Yeremi-aq 41
41
1Nyhit hkyap hkyap má, hkóhkam é zaugun hpó le nghut mù, hkóhkâm wùt le nghut sû, Elishama é yhang shu, Nehtani-a é yhang zo Ishima-elaq gi, byù raxê yùq eq rahá, Mizipa wà má nyi é Ahikam é yhang zo Gedali-a chyáng lé jé ri. Yhángmòq rahá chôm zo chôm shuq nyî kô é u, 2Nehtani-a é yhang zo Ishima-elaq eq yhâng htâng châng é byù raxê yùq gi, toq mù, Shahpan é yhang shu, Ahikam é yhang zo Gedali-a lé sham èq htim kôluî, haú mau má zau kut râ matú Babelon hkóhkam èq wò byî tô é hui sû, yhang lé sat pyám bekô nghut ri. 3Hau htoq agó, Ishima-elaq gi, Mizipa wà má Gedali-a eq rahá nyi é Yudaq byù bànshoq eq haú má nyi é Babelon gyèzô pé lé le sat pyâm ri.
4Gedali-a sat pyám huî é htang nyí nyí, haú hkyô lé ó yùq le a sé shi-má, 5Shehkem wà, Shilo wà eq Samariq wà pé mâ é byù shit xê yùq gi, yhûmsing é nhutmui lé wùq pyám mù, mèbu pé lâng cheq pyám luî, yhûmsing gùng yhûmsîng yâm cheq yû mù, haû Yhûmsîng Garaî é yhûm má yu wàng râ é matú, gùqzò hkungga eq namngón jung hkungga pé yu lé lo akô nghut ri. 6Haû jáng, Nehtani-a é yhang zo Ishima-elaq gi, haú bang lé ê hui râ ga, ngaù uchyang Mizipa wà mai htoq e ló mù, yhángmòq lé hui jáng, “Ahikam é yhang zo Gedali-a chyáng lé keq ô.” ga taî ri. 7Yhángmòq gi, wàhkaû shut wang ló nyî kô é hkûn, Nehtani-a é yhang zo Ishima-elaq eq yhâng htâng châng é byu pé gi, yhángmòq lé sat pyám kômù, wuì tíng dong má du kat pyâm akô nghut ri. 8Nghut kôlhang, haú bang mâ é raxê yùq gi, Ishima-elaq lé, “Ngá-mòq lé hkâlhû sat pyám ô! Ngá-mòq gi, súngsô, mùk-yó gùq, tsanlun xû eq byo-î pé lé, yò má haq tô tô lhê.” ga taî akô. Haû mù, yhang gi, haú bang lé, góbang eq rahá a sat lhôm pyâm é za nyhi hkyô to bê nghut ri. 9Ishima-elaq mai Gedali-a eq rahá bo sat pyâm é byu pê é màng bànshoq lé, yhang dú kat é wuì tíng dong gi, Isira-elaq hkóhkâm Basha lé htuqhtíng râ matú, hkóhkâm Asa dû tô é wui tíng dong nghut ri. Nehtani-a é yhang zo Ishima-elaq gi, wuì tíng dong haú má màng lhoqpyîng to bê nghut ri.
10Nehtani-a é yhang zo Ishima-elaq gi, Ahikam é yhang zo Gedali-a é lòq má, chyungxe zúng gyèzau hpó Nebuzaradan àp byî tô é, hkóhkam é byìzô pé eq Mizipa wà má nyi myìt gyó tô é mingbyû wuì bànshoq lé chyup yù mù, Ammon byu pê chyáng shúm byu pé dông shuî dàp e ló râ matú shuî htoq e ló bê nghut ri.
11Kare-a é yhang zo Yohanan eq yhâng htâng châng é gyèzaû pé bànshoq gi, Nehtani-a é yhang zo Ishima-elaq kut é ashop é hkyô bànshoq lé wó gyo kôjáng, 12yhángmòq é gyèzô pé bànshoq lé shuî chûng mù, Nehtani-a é yhang zo Ishima-elaq lé majan ê zan râ matú htoq e ló mù, Gibe-on wà mâ é wuìhtum mó nâm má, ê châng hkyit bekô nghut ri. 13Ishima-elaq eq rahá nghut nyi é byù bànshoq bang gi, Kare-a é yhang zo Yohanan eq yhâng htâng châng é gyèzaû pé lé myàng kôjáng, gabú bûm bekô nghut ri. 14Mizipa wà mai Ishima-elaq èq shúm byû dông shuî chung é byù bànshoq bang gi, Kare-a é yhang zo Yohanan chyáng lhing ló bùm bekô nghut ri. 15Nghut kôlhang, Nehtani-a é yhang zo Ishima-elaq eq yhâng é byù shit yùq gi, Yohanan chyáng mai hpâng luî, Ammon byu pê chyáng hpang wang ló bê nghut ri.
Egutuq Ming Shut Hpang E É Hkyô
16Haû mù, Kare-a é yhang zo Yohanan eq yhâng htâng châng é gyèzaû pé bànshoq gi, Ishima-elaq èq Ahikam é yhang zo Gedali-a lé sat pyâm é htâng, Nehtani-a é yhang zo Ishima-elaq é lòq mai Yohanan èq hkyi htoq yu é, Mizipa wà mâ é nyi myìt tô é bang nghut é, gyèzô pé, myiwe wuì, zoshâng wuì eq zau sûwún wuî lé, Gibe-on wà mai shuî htoq yû mù, 17-18e ló luî, Babelon byu pê chyáng mai hpâng râ matú, Egutuq ming shut e ló é hkyôwuì má, Betlehem wà nàm mâ é Kimham bíng yhûm má nô akô nghut ri. Hkâsu mù gâ le, yhángmòq gi, Babelon hkóhkam èq shí mau mâ é zau kut nhang tô é, Ahikam é yhang zo Gedali-a lé, Nehtani-a é yhang zo Ishima-elaq èq sat pyám byî é yánmai, Babelon byu pé lé gyùq bùm kô é yánmai nghut ri.
Currently Selected:
Yeremi-aq 41: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.