Nhông Jaú 14
14
Yàpjèq Nòlì Mai Lhoq Sansêng Yu É Hkyô
1Haû Yhûmsîng Garai gi, Mosheq lé, 2“Yàpjèq nòlì dàp sû, yhángmòq é htûngli dông lhoq sansêng yu é buìnyì má cháng râ é târâ pé gi, yhang lé hkyangjong hpô chyáng shuî lé lô kô é hkûn, 3hkyangjong hpó gi, xuq tô é wàp shinggan má htoq ê mù, yhang lé jep wú ra râ nghut lhê; yhâng é yàpjèq nòlì gi, ge byùq bê nghut jáng, 4hkyangjong hpó gi, haû lhoq sansêng yù râ su é matú, dui nyi é sansêng é nghoqzo í du, kyám gâm htang, zam zam ne é hkying eq husop kyâng pé yu lé nhâng ra râ nghut lhê. 5Hau htâng, hkyangjong hpó gi, nghoqzo radu lé, yui nyi é wuì hkam kat tô é tso-au htoq má sat nhâng ra râ nghut lhê. 6Hau htâng, yhang gi, dui nyi é nghoqzo lé, kyám gâm htang, zam zam ne é hkyîng, husop kyâng pé eq rahá, yui nyi é wuì hkam kat tô é tso-au htoq má sat é nghoq sui má dûn jum yù mù, 7yàpjèq nòlì mai lhoq sansêng yù râ sû lé nyhit dâm hpyûn gyun ra râ nghut lhê; haû jáng, yhang lé sanséng bê nghû râ nghut lhê. Hau htâng, yhang gi, dui nyi é nghoqzo lé, san zâ é jowò má nhang pyám ra râ nghut lhê.
8Lhoq sansêng yû râ sû gi, yhâng é mèbu chî pyám luî, yhâng é xâm sho-maú bànshoq lé wùq pyám mù, gùng chî pyám ra râ nghut lhê. Haú hkûn, yhang gi, htûngli dông sanséng râ nghut lhê. Hau htâng má, yhang gi, xuq tô é wàp má ge wàng râ nghut lhê; nghut kôlhang, yhâng é zúm shinggan má nyhit nyí nyì ra râ nghut lhê. 9Nyhit nyí nyí má, yhang gi, uxâm le, nhutmui le, myòq xâm le, gótû sho-maú bànshoq le wùq pyám mù, yhâng é mèbu chî pyám luî, gùng chi ra râ nghut lhê; haû jáng, yhang gi, sanséng râ nghut lhê.
10Shit nyí nyí má, yhang gi, haî le a râ é, saulo zo í du eq razàn bò bê sauzîng radu lé, gùqzò hkunggâ é matú tsanlun xû eq nyhô tô é je nú é mún rajoí èq í xe myi rûng kô eq xû ngo rûng kô le kut yu lé ra râ nghut lhê. 11Haû yhang lé sanséng bê ga hpyit byi râ hkyangjong hpó gi, lhoq sansêng yû râ sû eq yhâng é hkungga pé lé, zùphpong zúm hkum hí, haû Yhûmsîng Garaî é hí má shit ra râ nghut lhê.
12Hau htâng, hkyangjong hpó gi, saulo zo í du mâ é radu lé yù mù, ngo rûng kô bo é xû eq rahá, mara hpyî hkungga dông nhông ra râ nghut lhê; yhang gi, haú pé lé, wàq hê hkungga dông haû Yhûmsîng Garaî é hí má wàq hê râ nghut lhê. 13Yhang gi, saulo zo haú lé, mara hkyut hkungga eq myi nyhé hkungga sat jang nghut é sân-yúng jowò má sat ra râ nghut lhê. Haû mara hkyut hkungga sho lé su, mara hpyî hkungga sho lé le, hkyangjong hpó yù râ nghut lhê. Haû gi, chyoiyúng htâng é nghut lhê. 14Hkyangjong hpó gi, mara hpyî hkunggâ é sui ra-am lé yù mù, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le bùt byi ra râ nghut lhê. 15Hkyangjong hpó gi, myi rûng kô bo é xû mâ é ra-am lé, yhâng é lòqpaî lòqwa má hut kat mù, 16yhâng é lòqyo lòqnyhui lé, lòqwa haú mâ é xû má jum yù luî, haû Yhûmsîng Garaî é hí má nyhit dâm tsik gyun ra râ nghut lhê. 17Hkyangjong hpó gi, yhâng é lòqwa má myìt tô é xû ra-am lé, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le dàp tô é mara hpyî hkungga suî é ahtoq má bùt byi ra râ nghut lhê. 18Hkyangjong hpó gi, yhâng é lòqwa má myìt gyó tô é xû lé, haû lhoq sansêng yù râ su é ulhum htoq má hut gyun râ nghut lhê. Yhang gi, haû dông mai, haû Yhûmsîng Garaî é hí má mara hkô htaí hkungga nhông byi ra râ nghut lhê.
