Nhông Jaú 10
10
Nadap Eq Abihu Shi Byùq É Hkyô
1Arun é yùqzô nhiktâng Nadap eq Abihu gi, namngón shôm nyhê é myihkoq lé yù mù, myi kat luî, namngón jung kat é htâng, haû Yhûmsîng Garaî é hí má, Yhûmsîng Garai hkyô tô é a nghut é myî èq nyhê nhong akô nghut ri. 2Haû mù, myi gi, haû Yhûmsîng Garaî é myòq hí mai dùq htoq lô luî, yháng nhiktâng lé nyé gyó é nghut mù, yháng nhiktâng gi, Yhûmsîng Garaî é hí má shi byùq bekô nghut ri. 3Haú hkûn, Mosheq gi, Arun lé, “Haû Yhûmsîng Garai mai,
‘Ngò gi, Ngá chyáng huî lé é sû lé,
Ngò chyoiyúng é hkyô shit râ;
Ngò gi, shiwa byù bànshoq bâng é myòq hí má,
Ngá é hpungwup shingkang shit râ nghut lhê.’ ga taî é gi, shî su é hkyô lé taî é nghut bê.” ga taî ri.
Arun gi, zîm za nyi tô ri.
4Mosheq gi, Arun é yhâng wa lum Uzi-ela é yhang zô nhiktâng Misha-ela eq Elizahpan lé wùt yù mù, yháng nhiktâng lé, “Shî má lé keq; núngnhik é yhang gu yhang mâng nhik lé, sân-yúng jowò mai, xuq tô é wàp shinggan shut wàq htoq ê keq.” ga taî ri. 5Haû mù, yháng nhiktâng gi, lé luî, Mosheq dangmó hkyô tô é eq rajung za, buhîng eq nghut nyi é màng haú lé, xuq tô é wàp shinggan shut wàq htoq pyám bekô nghut ri.
6Hau htâng, Mosheq gi, Arun eq yhâng é yùqzô nhiktâng Ele-aza eq Ihtama lé, “Núngmòq a shi byùq é htoq agó, shiwa byù hpúng gón má Yhûmsîng Garaî é nhikjum yo hkyô a jé sháng gàq, núngmòq é xâm lé hkâhpyap hkyó kó, núngmòq é mèbu lé le hkâlâng cheq kó. Nghut kôlhang, núngmòq é gu-mang Isira-elaq byù bànshoq bang kúm gi, Yhûmsîng Garai mai myî èq lhoqhtên pyám su nhik é matú ngaùhkyûng ngaùyang kut kó sháng gàq. 7Zùphpong zúm hkum mai hkâhtoq kó, haû a nghut jáng, núngmòq shî râ nghut lhê; haî mù gâ le, haû Yhûmsîng Garaî é namngón xû gi, núngmòq chyáng jòq nyi é nghut lhê.” ga taî ri. Haû mù, yhángmòq gi, Mosheq taî é eq rajung za kut bekô nghut ri.
8Hau htâng, Yhûmsîng Garai gi, Arun lé, 9“Nàng eq náng é yùqzô pé gi, zùphpong zúm má wang ê hkangmó, tsibyiq wing eq nyhûn tô é î ge shuq râ a nghut; haû a nghut jáng, núngmòq shî râ nghut lhê. Haû gi, jé lô râ pyàt bán hkangmó é matú, ahtum abyùq hkyô tô é hkunmó nghut lhê. 10Haû gi, núngmòq, chyoiyúng hkyô eq htûnglai lé le, htûngli dông sansêng é eq a sansêng é lé le, ge gam hkoq râ nghut é htoq agó, 11Mosheq dông haû Yhûmsîng Garai byî tô é târâ wàng hkunmó bànshoq lé, Isira-elaq byu pé lé wó mhoq byi râ matú nghut lhê.” ga taî ri. 12Mosheq gi, Arun eq nyi myìt tô é yhâng é yùqzô nhiktâng Ele-aza eq Ihtama lé, “Haû Yhûmsîng Garai lé myi nyhê nhông byî é hkungga mai myìt tô é gùqzò hkungga lé yù mù, múnchi a bo é za, hkungga gyàp nàm má zo keq; hkâsu mù gâ le, haû gi, chyoiyúng htâng é nghut lhê. 13Haû gi, Yhûmsîng Garai lé myî èq nyhê nhông byî é hkungga mâ é náng é gàmbùm eq náng é yùqzô pê é gàmbùm nghut é yánmai, sansêng é jowò má zo ra râ nghut lhê. Haû su ga ngo lé hkunmó hkyô tô é nghut lhê. 14Nghut kôlhang, nàng eq náng é yùqzo byìzô pé gi, wàq hê wànggàng eq wàq toq tangsân lé, htûngli dông sansêng é jowò má zo râ nghut lhê; haú lé gi, Isira-elaq byu pê é zùmhkaû hkungga pé mâ é núngmòq é gàmbùm dông, nàng eq náng é zodù wuì lé byî to bê nghut lhê. 15Wàq toq tangsân eq wàq hê wànggàng lé gi, myî èq nyhê nhông râ xû pé eq rahá yu lé mù, wàq hê hkungga dông Yhûmsîng Garaî é hí má wàq hê ra râ nghut lhê. Haû gi, Yhûmsîng Garai hkunmó hkyô to bê é eq rajung za, nàng eq náng é zodù wui é matú, ahtum abyùq é gàmbùm nghut nyi ri.” ga taî ri.
