Maakɨ 9
9
Jizaazare kɨlaakejɨ' yaaka naanga byaannakejɨ' yɨma'na'.
(Matɨyui 17:1-13; Lukɨ 9:28-36)
1Sai a'mweraavɨ wɨdɨna “Nebwi yɨhɨthɨwa. Dava mwaaihasarajɨya pwara dɨvi kwaihwaainakera kuna mwaalapɨjɨ mabalyɨ yapɨjɨ dara wangabɨ'de' ‘Ai, Gotɨyai dɨragɨnna damaremwaalɨka!’ Sara wangabɨ'dehaa'nanyɨ.”
2Yɨrɨka daryaai daryaai daryaai kwavɨlava' Jizaazai Pitalyɨ Jemɨzalyɨ Jonɨjɨ saraavɨ maarɨna kya' mugunya naangevɨ yɨlaawɨna yɨlaawɨna yeva gavera daavɨna kye' pwara mamwaalyɨ kye' gamɨre kɨlaakejɨ' nawɨ'nyajɨ' gavinyajɨ' kyalɨngɨna' kumɨ tɨnna wanganna. 3Tɨnna wanganna yadaapɨjɨ gannya kwaabɨhannya yaaka naange' yɨma'nakevɨ Kwaakevakɨ mwaaidɨvɨsara yaaka sa' sara myalɨngɨnyadesɨra. 4Yaaka naange' kyɨma'na' Ne sɨnnawɨnyaraai Yɨlaajalyɨ Mozɨzalyɨ saraai Gotɨyarebadaasaraai yɨma'naabɨna, daavɨna yagɨla Jizaazarɨ wɨdɨna kyagi dɨnyɨna. 5Sara dɨnyɨna kye' gamɨrera tɨnna wanganna yeva Pitai Jizaazarɨ yaasɨwa' wɨdɨna “Nejɨwaakadɨnyaigɨ, nemɨ dava mwaaiho' tewaanyasɨra. Sɨmɨnya dawaai dasangɨ yarɨlaana! Pɨrɨ' gɨmɨnyɨne', pɨrɨ' Mozɨzarɨne', pɨrɨ' Yɨlaajarɨne' yarɨlaana!” 6Sare' dare'nesɨ. Pitai “Nɨmɨ gara dɨjɨwa?” dɨna yakelyɨ. Nabaai sare' dare'nesɨ. Sahwalyɨ gamɨreraalyɨ sara lɨka naanga yesa'nanyɨ. 7Sagaa' yɨraaya' kumɨnyɨ gɨ'dala yɨrɨna kya' yɨraayavɨdaasɨ maanguraaya' “Dathai nyɨbwaalɨvaangelyɨ. Yɨlaaya yadɨ kurya wɨkadɨnyalyɨra. Dahwarɨ nayaa du'nyɨla!” 8Yagaala sa' wɨ'neva yɨme'nya'bɨ' dara wanganesa' “Ai, aane pwai kwarɨ tɨnna mwanganyɨ, Jizaazai gavei nemɨjɨ damwaalɨka!”
9Sɨlyarɨdaa'nyɨ gamɨrerari waidavadaapi sai naanga wɨdɨna “Wangamwaasa'na a'mweraavɨ mudɨpɨnera! Dɨvi A'mweraavɨne Kaimɨraayainyɨ bala'muri bainɨkeraayawɨdaa'nyɨ dɨkaa'mujahaa'na yɨ sagaa' duzideihɨlyɨra.” 10Sara wɨdɨna kya' kumɨ sara a'mweraavɨ yagaala sa' mujɨwaaki. Mujɨwaakya'nera dɨnyɨna “ ‘Bala'muri bainɨkeraayawɨdaa'nyɨ ayɨna dɨkaavɨdeinyɨra,’ nedɨwake'na be yagaalavaka?” 11Sara dɨnyɨna yeva gamɨnyɨ yɨwaara'na “Yagaaikɨwɨjara nedɨvanɨga' ‘Sɨnnawɨ Ne Yɨlaajai kabozɨ dɨvi Kɨraazɨtɨyai bathelyɨra.’ Savɨne'na baa'na nedɨvanɨga'?” 12Sara wɨ'naka wɨdɨna “Yo, dɨnɨke' sɨnnawɨ Yɨlaajai bozɨ yuyangɨ yavada'galadelyɨra. Nabaai A'mweraavɨne Kaimɨraayainyɨna dɨnɨke' ‘Yɨ Kwaaka davakɨ daanga naanga wɨvɨnadelyɨra. Yɨ yɨlaaya mamari yɨpɨ'delyɨra.’ Sare' gara yɨda'nɨkevaka? 13Kɨrɨ' nɨmɨ sainyɨ yɨhɨthɨvanɨge. Yɨlaajai mi'na bakelyɨra. Mi'na bakerɨ kayaa'nanaangenna wiesa' Gotɨyare bukuya' sara dɨnɨkabaaibɨsa'nesɨra.”