19Hau htâng, hkyangjong hpó gi, a sanséng é mai lhoq sansêng yù râ su é matú, mara hkô htaí hkungga nhông byi luî, mara hkyut hkungga nhông byi râ nghut lhê; hau htâng má, hkyangjong hpó gi, myi nyhé hkungga lé sat mù, 20haú lé, gùqzò hkungga eq rahá hkungga gyàp htoq má nyhê nhông byî é dông, yhâng é matú mara hkô htaí hkungga nhông râ nghut lhê; haú hkûn, yhang sanséng râ nghut lhê.
21Nghut kôlhang, yhang gi, myùng luî, haú gû lé a wó htoq é nghut jáng, yhâng é matú mara hkô htaí hkungga kut râ, wàq hê mara hpyî hkunggâ é matú, saulo zo radu lé, gùqzò hkunggâ é matú tsanlun xû eq nyhô tô é je nú é mún ngo joí mâ é xê gàmbùm ragàmbùm eq xû myi rûng kô kut rahá yu lé mù, 22yhang wó htoq é, mara hkyut hkunggâ é matú radu, myi nyhé hkunggâ é matú radu kut, hpûngkyui í du, a nghut jáng, nghoqmyhû zo í du yu lé ra râ nghut lhê.
23Shit nyí nyí má, yhang gi, haú pé lé, yhang lhoq sansêng yù râ matú, haû Yhûmsîng Garaî é hí nghut é, zùphpong zúm é hkum hí má hkyangjong hpô chyáng yu lé ra râ nghut lhê. 24Hkyangjong hpó gi, mara hpyî hkunggâ é matú, sau zo haú lé, myi rûng kô bo é xû eq rahá yù mù, wàq hê hkungga dông haû Yhûmsîng Garaî é hí má wàq hê ra râ nghut lhê. 25Yhang gi, mara hpyî hkunggâ é matú sau zo haú lé sat mù, hau é sui ra-am lé yù luî, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le bùt byi ra râ nghut lhê. 26Hkyangjong hpó gi, xû haú mâ é ra-am lé, yhâng é lòqpaî lòqwa má hut kat mù, 27yhâng é lòqwa haú mâ é xû ra-am lé, yhâng é lòqyo lòqnyhuî èq Yhûmsîng Garaî é hí má nyhit dâm tsik gyun ra râ nghut lhê. 28Yhang gi, yhâng é lòqwa mâ é xû ra-am lé, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le dàp é mara hpyî hkungga sui má dum bùt byi ra râ nghut lhê. 29Hkyangjong hpó gi, yhâng é lòqwa má myìt gyó tô é xû lé, haû lhoq sansêng yù râ su é ulhum htoq má hut gyun râ nghut lhê. Yhang gi, haú dông mai, haû Yhûmsîng Garaî é hí má yhâng é matú mara hkô htaí hkungga nhông byi ra râ nghut lhê. 30-31Hau htâng, yhang gi, haú yùq wó htoq é, mara hkyut hkunggâ é matú radu, myi nyhé hkunggâ é matú radu kut, hpûngkyui í du, a nghut jáng, nghoqmyhû zo í du yu lé mù, gùqzò hkungga eq rahá nhông byi râ nghut lhê. Haú dông mai, hkyangjong hpó gi, haû lhoq sansêng yù râ su é gùnglik dông, Yhûmsîng Garaî é hí má mara hkô htaí hkungga nhông byi râ nghut lhê.” ga taî ri.
