KASAUKAN 30
30
1Kaa' lakat poyo kolondo' anak ri Ragil. Maingot io boo ra maayo nano, am indagu ri Jakub, “Anii' aku ga ra anak, amon ru kalo matoi aku.”
2Sangit boo i Jakub ri Ragil, kono, “Aku ti pai' ru i Aki Kapuuno'. Io noyo nambaal rirun ra kalo maganak.”
3Indagu boo i Ragil, “Gitio i Bilga ulipon kutu, rulug no riso maa' raginio maganak io ra anak kuno. Ginio ra aku ti masauk ra ina' mimpuun riso.” 4Pataako' no boo i Bilga ra ralaki nano, am rulug i Jakub ra ulipon no. 5Kaapang i Bilga am paganak sangulun anak ungkuyon. 6Indagu boo i Ragil, “Mabanis ukum ri Aki Kapuuno' no ra iniou no kinitaak kuno. Rinongog no kiniasi' kuno am nanaak Io raki' ra anak ungkuyon.” Inggalani' boo ri Ragil anak raginio i Dan.#Dan: Inggalan ti bolos no koson ragu Ibrani ondo' makaarati' ra “mangakim”. 7Kaapang poyo i Bilga am paganak sangulun anak ungkuyon. 8Indagu i Ragil, “Giminula' aku toojo ra maayo kuno am namanang aku.” Inggalani' no boo anak raginio i Naptali.#Naptali: Inggalan ti bolos no koson ra ragu Ibrani ondo' makaarati' ra “giminula'”.
9Pakatutun i Liya ra kalo boo maganak io, pataako' no i Jilpa ulipon nano ri Jakub ra anduon no. 10Paganak boo i Jilpa sangulun anak ungkuyon. 11Indagu i Liya, “Inangkupuan aku poyo.” Inggalani' no boo anak raginio i Gad.#Gad: Ralalom ragu Ibrani, inggalan ti makaarati' ra “inangkupuan”. 12Paganak poyo i Jilpa sangulun anak ungkuyon, 13am indagu i Liya, “Naansukan aku kaga'! Raino ngaangai' ruandu' mindagu ilo raki' ra naansukan.” Inggalani' no boo anak raginio i Asyir.#Asyir: Ralalom ragu Ibrani, inggalan ti makaarati' ra “naansukan”.
14Paat pangkumasan ra gandum, igugar i Rubin ra kaganduman no. Giu' no nakatuum io ra tutuu' ru tatapis#tutuu' ru tatapis: Ralalom ragu Ibrani “dodayim”. Tutuu' ti inintopot makapuna' ra binunakan., am pataaki' no ri Liya ina' nano. Indagu i Ragil ri Liya, “Anii' aku kasanganu ra tutuu' ru tatapis ondo' natuum ru anak muno.”
15Taam i Liya, kono, “Kalo poyo kia sama' ra okou nampagaau ra ralaki kuno? Raino mangkinam kou poyo pangalap ra tutuu' ru tatapis ondo' natuum ru anak kuno.”
Kon ri Ragil, “Amon ru aniin mu aku ra tutuu' ru tatapis ondo' natuum ru anak muno, makarulug kou ri Jakub rondom raiti'.”
16Pakauli' i Jakub intor ra umo ra palunggai' no, ongoi tuum i Liya am indagu, “Rondom raiti', rumulug kou raki', sabap ra binayaran tokono ra tutuu' ru tatapis ondo' natuum ru anak kuno.” Rulug boo i Jakub ri Liya ra rondom raginio.
17Iniou ri Aki Kapuuno' kiniasi' ri Liya am kaapang io, am paganak io sangulun anak ungkuyon ra kalimo. 18Indagu i Liya, “Nanaak i Aki Kapuuno' raki' ra ampos, sabap ra napataak aku ri Jilpa no ra ralaki kuno.” Inggalani' boo ri Liya anak raginio i Isakar.#Isakar: Inggalan ti bolos no koson ragu Ibrani ondo' makaarati' ra “kambo” am “makaampos”. 19Kaapang poyo i Liya am paganak io sangulun anak ungkuyon ra koonom. 20Indagu i Liya, “Nanaak i Aki Kapuuno' raki' ra taak moonsoi kaga'. Raino, maaru' ralaki kuno mangapu raki', sabap ra nakapaganak aku no onom ngaulun anak ungkuyon.” Inggalani' no boo anak raginio i Jibulon.#Jibulon: Inggalan ti bolos no koson ragu Ibrani ondo' makaarati' ra “mangapu” am “taak”. 21Kopongo raginio paganak io poyo sangulun anak ruandu' ondo' ininggalanan no ri Dina.