16Mosheq gi, mara hkyut hkungga bainám eq séng luî, myî ho wú é hkûn, nyhê nhong pyâm hpyuq bê lé wó sé jáng, nyi myìt tô é, Arun é yùqzô nhiktâng Ele-aza eq Ihtama lé nhikjum yo luî, 17“Mara hkyut hkungga gi, chyoiyúng htâng é nghut mù, núngmòq gi, Yhûmsîng Garaî é hí má, shiwa byù hpûng é matú mara hkô htaí hkungga nhông byî é dông yhángmòq é mara lé yu pyám byi râ matú, núngmòq lé haû byî to bê ru nghut le nhîng, haî mù haú lé sân-yúng jowò má a zo kô é lhú? 18Hkungga sui gi, Chyoiyúng Jowò má a yu wang é nghut mù, núngmòq gi, ngò hkunmó hkyô tô é eq rajung za, bainám sho lé sân-yúng jowò má zo ra kô é nghut lhê mhaî.” ga myî ri.
19Arun gi, Mosheq lé, “Hkû-nyí, yháng nhiktâng gi, Yhûmsîng Garaî é hí má, yhángnhik é mara hkyut hkungga eq myi nyhé hkungga lé nhong pyám bekô nghut mù, shî sû é ihkyùp ngá chyáng jé bu-nhung. Hkû-nyí, ngò, mara hkyut hkungga lé zô é nghut jáng, haû Yhûmsîng Garai gi, gabú myìt nguì râ lhú?” ga tû taî ri. 20Mosheq gi, dang haú lé wó gyo jáng, nhik dìk bê nghut ri.
Currently Selected:
Nhông Jaú 10: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Nhông Jaú 10
10
Nadap Eq Abihu Shi Byùq É Hkyô
1Arun é yùqzô nhiktâng Nadap eq Abihu gi, namngón shôm nyhê é myihkoq lé yù mù, myi kat luî, namngón jung kat é htâng, haû Yhûmsîng Garaî é hí má, Yhûmsîng Garai hkyô tô é a nghut é myî èq nyhê nhong akô nghut ri. 2Haû mù, myi gi, haû Yhûmsîng Garaî é myòq hí mai dùq htoq lô luî, yháng nhiktâng lé nyé gyó é nghut mù, yháng nhiktâng gi, Yhûmsîng Garaî é hí má shi byùq bekô nghut ri. 3Haú hkûn, Mosheq gi, Arun lé, “Haû Yhûmsîng Garai mai,
‘Ngò gi, Ngá chyáng huî lé é sû lé,
Ngò chyoiyúng é hkyô shit râ;
Ngò gi, shiwa byù bànshoq bâng é myòq hí má,
Ngá é hpungwup shingkang shit râ nghut lhê.’ ga taî é gi, shî su é hkyô lé taî é nghut bê.” ga taî ri.
Arun gi, zîm za nyi tô ri.
4Mosheq gi, Arun é yhâng wa lum Uzi-ela é yhang zô nhiktâng Misha-ela eq Elizahpan lé wùt yù mù, yháng nhiktâng lé, “Shî má lé keq; núngnhik é yhang gu yhang mâng nhik lé, sân-yúng jowò mai, xuq tô é wàp shinggan shut wàq htoq ê keq.” ga taî ri. 5Haû mù, yháng nhiktâng gi, lé luî, Mosheq dangmó hkyô tô é eq rajung za, buhîng eq nghut nyi é màng haú lé, xuq tô é wàp shinggan shut wàq htoq pyám bekô nghut ri.
