Gyung So 11
11
Yhûmsîng Garaî Chyáng Mâ É Myi
1Haû shiwa byu pé gi, Yhûmsîng Garai wó gyô tô é má, yhángmòq wuîhkê é hkyô eq séng luî, taî pùt akô. Haû Yhûmsîng Garai gi, haú lé wó gyo jáng, nhikjum yô lò luî, Yhûmsîng Garaî é myi gi, yhángmòq chyáng nyé lô mù, xuq tô é wàp awui ayàm pé mâ é byù ra-am nyé gyó byùq ri. 2Haú hkûn, shiwa byu pé gi, Mosheq lé wùt dûng ngau bùm kô é nghut luî, yhang gi, Yhûmsîng Garai lé kyûdung jáng, myi haû shi ló byùq bê nghut ri. 3Haû mù, haú jowò má yhángmòq chyáng Yhûmsîng Garaî é myi nyé é yánmai, jowò haú lé Tabera ga myhîng akô nghut ri.
Yhûmsîng Garaî Chyáng Mâ É Nghoqjô Pé
4Yhángmòq chyáng bo châng lom lo é byù nyhó byù chî pé gi, gótû zoshuq yùt yùt zô nau nyi bùm kômù, Isira-elaq byu pé le dum wùt dûng ngau bùm kô é gi, “Sho za myàng zo jáng gi, nghut dik bê! 5Egutuq ming má kâm é su myàng zô é, ngozo, dùnghko, hkoshaú, huhaq, hu-nê eq huhpyû pé lé myìtbûn ri. 6Nghut kôlhang, ahkuî gi, ngá-mòq é nhut mân kân byùq bê; shî mannaq mùk mai lai luî, gótû haî lé le a myàng lo nghut ri!” gâ bum akô.
7Mannaq mùk gi, hpakkyí jí su dùt mù, badelim sikgyi su dùt ri. 8Shiwa byu pé gi, mannaq mùk haú lé ê ho shûm tsîng yù mù, luí má luí é gi luí, xûm má htûng é gi htung kut kôluî, au má chyoq é, a nghut jáng, haú lé mùk long pé saî akô nghut ri; haû gi, tsanlun xû mai saî é su ga nghâm ri. 9Myín lé, xuq tô é wàp má nghân gyó é hkûn, mannaq le gyó ri.
10Mosheq gi, yhûm hkangmó mâ é shiwa byu pé yhángmòq é zúm hkum má wùt ngau nyì kô é lé wó gyô ri. Haû Yhûmsîng Garai le gyai yhang nhikjum yô é nghut mù, Mosheq gi, myìt myo myìt chiq byùq bê nghut ri. 11Haû mù, yhang gi, Yhûmsîng Garai lé, “Haî mù, Nàng, Náng é duìnhâng zoshâng ngo lé shî sû é wuîhke nhang lhê lhú? Ngò gi, Nàng a ngui é hkyô haî wá kut luî, shiwa byù shí bang bànshoq é wòlai lé ngá é ahtoq má ke byî lhê lhú? 12Byù shí bâng é îchyí îwâ pé lé dakâm danghtum htûm tô é dông Nàng byî tô é mau má, yhángmòq lé, zô îwa mai nyheqnú lé bún é su ngá é lòq mai bún ló râ matú, Nàng, ngo lé haî mù taî é lhú? Ngò gi, yhángmòq lé ngá é ûng má wun é nghut lhê lhú? Yhángmòq lé ngò hku é nghut lhê lhú? 13Ngò gi, byù shí bang bànshoq lé byi râ sho, hkâmá ê ge yù râ lhú? Yhángmòq gi, ‘Ngá-mòq lé sho byi zo aq.’ ga, ngo lé wùt dûng ngau nyi bum akô nghut ri. 14Byù shí bang bànshoq lé ngò baú a ung wàq lo nghut ri; wòlai shî gi, ngá é matú laî dik byùq bê nghut ri. 15Nàng, ngo lé shî su kut râ nghut jáng, Náng é myòq hí má ngò myòqdong wó é nghut le gi, ngá é htên byòq hkyô lé ngò a hui zo sháng gàq, jeju mai ngo lé sat pyám lo aq.” ga taî ri.
16Haû Yhûmsîng Garai gi, Mosheq lé, “Nàng sê é, shiwa byu pê chyáng mâ é zaugun wuì eq ushuq pé nghut é, Isira-elaq byu pê é nhik bô sûwún wuî nyhit xê yùq lé Ngá chyáng shuî lé mù, yhángmòq, nàng eq rahá wó yàp kó sháng gàq, yhángmòq lé zùphpong zúm má shuî lé nhâng ra râ nghut lhê. 17Ngò gi, gyó lé mù, nàng eq dang nyô luî, náng chyáng mâ é Sô wum-o a-tsam ra-am lé yù mù, yhángmòq chyáng kat byi râ nghut lhê. Yhángmòq gi, nàng baú wòlai a wùn wàq lo râ matú, wòlai bo gam wùn kôrâ nghut lhê.
