Yohan 19
19
Yesuq Lé, Tapzîng Má Jén Sat Râ Matú Hpyit É Hkyô
Mht 27:15-31; Mrk 15:6-20; Luk 23:13-25
1Haû mù luî, Yesuq lé lâng she yù mù, nhuq bàt râ matú, Pilat hkunmó hkyô ri. 2Haû gyèzô pé gi, zumuq saî yù kôluî, Yesuq é ulhum má tsung byi kômù, Yhang lé, buhîng nè hut byî akô nghut ri. 3Hau htâng, yhángmòq gi, Yhâng chyáng dum huî ê ê kut luî, “Yudaq byu pê é hkóhkâm ê! Chyung hîng xê hing nyì sháng gàq ô!” ga taí kômù, Yhâng é myòqdong má pyuq byî akô nghut ri.
4Pilat gi, haû Yudaq byu pê chyáng radàm dum htoq ê mù, “Wú keq, shí yùq chyáng mara hûn râ hkyô, ngò a myang é lé núngmòq sé sháng nghû, Yhang lé, ngò núngmòq chyáng shuî htoq lé byî lhê.” ga taî ri. 5Yesuq gi, haû zumuq tsûng tô é eq bu nè hîng wùt to mù htoq lé jáng, Pilat gi, yhángmòq lé, “Wú keq, Yhang, shí yùq nghut lhê.” ga taî ri.
6Haû hkyangjong agyi pé eq yhángmòq é noqkuq yhûm zúng bang gi, Yhang lé myang kat kôjáng, “Yhang lé tapzîng má jén sat pyám aq! Yhang lé tapzîng má jén sat pyám aq!” ga garû bum akô.
Nghut kôlhang, Pilat gi, “Núngmòq shuî yù mù, tapzîng má jén sat keq. Ngò gi, Yhâng chyáng mara hûn râ hkyô a myàng.” ga tû taî ri.
7Haú hkûn, haû Yudaq byu pé gi, “Ngá-mòq chyáng târâ rahkat jòq lhê; târâ haú dông ga jang, Yhang gi, shî gíng bê nghut ri; hkâsu mù gâ le, Yhang gi, Garai Gasâng é Yhangzo haû nghut lhê gâ ri.” ga xoq taî akô.
8Pilat gi, dang haû lé wó gyo jáng, je gyô gyùq luî, 9yhúmhkaû shut dum wang ló mù, Yesuq lé, “Nàng, hkâmâ é sû nghut lhê lhú?” ga myî ri. Nghut kôlhang, Yesuq gi, dang rahkun lháng a tû taí byi nghut ri. 10Haú hkûn, Pilat gi, “Nàng, ngo lé a tû taí kut lhê lhú? Ngò gi, Nàng lé, wó lhoqlhut kat é eq tapzîng má wó jén sat pyâm é ahkáng wó sû nghut é lé, Nàng a sé lhú?” ga myî ri.
11Yesuq gi, “Nàng le, haû ahtoq mai ahkáng byî é za a nghut le gi, nàng, Ngo lé haî kut râ a-tsam le wó râ a nghut. Haû mù luî, Ngo lé, náng é lòq má àp byî é sû gi, mara je bo é nghut lhê.” ga tû taî ri.
12Haú hkûn mai, Pilat gi, Yesuq lé lhoqlhut kat byí nau nyì bê nghut ri. Nghut kôlhang, haû Yudaq byu pé gi, “Nàng, haú yùq lé nhang pyâm é nghut jáng, nàng gi, hkóséng Kehtaq é luzúm a nghut lo; yhûmsing gùng lé, hkóhkâm gâ é sû gi, hkóséng Kehtaq eq shai lhûm é sû nghut lhê.” ga, ru jâng garû nyi bum akô nghut ri.
13Haû lé wó gyo jáng, Pilat gi, Yesuq lé shuî htoq ê mù, Hebre myíng dông Gabahta gâ é Lùqgòk hkâng myhang to jang nghu é jowò mâ é târâ jéyáng tánghkuq má zung tô ri. 14Haú u gi, Lhoqlhai Poî é matú, Hên Lajâng é Buìnyì nyí-káng raxe í hkyíng nghut ri.
Pilat gi, haû Yudaq byu pé lé, “Núngmòq é hkóhkâm lé wú keq.” ga taî ri.
