Yeremi-aq 8
8
1Haú u lé, haû Yhûmsîng Garai shî su ga taî pyo ri; Yudaq hkóhkam pé eq zaugun wui é showui pé, hkyangjông pé eq myìqhtoi pê é showui pé, Yerusalem wà byù wui é showui pé lé, yhángmòq é lùp mai pau htoq yû mù, 2yhángmòq chyitdàp é, dójaú é, châng nyi é, hpàqchyî yu é eq noqkuq é buì, lha-mó eq mauhkûng mâ é kyî bànshoq é hí má, haú pé lé lhap to râ nghut lhê. Showui haú pé lé tsîng bum to râ le a nghut, myhup pyám râ le a nghut, myìhpún dông myigùng má lèq tô bùm râ nghut lhê. 3Ngò hkat htoq hkat pyo kat é jowò má nyi myìt gyó tô é agè ashop é a-myû bànshoq bang gi, chyungxe dui nyì râ htoq shi byùq râ lé je riyhang ô nau bùm kôrâ nghut lhê ga, haû Wum-o a-tsam dìk shoq bò Sû Yhûmsîng Garai taî pyo ri.’ nghû taí aq.
Yubàk Mara Eq Mara Dam Byî É Hkyô
4Yhángmòq lé shî su nghû taí aq, ‘Haû Yhûmsîng Garai taî le,
“Lèqbàt sû gi, a dum toq râ lhú?
Hkyô nghoq ló byùq sû gi, a dum lhing tau râ lhú?
5Haû su nghut le nhîng, haî mù, byù myû shî gi, jâng lhing ló byùq lhê lhú?
Haî mù, Yerusalem wà byù wuì gi, ayang jâng lhing ló byùq lhê lhú?
Yhángmòq gi, mhaú zô mhaú shuq hkyô má myìt tuî nyì mù,
a kâm lhing taû bùm kó nghut ri.
6Ngò rago gyô wú kôlhang,
jo têng é hkyô lé yhángmòq a taí kó nghut ri.
Yhángmòq chyáng mâ é hká yùq le,
‘Ngò haî kut shut bê lhú?’ ga taí mù,
yhûmsing é agè ashop hkyô mai myìt lhing é a bò kó nghut ri.
Yhángmòq gi, majan shut htîm wang ló é myang su,
yhûmsing é hkyô má za châng hkat wún akô nghut ri.
7Maulat mâ é hkyî kyang nghoq lháng,
yhâng é yàm-yòq lé sê ri;
hpûngkyui, kyîshin eq nghoqjô zo pé lháng,
yhûmsîng dum taû lò râ ahkyíng lé sê akô;
nghut kôlhang, Ngá é byu pé gi,
haû Yhûmsîng Garaî é sângdang pé lé a sé kó nghut ri.
8Haû jáng, ‘Haû Yhûmsîng Garaî é târâ lé ngá-mòq wó é nghut mù,
ngá-mòq gi, hpàqchyî bo lhê.’ nghû núngmòq hkâsu wó taí kôrâ lhú?
Gè gè yhang, laiká ká su é mhaû é kâ jung chi gi,
mhaû é hkyô lhoqhtoq nyi lhê a nghut lhí?
9Hpàqchyî bò bang gi, hoq hpu kôrâ nghut lhê;
yhángmòq gi, gyùq ngha byùq mù, dumzo má myí kôrâ nghut lhê.
Yhángmòq gi, haû Yhûmsîng Garaî é dang lé he-ngìk pyám bekô nghut mù,
hkâsû é hpàqchyî byéng-yá ge wó kôrâ lhú?
10Haû mù, ngò gi, yhángmòq é yhûmsîng myhî pé lé, gótû yùqge é lòq má àp byî pyám mù,
yhángmòq é yò pé lé, góbang lé sing yu pyám nhâng râ nghut lhê.
Je tiq sû mai je ko sû jé shoq,
lhúnglhâng bang gi, myòqnòq é bang chyat nghut ri;
myìqhtoî pé eq hkyangjông pé le,
bànshoq bang mhaú zô é hkyô chyat châng kut akô nghut ri.
11Yhángmòq gi, Ngá é byu pê é dàm lé,
dàm zo dông za ya byî akô;
yhángmòq gi, nguì ngón hkyô a jòq kôlhang,
‘Nguì ngón ri; nguì ngón ri.’ ga taî akô nghut ri.
