Yeremi-aq 7
7
A-kyû A Bo É Shut É Lùmjíng Hkyô
1Yeremi-aq chyáng haû Yhûmsîng Garaî chyáng mâ é mungdang jé é gi, 2“Haû Yhûmsîng Garaî é yhûm mâ é hkum má yàp mù, lùdang shi lé taî pyô àq;
‘Haû Yhûmsîng Garai lé noqkuq râ matú hkum shí pé má lé jé é Yudaq byù bànshoq bang ê, Yhûmsîng Garaî é dang lé gyo keq. 3Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai gi, “Núngmòq é htûngli eq nyì yàp sâmlai lé htaî pyám keq; haû jáng, Ngò, núngmòq lé jowò shí má nyì nhâng râ nghut lhê.” ga taî ri. 4“Shî gi, haû Yhûmsîng Garaî é noqkuq yhûm, haû Yhûmsîng Garaî é noqkuq yhûm, haû Yhûmsîng Garaî é noqkuq yhûm nghut lhê!” ga mhaú zô é dang pé lé hkâ lûmhkaû kó. 5Núngmòq gi, gè gè yhang, núngmòq é htûngli pé eq nyì yàp sâmlai pé lé htaî pyám mù, rayùq eq rayùq târâ ràp-rá é dông chôm nyì kô é nghut jáng le, 6gó-ming bang, chuízo eq chuimó pé lé a zìk zô é htoq agó, shí jowò má mara a bò bâng é sui a lhoqshun pyám kô é nghut jáng le, núngmòq ihkyùp a hui zo râ matú, gótû hparà pê htâng a cháng kô é nghut jáng le, 7Ngò gi, núngmòq é îchyí îwâ pé lé, Ngò ahtum abyùq byî tô é maumyî shî eq shí jowò má núngmòq lé nyì nhâng râ nghut lhê. 8Nghut kôlhang, wú keq, núngmòq gi, hai a-kyû le a bo é, mhaú zô é dang pé lé lùmhkau akô nghut ri.
9Núngmòq gi, hkaû nyì, byu sat nyî, su-myi sulàng lú nyî, a tengmán é dông dâkam nyì, Balaq hparà lé namngón hkungga nyhé byî nyì kô é eq núngmòq le a sê é gótû hparà pê é htâng châng nyì kômù, 10Ngá é Myìng wun é yhûm shí má, núngmòq, Ngá é hí má lé yàp to kôluî, achaq achyut hkyô shí pé bànshoq lé kut kômù, “Ngá-mòq gau shoq wó nyî bê.” ga wó taí kôrâ nghut lhê lhú? 11Ngá é Myìng wun é yhûm shî gi, núngmòq é matú da-myàq hkyûng dùt byùq bekô lhú? Nghut kôlhang, Ngò wú nyi lhê! Haû gi, Yhûmsîng Garai taî pyo ri.
12Sânghi lé Ngá é Myìng jòq nyi é, Shilo wà má ahkuî ê mù, Ngá é byù myû Isira-elaq é agè ashop hkyo é yánmai, wà haú lé Ngò hkâsu kut pyâm é hkyô wú wú keq. 13Shí hkyô pé bànshoq lé núngmòq kut nyi é u, Ngò, núngmòq lé dum taî pun pun kut kôlhang, núngmòq a gyo kó nghut ri; Ngò, núngmòq lé wùt kôlhang, núngmòq a tu kó nghut ri; haû gi, Yhûmsîng Garai taî pyo ri. 14Haû mù, Ngò gi, Shilo wà lé kut pyâm é su, núngmòq eq núngmòq é îchyí îwâ pé lé Ngò byî tô é jowò eq núngmòq lùmhkau nyi é noqkuq yhûm, haû Ngá Myîng wun é yhûm lé kut pyám râ nghut lhê. 15Ngò gi, núngmòq é Isira-elaq gu-mang wuì Ehprim byu bànshoq bang lé hkat htoq pyâm é su, núngmòq lé le Ngá é myòq hí mai hkat htoq pyám râ nghut lhê.’ gâ ri.
16Haû mù, Yeremi-aq nàng gi, byù shí bâng é matú kyû hkâdung byi; hkâbo dûng tôngbán byi; hkâbo dûng xoq byi; hkâsu mù gâ le, Ngò gi, náng é dang lé lhom gyo byi râ a nghut. 17Yudaq wà pé eq Yerusalem wà hkyô pé má yhángmòq haî kut nyi é lé, nàng a myàng lhú? 18Mauhkûng hkóhkâm Myhí lé nhông byi râ matú, zoshâng wuì gi, htang gùq, îwâ pé gi, myi mut, myiwe wuì gi, mún dûn rhín mù, mùk saî, kut akô nghut ri. Yhángmòq gi, Ngò nhikjum yo shoq, gótû hparà pé lé shuq jung hkungga hut hkyó byî akô nghut ri. 19Nghut kôlhang, yhángmòq gi, Ngo lé za nhik lhoqyô é nghut akô lhú? Yhûmsing gùng yhûmsîng hoq lhoqhpu râ matú, ihkyùp she hâng nyì kô é le a nghut kó lhí? Haû gi, Yhûmsîng Garai taî pyo ri.