18Shiwa byu pé lé îsu nghû taî kyo aq; ‘Nàpmá lhê é matú yhûmsing gùng lé lhoqsan lhoqyúng keq; núngmòq sho myàng zo kôrâ nghut lhê. Hkâsu mù gâ le, “Sho za myàng zo jáng gi, nghut dik bê! Egutuq ming má nyi tô le ru ge alô!” ga núngmòq wùt ngau é lé, haû Yhûmsîng Garai wó gyo bê nghut ri. Ahkuî, haû Yhûmsîng Garai gi, núngmòq lé sho byi râ nghut mù, núngmòq gi, sho myàng zo kôrâ nghut lhê. 19Núngmòq gi, sho lé, ra-nyí, í nyí, ngo nyí, raxê nyí, í xê nyí za zo râ a nghut. 20Núngmòq é nhô mai shogyum htoq luî, núngmòq ngíng byùq shoq lha-mó rahkyap gón myàng zo kôrâ nghut lhê; hkâsu mù gâ le, núngmòq chyáng nyi é haû Yhûmsîng Garai lé núngmòq he-ngìk pyám kôluî, Yhâng é hí má, “Ngá-mòq, Egutuq ming mai haî mù htoq lo é lhú?” ga wùt ngau akô.’ nghû àq.” ga taî ri.
21Nghut kôlhang, Mosheq gi, “Shî, ngò eq rahá nyi é hkyô so yùqgè wàqngân wui lháng hkyuq sen bo le nhîng, Nàng gi, ‘Lha-mó rahkyap gón yhángmòq zo râ sho Ngò byi râ nghut lhê!’ ga taî ri. 22Yhángmòq é matú, no hpúng pé eq sau bainám hpúng pé sat jáng shèq, yhángmòq gyi shoq myàng zo kôrâ lhú? Haû a nghut jáng, yhángmòq é matú wuìshuq lung-aû mâ é ngozo bànshoq lé chyup yû jáng shèq, yhángmòq lùq zo kôrâ lhú?” ga taî ri.
23Haû Yhûmsîng Garai gi, Mosheq lé, “Haû Yhûmsîng Garaî é lòq gi, tot byùq ri lhú? Ngá é dang teng a teng râ gi, ahkuî nàng myàng râ nghut lhê.” ga tû taî ri.
24Haû mù, Mosheq gi, htoq ê luî, shiwa byu pé lé, haû Yhûmsîng Garai taî é dang lé taî kyô ri. Yhang gi, yhángmòq é nhik bô sûwún wuî nyhit xê yùq lé shuî lé mù, zúm lhînghkyùq má yàp nhang ri. 25Haú hkûn, haû Yhûmsîng Garai gi, mhut mai gyó lé mù, yhang eq dang nyô luî, yhâng chyáng mâ é Sô wum-o a-tsam ra-am lé yù mù, haû nhik bô sûwún wuî nyhit xê yùq lé kat byî ri. Sô haû yhángmòq chyáng nô é hkûn, yhángmòq gi, myìqhtoi htoî akô; nghut kôlhang, a dum puq htoi kó nghut ri.
26Nghut kôle, Elidat ga sû eq Medat ga sû í yùq gi, wàp má nyi tô akô. Yháng í yùq gi, nhik bô sûwún wuî mâ é nghut kôle, sàksé zúm má a htoq ê kó nghut ri; nghut kôlhang, yháng í yùq chyáng Sô lé no mù, yháng í yùq gi, wàp má myìqhtoi htoî akô nghut ri. 27Haú hkûn, zorâm zo rayùq gi, din ê mù, Mosheq lé, “Elidat eq Medat nhik gi, wàp má myìqhtoi htoî nyi ri.” ga taî kyô ri.
28Haû jáng, Nun é yhang zo, Mosheq èq zorâm hkun mai hkyin yù luî yhang lé htuqbáng é sû Yoshuq gi, “Ngá é yhûmsîng Mosheq ê, yhángnhik lé hkûm pyám aq!” ga taî htoq kat ri.
29Nghut kôlhang, Mosheq gi, “Nàng, ngá é matú manôn byî lhê lhú? Haû Yhûmsîng Garaî é byu pé bànshoq bang gi, myìqhtoî pé nghut mù, haû Yhûmsîng Garai gi, yhángmòq lé Yhâng é Sô kat byi râ lé, ngò ô nau ri!” ga tû taî ri. 30Hau htâng, Mosheq eq Isira-elaq é nhik bô sûwún wuî gi, wàp shut taû ló bekô nghut ri.
31Haû Yhûmsîng Garai gi, laì lé nhang kat luî, wuìshuq lung-aû mai nghoqjô lé mùt tâng yù mù, wàp é lhînghkyùq má ra-nyí so hkyô í we shoq shoq, myigùng mai í dúng htû shoq lhoqhkyô zang tô byi bê nghut ri. 32Shiwa byu pé gi, haú nyí ra-nyí buî, haú myîn ra-myin mau, htang nyí ra-nyí buî nghoqjô lé hkyom gùq tsîng yu akô. Hká yùq le, ngo shô joí a shau shoq gùq yù kômù, wàp lhînghkyùq má lhap tô bum akô nghut ri. 33Nghut kôlhang, nghoqjô sho haú lé a zo a myuì shi-má, haû Yhûmsîng Garai gi, yhángmòq lé nhikmó-yo luî, hpû dik é wúm yhángmòq chyáng jé nhâng bê nghut ri. 34Haû mù, zoshuq yùt yùt ô nau é bang lé haú jowò má myhup pyám kô é yánmai, jowò haú lé, Kibrot Hatawa ga myhîng akô nghut ri.
35Shiwa byu pé gi, Kibrot Hatawa mai gyung htoq luî, Hazerot má ló jé mù, haú má ló nyi akô nghut ri.
Currently Selected:
Gyung So 11: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.