15Nghut kôlhang, yhángmòq gi, “Yhang lé yu pyám aq! Yhang lé yu pyám aq! Yhang lé tapzîng má jén sat pyám aq!” ga garû bum akô.
Haú hkûn, Pilat gi, “Núngmòq é hkóhkâm lé wá, ngò, tapzîng má jén sat pyám râ lhú?” ga myi jáng, haû hkyangjong agyi pé gi, “Haû hkóséng Kehtaq mai lai luî, gótû hkóhkâm ngá-mòq a wó.” ga, tû taî akô nghut ri.
16Hau htâng má, Pilat gi, Yesuq lé tapzîng má jén sat pyám râ matú, yhángmòq é lòq má àp byî kat bê nghut ri. Haû mù luî, yhángmòq gi, Yesuq lé shuî ló bekô nghut ri.
Tapzîng Má Jén Sat Pyâm É Hkyô
Mht 27:32-44; Mrk 15:21-32; Luk 23:26-43
17Yesuq gi, yhûmsing é tapzîng lé wàq mù, Hebre myíng dông Golagahta gâ é, Ugyap jòq é Jowò gâ é jang má htoq jé e ri. 18Yhángmòq gi, haú má, Yesuq lé tapzîng má jén tap pyâm akô; Yhang eq rahá, gótû í yùq lé le, rahkyam shut rayùq kut jén to kô é nghut luî, Yesuq gi, gyoro má nghut ri.
19Pilat le, masàt laiká kâ yù luî, haû tapzîng htoq má tap tô ri. Haú má gi, “YUDAQ BYU PÊ É HKÓHKÂM, NAZARET WÀ BYÙ YESUQ” gâ tô ri. 20Yesuq lé jén tô é jowò gi, wà mó eq chyâng lhûm é htoq agó, haû masàt laiká gi, Hebre dông le, Latin dông le, Grik dông le, kâ tô é yánmai, haû Yudaq byu pé myo myo gi, masàt laiká haû lé nghap bum akô nghut ri. 21Haû Yudaq byu pê é hkyangjong agyi pé gi, Pilat lé, “‘Yudaq byu pê é hkóhkâm’ nghû hkâká, ‘Ngò gi, Yudaq byu pê é hkóhkâm nghut lhê ga, Yhang taî ri.’ nghû luî shèq ká aq.” ga taî akô.
22Haú hkûn, Pilat gi, “Ngò kâ é dông, ngò kâ to bê nghut lhê.” ga tû taî ri.
23Haû gyèzô pé gi, Yesuq lé tapzîng má jén tap pyâm é htâng má, Yhâng é mèbu pé lé yù mù, myî hkyam gàm luî, rayùq rahkyam yu akô; haû ahte bu lé le, gàm râ haq htung akô; nghut kôlhang, haû gi, hkyupshi a bo é za, awang mai ahpyo hpyot kut wòq tô é nghut ri.
24Haû mù, yhángmòq gi, “Bu shî lé gi, a lâng cheq é za, ó yùq myang yù ang râ làq, hkyîn shosé she wú sháng.” ga, rayùq eq rayùq taî lhûm akô.
Haû gi,
“Yhángmòq, Ngá é mèbu lé chôm gam yù kôrâ; Ngá é ahte bû é matú, hkyîn shosé shê kôrâ nghut lhê.”#Hkya-on 22:18
gâ é Chyúmdang lé lhoqdìk râ matú dùt é nghut lhê. Haû mù, gyèzô pé gi, haû su kut bekô nghut ri.
25Haû Yesuq é tapzîng nàm má gi, Yhâng nu, Yhâng nû é yhang gu byìzo eq, Kilopa é yhang myi Mariq eq Magadalaq wà mâ é Mariq pé, yàp tô bum akô. 26Yesuq gi, Yhang nàm má, Yhang chyitdàp é chángzo eq Yhâng nu yàp tô é lé myang kat jáng, Yhâng nu lé, “Ânu ê#19:26 Ânu ê, gâ é lé, Grik dông gi, myiwe myhí ê ga bo tô é nghut lhê. nungzo lé wú aq.” ga taí mù, 27chángzo haû lé le, “Náng nu lé wú aq.” ga taî ri. Haú hkûn mai, chángzo haú yùq gi, Yesuq é yhâng nu lé, yhâng é yhûm shut shuî ló bê nghut ri.
