Yeremi-aq 44
44
Hparà Hpôlhô Noq Mù Hpû Jamjaû É Hkyô
1Egutuq ming A-o Túm mâ é Migidola, Tahpan-hesi, Memhpi wà pé eq Ahtoq Túm pé má nyi é Yudaq byù bànshoq eq séng luî, Yeremi-aq chyáng jé é mungdang gi, 2“Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; núngmòq gi, Yerusalem wà mó eq Yudaq mau mâ é wà bànshoq htoq má Ngò jé nhang é hpu jamjau hkyô lé myàng bekô nghut ri; ahkuî, haú pé gi, chamchyuîyuì htên gyòp to bê nghut ri. 3Haû gi, yhángmòq kut é agè ashop hkyo é yánmai nghut ri. Yhángmòq gi, yhángmòq yhang le, núngmòq le, núngmòq é îchyí îwâ pé le a sê é gótû hparà pé lé, namngón jung nyhê nhông byi mù, paî noq kô é dông Ngo lé nhikjum lhoqyo bekô nghut ri. 4Ngò gi, ‘Ngò a ngui é, achaq achyut hkyô shî hkâkut kó.’ nghû, Ngá é duìnhâng zoshâng myìqhtoî pé lé adàm dàm taí nhang kat bê nghut lhê. 5Nghut kôlhang, yhángmòq gi, a gyo kô é htoq agó, haî su a ngàm kut kômù, yhángmòq é agè ashop hkyô mai le a taû lhing lò, gótû hparà pé lé namngón jung nyhê nhông byî é le a nô pyám kó nghut ri. 6Haû mù, Ngá é nhikmó-yo hkyô lé hut hkyô kat é nghut luî, Yudaq mau mâ é wà pé eq Yerusalem wà mó mâ é hkyô pé má myi su nyé dùq mù, haú pé gi, hkû-nyí lhê su chamchyuîyuì htên gyòp tô bùm bê nghut ri.
7Ahkuî, Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; núngmòq gi, haî mù, Yudaq mau mai yùqgè wuì, myiwe wuì, zoshâng wuì eq nyheqnú wuì lé lhoqhtên lhoqhtûm pyâm é dông, yhángmòq é matú nyi myìt tô é byù rayùq le a nyì nhâng loshoq, yhûmsing gùng yhûmsîng hpu jamjau hkyô shî lé she hâng yu akô lhú? 8Núngmòq gi, núngmòq lé nyi é Egutuq má gótû hparà hpôlhô pé lé namngón jung nyhê nhông byi mù, núngmòq lòq èq saî é múzó èq, haî mù Ngo lé nhikjum lhoqyô nyi akô lhú? Núngmòq gi, yhûmsing gùng yhûmsîng lhoqhtên pyám râ nghut mù, myìdàm htoq mâ é byù myû bànshoq má nhîng pyám hkyô eq lùmù gànsâng hkyô dùt râ nghut lhê. 9Núngmòq gi, núngmòq é îchyí îwâ pé eq Yudaq hkóhkâm hpó hkóhkâm myhî pé mai kut shut é agè ashop hkyô lé le, Yudaq mau eq Yerusalem wà hkyô pé má núngmòq eq núngmòq é yhûmsîng myhî pé kut shut é agè ashop hkyô lé le, tô-myhî pyám bekô lhú? 10Yhángmòq gi, hkû-nyí jé shoq, myìt le a lhoqnyhûm kó, gyùq hkúnggâ é myìt le a bò kó; núngmòq eq núngmòq é îchyí îwâ pê é hí má Ngò tô tô é hkunmó pé eq Ngá é târâ pé lé le a cháng kó nghut ri.