22I Aki Kapuuno' pana nakara' poyo i Ragil, rinongog no kiniasi' nano am nambaal riso maganak. 23Kaapang io am paganak sangulun anak ungkuyon. Indagu io, “Pinuso ri Aki Kapuuno' no uyu' kuli ra nanaak Io raki' ra anak ungkuyon. 24Gama' ru manaak Tuhan no raki' ra sangulun anak ungkuyon poyo.” Inggalani' no boo anak raginio i Jusup.#Jusup: Inggalan ti bolos no koson ra ragu Ibrani ondo' makaarati' ra “mangani' io poyo” am “pinuso no”.
Pangiawan ri Laban ra kitaak ri Jakub
25Kaanak i Jusup, indagu i Jakub ri Laban, “Iowo' aku no rumuli' ra pagun kuli galama'. 26Polosoo' aku no magibit ra karuruo andu' kuno mababaya' ra anak-anak kuno. Noowot ku ilo ra aku nangandoi rirun. Nakapandai kou ra miningkotog aku toojo pangandoi rirun, maman.”
27Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou. 28Raguo' ayuk kula' kitaakon muno am bayarin tokou.”
29Taam i Jakub “Okou galama' makapandai ra ati kulaan aku nangandoi rirun am ati kulaan bibiag muno siminayat paat ra aku magalung. 30Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku.#sabap ra aku; kapoam ati ayuk angayan kuno. Raino nasaboi noyo paat ra aku mangandoi ra tayar ru sasambaloi kuno galama'.”
31Indagu i Laban, “Atan boo pabayaron kuno rirun?”
Taam i Jakub, “Kalo makibayar aku ra atan-atan. Rayuson ku ayuk alungi' bibiag muno, amon ru mangiou kou ra ragu kutu. 32Polosoo' aku mugar ra tatanga' sampanon ru domba muno ra orou raiti', am mangalap aku ra moonong domba ondo' maitom#Rondo' pangaligan ragu nakalair:moonong anak domba ra maitom.Naskhah Ibrani: moonong anak domba ra tangkakalut am gumutitikan, am niayuk moonong anak domba ra maitom. am niayuk kambing mamulok ondo' tangkakalut kapoam gumutitikan. Ginio ayuk ngaangai' gaji' kitaakon kuno. 33Tauli no maluoi mu mapandayan ra kinabanis ru guang kutu. Paat ra okou mongoi panutun ra gaji' kuno, am makakito ra kambing kalo gumutitikan kapoam kalo tangkakalut, kapoam domba ondo' kalo maitom, mapandayan mu noyo ra tinakou ku ginio.”
34Taam i Laban, “Mangiou aku! Baalo' to noyo atan ondo' rinagu muno!” 35Kaa' paat ra orou raginio niayuk pansuayo' ri Laban ngaangai' kambing gawayan ra bibiisan kapoam tangkakalut, am ngaangai' kambing ruandu' ra tangkakalut, gumutitikan kapoam makamapulak ra inan nilai no. Pasuayo' no niayuk ngaangai' domba ra maitom. Paalungi' no ra anak-anak ungkuyon nano bibiag raginio. 36Ugar io nababaya' ra domba raginio minggalur intor ri Jakub ra lolot ondo' buoi talu ngoorou pangkiralanan nilo. Alungi' ri Jakub bibiag ra nangatatang no.
37Alap boo i Jakub ra raan mangasansam intor ra puun ru awar, badam, barangan, am aniti' no kulapa' ti saboi tangkakalut ra naimu'-imu'. 38Pabantaa' no raan-raan raginio mamaar ra papainuman ra sampanon ru kambing, sabap ra bibiag raginio mangasaga' mampapaa' paat ra manginum. 39Amon ru mampapaa' kambing-kambing no ra tuma' ru raan-raan raginio, anak-anak no bibiisan kapoam tangkakalut kapoam gumutitikan.
40Pasuayo' boo ri Jakub domba-domba intor ra kambing-kambing, am patingkuango' no ra kambing ra bibiisan am makabatik maitom ru bibiag ri Laban. Gitio boo mapakasuang poyo ra domba ri Jakub galama' am pasuayo' no intor ra bibiag ri Laban no. 41Paat ra mampapaa' bibiag ondo' mongoonsoi no, pabantaan ri Jakub raan-raan no mamaar ra papainuman risilo no, maa' raginio mampapaa' ilo ra intok ondo' mamaar ra makaraan no. 42Kaa' raan no kalo pinabanta' no mamaar ra bibiag ondo' kalo mongoonsoi no. Ginio ra ngaangai' bibiag ondo' kalo mongoonsoi no i Laban tatangan, am ngaangai' bibiag ra mongoonsoi no i Jakub tatangan. 43Ginio ra liminangkaya' poyo i Jakub ra masuang kaga' bibiag, ulipon, unta am kaladai.
