Luk 17
17
Silail
(Matju 18.6-7; Mak 9.42)
1Odocob Jisas uqa uqana malogom maaden, “Ceteteh dana odadecebil silail megina eu gaid hogina qa dana eu uqa odadeceb age silail meginanu uqa walocca biligian! 2Uqa mel sim i eundec oso odudeceb silail migiaqa eu meen culumenca bena qagi macas ameg nijia euna age helecebil wa jimei cal moubmi eu me odoub. 3Agedodocnu cofdoiga!” aden.
“Hina cotin silail mecebfi cahacdu madoga. Odocob uqana silailnu tului falicdocobfi uqana odoc eunu dahin celeia. 4Uqa hinanu silail mi 7-peladumei deel osolna odocob eu saen cunug odi odona hinaca humei mahifei, ‘Ija ijana silailnu tului falicduga,’ hifei hinaha eunu cunug dahin celeia,” aden.
Dana waug meleec
5Odocob aposel age Tibud madoin, “Ege cesulgecem egena wawige meleec meca mi dugian,” doin.
6Odocob Tibud uqa jejenega hewi maaden, “Age wawaga meleec uqana meca eu aig mastet cinigwefi na sikamoa i madoubmiqa, ‘Hinadodoc cacalimeg bebeig cunugca nui macasna limeg cehaga!’ doubmiqa odocob uqa conoga toodu odoub,” aden.
Cabi danana cabi duman
7Jisas je haun maaden, “Age oso uqana cabi dana madocob uqa maha ulam onafo, qee madocob sipsip cofadena eu saen uqa cabi cudunnadec ceseli hocob age madoginafo? ‘Mahuc li sab jaga,’ doginafo? 8Qee bahic! Euqa age madogina, ‘Ija wesu sab jec saciadutaga. Odimeg sab cewel ocnu lotoc tacimeg sab qaditecem ija sab wa gabca ji hedocomin hina jegan,’ dogina. 9Cabi dana uqa je toodu cabi onanu hetaga doc madoginafo? Qeeo! Qee madogina. 10Ageha eu odi himec. Saen age ceteh odoqagannu maadecebil je toodu odimeig madeiga, ‘Ege cabi dana ameg me ocnu ihoc qee nijel. Ege egena cabi mugumige mec himec odom,’ eiga,” aden.
Jisas dana 10-pela lepraca me maden
11Odocob Jisas uqana jic qaqahi Jerusalem nunui uqa Sameria hatuca, Galili hatuca gemogemo nuen. 12Odi nuimei uqa jobon gemo lili cobocob dana 10-pela lepra hagca gulucdoin. Age nag onoca tawein. 13Tataweig utai madoin, “O Jisas, Ben! Egenu walol heia!” doin.
14Odocob Jisas meciadimei maaden, “Nuimeig nawel tawec ihanec dana age dewenega eu ihacadecebil meciadeiga,” aden.
Odocob jic sahu bebelegin agena hag cunug qee men. 15Odocob age oso uqana hag me mudeceb fimei utai Anut binan susulei ceseli hon. 16Humei uqadodoc Jisas jaihna toni mahulimei hetaga don. Dana eu uqa Sameriadec. 17Odocob Jisas maden, “Dana 10-pela agena hagnadec me meiga. Dana 9-pela eu age ana? 18Eu eetanu cele dana i uqadih Anut hetaga dugia ceseli hoia?” en. 19Odocob Jisas dana eu madon, “Cajimeg nuuga. Hinana wawin meleec eu hag me mudihia,” don.
Anutna cul hugian
(Matju 24.23-28, 37-41)
20Odocob Farisi leih age Jisas Anutna cul cel saen hugian ec sisildoin. Odocob Jisas uqa jejenega hewi maaden, “Anutna cul edi hohob qee fowain. 21Oso madigian, ‘Feiga, ihec hona!’ igianfo, qee oso madigian, ‘Euhec hona!’ igian eu ihoc qee. Gec feiga, Anutna cul eu age gemo bilia,”#17.21 Dana leih age je i odi falicdoin. “Gec feiga, Anutna cul eu age dunuhna bilia,” aden. aden.