Kaimalei yɨmaka widerɨ Jizaazai nayaa yavada'gala'.
(Matɨyui 17:14-21; Lukɨ 9:37-43)
14Gamɨre pwaraavɨ wɨjɨma'naaweva dara wanganesa' “Kwala bwa'naanya naange' kumɨnyaba mwaaidapi Yagaaikɨwɨjarajɨ nemɨrerajɨ maanga dathɨmanɨgava!” 15Dɨna kye' yɨme'nya'bɨ' bwa'naanya yuya' gamɨnyɨ tɨnna wanganesagaa' atɨka maru'nareva gamɨnyawɨnna kaanyave'na beva “Naangeigɨ,” wɨdɨna. 16Sara wɨdɨna kye' sai yɨwaara'na “Maanga be'na dɨmanɨgataihɨlaka?” 17Yɨwaara'na kya' bwa'naanyavɨdaa'nya pwai wɨdɨna “Nejɨwaakadɨnyaigɨ nyɨbwaalɨvaangei yɨmaka widei yagaala majarɨ gɨmɨnyawɨnna makabɨwa. 18Yɨmakei galalɨmwanna yada kaimalerɨ kwaakevɨna bwalamarakɨna yadehaa' gamɨre maangevɨ maagwaitala yɨma'nada maangerɨka maagɨlaku'gɨlakuta yadaasɨ gamɨre kɨlaaka yuneba dɨragɨnya yɨma'nade sagaa'. ‘Yɨmakei duthaasɨla!’ dena gɨmɨreraavɨ kudɨwa sahwara yɨna yɨna kyɨwaa' yɨmakei kuna widelyɨra. Myɨ yɨpɨnere.” 19Sara wɨdɨna kya' sai ma'maa'na “Dahaasaihi, malɨmwagyadɨvɨsaihi sarɨmɨnyaba mwaala'mujɨ yɨhɨzɨwaaka'mujɨ sarɨmɨnyɨne'na taanga kuna gathɨngaa' maarɨdeinyaka! Kaimale dai nɨmɨnyawɨnna dɨmakabyɨla!” 20Mi'na wɨdɨna kya' makabɨna kye' yɨmakei Jizaazarɨ wanganaka yɨme'nya'bɨ' kaimalerɨ yɨkɨlaaka galyɨma'na kya' kwaakewɨ bwala'na yaka gɨnyɨwannyɨ gɨnyɨwannya yɨna kya' gamɨre maangevɨ maagwaitala yɨma'nyɨna. 21Sara yɨma'nyɨna kya' sai ganɨmaangerɨ yɨwaara'na “Sa' garegaa' yɨma'nakavaka?” Yɨwaara'na kya' ganɨmaangei wɨdɨna “Kaimale maalɨkegaa' sara yɨma'na'. 22Kyɨma'na' yɨmakei kwalaalyagaa' kaimalerɨna ‘Tamakɨma!’ daka dɨkevɨ marasɨ'na yada avaala kwai aalyavɨ marapaihɨna yadei. Sare' kɨrɨ' ‘Nɨmɨre dɨragɨnya' darɨka!’ dɨza' naarɨmɨnyɨna kale kagyozɨ nehɨgaimwana!” 23Sara wɨdɨna kya' Jizaazai wɨdɨna “ ‘Nɨmɨre dɨragɨnya' darɨka!’ dɨza' pwai nayaa nyɨmɨdɨmanɨkei sahwai yuya yannelyɨra.” 24Dɨragɨnna sara kuda' yɨme'nya'bɨ' ganɨmaangai yarai wɨdɨna “Gɨmɨdɨmanɨgevwi maalɨka warɨke'na naanga yɨma'nya'ne' dɨnyɨgaimwana!” 25Jizaazai dara wanganake' “O, kwala bwa'naanya' kaanyave'na jɨkabɨvanɨgava!” Daka yɨmakerɨ maanga wɨdɨna “Yɨmakeigɨ kadɨkɨryaigɨ yagaala majaigɨ kaimalerɨ be'na wɨmwaaihɨna! Gamɨre munyɨkɨdaasɨ yunakaanna dɨwona! Ayɨna nabwidɨka!” 26Sara wɨdɨna kya' yɨmakei jaka dɨna yaka kaimalerɨ naanga galyɨma'na yaka bwalyuna. Sara bwalyuna kya' kaimalei baryaibɨ' warɨna kya' pwara dɨnyɨna “Mena baimwaka.” 27Sara dɨnyɨna kye' Jizaazai gamɨre asavɨ yɨrɨ'bwa'na kya' kaimalei sagaa' tewaanya dɨkaa'na yaka daavɨna ya'. 28Angevɨ mi'na wɨlamwaaina kya' gamɨjɨ gamɨrerari gavera mwaaidapi gamɨrera yɨdaanganna “Sahwaina yɨmakerɨ wɨdasaanne' gara yawaajɨ wɨdasaannekajɨnyɨra?” 29Yɨdaanganna kye' sai wɨdɨna “Yɨmaka darɨna Gotɨyarɨ tɨbarɨyagaala kadapɨri bwalyawodelyɨra. Aane pɨrɨ' kɨrɨ'na mɨka!”
