Yeremi-aq 35
35
Rehkap Yhûmhtu Pé
1Yosi-a é yhang zo Yehoi-akim Yudaq hkóhkam kut nyi é u, Yeremi-aq chyáng haû Yhûmsîng Garaî é mungdang jé é gi, 2“Rehkap yhûmhtu pê chyáng ê mù, yhángmòq lé nyò luî, haû Yhûmsîng Garaî é yhûm mâ é wàp rawàp má ji hâng yù mù, tsibyiq wing byi huq àq.” gâ ri.
3Haû mù, ngò gi, Habazini-a é yhang shu, góyùq Yeremi-aq é yhang zo, Yazani-a eq yhâng é gu-mang wuì, yhâng é yùqzô pé bànshoq eq Rehkap yhûmhtu gón lé ê shuî yù mù, 4hkum zúng sû Shalum é yhang zo Mase-a é wàp ahtoq hkyam mâ é, zaugun wui é wàp nàm mâ é, Garai Gasâng é byù Igidali-a é yhang zo Hanan é yhang zô pê é wàp nghut é, haû Yhûmsîng Garai é yhûm má shuî wang é nghut lhê. 5Hau htâng, ngò gi, Rehkap yhûmhtu bâng é hí má tsibyiq wing byíng é hkoq eq gòm pé to mù, “Tsibyiq wing shuq keq.” nghû yhángmòq lé taî é nghut lhê.
6Nghut kôlhang, yhángmòq gi, “Ngá-mòq tsibyiq wing shuq râ a nghut; hkâsu mù gâ le, ngá-mòq é îwa nghut sû, Rehkap é yhang zo Yehonadap#35:6 Yehonadap lé, Yonadap le gâ lhê. gi, ‘Núngmòq le, núngmòq é awùt ashín pé le, tsibyiq wing ge shuq râ a nghut. 7Hau htoq agó, núngmòq gi, hkâ-nhám le, yhûm pé a ge saí, kyó a ge hkyó, tsibyiq hkyâm pé a ge saí râ nghut lhê. Núngmòq gi, ayang zúm pé má za nyì mù, haú pé haî lé le ge wó râ a nghut. Haú hkûn, núngmòq gi, núngmòq byù bíng kut nyi wún é mau má chyungxe wó hîng kôrâ nghut lhê.’ ga ngá-mòq lé hkunmó hkyô tô é nghut lhê. 8Ngá-mòq gi, ngá-mòq é îchyí îwa nghut sû, Rehkap é yhang zo Yehonadap mai ngá-mòq lé hkyô tô é hkunmó lhúnglháng lé jì-no gyo bê nghut lhê. Ngá-mòq le, ngá-mòq é yhûmsîng myhî pé le, ngá-mòq é yùqzo byìzô pé le, tsibyiq wing hkâ-nhám a shuq é htoq agó, 9yhûm pé le a saî lúng, tsibyiq hkyâm le a saí, yò le a saí, kyó le a hkyô é nghut lhê. 10Ngá-mòq gi, zúm pé má lúng mù, ngá-mòq é îchyí îwa Yehonadap mai ngá-mòq lé hkunmó hkyô é jung hkangmó lé jì-no gyo bê nghut lhê. 11Nghut kôlhang, Babelon hkóhkâm Nebuhkatneza èq shí mau lé majan lé zân é hkûn, ngá-mòq gi, ‘Lé keq, ngá-nhúng gi, Babelon byu pé eq Aram byu pê é gyèzô pé lé hpâng râ matú, Yerusalem wà mó shut ê ra bê nghut ri.’ nghû taî lhûm é nghut lhê. Haû mù, ngá-mòq gi, Yerusalem wà mó má nyi gyó tô é nghut lhê.” ga taî akô nghut ri.
12Haú hkûn, Yeremi-aq chyáng haû Yhûmsîng Garaî é mungdang jé é gi, 13“Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Núngmòq gi, Ngá é dang pé lé jì-no gyo râ matú, mhoqshit é a hkam yù shî é nghut akô lhú?’ ga haû Yhûmsîng Garai taî pyo ri nghû, Yudaq byu pé eq Yerusalem wà mó má nyi é bang lé ê taî kyo keq. 14Hau htoq agó, ‘Rehkap é yhang zo Yehonadap gi, tsibyiq wing a shuq râ matú yhâng é awùt ashîn pé lé hkunmó hkyô tô é nghut mù, yhángmòq gi, hkû-nyí jé shoq tsibyiq wing a shuq kó nghut ri. Haû gi, yhángmòq é îchyí îwâ é hkunmó lé jì-no gyo kô é yánmai nghut ri. Nghut kôlhang, ngò gi, núngmòq lé adàm dàm taí bê nghut kôle, núngmòq gi, Ngá é jì-no lé a gyo kó nghut ri. 15Ngò gi, núngmòq chyáng, Ngá é duìnhâng zoshâng myìqhtoî pé bànshoq lé adàm dàm nhang kat é nghut mù, yhángmòq gi, “Núngmòq yùq hkangmó, yhûmsing é agè ashop hkyô mai lhing taû lò mù, yhûmsing é nyì yàp sâmlai lé htaî pyám ra râ nghut lhê; gótû hparà pé lé dójaú râ matú hkâcháng kó. Haû jáng, núngmòq gi, núngmòq eq núngmòq é îchyí îwâ pé lé Ngò byî tô é maumyî má chyungxe wó duî kôrâ nghut lhê.” ga taî akô nghut ri. Nghut kôlhang, núngmòq gi, haú lé haî su a ngàm kut kômù, Ngá é dang lé a gyo kó nghut ri. 16Rehkap é yhang zo Yehonadap é awùt ashîn pé gi, yhángmòq é îchyí îwâ pé byî é hkunmó lé châng kut akô nghut ri; nghut kôlhang, byù shí bang gi, Ngá é jì-no a gyo kó nghut ri.’ le gâ ri.
17Haû mù, Isira-elaq é Garai Gasang, Wum-o a-tsam dìk shoq bò Sû, haû Yhûmsîng Garai Gasang shî su ga taî ri; ‘Gyo keq! Ngò gi, Ngò taî tô é byò dàn byò sho hkyô bànshoq lé, Yudaq mau eq Yerusalem wà mó má nyi é yùq hkangmó é ahtoq má jé nhâng râ nghut lhê. Ngò, yhángmòq lé nyò kôlhang, yhángmòq a gyo kó nghut ri; Ngò, yhángmòq lé wùt kôlhang, yhángmòq a tu kó nghut ri.’ gâ ri.” gâ ri.
18Hau htâng, Rehkap é yhûmhtu lé Yeremi-aq taî é gi, “Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Núngmòq gi, núngmòq é îchyí îwa Yehonadap é hkunmó lé jì-no gyo bekô nghut mù, yhang mhoq kyô é pé lé châng kut bekô nghut luî, yhang taî é jung hkangmó lé kut bekô nghut ri.’ gâ ri. 19Haû mù, Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Rehkap é yhang zo Yehonadap gi, Ngo lé dójaú râ awùt ashín hkâ-nhám le wó râ nghut lhê.’ gâ ri.” gâ ri.
Currently Selected:
Yeremi-aq 35: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.