6Hau htâng, Mosheq gi, Arun eq yhâng é yùqzô nhiktâng Ele-aza eq Ihtama lé, “Núngmòq a shi byùq é htoq agó, shiwa byù hpúng gón má Yhûmsîng Garaî é nhikjum yo hkyô a jé sháng gàq, núngmòq é xâm lé hkâhpyap hkyó kó, núngmòq é mèbu lé le hkâlâng cheq kó. Nghut kôlhang, núngmòq é gu-mang Isira-elaq byù bànshoq bang kúm gi, Yhûmsîng Garai mai myî èq lhoqhtên pyám su nhik é matú ngaùhkyûng ngaùyang kut kó sháng gàq. 7Zùphpong zúm hkum mai hkâhtoq kó, haû a nghut jáng, núngmòq shî râ nghut lhê; haî mù gâ le, haû Yhûmsîng Garaî é namngón xû gi, núngmòq chyáng jòq nyi é nghut lhê.” ga taî ri. Haû mù, yhángmòq gi, Mosheq taî é eq rajung za kut bekô nghut ri.
8Hau htâng, Yhûmsîng Garai gi, Arun lé, 9“Nàng eq náng é yùqzô pé gi, zùphpong zúm má wang ê hkangmó, tsibyiq wing eq nyhûn tô é î ge shuq râ a nghut; haû a nghut jáng, núngmòq shî râ nghut lhê. Haû gi, jé lô râ pyàt bán hkangmó é matú, ahtum abyùq hkyô tô é hkunmó nghut lhê. 10Haû gi, núngmòq, chyoiyúng hkyô eq htûnglai lé le, htûngli dông sansêng é eq a sansêng é lé le, ge gam hkoq râ nghut é htoq agó, 11Mosheq dông haû Yhûmsîng Garai byî tô é târâ wàng hkunmó bànshoq lé, Isira-elaq byu pé lé wó mhoq byi râ matú nghut lhê.” ga taî ri. 12Mosheq gi, Arun eq nyi myìt tô é yhâng é yùqzô nhiktâng Ele-aza eq Ihtama lé, “Haû Yhûmsîng Garai lé myi nyhê nhông byî é hkungga mai myìt tô é gùqzò hkungga lé yù mù, múnchi a bo é za, hkungga gyàp nàm má zo keq; hkâsu mù gâ le, haû gi, chyoiyúng htâng é nghut lhê. 13Haû gi, Yhûmsîng Garai lé myî èq nyhê nhông byî é hkungga mâ é náng é gàmbùm eq náng é yùqzô pê é gàmbùm nghut é yánmai, sansêng é jowò má zo ra râ nghut lhê. Haû su ga ngo lé hkunmó hkyô tô é nghut lhê. 14Nghut kôlhang, nàng eq náng é yùqzo byìzô pé gi, wàq hê wànggàng eq wàq toq tangsân lé, htûngli dông sansêng é jowò má zo râ nghut lhê; haú lé gi, Isira-elaq byu pê é zùmhkaû hkungga pé mâ é núngmòq é gàmbùm dông, nàng eq náng é zodù wuì lé byî to bê nghut lhê. 15Wàq toq tangsân eq wàq hê wànggàng lé gi, myî èq nyhê nhông râ xû pé eq rahá yu lé mù, wàq hê hkungga dông Yhûmsîng Garaî é hí má wàq hê ra râ nghut lhê. Haû gi, Yhûmsîng Garai hkunmó hkyô to bê é eq rajung za, nàng eq náng é zodù wui é matú, ahtum abyùq é gàmbùm nghut nyi ri.” ga taî ri.
16Mosheq gi, mara hkyut hkungga bainám eq séng luî, myî ho wú é hkûn, nyhê nhong pyâm hpyuq bê lé wó sé jáng, nyi myìt tô é, Arun é yùqzô nhiktâng Ele-aza eq Ihtama lé nhikjum yo luî, 17“Mara hkyut hkungga gi, chyoiyúng htâng é nghut mù, núngmòq gi, Yhûmsîng Garaî é hí má, shiwa byù hpûng é matú mara hkô htaí hkungga nhông byî é dông yhángmòq é mara lé yu pyám byi râ matú, núngmòq lé haû byî to bê ru nghut le nhîng, haî mù haú lé sân-yúng jowò má a zo kô é lhú? 18Hkungga sui gi, Chyoiyúng Jowò má a yu wang é nghut mù, núngmòq gi, ngò hkunmó hkyô tô é eq rajung za, bainám sho lé sân-yúng jowò má zo ra kô é nghut lhê mhaî.” ga myî ri.
19Arun gi, Mosheq lé, “Hkû-nyí, yháng nhiktâng gi, Yhûmsîng Garaî é hí má, yhángnhik é mara hkyut hkungga eq myi nyhé hkungga lé nhong pyám bekô nghut mù, shî sû é ihkyùp ngá chyáng jé bu-nhung. Hkû-nyí, ngò, mara hkyut hkungga lé zô é nghut jáng, haû Yhûmsîng Garai gi, gabú myìt nguì râ lhú?” ga tû taî ri. 20Mosheq gi, dang haú lé wó gyo jáng, nhik dìk bê nghut ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.