Yesuq Kângsoq Byìt É Hkyô
Mht 27:45-56; Mrk 15:33-41; Luk 23:44-49
28Hau htâng, Yesuq gi, ahkuî, múzó bàn bê nghut é lé sé luî, haû Chyúmdang lhoqdìk râ matú, “Ngò, wuìshit ri.” ga taî ri. 29Haú má, tsibyiq wing chyîn rayambú jòq tô ri; haû mù, yhángmòq gi, wuìmaù lé tsibyiq wing chyîn haú má jum yù luî, jàm yang ahpyo má tuî tap mù, Yhâng é nhutwuî jé shoq yhun byî akô nghut ri. 30Yesuq gi, tsibyiq wing chyîn haú lé shuq yû mù, “Mû bàn bê.” ga taî ri. Yhang, haû su ga taí eq yhang, ulhum nghuq ló mù, kâng byìt bê nghut ri.
31Htang nyí gi, ahkyàk é Bánno Buìnyì nghut luî, haú nyí gi, Hên Lajang Buìnyì nghut ri. Haû mù, Yudaq byu pé gi, Bánno Buìnyì má, màng pé lé tapzîng htoq má a jòq to nhâng naù kô é yánmai, hkyî pé lé bàt hkyuî pyám mù, màng pé lé yù hkyô pyám nhâng râ matú, Pilat chyáng dûng tôngbán akô. 32Haû mù luî, gyèzô pé gi, lé mù, Yesuq eq jén hui su nhik mâ é, rayùq é hkyî lé hí bàt hkyuî pyám mù, rayùq é hkyî lé dum bàt hkyuî pyâm akô nghut ri. 33Nghut kôlhang, yhángmòq gi, Yesuq chyáng jé é hkûn, Yhang shi to láng bê nghut é lé myàng kômù, Yhâng é hkyî lé a bàt hkyui byi kó nghut ri. 34Nghut kôlhang, gyèzo rayùq gi, Yesuq é nàmcham má lham èq htaû kat byi jáng, radá dâm sui eq wuì yui htoq lo ri. 35Haû lé myang é sû gi, sàksé hkám byî ri; yhang sàksé hkâm é hkyô gi, tengmán ri. Haû yhang taî kyô é hkyô gi, têng é lé, yhang sé mù, núngmòq le wó lùmjíng kó sháng gàq ga, sàksé hkám byî é nghut ri. 36Haú hkyô pé dùt é gi, “Yhâng é showui rahkat lháng a lhoqhkyui râ nghut lhê.”#Htoq Ló 12:46; Gyung So 9:12; Hkya-on 34:20 gâ é Chyúmdang haû lhoqdìk râ matú nghut lhê. 37Chyúmdang gótû ralhum má le, “Yhángmòq èq htaû rot é sû lé, yhángmòq tu wú kôrâ nghut lhê.”#Zhk 12:10 gâ é bo tô ashî nghut ri.
Yesuq Lé, Myhup Yhûm É Hkyô
Mht 27:57-61; Mrk 15:42-47; Luk 23:50-56
38Hau htâng, Yesuq é chángzo dùt nyi é Aramahti wà mó byû Yosep gi, haû Yudaq byu pé lé gyùq é yánmai, tsik za Pilat chyáng Yesuq é gùngsôm lé, lé dûng ri. Pilat èq ahkáng byî kat jáng, yhang gi, gùngsôm haû lé, lé yu ló bê nghut ri. 39Yhang gi, hí hkûn, myín lé, Yesuq lé ê huî é sû, Nikodimu eq rahá lé é nghut ri; Nikodimu gi, mura eq achyo nyhô tô é namngón jung sum xê joí kô yu lé ri. 40Yhángnhik gi, Yesuq é gùngsôm lé yù mù, Yudaq byu pê é màng yhum htûng eq rajung za, namngón jung eq rahá, pán yúng èq htup yùp to byî akô. 41Haû Yesuq lé tapzîng má jén sat pyâm é jowò nàm má, hkyâm ralhum jòq ri; ó yùq lé le a lheq wú shî é, lùp sik ralhum hkyâm hkaû má jòq tô ri. 42Haú nyí gi, Yudaq byu pê é Hên Lajang Buìnyì nghut é yánmai le, lùp haû le chyâng é yánmai le, yhángnhik gi, Yesuq lé, haú má ê lheq tô akô nghut ri.