Jizaazare balyagaa'na pɨgasaai wɨda'.
(Matɨyui 17:22-23; Lukɨ 9:43-45)
30Sabadaa'nyara Kwaaka Galɨli wavɨla'na. Wavɨla'na yadaapi “A'mwera nanyangabɨthɨka!” daka sai kave wɨna. 31Sare' dare'nanyɨ. “Nɨmɨreraavɨ wɨjɨwaakɨma!” daka wɨdɨna “A'mweraavɨne Kaimɨraayainyɨ pwai nɨmɨnyɨ yɨkamaangeraavɨna kwibwarɨdaakwojɨ yɨkamaangera kanyɨramakapɨri balɨdeinyɨra. Mi'na bala'mujɨ yɨrɨka daryaai darɨkɨ ayɨna dɨkaavɨdeinyɨra.” 32Sara wɨdɨna kya' yagaala sa'na myawɨryadɨvɨ' nabaai, yɨdaanganya'na lɨka yɨna ye'.
“A'mwe naangei bewalaka?”
(Matɨyui 18:1-5; Lukɨ 9:46-48)
33Angaba Kaapanɨyamɨna yɨ'maveva angevɨ ayɨna kabulamwaale' sai gamɨreraavɨ yɨwaara'na “Tusavɨ wɨvanɨgasaihi be yagaala dɨmanɨgatavaka?” 34Wɨdɨna kya' sahwara yagaala majara mwaalɨna. Sare' dare'nesɨ. Tusavɨ dɨnyɨna “Nemɨjɨyai a'mwe naangei aaihwalaka? Nɨmɨ dɨngaka?” 35Majara mwaalɨna kye' walamwaalaka gamɨre atɨraai sɨvɨlyɨrɨdaa'nyɨ pwaraalyaraavɨ jɨvwaramaa'na yaka wɨdɨna “Pwai gannya sɨmunyavɨ ‘Sɨnnawɨnyainyɨ yɨma'nɨma!’ yawɨrajai sai yuyaraavɨne aayaangei yɨma'nana! Yuya saraavɨna wɨdaayadei yɨma'nana! Sai yawɨ'na ‘Nɨmɨ maalɨkeinyɨra. Yuyaraavɨre wɨdaayɨdeinyɨ yɨma'nɨma!’ dozɨya sahwai naangei yɨma'nadelyɨra Gotɨyarɨna.” 36Wɨdɨna yaka kaimɨraayamɨlɨ' maaraka tɨnnyaba mwaaidapiyaba gannya tɨ'munyavɨ maramujɨ'na yaka wɨdɨna 37“Pwai kwai nɨmɨnyɨna yawɨrojɨ kaimɨraaya daibɨsamɨlɨ' maaraja' nɨmɨnyɨ nyɨmaaradeinyɨra. Nabaai sai sara nyɨmaarajai nɨmɨnyɨ gaveinyɨ nyɨmaaradeinyɨ mɨ'. Aawa. Nɨmaamaangei nyɨdasaabakerɨjɨ maaradelyɨra.”
Neya'mwelyɨreva.