32Shí pé gi, yàpjèq nòlì dàp luî, yhûmsîng lhoq sansêng yù râ matú masàt tô é hkungga a wó htoq bang eq sêng é cháng ra târâ pé nghut lhê.
Mhungzúng Mai Lhoq Sansêng Yu É Hkyô
33Haû Yhûmsîng Garai gi, Mosheq eq Arun lé, 34“Núngmòq ló sing yù râ matú Ngò núngmòq lé byî é Hkanan mau má núngmòq ló jé kô é hkûn, haú mau mâ é rayhûm yhûm má Ngò mhungzúng nò dàp nhang é nghut jáng, 35haú yhûmsîng gi, hkyangjông chyáng ê mù, ‘Ngá yhûm má mhungzúng nò dàp tô é su dùt é lé ngò myang ri.’ nghû ê taî kyo ra râ nghut lhê. 36Haú hkûn, hkyangjong hpó gi, yhúmhkaû mâ é haí jung lé le a sanséng ga a hpyit byi râ matú, yhang, mhungzúng lé a ê wang jep shi-má, yhúmhkaû mâ é zè bànshoq lé yu htoq pyám nhâng râ dùt lhê; hau htâng má shèq, hkyangjong hpó gi, yhûm haú má wang jep wú ra râ nghut lhê. 37Yhang gi, yhûm xêwâm haú mâ é mhungzúng nò lé jep wú mù, yhûm xêwâm má hkûng wang ló é htoq agó, nyuì nyuì nè nè dùt tô é ahkyo bo é nghut jáng, 38yhang, yhúmhkaû mai htoq mù, yhûm haú lé nyhit nyí myhî pyâm to ra râ nghut lhê. 39Nyhit nyí nyí má, hkyangjong hpó gi, yhûm haú lé ê dum taû jep ra râ nghut lhê; mhungzúng nò haû, yhûm xêwâm má byo ló é nghut jáng, 40yhang gi, mhungzúng nò haû dàp é xêwâm lùqgòk lé kyûng htoq yû nhâng mù, wà shinggan mâ é a sansêng é jowò má ê dú pyám nhâng ra râ nghut lhê. 41Yhang gi, yhúmhkaû shut mâ é yhûm xêwâm lhînghkyùq lé gyèk hkyô san nhâng mù, gyó tô é a-mùn haú lé, wà shinggan mâ é a sansêng é jowò má ê wàq kat pyám nhâng ra râ nghut lhê. 42Hau htâng, yhángmòq gi, gótû lùqgòk wàq yù mù, kyûng pyâm é lùqgòk hkô má xaú luî, tso-kyín asik èq rayhum é kut tap to ra râ nghut lhê.
43Haû su kut lùqgòk pé lé kyûng pyám mù, xêwâm pé lé gyèk san luî, hpo tap tô é htâng, yhûm má mhungzúng nô dum dàp lo é nghut jáng, 44hkyangjong hpó gi, yhûm haú lé jep wú ra râ nghut lhê; mhungzúng nò haû yhûm má byo myín é nghut jáng, haû gi, wôm ló jung mhungzúng nò nghut lhê mù, yhûm haû gi, a sanséng lo nghut ri. 45Yhûm hau é lùqgòk pé, sik pé eq tso-kyín pé bànshoq lé hpyoq hpyi pyám mù, wà shinggan mâ é a sansêng é jowò má ê hkyom dú pyám ra râ nghut lhê.
46Yhûm haû myhî tô é u, yhûm haú má wang é sû gi, myínhtâng jé shoq a sanséng râ nghut lhê. 47Yhûm haú má yhup é sû nghut nghut, zô é sû nghut nghut, yhâng é mèbu lé chi ra râ nghut lhê.