12Yhángmòq gi, achaq achyut hkyô kut kôluî, hoq bum akô lhú?
Yhángmòq gi, ra-tsuí lháng a hoq kó;
myòqdong shûm lháng a dùt kó nghut ri.
Haû mù, yhángmòq gi, lèqbàt bang eq rahá lèqbàt kôrâ nghut lhê;
Yhángmòq gi, mara dam byî é hui zo kô é hkûn, lhoqhkyô pyâm é hui zo kôrâ nghut lhê;
haû gi, Yhûmsîng Garai taî pyo ri.
13Ngò gi, yhángmòq é kyô shu yòq lé lhoqhtûm pyám byi râ nghut luî,
tsibyiq nuî má tsibyiq shi zui râ a nghut lo;
hkohúm gâm má hkohúm-shi zui râ a nghut lo;
ahaq pé nyhuî kyuq byùq râ nghut lhê.
Yhángmòq lé Ngò byî to bê é pé lé le,
yu pyám byi kôrâ nghut lhê. Haû Yhûmsîng Garai taî pyo ri.” gâ ri.’ le gâ ri.
14Ngá-nhúng haî mù shî má zung nyi bum lhê lhú?
Chôm zùp zing sháng!
Gingtîng é wà mó pé má hpang wàng luî,
haú má htûm byùq sháng gàq!
Hkâsu mù gâ le, ngá-nhúng gi, haû Yhûmsîng Garai lé mara shut bê nghut mù,
ngá-nhûng é Garai Gasang nghut é,
haû Yhûmsîng Garai gi, ngá-nhúng shi htûm byùq râ matú mara dàm byi bê nghut mù,
ngá-nhúng shuq râ matú dùq bo é ûchyam byi bê nghut ri.
15Ngá-nhúng gi, nguì ngón hkyô lé myòqbyù kôlhang,
ge é hkyô lé a myàng nghut ri;
lhoqgè lhoqyô byi râ ahkyíng lé myòqbyù kôlhang,
gyùq chiq hpo baú hui zô nyi ri.
16Gye pê é myang jûm du myhîng é htê lé
Dan mau mai lháng wó gyô ri;
yhángmòq é myang jûm mying garû é yánmai,
ra-mau gón lháng nún byùq ri.
Yhángmòq gi, ra-mau gón eq haú mâ é lhúnglháng lé le,
wà eq haú má nyi é bànshoq bang lé le,
myui pyám râ matú ló jé akô nghut ri.” gâ bum akô.
17“Wú keq; Ngò gi, núngmòq chyáng,
mhántán eq le a wó mhuî zing é dùq htân lhângmuì lé nhang kat râ nghut mù,
lhângmuì haú pé gi, núngmòq lé hte râ nghut lhê.” ga,
haû Yhûmsîng Garai taî pyo ri.
18Ngò yón é hkyô lé a wó ung lhoqbyán nghut ri;
ngá é i-myìt nhiklhum chut mòq byùq bê nghut ri.
19Mau we mai ngá é byu pé wùt ngau é htê lé gyo keq;
“Haû Yhûmsîng Garai gi, Zi-un Bùm má a nyi é nghut lhê lhú?
Haú mâ é Hkóhkâm gi, haú má a nyì lo nghut lhê lhú?” gâ bum akô;
haú hkûn, “Yhángmòq gi, yhángmòq é hparà lhô pê èq le,
a-kyû a bo é gó-ming bâng é hparà hpôlhô pê èq le,
haî mù Ngo lé nhikjum lhoqyô akô làq?” ga tû taî ri.
20Haû jáng, “Kyô shu yòq gi, lai bê nghut ri;
buì lúm nám gi, htáng bê nghut ri;
ngá-mòq gi, hkyi yu é a hui nghut ri.” ga taî garû bum akô nghut ri.
21Ngá é byu pé gi, lhoqhkyop pyâm é hui bekô nghut mù, ngò le lhoqhkyop pyâm é hui bê nghut ri;
ngò gi, iyon yôn é htoq agó, gyùq ngha byùq bê nghut lhê.
22Gile-at mau má chi gâm agyi a jòq é nghut lhê lhú?
Haú má chi sará a nyi é nghut lhê lhú?
Haû nghut le nhîng, ngá é byu pê é nò dàm,
haî mù a wó yâ ge yu é nghut lhê lhú?