22Odimei uqana malogom maaden, “Saen hugian eu saen age Dana Melah uqa mahana cobocna deel oso fecnu hooloqagan qa age deel eu qee fowain. 23-24Leih ha maadoqagan, ‘Feiga, euhec hona!’ adoqagan. Odocob leih maadoqagan, ‘Feiga, ihec hona!’ adoqagan. Euqa amel faleimei sao nahadec naha fulacdu ehi tenawe Dana Melah [uqana deelna] odi camas migian. Eunu age cain tooadi cobowain. 25Euqa casac Dana Melah uqa deweg dain doc ben bahic ugian. Odocob dana cajaca qila bilegina eu age uqa hibemdoqagan. 26Noa bilen saenna dana cajaca bileinwe Dana Melah uqana saenna odi ha biluqagan. 27Saen euna dana cajaca age sab ji wain ji bibilegin dana caja ocobocobi bibilegin leceb Noa wag benna tobec deelna odi odoin, odocob wa sil cajimei cunug fadaladen. 28Eu odiweha Lotna saenna age bileinwe age odi biluqagan. Lotna saenna dana cajaca age sab wainca jiji bibileig ceteteh fafajeig suldodoig sab ceceheig jo ceceheig bilein. 29Euqa deel Lot Sodom culaden euna ja meen jan dainca sao jobondec nimei dana cajaca cunug fadaladen. 30Eu odiwe Dana Melahna camas mec deelna eu odi caligian,” aden.
31“Deel euna dana oso uqa jo tatacan tataweb uqana ceteteh jo dunuh ninijeb uqa toni numei uqana ceteteh cain cedeiaun. Eu odiha dana oso cabina cocobob saen euna uqa haun jona cain ceseleiaun. 32Age Lot aidegnu cisdoiga. 33Oso uqa uqana cebac bilec sosogon ona eu uqa uqana cebac bilec felacudigian. Oso uqa uqana cebac bilec felacudecebfi eu uqana cebac bilec hewigian. 34Ija maadigina, witic euna dana lecis ale cabal osolna us nijuwasan. Oso ehudi beloqagan, oso eu tacewudoqagan. 35-36Caja lecis ale wit meenna ibuldudu biluwasan. Oso ehudi beloqagan, oso tacewudoqagan,” aden. [Dana lecis ale cabina sab cehowasan. Oso ehudi beloqagan, oso tacewudoqagan.]#17.35-36 Age Matju 24.40 feiga.
37Odocob malogom sisildoin, “Tibud, ceteh i ana caligian?” doin.
Odocob Jisas galolo je i jejenega hewi maaden, “Dana cal mec deweg ganac huluec oso ninijen man fululec benben cababac cinigwe age euna ceguluqagan,” aden.
Currently Selected:
Luk 17: aey
Highlight
Share
Copy
Want to have your highlights saved across all your devices? Sign up or sign in
© 1997, Wycliffe Bible Translators, Inc. All rights reserved.
Luk 17
17
Silail
(Matju 18.6-7; Mak 9.42)
1Odocob Jisas uqa uqana malogom maaden, “Ceteteh dana odadecebil silail megina eu gaid hogina qa dana eu uqa odadeceb age silail meginanu uqa walocca biligian! 2Uqa mel sim i eundec oso odudeceb silail migiaqa eu meen culumenca bena qagi macas ameg nijia euna age helecebil wa jimei cal moubmi eu me odoub. 3Agedodocnu cofdoiga!” aden.
“Hina cotin silail mecebfi cahacdu madoga. Odocob uqana silailnu tului falicdocobfi uqana odoc eunu dahin celeia. 4Uqa hinanu silail mi 7-peladumei deel osolna odocob eu saen cunug odi odona hinaca humei mahifei, ‘Ija ijana silailnu tului falicduga,’ hifei hinaha eunu cunug dahin celeia,” aden.
Dana waug meleec
5Odocob aposel age Tibud madoin, “Ege cesulgecem egena wawige meleec meca mi dugian,” doin.
6Odocob Tibud uqa jejenega hewi maaden, “Age wawaga meleec uqana meca eu aig mastet cinigwefi na sikamoa i madoubmiqa, ‘Hinadodoc cacalimeg bebeig cunugca nui macasna limeg cehaga!’ doubmiqa odocob uqa conoga toodu odoub,” aden.
Cabi danana cabi duman
7Jisas je haun maaden, “Age oso uqana cabi dana madocob uqa maha ulam onafo, qee madocob sipsip cofadena eu saen uqa cabi cudunnadec ceseli hocob age madoginafo? ‘Mahuc li sab jaga,’ doginafo? 8Qee bahic! Euqa age madogina, ‘Ija wesu sab jec saciadutaga. Odimeg sab cewel ocnu lotoc tacimeg sab qaditecem ija sab wa gabca ji hedocomin hina jegan,’ dogina. 9Cabi dana uqa je toodu cabi onanu hetaga doc madoginafo? Qeeo! Qee madogina. 10Ageha eu odi himec. Saen age ceteh odoqagannu maadecebil je toodu odimeig madeiga, ‘Ege cabi dana ameg me ocnu ihoc qee nijel. Ege egena cabi mugumige mec himec odom,’ eiga,” aden.