Currently Selected:
Yohan 19: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Yohan 19
19
Yesuq Lé, Tapzîng Má Jén Sat Râ Matú Hpyit É Hkyô
Mht 27:15-31; Mrk 15:6-20; Luk 23:13-25
1Haû mù luî, Yesuq lé lâng she yù mù, nhuq bàt râ matú, Pilat hkunmó hkyô ri. 2Haû gyèzô pé gi, zumuq saî yù kôluî, Yesuq é ulhum má tsung byi kômù, Yhang lé, buhîng nè hut byî akô nghut ri. 3Hau htâng, yhángmòq gi, Yhâng chyáng dum huî ê ê kut luî, “Yudaq byu pê é hkóhkâm ê! Chyung hîng xê hing nyì sháng gàq ô!” ga taí kômù, Yhâng é myòqdong má pyuq byî akô nghut ri.
4Pilat gi, haû Yudaq byu pê chyáng radàm dum htoq ê mù, “Wú keq, shí yùq chyáng mara hûn râ hkyô, ngò a myang é lé núngmòq sé sháng nghû, Yhang lé, ngò núngmòq chyáng shuî htoq lé byî lhê.” ga taî ri. 5Yesuq gi, haû zumuq tsûng tô é eq bu nè hîng wùt to mù htoq lé jáng, Pilat gi, yhángmòq lé, “Wú keq, Yhang, shí yùq nghut lhê.” ga taî ri.
6Haû hkyangjong agyi pé eq yhángmòq é noqkuq yhûm zúng bang gi, Yhang lé myang kat kôjáng, “Yhang lé tapzîng má jén sat pyám aq! Yhang lé tapzîng má jén sat pyám aq!” ga garû bum akô.
Nghut kôlhang, Pilat gi, “Núngmòq shuî yù mù, tapzîng má jén sat keq. Ngò gi, Yhâng chyáng mara hûn râ hkyô a myàng.” ga tû taî ri.
7Haú hkûn, haû Yudaq byu pé gi, “Ngá-mòq chyáng târâ rahkat jòq lhê; târâ haú dông ga jang, Yhang gi, shî gíng bê nghut ri; hkâsu mù gâ le, Yhang gi, Garai Gasâng é Yhangzo haû nghut lhê gâ ri.” ga xoq taî akô.
8Pilat gi, dang haû lé wó gyo jáng, je gyô gyùq luî, 9yhúmhkaû shut dum wang ló mù, Yesuq lé, “Nàng, hkâmâ é sû nghut lhê lhú?” ga myî ri. Nghut kôlhang, Yesuq gi, dang rahkun lháng a tû taí byi nghut ri. 10Haú hkûn, Pilat gi, “Nàng, ngo lé a tû taí kut lhê lhú? Ngò gi, Nàng lé, wó lhoqlhut kat é eq tapzîng má wó jén sat pyâm é ahkáng wó sû nghut é lé, Nàng a sé lhú?” ga myî ri.
11Yesuq gi, “Nàng le, haû ahtoq mai ahkáng byî é za a nghut le gi, nàng, Ngo lé haî kut râ a-tsam le wó râ a nghut. Haû mù luî, Ngo lé, náng é lòq má àp byî é sû gi, mara je bo é nghut lhê.” ga tû taî ri.
12Haú hkûn mai, Pilat gi, Yesuq lé lhoqlhut kat byí nau nyì bê nghut ri. Nghut kôlhang, haû Yudaq byu pé gi, “Nàng, haú yùq lé nhang pyâm é nghut jáng, nàng gi, hkóséng Kehtaq é luzúm a nghut lo; yhûmsing gùng lé, hkóhkâm gâ é sû gi, hkóséng Kehtaq eq shai lhûm é sû nghut lhê.” ga, ru jâng garû nyi bum akô nghut ri.
13Haû lé wó gyo jáng, Pilat gi, Yesuq lé shuî htoq ê mù, Hebre myíng dông Gabahta gâ é Lùqgòk hkâng myhang to jang nghu é jowò mâ é târâ jéyáng tánghkuq má zung tô ri. 14Haú u gi, Lhoqlhai Poî é matú, Hên Lajâng é Buìnyì nyí-káng raxe í hkyíng nghut ri.
Pilat gi, haû Yudaq byu pé lé, “Núngmòq é hkóhkâm lé wú keq.” ga taî ri.