Currently Selected:
KASAUKAN 30: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
KASAUKAN 30
30
1Kaa' lakat poyo kolondo' anak ri Ragil. Maingot io boo ra maayo nano, am indagu ri Jakub, “Anii' aku ga ra anak, amon ru kalo matoi aku.”
2Sangit boo i Jakub ri Ragil, kono, “Aku ti pai' ru i Aki Kapuuno'. Io noyo nambaal rirun ra kalo maganak.”
3Indagu boo i Ragil, “Gitio i Bilga ulipon kutu, rulug no riso maa' raginio maganak io ra anak kuno. Ginio ra aku ti masauk ra ina' mimpuun riso.” 4Pataako' no boo i Bilga ra ralaki nano, am rulug i Jakub ra ulipon no. 5Kaapang i Bilga am paganak sangulun anak ungkuyon. 6Indagu boo i Ragil, “Mabanis ukum ri Aki Kapuuno' no ra iniou no kinitaak kuno. Rinongog no kiniasi' kuno am nanaak Io raki' ra anak ungkuyon.” Inggalani' boo ri Ragil anak raginio i Dan.#Dan: Inggalan ti bolos no koson ragu Ibrani ondo' makaarati' ra “mangakim”. 7Kaapang poyo i Bilga am paganak sangulun anak ungkuyon. 8Indagu i Ragil, “Giminula' aku toojo ra maayo kuno am namanang aku.” Inggalani' no boo anak raginio i Naptali.#Naptali: Inggalan ti bolos no koson ra ragu Ibrani ondo' makaarati' ra “giminula'”.
9Pakatutun i Liya ra kalo boo maganak io, pataako' no i Jilpa ulipon nano ri Jakub ra anduon no. 10Paganak boo i Jilpa sangulun anak ungkuyon. 11Indagu i Liya, “Inangkupuan aku poyo.” Inggalani' no boo anak raginio i Gad.#Gad: Ralalom ragu Ibrani, inggalan ti makaarati' ra “inangkupuan”. 12Paganak poyo i Jilpa sangulun anak ungkuyon, 13am indagu i Liya, “Naansukan aku kaga'! Raino ngaangai' ruandu' mindagu ilo raki' ra naansukan.” Inggalani' no boo anak raginio i Asyir.#Asyir: Ralalom ragu Ibrani, inggalan ti makaarati' ra “naansukan”.
14Paat pangkumasan ra gandum, igugar i Rubin ra kaganduman no. Giu' no nakatuum io ra tutuu' ru tatapis#tutuu' ru tatapis: Ralalom ragu Ibrani “dodayim”. Tutuu' ti inintopot makapuna' ra binunakan., am pataaki' no ri Liya ina' nano. Indagu i Ragil ri Liya, “Anii' aku kasanganu ra tutuu' ru tatapis ondo' natuum ru anak muno.”
15Taam i Liya, kono, “Kalo poyo kia sama' ra okou nampagaau ra ralaki kuno? Raino mangkinam kou poyo pangalap ra tutuu' ru tatapis ondo' natuum ru anak kuno.”
Kon ri Ragil, “Amon ru aniin mu aku ra tutuu' ru tatapis ondo' natuum ru anak muno, makarulug kou ri Jakub rondom raiti'.”
16Pakauli' i Jakub intor ra umo ra palunggai' no, ongoi tuum i Liya am indagu, “Rondom raiti', rumulug kou raki', sabap ra binayaran tokono ra tutuu' ru tatapis ondo' natuum ru anak kuno.” Rulug boo i Jakub ri Liya ra rondom raginio.
17Iniou ri Aki Kapuuno' kiniasi' ri Liya am kaapang io, am paganak io sangulun anak ungkuyon ra kalimo. 18Indagu i Liya, “Nanaak i Aki Kapuuno' raki' ra ampos, sabap ra napataak aku ri Jilpa no ra ralaki kuno.” Inggalani' boo ri Liya anak raginio i Isakar.#Isakar: Inggalan ti bolos no koson ragu Ibrani ondo' makaarati' ra “kambo” am “makaampos”. 19Kaapang poyo i Liya am paganak io sangulun anak ungkuyon ra koonom. 20Indagu i Liya, “Nanaak i Aki Kapuuno' raki' ra taak moonsoi kaga'. Raino, maaru' ralaki kuno mangapu raki', sabap ra nakapaganak aku no onom ngaulun anak ungkuyon.” Inggalani' no boo anak raginio i Jibulon.#Jibulon: Inggalan ti bolos no koson ragu Ibrani ondo' makaarati' ra “mangapu” am “taak”. 21Kopongo raginio paganak io poyo sangulun anak ruandu' ondo' ininggalanan no ri Dina.
