN MARCOS 7: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
SAN MARCOS 7
7
Yandepɨa omongɨa vae
(Mt 15.1-20)
1Fariseo reta jare amogüe mborookuai re oporomboe vae Jerusalén güi yogüeru vae reta yatɨ Jesús re. 2Jae reta oecha amogüe Jesús jemimboe reta okaru ñogüɨnoi oyepoembae reve.#7.2 Oyepoembae, jae ko judío reta iporookuai rupi oyepoe reta Tumpa jóvai oyetɨo vaerä vae (Mc 7.2,5). Jáeramo omboeko reta. 3Echa fariseo reta jare opaete judío reta mbaetɨ oyepoe yave mbaetɨ okaru, oyapo vaerä iñemuñagüe reta jeko rami. 4Yogüeru ye maemeea güi yave ave, mbaetɨ oyepoe yave mbaetɨ okaru. Jare oyapoñoi reta jeta ïru mbaembae iñemuñagüe reta iporomboe jei vae: Oyoe tasa reta, yapepo reta, jiero pegua yapepo reta jare tupa reta. 5Jáeramo fariseo reta jare mborookuai re oporomboe vae reta oparandu Jesús pe, jei:
—¿Maera pa nderemimboe reta mbaetɨ oyapo ñaneñemuñagüe reta jeko rami? ¿Maera pa okaru reta oyepoembae reve?
6Jayave Jesús jei chupe reta:
—¡Jova mókoi vae reta! Añete yepe Isaías imiari peré. Echa jae oikuatía körai:
“Kuae tëta chemboete raanga jembe peño.
Ërei ngatu ipɨa mombɨrɨ ko oï chegüi.
7Chemboete raangaiño.
Oporomboe reta kuimbae iporookuai re,#Is 29.13.
Tumpa iporomboe re rami.”
8Echa peeya Tumpa iporookuai, peyapo vaerä peñemuñagüe reta jeko: Peyoe tasa guasu reta jare tasa reta, jare jeta ïru mbaembae peyapo.
9Jare Jesús jei vi chupe reta:
—Peeya ko Tumpa iporookuai, peyapo vaerä peñemuñagüe reta jeko. 10Moisés jei körai: “Pemboete peru jare pesɨ.”#Ex 20.12; Dt 5.16. Jare jei vi körai: “Tu jare ichɨ kotɨ jei ñee kavimbae vae, tomano.”#Ex 21.17; Lv 20.9. 11Ërei pe reta pere körai: “Metei kuimbae ipuere jei tu ani ichɨ pe: ‘Tumpa pe amee vaeräño anoi, chepuere etei romborɨ pɨpe vae.’ ” 12Jökorai pe reta mbaetɨ pemaeño omborɨ vaerä tu ani ichɨ. 13Jare jeta kuae nunga peyapo, jökorai pe reta peeya Tumpa iporookuai peyapo vaerä peñemuñagüe reta jeko, peyomboe jese vae.
14Jesús oenɨi ikotɨ jeta vae reta, jare jei chupe:
—Peyeapɨsaka cheré opaete vae reta, peikuaa kavi vaerä. 15Oipotagüe mbae kuimbae jou vae mbaetɨ ko omongɨa ipɨa. Ërei ipɨa güi mbae oë vae ko omongɨa. 16Oipota oyeapɨsaka vae, toyeapɨsaka kuae re.
17Jare Jesús oeya yatɨ vae reta yave, oike o pe. Jayave jemimboe reta oparandu chupe jókuae ombojaanga reve jei vae re. 18Jayave Jesús jei chupe reta:
—¿Pe reta ave pa mbaetɨ peikuaa kavi? ¿Mbaetɨ pa peikuaa oipotagüe mbae peu vae, mbaetɨ ko omongɨa pepɨa vae? 19Echa mbaetɨ ko ojo pepɨa pe, ojo ko perɨe pe, javoi pemombo ye.
Kuae jei vae rupi opaete tembíu ikavi ko. 20Jare Jesús jei vi:
—Jókuae pepɨa güi oë vae ko, omongɨa pepɨa. 21Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae, 22monda reta, mbaepota rai, mbaembae ikavimbae vae, mborombotavɨ, ikuña pota yae ani imbɨa pota yae, moromotareɨ, ñee ikavimbae, pɨarai jare arakuaambae. 23Opaete kuae ikavimbae vae oë pepɨa güi. Kuae reta ko omongɨa pepɨa.
Kuña Sirofeniciaɨgua iporogüɨrovia
(Mt 15.21-28)
24Jayave Jesús ojo ye joko güi Tiro jare Sidón iɨvɨ kotɨ. Jare oike yave metei o pe, mbaetɨ tëi oipota kia ave oikuaa joko pe oï vae. Ërei oikuaañoi joko pegua reta. 25Jare metei kuña imemɨkuña re aña oya vae oendu Jesús regua yave, ou oyetavatɨka jae jóvai. 26Jae ko judiombae Sirofeniciaɨgua. Jae oyerure Jesús pe ombosɨrɨ vaerä aña imemɨkuña güi. 27Ërei Jesús jei chupe:
—Emaeño tiyangapɨɨ räri michia reta. Echa mbaetɨ jaekavi ñapɨ̈ro vaerä mbɨyape michia reta güi, jare ñamee yaɨmba reta pe.
28Jare kuña jei:
—Añete ko cheYa, ërei yaɨmba raɨ reta ave jou vi ko mesa igüɨ pe michia reta tembíu ombosururugüe.
29Jayave Jesús jei chupe:
—Kuae rere vae jeko pegua ndepuere reo. Aña osɨrɨ ma nememɨkuña güi.
30Jare kuña ojo oväe jo pe yave, oecha imemɨkuña güi aña osɨrɨ ma, jare oyapakua oï jupa pe.
Jesús ombogüera kuimbae iyapɨsambae iñeembae vae
31Jayave Jesús ou ye Tiro iɨvɨ kotɨ güi, jare oasa Sidón jare Decápolis rupi, ou oväe Ɨguasu Galilea pe. 32Jare güeru reta chupe metei kuimbae iyapɨsambae iñeembae vae. Jókuae jerúa reta omoñera Jesús oñono vaerä ipo jese. 33Jayave Jesús güɨraja ïkotɨa yatɨ vae reta güi, jare opöe kuimbae iyapɨsa pe. Jayave ondɨvɨ ipo re, jare opoko kuimbae ikü re. 34Jayave omae ara kotɨ, jare ipɨayekɨi reve jei:
—¡Efata! (Kuae oipota jei: “¡Eyepea!”)
35Jupivei kuimbae iyapɨsa reta oyepea, ikü omɨi jare imiari kavi. 36Jayave Jesús oyókuai reta agüɨye vaerä omombeu kia pe ave. Yepe tëi oyókuai yeyé, ërei jeseve jae reta jeieteño omoërakua. 37Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.