15Nghut kôlhang, yhángmòq gi, “Yhang lé yu pyám aq! Yhang lé yu pyám aq! Yhang lé tapzîng má jén sat pyám aq!” ga garû bum akô.
Haú hkûn, Pilat gi, “Núngmòq é hkóhkâm lé wá, ngò, tapzîng má jén sat pyám râ lhú?” ga myi jáng, haû hkyangjong agyi pé gi, “Haû hkóséng Kehtaq mai lai luî, gótû hkóhkâm ngá-mòq a wó.” ga, tû taî akô nghut ri.
16Hau htâng má, Pilat gi, Yesuq lé tapzîng má jén sat pyám râ matú, yhángmòq é lòq má àp byî kat bê nghut ri. Haû mù luî, yhángmòq gi, Yesuq lé shuî ló bekô nghut ri.
Tapzîng Má Jén Sat Pyâm É Hkyô
Mht 27:32-44; Mrk 15:21-32; Luk 23:26-43
17Yesuq gi, yhûmsing é tapzîng lé wàq mù, Hebre myíng dông Golagahta gâ é, Ugyap jòq é Jowò gâ é jang má htoq jé e ri. 18Yhángmòq gi, haú má, Yesuq lé tapzîng má jén tap pyâm akô; Yhang eq rahá, gótû í yùq lé le, rahkyam shut rayùq kut jén to kô é nghut luî, Yesuq gi, gyoro má nghut ri.
19Pilat le, masàt laiká kâ yù luî, haû tapzîng htoq má tap tô ri. Haú má gi, “YUDAQ BYU PÊ É HKÓHKÂM, NAZARET WÀ BYÙ YESUQ” gâ tô ri. 20Yesuq lé jén tô é jowò gi, wà mó eq chyâng lhûm é htoq agó, haû masàt laiká gi, Hebre dông le, Latin dông le, Grik dông le, kâ tô é yánmai, haû Yudaq byu pé myo myo gi, masàt laiká haû lé nghap bum akô nghut ri. 21Haû Yudaq byu pê é hkyangjong agyi pé gi, Pilat lé, “‘Yudaq byu pê é hkóhkâm’ nghû hkâká, ‘Ngò gi, Yudaq byu pê é hkóhkâm nghut lhê ga, Yhang taî ri.’ nghû luî shèq ká aq.” ga taî akô.
22Haú hkûn, Pilat gi, “Ngò kâ é dông, ngò kâ to bê nghut lhê.” ga tû taî ri.
23Haû gyèzô pé gi, Yesuq lé tapzîng má jén tap pyâm é htâng má, Yhâng é mèbu pé lé yù mù, myî hkyam gàm luî, rayùq rahkyam yu akô; haû ahte bu lé le, gàm râ haq htung akô; nghut kôlhang, haû gi, hkyupshi a bo é za, awang mai ahpyo hpyot kut wòq tô é nghut ri.
24Haû mù, yhángmòq gi, “Bu shî lé gi, a lâng cheq é za, ó yùq myang yù ang râ làq, hkyîn shosé she wú sháng.” ga, rayùq eq rayùq taî lhûm akô.
Haû gi,
“Yhángmòq, Ngá é mèbu lé chôm gam yù kôrâ; Ngá é ahte bû é matú, hkyîn shosé shê kôrâ nghut lhê.”#Hkya-on 22:18
gâ é Chyúmdang lé lhoqdìk râ matú dùt é nghut lhê. Haû mù, gyèzô pé gi, haû su kut bekô nghut ri.
25Haû Yesuq é tapzîng nàm má gi, Yhâng nu, Yhâng nû é yhang gu byìzo eq, Kilopa é yhang myi Mariq eq Magadalaq wà mâ é Mariq pé, yàp tô bum akô. 26Yesuq gi, Yhang nàm má, Yhang chyitdàp é chángzo eq Yhâng nu yàp tô é lé myang kat jáng, Yhâng nu lé, “Ânu ê#19:26 Ânu ê, gâ é lé, Grik dông gi, myiwe myhí ê ga bo tô é nghut lhê. nungzo lé wú aq.” ga taí mù, 27chángzo haû lé le, “Náng nu lé wú aq.” ga taî ri. Haú hkûn mai, chángzo haú yùq gi, Yesuq é yhâng nu lé, yhâng é yhûm shut shuî ló bê nghut ri.