48Nghut kôlhang, yhûm haú lé hpo pyâm é htâng, hkyangjong hpó lé jep wú mù, mhungzúng nò haû yhûm má a byo htoq lo é nghut jáng, mhungzúng nò haû ge byùq bê nghut é yánmai, yhang gi, yhûm haû sanséng bê nghû hpyit byi ra râ nghut lhê. 49Yhang gi, yhûm lé lhoqsan lhoqyúng râ matú, nghoqzo í du, kyám gâm htang, zam zam ne é hkyîng eq husop kyâng lé yù ra râ nghut lhê. 50Hau htâng, yhang gi, nghoqzo í du mâ é radu lé, yui nyi é wuì hkam kat tô é tso-au htoq má sat râ nghut lhê. 51Hau htâng, yhang gi, kyám gâm htang, husop kyâng, zam zam ne é hkyîng eq dui nyi é nghoqzo lé, haû nghoq sui bo é ûchyam má jum yù mù, yhûm haú má nyhit dâm hpyûn gyun ra râ nghut lhê. 52Haú dông, yhang gi, yhûm haú lé, nghoq sui, ûchyam, dui nyi é nghoqzo, kyám gâm htang, husop kyâng eq zam zam ne é hkying èq lhoqsan lhoqyúng râ nghut lhê. 53Hau htâng, yhang gi, dui nyi é nghoqzo lé, wà shinggan mâ é san zâ é jowò má nhang pyám ra râ nghut lhê. Haú dông mai, yhang gi, yhûm hau é matú mara hkô htaí hkungga nhông râ nghut mù, yhûm haû gi, sanséng berâ nghut lhê.” ga taî ri.
54Cháng ra târâ shí pé gi, yàpjèq nòlì a-myû myu é, yô jung dùt é, 55mèbu, a nghut jáng, yhûm má dàp é mhungzúng nò no é, 56sho-kuq wâm é, achap chap dùt é eq abòq bòq dùt é matú, 57sansêng é eq a sansêng é lé wó hpyit byi râ eq sêng é pé nghut lhê.
Shí pé gi, yàpjèq nòlì eq mhungzúng no é matú cháng râ é târâ pé nghut lhê.
Currently Selected:
Nhông Jaú 14: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Nhông Jaú 14
14
Yàpjèq Nòlì Mai Lhoq Sansêng Yu É Hkyô
1Haû Yhûmsîng Garai gi, Mosheq lé, 2“Yàpjèq nòlì dàp sû, yhángmòq é htûngli dông lhoq sansêng yu é buìnyì má cháng râ é târâ pé gi, yhang lé hkyangjong hpô chyáng shuî lé lô kô é hkûn, 3hkyangjong hpó gi, xuq tô é wàp shinggan má htoq ê mù, yhang lé jep wú ra râ nghut lhê; yhâng é yàpjèq nòlì gi, ge byùq bê nghut jáng, 4hkyangjong hpó gi, haû lhoq sansêng yù râ su é matú, dui nyi é sansêng é nghoqzo í du, kyám gâm htang, zam zam ne é hkying eq husop kyâng pé yu lé nhâng ra râ nghut lhê. 5Hau htâng, hkyangjong hpó gi, nghoqzo radu lé, yui nyi é wuì hkam kat tô é tso-au htoq má sat nhâng ra râ nghut lhê. 6Hau htâng, yhang gi, dui nyi é nghoqzo lé, kyám gâm htang, zam zam ne é hkyîng, husop kyâng pé eq rahá, yui nyi é wuì hkam kat tô é tso-au htoq má sat é nghoq sui má dûn jum yù mù, 7yàpjèq nòlì mai lhoq sansêng yù râ sû lé nyhit dâm hpyûn gyun ra râ nghut lhê; haû jáng, yhang lé sanséng bê nghû râ nghut lhê. Hau htâng, yhang gi, dui nyi é nghoqzo lé, san zâ é jowò má nhang pyám ra râ nghut lhê.
