Zahkariq 13
13
Yubàk Mara Lé Chî Sân Pyám Râ Hkyô
1Haú buìnyì má, Dawiq akoq eq Yerusalem wà mó má nyì bâng é yubàk mara eq achaq achyut hkyô lé chî sân pyám râ matú, wuìbúm hpông htoq kat râ nghut lhê.
2Haú buìnyì má, Ngò gi, hparà hpôlhô pê é myìng pé lé mîngdán haú mai lhoqhtûm pyám râ nghut mù, haú pé lé myìtbun lo râ a nghut.” ga haû Wum-o a-tsam dìk shoq bò Sû Yhûmsîng Garai taî pyo ri. Hau htoq agó, “Ngò gi, myìqhtoî pé eq achaq achyut é sô lé mîngdán haú mai huî sêng pyám râ nghut lhê. 3Rayùq yùq myìqhtoi htoî ashî nghut jáng, yhang lé hku é yhâng nu eq yhâng wa gi, yhang lé, ‘Nàng gi, haû Yhûmsîng Garaî é myìng lang mù, mhaû é dang taî é yánmai, shi byùq ra râ nghut lhê.’ ga taí kôrâ nghut lhê. Haû mù, yhang myìqhtoi htoî nyi é u lé, yhûmsing é înu îwâ èq yhang lé htaû ròt sat pyám râ nghut lhê.
4Haú buìnyì má, myìqhtoi yùq hkangmó gi, yhûmsîng myìqhtoi htoi râ shing-rán é yánmai hoq hpu kôrâ nghut lhê. Yhángmòq gi, mhaú zo kôrâ matú, myìqhtoî é sho-maú buhîng wùt kôrâ a nghut. 5Yùq hkangmó, ‘Ngò gi, myìqhtoi a nghut; yò mú zui zo sû ru nghut lhê; ngò zorâm hkûn mai maumyî lé sing é nghut lhê.’ ga taí kôrâ nghut lhê. 6Rayùq yùq mai, ‘Náng gûng mâ é dàmhkô shí pé gi, haî nghut lhê lhú?’ ga myi jáng, yhang gi, ‘Ngá é luzúm yhûm má lhoqtap yu é dàmhkô nghut lhê.’ ga tû taí râ nghut lhê.
Sau Zúng Sû Bàt É Hui Mù Sau Pé Byo Byùq É Hkyô
7Shâm ê, toq àq; Ngá é sau zúng sû lé le,
Ngò eq zùm hkau é sû lé le, htim aq!” ga,
haû Wum-o a-tsam dìk shoq bò Sû Yhûmsîng Garai taî pyo ri.
“Haû sau zúng sû lé bàt àq;
haû jáng, sau pé byo byùq râ nghut lhê;
hau htâng, Ngò gi, nú ashî nghut é pé lé htuqhtíng râ nghut lhê.” ga,
8haû Yhûmsîng Garai taî pyo ri. Hau htoq agó, “Ra-mau gón má, sum gâmbùm mâ é í gâmbùm gi,
bàt hkyop é hui mù, htûm byùq râ nghut kôle,
ragàmbùm gi, haú má myìt gyó to râ nghut lhê.
9Ngò gi, ragàmbùm shî lé myi má dú kat mù,
ngùn lé su nyhê yui htoq yû luî,
hîng lé su chyam lìk râ nghut lhê.
Yhángmòq gi, Ngá é myìng lé lang kôrâ nghut mù,
Ngò gi, yhángmòq lé gyo byi râ nghut lhê;
Ngò gi, ‘Yhángmòq gi, Ngá é byu pé nghut akô.’ nghû taí râ nghut mù,
yhángmòq gi, ‘Haû Yhûmsîng Garai gi, ngá-mòq é Garai Gasang nghut lhê.’ ga taí kôrâ nghut lhê.” le gâ ri.
Currently Selected:
Zahkariq 13: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.