Yesuq Kângsoq Byìt É Hkyô
Mht 27:45-56; Mrk 15:33-41; Luk 23:44-49
28Hau htâng, Yesuq gi, ahkuî, múzó bàn bê nghut é lé sé luî, haû Chyúmdang lhoqdìk râ matú, “Ngò, wuìshit ri.” ga taî ri. 29Haú má, tsibyiq wing chyîn rayambú jòq tô ri; haû mù, yhángmòq gi, wuìmaù lé tsibyiq wing chyîn haú má jum yù luî, jàm yang ahpyo má tuî tap mù, Yhâng é nhutwuî jé shoq yhun byî akô nghut ri. 30Yesuq gi, tsibyiq wing chyîn haú lé shuq yû mù, “Mû bàn bê.” ga taî ri. Yhang, haû su ga taí eq yhang, ulhum nghuq ló mù, kâng byìt bê nghut ri.
31Htang nyí gi, ahkyàk é Bánno Buìnyì nghut luî, haú nyí gi, Hên Lajang Buìnyì nghut ri. Haû mù, Yudaq byu pé gi, Bánno Buìnyì má, màng pé lé tapzîng htoq má a jòq to nhâng naù kô é yánmai, hkyî pé lé bàt hkyuî pyám mù, màng pé lé yù hkyô pyám nhâng râ matú, Pilat chyáng dûng tôngbán akô. 32Haû mù luî, gyèzô pé gi, lé mù, Yesuq eq jén hui su nhik mâ é, rayùq é hkyî lé hí bàt hkyuî pyám mù, rayùq é hkyî lé dum bàt hkyuî pyâm akô nghut ri. 33Nghut kôlhang, yhángmòq gi, Yesuq chyáng jé é hkûn, Yhang shi to láng bê nghut é lé myàng kômù, Yhâng é hkyî lé a bàt hkyui byi kó nghut ri. 34Nghut kôlhang, gyèzo rayùq gi, Yesuq é nàmcham má lham èq htaû kat byi jáng, radá dâm sui eq wuì yui htoq lo ri. 35Haû lé myang é sû gi, sàksé hkám byî ri; yhang sàksé hkâm é hkyô gi, tengmán ri. Haû yhang taî kyô é hkyô gi, têng é lé, yhang sé mù, núngmòq le wó lùmjíng kó sháng gàq ga, sàksé hkám byî é nghut ri. 36Haú hkyô pé dùt é gi, “Yhâng é showui rahkat lháng a lhoqhkyui râ nghut lhê.”#Htoq Ló 12:46; Gyung So 9:12; Hkya-on 34:20 gâ é Chyúmdang haû lhoqdìk râ matú nghut lhê. 37Chyúmdang gótû ralhum má le, “Yhángmòq èq htaû rot é sû lé, yhángmòq tu wú kôrâ nghut lhê.”#Zhk 12:10 gâ é bo tô ashî nghut ri.
Yesuq Lé, Myhup Yhûm É Hkyô
Mht 27:57-61; Mrk 15:42-47; Luk 23:50-56
38Hau htâng, Yesuq é chángzo dùt nyi é Aramahti wà mó byû Yosep gi, haû Yudaq byu pé lé gyùq é yánmai, tsik za Pilat chyáng Yesuq é gùngsôm lé, lé dûng ri. Pilat èq ahkáng byî kat jáng, yhang gi, gùngsôm haû lé, lé yu ló bê nghut ri. 39Yhang gi, hí hkûn, myín lé, Yesuq lé ê huî é sû, Nikodimu eq rahá lé é nghut ri; Nikodimu gi, mura eq achyo nyhô tô é namngón jung sum xê joí kô yu lé ri. 40Yhángnhik gi, Yesuq é gùngsôm lé yù mù, Yudaq byu pê é màng yhum htûng eq rajung za, namngón jung eq rahá, pán yúng èq htup yùp to byî akô. 41Haû Yesuq lé tapzîng má jén sat pyâm é jowò nàm má, hkyâm ralhum jòq ri; ó yùq lé le a lheq wú shî é, lùp sik ralhum hkyâm hkaû má jòq tô ri. 42Haú nyí gi, Yudaq byu pê é Hên Lajang Buìnyì nghut é yánmai le, lùp haû le chyâng é yánmai le, yhángnhik gi, Yesuq lé, haú má ê lheq tô akô nghut ri.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.