20Haû mù, Ahko Ahkáng lhúnglháng wó Sû Yhûmsîng Garai taî le, ‘Ngò gi, shí jowò má le, byù eq gaunyhaû pê htoq má le, pá pé mâ é sikgâm pé eq yò pé mâ é kyôshi myuishi pê htoq má le, Ngá é nhikjum yo hkyô eq nhikmó-yo hkyô lé hut hkyô kat râ nghut mù, haû gi, a jôm byùq loshoq myi duq nyî râ nghut lhê.’ gâ ri.
21Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai taî le, ‘Núngmòq é myi nyhé hkungga pé lé, gótû hkungga eq rahá tô to mù, sho lé núngmòq yhang zo keq! 22Hkâsu mù gâ le, Ngò gi, núngmòq é îchyí îwâ pé lé Egutuq ming mai shuî htoq lo é hkûn, yhángmòq lé, myi nyhé hkungga pé eq gótû hkungga pé eq séng luî za hkunmó hkyô é a nghut, 23yhángmòq lé, Ngá é jì-no gyo keq, Ngò gi, núngmòq é Garai Gasang dùt mù, núngmòq gi, Ngá é byù dùt kôrâ nghut lhê nghû hkunmó hkyô é nghut lhê. Núngmòq wó nyì ngón yùqyò kó sháng gàq, Ngò, núngmòq lé hkyô tô é hkunmó bànshoq lé châng kut keq nghû le hkunmó hkyô é nghut lhê. 24Nghut kôlhang, yhángmòq gi, a gyo kô é htoq agó, haî su a ngàm kut kômù, yhûmsing é agè ashop hkyô mai myìt htan é shut cháng kôluî, hí shut a sô e ló kô é za, nùnghtáng shut shèq zùt taû ló bum akô nghut ri. 25Núngmòq é îchyí îwâ pé Egutuq ming mai htoq lo é buìnyì mai hkû-nyí jé shoq, Ngò gi, ra-nyí htâng ra-nyí, Ngá é duìnhâng zoshâng wuì eq myìqhtoî pé lé núngmòq chyáng adàm dàm nhang kat é nghut lhê. 26Nghut kôlhang, núngmòq gi, Ngá é dang lé a gyo kô é htoq agó, haî su a ngàm kut kômù, myìt htân kôluî, núngmòq é îchyí îwâ pê htoq agè ashop é hkyô je kut akô nghut ri.’ gâ ri.
27Nàng gi, yhángmòq lé dang shí pé bànshoq taî kyo kôlhang, yhángmòq, nang lé lhom gyo kôrâ a nghut; nàng, yhángmòq lé wùt kôlhang, yhángmòq, nang lé lhom tu byi kôrâ a nghut. 28Haû mù, yhángmòq lé, ‘Byù myû shî gi, yhûmsing é Garai Gasang nghut é, haû Yhûmsîng Garaî é jì-no a gyo kô é eq mhoq shit é hkyô lé a hàp yu é a-myû nghut mù, tengmán é hkyô lé lhoqhtên pyám luî, yhángmòq é nhutwuî mai byùq ló byùq nhâng bê nghut ri.
29Núngmòq é xâm lé nyham mù, dú pyám keq; myhang é dánpyut jowò pé má ngaùhkyang sâng keq; hkâsu mù gâ le, haû Yhûmsîng Garai gi, Yhang nhikmó-yô é hui gíng é a-myû shî lé, he-ngìk pyám mù, tô pyám bê nghut ri.
Byù Sat É Langhkaû
30Yudaq byu pé gi, Ngá é myòq hí má agè ashop hkyô kut bekô nghut ri ga haû Yhûmsîng Garai taî pyo ri. Yhángmòq gi, Ngá é Myìng jòq é yhûm má yhángmòq é achaq achyut é hparà lhô pé tsûng kômù, haú lé agòt a-û kut bekô nghut ri. 31Yhángmòq gi, Hinom Zo gâ é Langhkaû má, Tohpet gâ é kaúgyàp saî to mù, haú má yhángmòq é yùqzo byìzô pé lé nyhê nhông byî akô nghut ri. Haú hkyô lé, Ngò hkunmó hkyô tô é a nghut é htoq agó, Ngá é myìt má lháng a htoq wú é nghut lhê. 32Haû mù, sidìq keq; haû Yhûmsîng Garai taî le, jowò haú lé, Tohpet le, Hinom Zo gâ é Langhkaû le a ga lo kôrâ nghut mù, Byù Sat Langhkaû shèq gâ pyám kô é buìnyì jé râ nghut lhê; hkâsu mù gâ le, yhángmòq gi, Tohpet má mân tô é jowò lháng a jòq loshoq màng myhup kôrâ nghut lhê. 33Haú hkûn, byù haú bâng é màng pé gi, nghoqzô pé eq tân jung yòsô zè pê é zoshuq dùt byùq râ nghut lhê; haú pé lé, ó yùq le a wó tân hpâng nhâng râ nghut lhê. 34Haú hkûn, Ngò gi, Yudaq wà pé eq Yerusalem wà hkyô pé má, gabú é htê pé, myìt ngón é htê pé eq myisik lusik é htê pé lé lhoqzîm pyám byi râ nghut lhê; hkâsu mù gâ le, ra-mau gón chamchyuîyuì dùt byùq râ nghut lhê.
Currently Selected:
Yeremi-aq 7: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.