8Lhoq sansêng yû râ sû gi, yhâng é mèbu chî pyám luî, yhâng é xâm sho-maú bànshoq lé wùq pyám mù, gùng chî pyám ra râ nghut lhê. Haú hkûn, yhang gi, htûngli dông sanséng râ nghut lhê. Hau htâng má, yhang gi, xuq tô é wàp má ge wàng râ nghut lhê; nghut kôlhang, yhâng é zúm shinggan má nyhit nyí nyì ra râ nghut lhê. 9Nyhit nyí nyí má, yhang gi, uxâm le, nhutmui le, myòq xâm le, gótû sho-maú bànshoq le wùq pyám mù, yhâng é mèbu chî pyám luî, gùng chi ra râ nghut lhê; haû jáng, yhang gi, sanséng râ nghut lhê.
10Shit nyí nyí má, yhang gi, haî le a râ é, saulo zo í du eq razàn bò bê sauzîng radu lé, gùqzò hkunggâ é matú tsanlun xû eq nyhô tô é je nú é mún rajoí èq í xe myi rûng kô eq xû ngo rûng kô le kut yu lé ra râ nghut lhê. 11Haû yhang lé sanséng bê ga hpyit byi râ hkyangjong hpó gi, lhoq sansêng yû râ sû eq yhâng é hkungga pé lé, zùphpong zúm hkum hí, haû Yhûmsîng Garaî é hí má shit ra râ nghut lhê.
12Hau htâng, hkyangjong hpó gi, saulo zo í du mâ é radu lé yù mù, ngo rûng kô bo é xû eq rahá, mara hpyî hkungga dông nhông ra râ nghut lhê; yhang gi, haú pé lé, wàq hê hkungga dông haû Yhûmsîng Garaî é hí má wàq hê râ nghut lhê. 13Yhang gi, saulo zo haú lé, mara hkyut hkungga eq myi nyhé hkungga sat jang nghut é sân-yúng jowò má sat ra râ nghut lhê. Haû mara hkyut hkungga sho lé su, mara hpyî hkungga sho lé le, hkyangjong hpó yù râ nghut lhê. Haû gi, chyoiyúng htâng é nghut lhê. 14Hkyangjong hpó gi, mara hpyî hkunggâ é sui ra-am lé yù mù, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le bùt byi ra râ nghut lhê. 15Hkyangjong hpó gi, myi rûng kô bo é xû mâ é ra-am lé, yhâng é lòqpaî lòqwa má hut kat mù, 16yhâng é lòqyo lòqnyhui lé, lòqwa haú mâ é xû má jum yù luî, haû Yhûmsîng Garaî é hí má nyhit dâm tsik gyun ra râ nghut lhê. 17Hkyangjong hpó gi, yhâng é lòqwa má myìt tô é xû ra-am lé, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le dàp tô é mara hpyî hkungga suî é ahtoq má bùt byi ra râ nghut lhê. 18Hkyangjong hpó gi, yhâng é lòqwa má myìt gyó tô é xû lé, haû lhoq sansêng yù râ su é ulhum htoq má hut gyun râ nghut lhê. Yhang gi, haû dông mai, haû Yhûmsîng Garaî é hí má mara hkô htaí hkungga nhông byi ra râ nghut lhê.
19Hau htâng, hkyangjong hpó gi, a sanséng é mai lhoq sansêng yù râ su é matú, mara hkô htaí hkungga nhông byi luî, mara hkyut hkungga nhông byi râ nghut lhê; hau htâng má, hkyangjong hpó gi, myi nyhé hkungga lé sat mù, 20haú lé, gùqzò hkungga eq rahá hkungga gyàp htoq má nyhê nhông byî é dông, yhâng é matú mara hkô htaí hkungga nhông râ nghut lhê; haú hkûn, yhang sanséng râ nghut lhê.
21Nghut kôlhang, yhang gi, myùng luî, haú gû lé a wó htoq é nghut jáng, yhâng é matú mara hkô htaí hkungga kut râ, wàq hê mara hpyî hkunggâ é matú, saulo zo radu lé, gùqzò hkunggâ é matú tsanlun xû eq nyhô tô é je nú é mún ngo joí mâ é xê gàmbùm ragàmbùm eq xû myi rûng kô kut rahá yu lé mù, 22yhang wó htoq é, mara hkyut hkunggâ é matú radu, myi nyhé hkunggâ é matú radu kut, hpûngkyui í du, a nghut jáng, nghoqmyhû zo í du yu lé ra râ nghut lhê.