11Haû mù, Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; Ngò gi, núngmòq é ahtoq má byò dàn byò sho jé nhâng râ matú le, Yudaq a-myû gón lé lhoqhtên pyám râ matú le, myìt hpyit to bê nghut lhê. 12Ngò gi, haû Egutuq ming má ê nyî râ ga myìt hpyit yu é nyi myìt gyó tô é Yudaq byu pé lé yu pyám râ nghut mù, yhángmòq bànshoq gi, Egutuq ming má htûm byùq râ nghut lhê; yhángmòq gi, sham èq le, mùtmó gyó é èq le, shi byùq kôrâ nghut lhê. Yhángmòq gi, je tiq é mai je kô é jé shoq, shâm eq mùtmó gyó é mai shi byùq kôrâ nghut lhê. Yhángmòq gi, nhîng pyám hkyô, gyùq chiq hpo, dâkam pyâm é hkyô eq nyhap pyâm é hkyô dùt kôrâ nghut lhê. 13Ngò gi, Yerusalem wà mó lé mara dam byî é su, Egutuq ming má nyi é bang lé, shâm, mùtmó gyó é eq wúm gyó é èq mara dam byi râ nghut lhê. 14Egutuq ming má ê nyi tô é, myìt gyó tô é Yudaq byu pé gi, yhángmòq ló dum taû nyì nau bum é Yudaq mau má taû lò râ matú, wó hpang lùt mù, nyi myìt gyó tô é bò râ a nghut; wó hpang lùt é ra í yùq mai lai luî, ó le wó taû lò râ a nghut.” gâ ri.
15Haú hkûn, yhûmsing é yhûmsîng myhî pé mai, gótû hparà hpôlhô pé lé namngón jung nyhê nhông byî nyi é lé sê é yùqgè wuì bànshoq eq nàm má yàp tô é myiwe wuì bànshoq, Egutuq ming Ahtoq Túm eq A-o Túm má nyi é shiwa byù ajùm ayò bànshoq gi, Yeremi-aq lé, 16“Ngá-mòq gi, haû Yhûmsîng Garaî é myìng lang luî nàng taî é dang lé gyo râ a nghut! 17Ngá-mòq gi, ngá-mòq kut râ nghû taî tô é lhúnglháng lé kut râ nghut lhê; ngá-mòq le, ngá-mòq é îchyí îwâ pé, ngá-mòq é hkóhkam pé eq ngá-mòq é zaugun wuì le, Yudaq mau mâ é wà pé eq Yerusalem wà hkyô pé má kut é su, ngá-mòq gi, Maúhkung é Hkóhkâm Myhí lé namngón jung nyhê nhông byi luî, shuq jung hkungga pé hut hkyó byi râ nghut lhê. Hkâsu mù gâ le, haú hkûn, ngá-mòq gi, zoshuq agùn agó wó mù, nyì ngón yùqyò luî, wuîhke jamjau hkyô a hui zô é nghut lhê. 18Nghut kôlhang, Maúhkung é Hkóhkâm Myhí lé namngón hkungga nyhê nhông byî é hkyô eq shuq jung hkungga hut hkyô é hkyô lé nô pyâm é mai, ngá-mòq gi, haî le a wó dùt pyâm é htoq agó, shâm eq mùtmó gyó é èq htûm ló nyî bê nghut ri.” ga taî akô nghut ri.
19Hau htoq agó, myiwe wuì gi, “Maúhkung é Hkóhkâm Myhí lé ngá-mòq namngón jung hkungga nyhê nhông byi mù, shuq jung hkungga pé hut hkyó byî é hkûn, yhâng é alhô dàp é mùk bung mù, shuq jung hkungga hut hkyó byî le, ngá-mòq é yhûmsîng hpô pé a bo lòm kô é nghut lhê lhú?” ga taî jàt akô nghut ri.