(Lukɨ 9:49-50)
38Jonɨ wɨdɨna, “Nejɨwaakadɨnyaigɨ, nemɨ dara wangamwo' ‘A'mwei gɨmɨre yaya' wɨdaka yɨmakeraavɨ a'mweraavɨre munyɨkaavɨdaasɨ dathasɨvanaabɨka!’ Sai nemɨjɨyai mɨ'. Savɨdaasɨ nemɨ wɨdɨwo ‘Sabwi minnera maaveigɨ!’ ” 39Mi'na wɨdɨna kya' Jizaazai wɨdɨna “ ‘Sabwi minnera!’ mudɨpɨnera! Sare' dare'nesɨ. Aane pwai kwai nɨmɨre yaya' wɨdozɨ dɨragɨnaange' yojɨ maalɨkegaa' nɨmɨnyɨna kayaa'na wɨdathei mɨ'. 40Sare' dare'nesɨ. A'mwe nemɨre yɨkamaangei mamwaalyɨkei nemɨnyɨnelyɨ. 41Sare' dare'nesɨ. Pwai sarɨmɨnyɨna ‘Kɨraazɨtɨyarerɨ mɨjɨka'na aalya tɨka nya'ne' wɨjaavɨma!’ dozɨya'na nɨmɨnyɨna yɨhɨzaavajai. Yɨ sahwarɨna nebwi yɨhɨthɨwa. Gotɨyai gamɨnyɨne tɨvɨkɨta tewaanya mujaayɨ yadei mɨka! Arɨkewɨ.”
Kayaa'nanaangebwi a'mweraavɨ kayaaka yadevulyɨra.
(Matɨyui 18:6-9; Lukɨ 17:1-2)
42“Pwai kaimɨraaya damɨlɨ'bɨsamɨlɨ' nɨmɨnyɨ nyɨlɨmwaga'demɨlɨ' pwarebwi kujaawa' wala'mwaake' kayaa'nanaangesɨra. A'mwei sara yajarɨna Gotɨyarɨ sɨnna tɨka naanga wɨdavadelyɨra. Sɨnnawɨ sahwai pwarebwi mujaayadɨ'nyɨyagaa' a'mwe darɨ maapɨjɨ kwajɨ sɨla naange' gamɨre tɨlɨnnyavɨ tɨmupɨjɨ kwajɨ aalɨbunyavɨ wɨvaihɨna kyɨpɨke'na wabana yɨnɨkesɨra.” 43Jizaazai yawɨraka “Kayaa'nanya nyɨpɨdɨka! Dɨkevɨ nulaawɨpɨka!” daka ke'ba'na wɨdɨna “Nabaai gɨnnya asasɨ kayaa'nanyabwi yɨjɨ kwajɨ gɨnnya asavɨ woripu'na'gi ata gavesɨyaigɨ Gotɨyarebanna jɨlaawade'na tewaanyasɨra. 44Kayaa'nanyabwi yɨjɨ kwajɨ asawaalyɨyaigɨ yaayebanna gazagaasagaa' Dɨke' yɨda'nɨvanɨkevɨna dulaawade'na kayaa'nanaangesɨra. 45Nabaai gɨnnya sɨvɨlyasɨ kayaa'nanyabwi yɨjɨ kwajɨ woripu'na'gi sɨvɨla gavesɨyaigɨ Gotɨyarebanna dulaawade'na tewaanyasɨra. 46Kayaa'nanyabwi yɨjɨ kwajɨ sɨvɨlyawaalyɨyaigɨ Dɨkevɨna dulaawade'na kayaa'nanaangesɨra. 47Nabaai gɨnnya tɨnnyalyɨ kayaa'nanyabwi yɨjɨ kwajɨ gɨnnya tɨnnyai galajɨwa'mwanna'gɨzɨ tɨnna gavelyɨyaigɨ Gotɨyai maremwaaidevanna dulaawade'na tewaanyasɨra. Kayaa'nanyabwi yɨjɨ kwajɨ tɨnnyaraalyɨyaigɨ Dɨkevɨna dulaawade'na kayaa'nanaangesɨra. 48Dɨka savɨ yuyagaa' gumɨlɨka gɨlaayangɨ tɨka nadɨvɨsa mabalyɨ yɨpɨ'dengɨra. Dɨka myɨgaakuri yadesɨra.
