Nhông Jaú 18
18
Târâ A Wang É Dông Gùngsho Zùm Yàp É Hkyô
1Haû Yhûmsîng Garai gi, Mosheq lé, 2“Isira-elaq byu pé lé dang nyô mù, yhángmòq lé, ‘Ngò gi, núngmòq é Garai Gasang nghut é, haû Yhûmsîng Garai nghut lhê. 3Núngmòq gi, núngmòq nyi laî lo é Egutuq ming mâ é nyì yàp sâmlai dông ge kut râ a nghut; núngmòq gi, Ngò, núngmòq lé shuî jé ló râ nghut é Hkanan mau mâ é nyì yàp sâmlai dông ge kut râ a nghut; yhángmòq é htûng târâ lé hkâcháng kó. 4Núngmòq gi, Ngá é târâ pé lé cháng mù, Ngá é târâ wàng hkunmó pé lé châng kut ra râ nghut lhê. Ngò gi, núngmòq é Garai Gasang nghut é, haû Yhûmsîng Garai nghut lhê. 5Ngá é târâ wàng hkunmó pé eq târâ pé lé cháng keq; hkâsu mù gâ le, haú pé lé châng é sû gi, haú pé dông chyungxe duì râ nghut lhê. Ngò gi, haû Yhûmsîng Garai nghut lhê.
6Ó yùq le, suisho chyâng é sû eq gùngsho ge zùm yàp râ a nghut. Ngò gi, haû Yhûmsîng Garai nghut lhê.
7Náng nu lé chyâng htèp mù, gùngsho zùm yàp é dông náng wa lé a hkúngga ge kut râ a nghut; yhang gi, náng nu nghut é yánmai, yhâng é gùng a-o túm lé ge hpóng râ a nghut.
8Náng wâ é yhang myi eq gùngsho ge zùm yàp râ a nghut; haû gi, náng wa lé a hkúngga dùt râ nghut lhê.
9Rayhûm má za hku é nghut nghut, gówô má hku é nghut nghut, náng é ra-naúshi shuq nhammó eq le, náng wâ é yhang zo byìzo eq le, náng nû é yhang zo byìzo eq le, gùngsho a ge zùm yàp râ nghut lhê.
10Náng é gashu byìzo eq gùngsho a ge zùm yàp râ nghut lhê; haû gi, nang lé, hpau a dàp é byù dùt nhâng râ nghut lhê.
11Înu a húm kôlhang, îwa hûm é náng é nhammó eq gùngsho a ge zùm yàp râ nghut lhê; yhang gi, náng é nhammó nghut ri.
12Náng wâ é yhâng nhammó nghut é nángmhoí eq gùngsho a ge zùm yàp râ nghut lhê; yhang gi, náng wâ é suisho nghut ri.
13Náng nû é yhang gu yhâng nhá eq gùngsho a ge zùm yàp râ nghut lhê; haî mù gâ le, yhang gi, náng nû é suisho nghut ri.
14Náng wâ é yhang gu yhang mâng é yhang myi eq chyâng htèp mù, gùngsho zùm yàp é dông náng wâ é yhang gu yhang mang lé a hkúnggâ é ge kut râ nghut; yhang gi, náng nû xik nghut ri.
15Nungzô é yhang myi, náng dùmó eq gùngsho a ge zùm yàp râ nghut lhê; gè gè yhang a ge zùm yàp râ nghut lhê.
16Nunggu nungmâng é yhang myi eq gùngsho a ge zùm yàp râ nghut lhê; haû gi, nunggu nungmang lé a hkúngga dùt râ nghut lhê.
17Myiwe myhí eq le, yhang zo byìzo eq le, gùngsho a ge zùm yàp râ nghut lhê; myiwe myhí hau é gashu byìzo eq le, gùngsho a ge zùm yàp râ nghut lhê; yhángmòq gi, suisho ralhum za nghut akô nghut ri. Haû gi, agè ashop hkyô nghut ri.
18Náng é yhûmsîng myhî é yhang gu yhâng nhá lé, gunjang myhí kut nhâng râ dông, náng é yhûmsîng myhí chyungxe dui nyi é u má, yhang eq gùngsho a ge zùm yàp râ nghut lhê.
19Myiwe myhí rayùq lé, yhang lhôhking lé mù a sanséng dùt nyi é u lé, chyâng htèp mù, gùngsho a ge zùm yàp râ nghut lhê.
20Náng é yhûmkyochâng é yhang myi eq gùngsho zùm yàp mù, náng gûng lé, yhang eq agòt a-û a ge dùt nhâng râ nghut lhê.
21Náng é zodù wuì hká yùq lé le, Molek hparà lé hkungga ge nhông byi râ a nghut; nàng gi, náng é Garai Gasâng é myìng lé ge lhoqhpoi râ a nghut. Ngò gi, haû Yhûmsîng Garai nghut lhê.
22Myiwe rayùq eq gùngsho zùm yàp é su, yùqgè eq a ge zùm yàp râ nghut lhê; haû gi, achaq achyut é hkyô nghut ri.
