Matalikilo 17
17
Leza mbwaakatanga cizuminano a-Abramu. Mbwaakamupa citondezyo cakupalulwa akusandula izina lyakwe
1 #
Matl 5:22; Job 1:1 Lino Abramu naakajisi myaka iili makumi aali musanu aane amusanu aine, Jehova wakalibonya kuli-Abramu, wati, Ndime Leza Singuzuzyoo nse, Enda kunembo lyangu cakululama. 2#Gal 3:17,18Lino njootanga cizuminano ayebo, nkabela njookuvuzya loko malaa. 3#Kul 3:6Mpawo Abramu wakavundama ansi, nkabela Leza wakamwaambila, wati, 4Bona! Ndatanga cizuminano ayebo, nkabela uyooba wisi wamisyobo minji. 5#Rom 4:17Lino izina lyako talikooyooambwa limbi kuti Abramu, pe, izina lyako liyooba Abrahamu, nkaambo ndikubikide kuti ube wisi wamisyobo minji. 6Njoocita kuti uzyalisye loko, ube zisi zinji, alimwi mulinduwe muyoozwa bami. 7#Lk 1:55; Matl 26:24; 28:13; Heb 11:16; Rom 9:7-9Njootanga cizuminano cangu ayebo amulunyungu lwako luciboola mumazyalani conse, cibe cizuminano citamani, kuti mbe Leza wako a-Leza walunyungu lwako luciza. 8#Inc 7:5; Kul 6:7; 29:45; Lev 26:12; Dt 4:37; 14:2; 26:18; Int 48:14; Ciy 21:7Alimwi njookupa, webo alunyungu lwako luciza, nyika yabutuntulisi bwako, nkokuti nyika yoonse ya-Kanana, mwiivube lyoonse, nkabela njooba Leza wabo.
9 #
Int 25:10
Lino Leza wakaambila Abrahamu kuti, Kobamba cizuminano cangu, webo alunyungu lwako luciza mumazyalani aalo. 10#Inc 7:8; Rom 4:11Nceeci cizuminano cangu ncimweelede kubamba, cili akati kandime anywebo alunyungu lwako luciza. Baalumi banu boonse baleelede kupalulwa. 11#Inc 7:8; Rom 4:11; Gal 6:15Muleelede kupalulwa mulukanda lwandomo zyanu, Eci ciyooba citondezyo cacizuminano cili akati kesu, mebo anywebo. 12#Lk 2:21; Joh 7:22Mwana mulombe uuli amazuba aali musanu aatatu uleelede kupalulwa. Baalumi boonse mumazyalani aanu oonse baleelede kucitilwa obo, nibaba bazyedwe mumaanda aanu nibaba baulidwe amali kubeenzu batali balunyungu lwako. 13Oyo uuzyedwe muŋanda yako ayooyo uulidwe amali aako, boonse buyo baleelede kupalulwa. Aboobo cizuminano cangu cili munyama yanu ciyooba cizuminano citamani. 14#Kul 4:24; Jos 5:2-7Mwaalumi silulomo uutapalwidwe mulukanda lwalulomo lwakwe, oyo muntu uyooandanizigwa abantu bakwe, nkaambo wa mwaya cizuminano cangu.
15Alimwi Leza wakaambila Abrahamu kuti, Alakwe Sarai mukaako, izina lyakwe talikooyooambwa limbi kuti ngu-Sarai, pe, izina lyakwe liyooba Sara. Nkabela njoomupa coolwe, njookupa mwana mulombe mulinguwe. 16#Matl 18:10; 21:1Njoomupa coolwe, nkabela uyooba nacaanzo. Mulinguwe momuyoozwa bami bazisi. 17#Matl 18:12; 21:6,7Mpawo Abrahamu wakavundama ansi, waseka, waamba mumoyo wakwe kuti, Sa muntu uuli amyaka iili mwanda ulakonzya kuzyala? Alakwe Sara uuli amyaka iili makumi aali musanu aane, sa ulakonzya kuzyala? 18Abrahamu wakaambila Leza kuti, Nicakabota Ismayeli naakapona kubusyu bwako. 19#Matl 18:10; 21:2; Gal 4:28-31Pele Leza wakavuwa kuti, Pe, Sara mukaako uyookuzyalila mwana, elyo uyoomuulika izina lya-Izaka. Njootangana awe cizuminano, walo alunyungu lwakwe luciza musule lyakwe. 20#Matl 16:10; 21:18; 25:12-16Mumakani aa-Ismayeli, ndamvwa, Ncobeni njoomupa coolwe kuti azyalisye akuvula loko. Uyoozyala bami bali ikumi ababili, nkabela njoocita kuti abe musyobo mupati. 21#Matl 21:2Pele cizuminano cangu njoocitanga a-Izaka, ngonguwe Sara ngwati kuzyalile mbuli lino mumwaka uuboola.
22 #
Matl 18:33; 35:9-15 Lino naakamana kwaambaula awe, Leza wakatanta kujulu kuzwa kuliAbrahamu. 23#Matl 17:9Mpoonya awo Abrahamu wakabweza Ismayeli mwanaakwe aboonse ibakazyalwa muŋanda yakwe aboonse mbaakaulide amali aakwe, baalumi boonse bamuŋanda ya-Abrahamu, wapalula lukanda lwandomo zyabo mubuzuba obo mbubonya, mbuli Leza mbwaakamulailila. 24Abrahamu kajisi myaka iili makumi aali musanu aane amusanu aine naakapalulwa mulukanda lwalulomo lwakwe. 25Alakwe Ismayeli mwanaakwe kajisi myaka iili ikumi aitatu naakapalulwa mulukanda lwalulomo lwakwe. 26#Int 119:60Mubuzuba obo mbubonya Abrahamu a-Ismayeli mwanaakwe bakapalulwa boonse, 27#Matl 14:14; 18:19abalo basiŋanda bakwe boonse, nibaba bazyedwe muŋanda yakwe nibaba baulidwe amali kubazwakule, bakapalulwa awe.
Currently Selected:
Matalikilo 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