Jisas dana 10-pela lepraca me maden
11Odocob Jisas uqana jic qaqahi Jerusalem nunui uqa Sameria hatuca, Galili hatuca gemogemo nuen. 12Odi nuimei uqa jobon gemo lili cobocob dana 10-pela lepra hagca gulucdoin. Age nag onoca tawein. 13Tataweig utai madoin, “O Jisas, Ben! Egenu walol heia!” doin.
14Odocob Jisas meciadimei maaden, “Nuimeig nawel tawec ihanec dana age dewenega eu ihacadecebil meciadeiga,” aden.
Odocob jic sahu bebelegin agena hag cunug qee men. 15Odocob age oso uqana hag me mudeceb fimei utai Anut binan susulei ceseli hon. 16Humei uqadodoc Jisas jaihna toni mahulimei hetaga don. Dana eu uqa Sameriadec. 17Odocob Jisas maden, “Dana 10-pela agena hagnadec me meiga. Dana 9-pela eu age ana? 18Eu eetanu cele dana i uqadih Anut hetaga dugia ceseli hoia?” en. 19Odocob Jisas dana eu madon, “Cajimeg nuuga. Hinana wawin meleec eu hag me mudihia,” don.
Anutna cul hugian
(Matju 24.23-28, 37-41)
20Odocob Farisi leih age Jisas Anutna cul cel saen hugian ec sisildoin. Odocob Jisas uqa jejenega hewi maaden, “Anutna cul edi hohob qee fowain. 21Oso madigian, ‘Feiga, ihec hona!’ igianfo, qee oso madigian, ‘Euhec hona!’ igian eu ihoc qee. Gec feiga, Anutna cul eu age gemo bilia,”#17.21 Dana leih age je i odi falicdoin. “Gec feiga, Anutna cul eu age dunuhna bilia,” aden. aden.
22Odimei uqana malogom maaden, “Saen hugian eu saen age Dana Melah uqa mahana cobocna deel oso fecnu hooloqagan qa age deel eu qee fowain. 23-24Leih ha maadoqagan, ‘Feiga, euhec hona!’ adoqagan. Odocob leih maadoqagan, ‘Feiga, ihec hona!’ adoqagan. Euqa amel faleimei sao nahadec naha fulacdu ehi tenawe Dana Melah [uqana deelna] odi camas migian. Eunu age cain tooadi cobowain. 25Euqa casac Dana Melah uqa deweg dain doc ben bahic ugian. Odocob dana cajaca qila bilegina eu age uqa hibemdoqagan. 26Noa bilen saenna dana cajaca bileinwe Dana Melah uqana saenna odi ha biluqagan. 27Saen euna dana cajaca age sab ji wain ji bibilegin dana caja ocobocobi bibilegin leceb Noa wag benna tobec deelna odi odoin, odocob wa sil cajimei cunug fadaladen. 28Eu odiweha Lotna saenna age bileinwe age odi biluqagan. Lotna saenna dana cajaca age sab wainca jiji bibileig ceteteh fafajeig suldodoig sab ceceheig jo ceceheig bilein. 29Euqa deel Lot Sodom culaden euna ja meen jan dainca sao jobondec nimei dana cajaca cunug fadaladen. 30Eu odiwe Dana Melahna camas mec deelna eu odi caligian,” aden.
31“Deel euna dana oso uqa jo tatacan tataweb uqana ceteteh jo dunuh ninijeb uqa toni numei uqana ceteteh cain cedeiaun. Eu odiha dana oso cabina cocobob saen euna uqa haun jona cain ceseleiaun. 32Age Lot aidegnu cisdoiga. 33Oso uqa uqana cebac bilec sosogon ona eu uqa uqana cebac bilec felacudigian. Oso uqa uqana cebac bilec felacudecebfi eu uqana cebac bilec hewigian. 34Ija maadigina, witic euna dana lecis ale cabal osolna us nijuwasan. Oso ehudi beloqagan, oso eu tacewudoqagan. 35-36Caja lecis ale wit meenna ibuldudu biluwasan. Oso ehudi beloqagan, oso tacewudoqagan,” aden. [Dana lecis ale cabina sab cehowasan. Oso ehudi beloqagan, oso tacewudoqagan.]#17.35-36 Age Matju 24.40 feiga.
37Odocob malogom sisildoin, “Tibud, ceteh i ana caligian?” doin.
Odocob Jisas galolo je i jejenega hewi maaden, “Dana cal mec deweg ganac huluec oso ninijen man fululec benben cababac cinigwe age euna ceguluqagan,” aden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1997, Wycliffe Bible Translators, Inc. All rights reserved.