20Haû jáng, Yeremi-aq gi, yhang lé tû taî é yùqgè myiwe wuì bànshoq lé, 21“Núngmòq, núngmòq é îchyí îwâ pé, núngmòq é hkóhkam pé, núngmòq é zaugun wuì eq mingbyû wuì mai, Yudaq mau mâ é wà pé eq Yerusalem wà hkyô pé má namngón jung nyhê nhông byî é hkyô lé, haû Yhûmsîng Garai a bun lô é za tô-myhî pyám byi bê nghut lhê lhú? 22Núngmòq é agè ashop é hkyîzó lòqzó pé eq núngmòq kut é achaq achyut hkyô pé lé, haû Yhûmsîng Garai a wó jan byi lô é hkûn, núngmòq é mau gi, hkû-nyí lhê é su, nhîng pyám hkyô dùt mù, byù le a nyì chamchyuîyuì dùt to bê nghut ri. 23Núngmòq gi, namngón hkungga nyhê nhông mù, haû Yhûmsîng Garai lé mara kut shut luî, Yhâng é jì-no a gyo, Yhâng é târâ, Yhâng é hkunmó pé eq Yhâng é sângdang pé lé a cháng kut kô é yánmai, ahkuî núngmòq myang é su, núngmòq chyáng hpu jamjau hkyô jé bê nghut ri.” ga tû taî ri.
24Hau htâng, Yeremi-aq gi, shiwa byù eq myiwe wuì bànshoq bang lé, “Egutuq ming má nyi é Yudaq byù bànshoq bang ê, haû Yhûmsîng Garaî é dang lé gyo keq. 25Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; núngmòq eq núngmòq é yhûmsîng myhî pé gi, ‘Maúhkung é Hkóhkâm Myhî é matú, namngón hkungga nyhê nhông mù, shuq jung hkungga pé hut hkyó byi râ nghû ngá-mòq dâkam tô é hkyô lé, ngá-mòq hkyak kut râ nghut lhê.’ ga danghtum htûm to bekô nghut mù, haû eq rajung za kut bekô nghut ri.
Ahkuî, núngmòq danghtum htûm tô é lé lhoqdìk keq hkoi! Núngmòq dâkam tô é eq rajung za châng kut keq hkoi! 26Nghut kôlhang, Egutuq ming má nyi é Yudaq byù bànshoq ê, haû Yhûmsîng Garaî é dang lé gyo keq; haû Yhûmsîng Garai taî le, ‘Egutuq ming má nyi é Yudaq byù ó yùq nghut kôle, “Haû Ahko Ahkáng lhúnglháng wó Sû Yhûmsîng Garai rû dui nyì nyì.” ga, Ngá é myìng lang luî, hkâ-nhám le dakâm râ a nghut lo nghû, Ngò, Ngá é myìng mó lang luî, dâkam lhê. 27Hkâsu mù gâ le, Ngò gi, yhángmòq lé jeju shit râ a nghut, ihkyùp hui zo nhâng râ matú shèq láng wú nyi é ru nghut lhê; Egutuq ming má nyi é Yudaq byu pé gi, yhángmòq bànshoq bang htên gyòp byùq shoq, shâm eq mùtmó gyó é èq htûm byùq kôrâ nghut lhê. 28Haû shâm mai wó lùt mù, Egutuq ming mai Yudaq mau má taû lo é bang gi, shau râ nghut lhê. Haú hkûn, Ngá é dang gingtîng lhê luq, yhángmòq é dang gingtîng lhê lùq nghu é hkyô lé, Egutuq ming má lé nyi é, nyi myìt gyó tô é Yudaq byù lhúnglhâng bang wó sé kôrâ nghut lhê.
29Ngò, núngmòq chyáng ihkyùp lhoqháng byi râ nghu é dang dik râ nghut é lé, núngmòq wó sé râ matú, shí jowò má núngmòq lé Ngò dam byi râ nghut é hkyô, núngmòq é matú alhô agàn gi, shí dông nghut lhê.’ gâ ri; haû gi, Yhûmsîng Garai taî pyo ri. 30Haû Yhûmsîng Garai shî su ga taî ri; ‘Ngò gi, Yudaq hkóhkâm Zedeki-a lé, yhâng é gyè nghut é, yhang lé sat pyám naû sû, Babelon hkóhkâm Nebuhkatneza é lòq má àp pyâm é su, Egutuq hkóhkâm Hpara-uq Hohpra lé, yhang lé sat pyám naû bang nghut é, yhâng é gye pê é lòq má àp pyám râ nghut lhê.’ gâ ri.” ga taî ri.
Currently Selected:
Yeremi-aq 44: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.