23Shit nyí nyí má, yhang gi, haú pé lé, yhang lhoq sansêng yù râ matú, haû Yhûmsîng Garaî é hí nghut é, zùphpong zúm é hkum hí má hkyangjong hpô chyáng yu lé ra râ nghut lhê. 24Hkyangjong hpó gi, mara hpyî hkunggâ é matú, sau zo haú lé, myi rûng kô bo é xû eq rahá yù mù, wàq hê hkungga dông haû Yhûmsîng Garaî é hí má wàq hê ra râ nghut lhê. 25Yhang gi, mara hpyî hkunggâ é matú sau zo haú lé sat mù, hau é sui ra-am lé yù luî, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le bùt byi ra râ nghut lhê. 26Hkyangjong hpó gi, xû haú mâ é ra-am lé, yhâng é lòqpaî lòqwa má hut kat mù, 27yhâng é lòqwa haú mâ é xû ra-am lé, yhâng é lòqyo lòqnyhuî èq Yhûmsîng Garaî é hí má nyhit dâm tsik gyun ra râ nghut lhê. 28Yhang gi, yhâng é lòqwa mâ é xû ra-am lé, haû lhoq sansêng yù râ su é lòqyo nohpyo htoq má le, lòqyo lòqmócham htoq má le, lòqyo hkyîmócham htoq má le dàp é mara hpyî hkungga sui má dum bùt byi ra râ nghut lhê. 29Hkyangjong hpó gi, yhâng é lòqwa má myìt gyó tô é xû lé, haû lhoq sansêng yù râ su é ulhum htoq má hut gyun râ nghut lhê. Yhang gi, haú dông mai, haû Yhûmsîng Garaî é hí má yhâng é matú mara hkô htaí hkungga nhông byi ra râ nghut lhê. 30-31Hau htâng, yhang gi, haú yùq wó htoq é, mara hkyut hkunggâ é matú radu, myi nyhé hkunggâ é matú radu kut, hpûngkyui í du, a nghut jáng, nghoqmyhû zo í du yu lé mù, gùqzò hkungga eq rahá nhông byi râ nghut lhê. Haú dông mai, hkyangjong hpó gi, haû lhoq sansêng yù râ su é gùnglik dông, Yhûmsîng Garaî é hí má mara hkô htaí hkungga nhông byi râ nghut lhê.” ga taî ri.
32Shí pé gi, yàpjèq nòlì dàp luî, yhûmsîng lhoq sansêng yù râ matú masàt tô é hkungga a wó htoq bang eq sêng é cháng ra târâ pé nghut lhê.
Mhungzúng Mai Lhoq Sansêng Yu É Hkyô
33Haû Yhûmsîng Garai gi, Mosheq eq Arun lé, 34“Núngmòq ló sing yù râ matú Ngò núngmòq lé byî é Hkanan mau má núngmòq ló jé kô é hkûn, haú mau mâ é rayhûm yhûm má Ngò mhungzúng nò dàp nhang é nghut jáng, 35haú yhûmsîng gi, hkyangjông chyáng ê mù, ‘Ngá yhûm má mhungzúng nò dàp tô é su dùt é lé ngò myang ri.’ nghû ê taî kyo ra râ nghut lhê. 36Haú hkûn, hkyangjong hpó gi, yhúmhkaû mâ é haí jung lé le a sanséng ga a hpyit byi râ matú, yhang, mhungzúng lé a ê wang jep shi-má, yhúmhkaû mâ é zè bànshoq lé yu htoq pyám nhâng râ dùt lhê; hau htâng má shèq, hkyangjong hpó gi, yhûm haú má wang jep wú ra râ nghut lhê. 37Yhang gi, yhûm xêwâm haú mâ é mhungzúng nò lé jep wú mù, yhûm xêwâm má hkûng wang ló é htoq agó, nyuì nyuì nè nè dùt tô é ahkyo bo é nghut jáng, 38yhang, yhúmhkaû mai htoq mù, yhûm haú lé nyhit nyí myhî pyâm to ra râ nghut lhê. 39Nyhit nyí nyí má, hkyangjong hpó gi, yhûm haú lé ê dum taû jep ra râ nghut lhê; mhungzúng nò haû, yhûm xêwâm má byo ló é nghut jáng, 40yhang gi, mhungzúng nò haû dàp é xêwâm lùqgòk lé kyûng htoq yû nhâng mù, wà shinggan mâ é a sansêng é jowò má ê dú pyám nhâng ra râ nghut lhê. 41Yhang gi, yhúmhkaû shut mâ é yhûm xêwâm lhînghkyùq lé gyèk hkyô san nhâng mù, gyó tô é a-mùn haú lé, wà shinggan mâ é a sansêng é jowò má ê wàq kat pyám nhâng ra râ nghut lhê. 42Hau htâng, yhángmòq gi, gótû lùqgòk wàq yù mù, kyûng pyâm é lùqgòk hkô má xaú luî, tso-kyín asik èq rayhum é kut tap to ra râ nghut lhê.