22I Aki Kapuuno' pana nakara' poyo i Ragil, rinongog no kiniasi' nano am nambaal riso maganak. 23Kaapang io am paganak sangulun anak ungkuyon. Indagu io, “Pinuso ri Aki Kapuuno' no uyu' kuli ra nanaak Io raki' ra anak ungkuyon. 24Gama' ru manaak Tuhan no raki' ra sangulun anak ungkuyon poyo.” Inggalani' no boo anak raginio i Jusup.#Jusup: Inggalan ti bolos no koson ra ragu Ibrani ondo' makaarati' ra “mangani' io poyo” am “pinuso no”.
Pangiawan ri Laban ra kitaak ri Jakub
25Kaanak i Jusup, indagu i Jakub ri Laban, “Iowo' aku no rumuli' ra pagun kuli galama'. 26Polosoo' aku no magibit ra karuruo andu' kuno mababaya' ra anak-anak kuno. Noowot ku ilo ra aku nangandoi rirun. Nakapandai kou ra miningkotog aku toojo pangandoi rirun, maman.”
27Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou. 28Raguo' ayuk kula' kitaakon muno am bayarin tokou.”
29Taam i Jakub “Okou galama' makapandai ra ati kulaan aku nangandoi rirun am ati kulaan bibiag muno siminayat paat ra aku magalung. 30Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku.#sabap ra aku; kapoam ati ayuk angayan kuno. Raino nasaboi noyo paat ra aku mangandoi ra tayar ru sasambaloi kuno galama'.”
31Indagu i Laban, “Atan boo pabayaron kuno rirun?”
Taam i Jakub, “Kalo makibayar aku ra atan-atan. Rayuson ku ayuk alungi' bibiag muno, amon ru mangiou kou ra ragu kutu. 32Polosoo' aku mugar ra tatanga' sampanon ru domba muno ra orou raiti', am mangalap aku ra moonong domba ondo' maitom#Rondo' pangaligan ragu nakalair:moonong anak domba ra maitom.Naskhah Ibrani: moonong anak domba ra tangkakalut am gumutitikan, am niayuk moonong anak domba ra maitom. am niayuk kambing mamulok ondo' tangkakalut kapoam gumutitikan. Ginio ayuk ngaangai' gaji' kitaakon kuno. 33Tauli no maluoi mu mapandayan ra kinabanis ru guang kutu. Paat ra okou mongoi panutun ra gaji' kuno, am makakito ra kambing kalo gumutitikan kapoam kalo tangkakalut, kapoam domba ondo' kalo maitom, mapandayan mu noyo ra tinakou ku ginio.”
34Taam i Laban, “Mangiou aku! Baalo' to noyo atan ondo' rinagu muno!” 35Kaa' paat ra orou raginio niayuk pansuayo' ri Laban ngaangai' kambing gawayan ra bibiisan kapoam tangkakalut, am ngaangai' kambing ruandu' ra tangkakalut, gumutitikan kapoam makamapulak ra inan nilai no. Pasuayo' no niayuk ngaangai' domba ra maitom. Paalungi' no ra anak-anak ungkuyon nano bibiag raginio. 36Ugar io nababaya' ra domba raginio minggalur intor ri Jakub ra lolot ondo' buoi talu ngoorou pangkiralanan nilo. Alungi' ri Jakub bibiag ra nangatatang no.
37Alap boo i Jakub ra raan mangasansam intor ra puun ru awar, badam, barangan, am aniti' no kulapa' ti saboi tangkakalut ra naimu'-imu'. 38Pabantaa' no raan-raan raginio mamaar ra papainuman ra sampanon ru kambing, sabap ra bibiag raginio mangasaga' mampapaa' paat ra manginum. 39Amon ru mampapaa' kambing-kambing no ra tuma' ru raan-raan raginio, anak-anak no bibiisan kapoam tangkakalut kapoam gumutitikan.
40Pasuayo' boo ri Jakub domba-domba intor ra kambing-kambing, am patingkuango' no ra kambing ra bibiisan am makabatik maitom ru bibiag ri Laban. Gitio boo mapakasuang poyo ra domba ri Jakub galama' am pasuayo' no intor ra bibiag ri Laban no. 41Paat ra mampapaa' bibiag ondo' mongoonsoi no, pabantaan ri Jakub raan-raan no mamaar ra papainuman risilo no, maa' raginio mampapaa' ilo ra intok ondo' mamaar ra makaraan no. 42Kaa' raan no kalo pinabanta' no mamaar ra bibiag ondo' kalo mongoonsoi no. Ginio ra ngaangai' bibiag ondo' kalo mongoonsoi no i Laban tatangan, am ngaangai' bibiag ra mongoonsoi no i Jakub tatangan. 43Ginio ra liminangkaya' poyo i Jakub ra masuang kaga' bibiag, ulipon, unta am kaladai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.