Currently Selected:
Yeremi-aq 8: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Yeremi-aq 8
8
1Haú u lé, haû Yhûmsîng Garai shî su ga taî pyo ri; Yudaq hkóhkam pé eq zaugun wui é showui pé, hkyangjông pé eq myìqhtoi pê é showui pé, Yerusalem wà byù wui é showui pé lé, yhángmòq é lùp mai pau htoq yû mù, 2yhángmòq chyitdàp é, dójaú é, châng nyi é, hpàqchyî yu é eq noqkuq é buì, lha-mó eq mauhkûng mâ é kyî bànshoq é hí má, haú pé lé lhap to râ nghut lhê. Showui haú pé lé tsîng bum to râ le a nghut, myhup pyám râ le a nghut, myìhpún dông myigùng má lèq tô bùm râ nghut lhê. 3Ngò hkat htoq hkat pyo kat é jowò má nyi myìt gyó tô é agè ashop é a-myû bànshoq bang gi, chyungxe dui nyì râ htoq shi byùq râ lé je riyhang ô nau bùm kôrâ nghut lhê ga, haû Wum-o a-tsam dìk shoq bò Sû Yhûmsîng Garai taî pyo ri.’ nghû taí aq.
Yubàk Mara Eq Mara Dam Byî É Hkyô
4Yhángmòq lé shî su nghû taí aq, ‘Haû Yhûmsîng Garai taî le,
“Lèqbàt sû gi, a dum toq râ lhú?
Hkyô nghoq ló byùq sû gi, a dum lhing tau râ lhú?
5Haû su nghut le nhîng, haî mù, byù myû shî gi, jâng lhing ló byùq lhê lhú?
Haî mù, Yerusalem wà byù wuì gi, ayang jâng lhing ló byùq lhê lhú?
Yhángmòq gi, mhaú zô mhaú shuq hkyô má myìt tuî nyì mù,
a kâm lhing taû bùm kó nghut ri.
6Ngò rago gyô wú kôlhang,
jo têng é hkyô lé yhángmòq a taí kó nghut ri.
Yhángmòq chyáng mâ é hká yùq le,
‘Ngò haî kut shut bê lhú?’ ga taí mù,
yhûmsing é agè ashop hkyô mai myìt lhing é a bò kó nghut ri.
Yhángmòq gi, majan shut htîm wang ló é myang su,
yhûmsing é hkyô má za châng hkat wún akô nghut ri.
7Maulat mâ é hkyî kyang nghoq lháng,
yhâng é yàm-yòq lé sê ri;
hpûngkyui, kyîshin eq nghoqjô zo pé lháng,
yhûmsîng dum taû lò râ ahkyíng lé sê akô;
nghut kôlhang, Ngá é byu pé gi,
haû Yhûmsîng Garaî é sângdang pé lé a sé kó nghut ri.
8Haû jáng, ‘Haû Yhûmsîng Garaî é târâ lé ngá-mòq wó é nghut mù,
ngá-mòq gi, hpàqchyî bo lhê.’ nghû núngmòq hkâsu wó taí kôrâ lhú?
Gè gè yhang, laiká ká su é mhaû é kâ jung chi gi,
mhaû é hkyô lhoqhtoq nyi lhê a nghut lhí?
9Hpàqchyî bò bang gi, hoq hpu kôrâ nghut lhê;
yhángmòq gi, gyùq ngha byùq mù, dumzo má myí kôrâ nghut lhê.
Yhángmòq gi, haû Yhûmsîng Garaî é dang lé he-ngìk pyám bekô nghut mù,
hkâsû é hpàqchyî byéng-yá ge wó kôrâ lhú?
10Haû mù, ngò gi, yhángmòq é yhûmsîng myhî pé lé, gótû yùqge é lòq má àp byî pyám mù,
yhángmòq é yò pé lé, góbang lé sing yu pyám nhâng râ nghut lhê.
Je tiq sû mai je ko sû jé shoq,
lhúnglhâng bang gi, myòqnòq é bang chyat nghut ri;
myìqhtoî pé eq hkyangjông pé le,
bànshoq bang mhaú zô é hkyô chyat châng kut akô nghut ri.
11Yhángmòq gi, Ngá é byu pê é dàm lé,
dàm zo dông za ya byî akô;
yhángmòq gi, nguì ngón hkyô a jòq kôlhang,
‘Nguì ngón ri; nguì ngón ri.’ ga taî akô nghut ri.