23Gaunyhaú radu eq gùngsho zùm yàp mù, náng gûng lé agòt a-û a ge dùt nhâng râ nghut lhê. Myiwe rayùq le, gaunyhaú eq gùngsho zùm yàp râ matú, yhânggùng yhang a ge hkam yù râ nghut lhê. Haû gi, htûnglai lé lhoqnyhô pyâm é mara mó nghut ri.
24Haû núngmòq é hí mai Ngò hkat htoq pyám râ nghut é a-myû wuì gi, haû sû é hkyô mai yhángmòq gùng lé agòt a-û kut yu nyi akô; haû mù, núngmòq gi, haû sû é hkyô pé mai núngmòq gùng lé agòt a-û a ge kut yû râ nghut lhê. 25Maumyî haû lháng agòt a-û dùt byùq bê nghut ri; hau é yánmai, Ngò gi, hau é yubàk mara lé dam byî é nghut mù, maumyî haû gi, yhâng chyáng nyi é byu pé lé hpat htoq pyám bê nghut ri. 26Nghut kôlhang, núngmòq gi, Ngá é târâ wàng hkunmó pé eq Ngá é târâ pé lé cháng ra râ nghut lhê. Núngmòq mâ é bang eq núngmòq chyáng lé bíng é mâ é bang gi, haû sû é achaq achyut é hkyô haî lé le a ge kut râ nghut lhê. 27Hkâsu mù gâ le, haú hkyô pé bànshoq lé gi, núngmòq é hí má nyi é maumyî haú mâ é byu pê èq kut é chyat nghut mù, maumyî haû gi, agòt a-û dùt byùq bê nghut ri. 28Haû mù, maumyî haú lé, núngmòq agòt a-û kut kô é nghut jáng, maumyî haû gi, núngmòq é hí má nyi é byù myû wuì lé hpat htoq pyâm é su, núngmòq lé le hpat htoq pyám râ nghut lhê.
29Haû sû é achaq achyut hkyô pé mâ é rahkat hkat lé kut é sû gi, yhâng é a-myû mai chyung hpyit pyâm é hui ra râ nghut lhê. 30Haû mù, núngmòq é hí má nyi é byu pé kut nyi é achaq achyut é htûngli lé a bo châng é eq yhángmòq eq rahá núngmòq é gùng lé agòt a-û a kut é za, Ngò kut nhang é pé lé châng kut nyî keq. Ngò gi, núngmòq é Garai Gasang nghut é, haû Yhûmsîng Garai nghut lhê.’ nghû àq.” ga taî ri.
Currently Selected:
Nhông Jaú 18: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Nhông Jaú 18
18
Târâ A Wang É Dông Gùngsho Zùm Yàp É Hkyô
1Haû Yhûmsîng Garai gi, Mosheq lé, 2“Isira-elaq byu pé lé dang nyô mù, yhángmòq lé, ‘Ngò gi, núngmòq é Garai Gasang nghut é, haû Yhûmsîng Garai nghut lhê. 3Núngmòq gi, núngmòq nyi laî lo é Egutuq ming mâ é nyì yàp sâmlai dông ge kut râ a nghut; núngmòq gi, Ngò, núngmòq lé shuî jé ló râ nghut é Hkanan mau mâ é nyì yàp sâmlai dông ge kut râ a nghut; yhángmòq é htûng târâ lé hkâcháng kó. 4Núngmòq gi, Ngá é târâ pé lé cháng mù, Ngá é târâ wàng hkunmó pé lé châng kut ra râ nghut lhê. Ngò gi, núngmòq é Garai Gasang nghut é, haû Yhûmsîng Garai nghut lhê. 5Ngá é târâ wàng hkunmó pé eq târâ pé lé cháng keq; hkâsu mù gâ le, haú pé lé châng é sû gi, haú pé dông chyungxe duì râ nghut lhê. Ngò gi, haû Yhûmsîng Garai nghut lhê.
6Ó yùq le, suisho chyâng é sû eq gùngsho ge zùm yàp râ a nghut. Ngò gi, haû Yhûmsîng Garai nghut lhê.
7Náng nu lé chyâng htèp mù, gùngsho zùm yàp é dông náng wa lé a hkúngga ge kut râ a nghut; yhang gi, náng nu nghut é yánmai, yhâng é gùng a-o túm lé ge hpóng râ a nghut.
8Náng wâ é yhang myi eq gùngsho ge zùm yàp râ a nghut; haû gi, náng wa lé a hkúngga dùt râ nghut lhê.
9Rayhûm má za hku é nghut nghut, gówô má hku é nghut nghut, náng é ra-naúshi shuq nhammó eq le, náng wâ é yhang zo byìzo eq le, náng nû é yhang zo byìzo eq le, gùngsho a ge zùm yàp râ nghut lhê.
10Náng é gashu byìzo eq gùngsho a ge zùm yàp râ nghut lhê; haû gi, nang lé, hpau a dàp é byù dùt nhâng râ nghut lhê.
11Înu a húm kôlhang, îwa hûm é náng é nhammó eq gùngsho a ge zùm yàp râ nghut lhê; yhang gi, náng é nhammó nghut ri.