43Haû su kut lùqgòk pé lé kyûng pyám mù, xêwâm pé lé gyèk san luî, hpo tap tô é htâng, yhûm má mhungzúng nô dum dàp lo é nghut jáng, 44hkyangjong hpó gi, yhûm haú lé jep wú ra râ nghut lhê; mhungzúng nò haû yhûm má byo myín é nghut jáng, haû gi, wôm ló jung mhungzúng nò nghut lhê mù, yhûm haû gi, a sanséng lo nghut ri. 45Yhûm hau é lùqgòk pé, sik pé eq tso-kyín pé bànshoq lé hpyoq hpyi pyám mù, wà shinggan mâ é a sansêng é jowò má ê hkyom dú pyám ra râ nghut lhê.
46Yhûm haû myhî tô é u, yhûm haú má wang é sû gi, myínhtâng jé shoq a sanséng râ nghut lhê. 47Yhûm haú má yhup é sû nghut nghut, zô é sû nghut nghut, yhâng é mèbu lé chi ra râ nghut lhê.
48Nghut kôlhang, yhûm haú lé hpo pyâm é htâng, hkyangjong hpó lé jep wú mù, mhungzúng nò haû yhûm má a byo htoq lo é nghut jáng, mhungzúng nò haû ge byùq bê nghut é yánmai, yhang gi, yhûm haû sanséng bê nghû hpyit byi ra râ nghut lhê. 49Yhang gi, yhûm lé lhoqsan lhoqyúng râ matú, nghoqzo í du, kyám gâm htang, zam zam ne é hkyîng eq husop kyâng lé yù ra râ nghut lhê. 50Hau htâng, yhang gi, nghoqzo í du mâ é radu lé, yui nyi é wuì hkam kat tô é tso-au htoq má sat râ nghut lhê. 51Hau htâng, yhang gi, kyám gâm htang, husop kyâng, zam zam ne é hkyîng eq dui nyi é nghoqzo lé, haû nghoq sui bo é ûchyam má jum yù mù, yhûm haú má nyhit dâm hpyûn gyun ra râ nghut lhê. 52Haú dông, yhang gi, yhûm haú lé, nghoq sui, ûchyam, dui nyi é nghoqzo, kyám gâm htang, husop kyâng eq zam zam ne é hkying èq lhoqsan lhoqyúng râ nghut lhê. 53Hau htâng, yhang gi, dui nyi é nghoqzo lé, wà shinggan mâ é san zâ é jowò má nhang pyám ra râ nghut lhê. Haú dông mai, yhang gi, yhûm hau é matú mara hkô htaí hkungga nhông râ nghut mù, yhûm haû gi, sanséng berâ nghut lhê.” ga taî ri.
54Cháng ra târâ shí pé gi, yàpjèq nòlì a-myû myu é, yô jung dùt é, 55mèbu, a nghut jáng, yhûm má dàp é mhungzúng nò no é, 56sho-kuq wâm é, achap chap dùt é eq abòq bòq dùt é matú, 57sansêng é eq a sansêng é lé wó hpyit byi râ eq sêng é pé nghut lhê.
Shí pé gi, yàpjèq nòlì eq mhungzúng no é matú cháng râ é târâ pé nghut lhê.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.