12Yhángmòq gi, achaq achyut hkyô kut kôluî, hoq bum akô lhú?
Yhángmòq gi, ra-tsuí lháng a hoq kó;
myòqdong shûm lháng a dùt kó nghut ri.
Haû mù, yhángmòq gi, lèqbàt bang eq rahá lèqbàt kôrâ nghut lhê;
Yhángmòq gi, mara dam byî é hui zo kô é hkûn, lhoqhkyô pyâm é hui zo kôrâ nghut lhê;
haû gi, Yhûmsîng Garai taî pyo ri.
13Ngò gi, yhángmòq é kyô shu yòq lé lhoqhtûm pyám byi râ nghut luî,
tsibyiq nuî má tsibyiq shi zui râ a nghut lo;
hkohúm gâm má hkohúm-shi zui râ a nghut lo;
ahaq pé nyhuî kyuq byùq râ nghut lhê.
Yhángmòq lé Ngò byî to bê é pé lé le,
yu pyám byi kôrâ nghut lhê. Haû Yhûmsîng Garai taî pyo ri.” gâ ri.’ le gâ ri.
14Ngá-nhúng haî mù shî má zung nyi bum lhê lhú?
Chôm zùp zing sháng!
Gingtîng é wà mó pé má hpang wàng luî,
haú má htûm byùq sháng gàq!
Hkâsu mù gâ le, ngá-nhúng gi, haû Yhûmsîng Garai lé mara shut bê nghut mù,
ngá-nhûng é Garai Gasang nghut é,
haû Yhûmsîng Garai gi, ngá-nhúng shi htûm byùq râ matú mara dàm byi bê nghut mù,
ngá-nhúng shuq râ matú dùq bo é ûchyam byi bê nghut ri.
15Ngá-nhúng gi, nguì ngón hkyô lé myòqbyù kôlhang,
ge é hkyô lé a myàng nghut ri;
lhoqgè lhoqyô byi râ ahkyíng lé myòqbyù kôlhang,
gyùq chiq hpo baú hui zô nyi ri.
16Gye pê é myang jûm du myhîng é htê lé
Dan mau mai lháng wó gyô ri;
yhángmòq é myang jûm mying garû é yánmai,
ra-mau gón lháng nún byùq ri.
Yhángmòq gi, ra-mau gón eq haú mâ é lhúnglháng lé le,
wà eq haú má nyi é bànshoq bang lé le,
myui pyám râ matú ló jé akô nghut ri.” gâ bum akô.
17“Wú keq; Ngò gi, núngmòq chyáng,
mhántán eq le a wó mhuî zing é dùq htân lhângmuì lé nhang kat râ nghut mù,
lhângmuì haú pé gi, núngmòq lé hte râ nghut lhê.” ga,
haû Yhûmsîng Garai taî pyo ri.
18Ngò yón é hkyô lé a wó ung lhoqbyán nghut ri;
ngá é i-myìt nhiklhum chut mòq byùq bê nghut ri.
19Mau we mai ngá é byu pé wùt ngau é htê lé gyo keq;
“Haû Yhûmsîng Garai gi, Zi-un Bùm má a nyi é nghut lhê lhú?
Haú mâ é Hkóhkâm gi, haú má a nyì lo nghut lhê lhú?” gâ bum akô;
haú hkûn, “Yhángmòq gi, yhángmòq é hparà lhô pê èq le,
a-kyû a bo é gó-ming bâng é hparà hpôlhô pê èq le,
haî mù Ngo lé nhikjum lhoqyô akô làq?” ga tû taî ri.
20Haû jáng, “Kyô shu yòq gi, lai bê nghut ri;
buì lúm nám gi, htáng bê nghut ri;
ngá-mòq gi, hkyi yu é a hui nghut ri.” ga taî garû bum akô nghut ri.
21Ngá é byu pé gi, lhoqhkyop pyâm é hui bekô nghut mù, ngò le lhoqhkyop pyâm é hui bê nghut ri;
ngò gi, iyon yôn é htoq agó, gyùq ngha byùq bê nghut lhê.
22Gile-at mau má chi gâm agyi a jòq é nghut lhê lhú?
Haú má chi sará a nyi é nghut lhê lhú?
Haû nghut le nhîng, ngá é byu pê é nò dàm,
haî mù a wó yâ ge yu é nghut lhê lhú?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.