12Náng wâ é yhâng nhammó nghut é nángmhoí eq gùngsho a ge zùm yàp râ nghut lhê; yhang gi, náng wâ é suisho nghut ri.
13Náng nû é yhang gu yhâng nhá eq gùngsho a ge zùm yàp râ nghut lhê; haî mù gâ le, yhang gi, náng nû é suisho nghut ri.
14Náng wâ é yhang gu yhang mâng é yhang myi eq chyâng htèp mù, gùngsho zùm yàp é dông náng wâ é yhang gu yhang mang lé a hkúnggâ é ge kut râ nghut; yhang gi, náng nû xik nghut ri.
15Nungzô é yhang myi, náng dùmó eq gùngsho a ge zùm yàp râ nghut lhê; gè gè yhang a ge zùm yàp râ nghut lhê.
16Nunggu nungmâng é yhang myi eq gùngsho a ge zùm yàp râ nghut lhê; haû gi, nunggu nungmang lé a hkúngga dùt râ nghut lhê.
17Myiwe myhí eq le, yhang zo byìzo eq le, gùngsho a ge zùm yàp râ nghut lhê; myiwe myhí hau é gashu byìzo eq le, gùngsho a ge zùm yàp râ nghut lhê; yhángmòq gi, suisho ralhum za nghut akô nghut ri. Haû gi, agè ashop hkyô nghut ri.
18Náng é yhûmsîng myhî é yhang gu yhâng nhá lé, gunjang myhí kut nhâng râ dông, náng é yhûmsîng myhí chyungxe dui nyi é u má, yhang eq gùngsho a ge zùm yàp râ nghut lhê.
19Myiwe myhí rayùq lé, yhang lhôhking lé mù a sanséng dùt nyi é u lé, chyâng htèp mù, gùngsho a ge zùm yàp râ nghut lhê.
20Náng é yhûmkyochâng é yhang myi eq gùngsho zùm yàp mù, náng gûng lé, yhang eq agòt a-û a ge dùt nhâng râ nghut lhê.
21Náng é zodù wuì hká yùq lé le, Molek hparà lé hkungga ge nhông byi râ a nghut; nàng gi, náng é Garai Gasâng é myìng lé ge lhoqhpoi râ a nghut. Ngò gi, haû Yhûmsîng Garai nghut lhê.
22Myiwe rayùq eq gùngsho zùm yàp é su, yùqgè eq a ge zùm yàp râ nghut lhê; haû gi, achaq achyut é hkyô nghut ri.
23Gaunyhaú radu eq gùngsho zùm yàp mù, náng gûng lé agòt a-û a ge dùt nhâng râ nghut lhê. Myiwe rayùq le, gaunyhaú eq gùngsho zùm yàp râ matú, yhânggùng yhang a ge hkam yù râ nghut lhê. Haû gi, htûnglai lé lhoqnyhô pyâm é mara mó nghut ri.
24Haû núngmòq é hí mai Ngò hkat htoq pyám râ nghut é a-myû wuì gi, haû sû é hkyô mai yhángmòq gùng lé agòt a-û kut yu nyi akô; haû mù, núngmòq gi, haû sû é hkyô pé mai núngmòq gùng lé agòt a-û a ge kut yû râ nghut lhê. 25Maumyî haû lháng agòt a-û dùt byùq bê nghut ri; hau é yánmai, Ngò gi, hau é yubàk mara lé dam byî é nghut mù, maumyî haû gi, yhâng chyáng nyi é byu pé lé hpat htoq pyám bê nghut ri. 26Nghut kôlhang, núngmòq gi, Ngá é târâ wàng hkunmó pé eq Ngá é târâ pé lé cháng ra râ nghut lhê. Núngmòq mâ é bang eq núngmòq chyáng lé bíng é mâ é bang gi, haû sû é achaq achyut é hkyô haî lé le a ge kut râ nghut lhê. 27Hkâsu mù gâ le, haú hkyô pé bànshoq lé gi, núngmòq é hí má nyi é maumyî haú mâ é byu pê èq kut é chyat nghut mù, maumyî haû gi, agòt a-û dùt byùq bê nghut ri. 28Haû mù, maumyî haú lé, núngmòq agòt a-û kut kô é nghut jáng, maumyî haû gi, núngmòq é hí má nyi é byù myû wuì lé hpat htoq pyâm é su, núngmòq lé le hpat htoq pyám râ nghut lhê.
29Haû sû é achaq achyut hkyô pé mâ é rahkat hkat lé kut é sû gi, yhâng é a-myû mai chyung hpyit pyâm é hui ra râ nghut lhê. 30Haû mù, núngmòq é hí má nyi é byu pé kut nyi é achaq achyut é htûngli lé a bo châng é eq yhángmòq eq rahá núngmòq é gùng lé agòt a-û a kut é za, Ngò kut nhang é pé lé châng kut nyî keq. Ngò gi, núngmòq é Garai Gasang nghut é, haû Yhûmsîng Garai nghut lhê.’ nghû àq.” ga taî ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.