49Sare' dare'nesɨ. A'mwera Gotɨyare yagaalya' wɨ'nadɨvɨsara tewaanna mwaaibɨ'dere. Kayaa'nanyabwi dɨke'bɨsabwi kyɨma'nojɨ Gotɨyare dɨragɨnyabwi kujaavojɨ dɨragɨnya tewaanna mwaaibɨ'dere. 50Saalya' nawɨ'nyasɨra. Sa'na saalya' gɨrɨngwɨta yɨma'nojɨ nawɨ'nya ayɨna gara yadevaka? Aawa. Nawɨ'nya mima'nyɨ yadesɨra. ‘Nemɨ saala gɨrɨngwɨsa'bɨsaina nyɨma'naadɨka!’ dapɨjɨ nayaa dɨmwaalyidera. Gazaizai gamɨnyɨ pwarɨna kwaamu'na mwaalana!”
Currently Selected:
Maakɨ 9: byr
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Maakɨ 9
9
Jizaazare kɨlaakejɨ' yaaka naanga byaannakejɨ' yɨma'na'.
(Matɨyui 17:1-13; Lukɨ 9:28-36)
1Sai a'mweraavɨ wɨdɨna “Nebwi yɨhɨthɨwa. Dava mwaaihasarajɨya pwara dɨvi kwaihwaainakera kuna mwaalapɨjɨ mabalyɨ yapɨjɨ dara wangabɨ'de' ‘Ai, Gotɨyai dɨragɨnna damaremwaalɨka!’ Sara wangabɨ'dehaa'nanyɨ.”
2Yɨrɨka daryaai daryaai daryaai kwavɨlava' Jizaazai Pitalyɨ Jemɨzalyɨ Jonɨjɨ saraavɨ maarɨna kya' mugunya naangevɨ yɨlaawɨna yɨlaawɨna yeva gavera daavɨna kye' pwara mamwaalyɨ kye' gamɨre kɨlaakejɨ' nawɨ'nyajɨ' gavinyajɨ' kyalɨngɨna' kumɨ tɨnna wanganna. 3Tɨnna wanganna yadaapɨjɨ gannya kwaabɨhannya yaaka naange' yɨma'nakevɨ Kwaakevakɨ mwaaidɨvɨsara yaaka sa' sara myalɨngɨnyadesɨra. 4Yaaka naange' kyɨma'na' Ne sɨnnawɨnyaraai Yɨlaajalyɨ Mozɨzalyɨ saraai Gotɨyarebadaasaraai yɨma'naabɨna, daavɨna yagɨla Jizaazarɨ wɨdɨna kyagi dɨnyɨna. 5Sara dɨnyɨna kye' gamɨrera tɨnna wanganna yeva Pitai Jizaazarɨ yaasɨwa' wɨdɨna “Nejɨwaakadɨnyaigɨ, nemɨ dava mwaaiho' tewaanyasɨra. Sɨmɨnya dawaai dasangɨ yarɨlaana! Pɨrɨ' gɨmɨnyɨne', pɨrɨ' Mozɨzarɨne', pɨrɨ' Yɨlaajarɨne' yarɨlaana!” 6Sare' dare'nesɨ. Pitai “Nɨmɨ gara dɨjɨwa?” dɨna yakelyɨ. Nabaai sare' dare'nesɨ. Sahwalyɨ gamɨreraalyɨ sara lɨka naanga yesa'nanyɨ. 7Sagaa' yɨraaya' kumɨnyɨ gɨ'dala yɨrɨna kya' yɨraayavɨdaasɨ maanguraaya' “Dathai nyɨbwaalɨvaangelyɨ. Yɨlaaya yadɨ kurya wɨkadɨnyalyɨra. Dahwarɨ nayaa du'nyɨla!” 8Yagaala sa' wɨ'neva yɨme'nya'bɨ' dara wanganesa' “Ai, aane pwai kwarɨ tɨnna mwanganyɨ, Jizaazai gavei nemɨjɨ damwaalɨka!”
9Sɨlyarɨdaa'nyɨ gamɨrerari waidavadaapi sai naanga wɨdɨna “Wangamwaasa'na a'mweraavɨ mudɨpɨnera! Dɨvi A'mweraavɨne Kaimɨraayainyɨ bala'muri bainɨkeraayawɨdaa'nyɨ dɨkaa'mujahaa'na yɨ sagaa' duzideihɨlyɨra.” 10Sara wɨdɨna kya' kumɨ sara a'mweraavɨ yagaala sa' mujɨwaaki. Mujɨwaakya'nera dɨnyɨna “ ‘Bala'muri bainɨkeraayawɨdaa'nyɨ ayɨna dɨkaavɨdeinyɨra,’ nedɨwake'na be yagaalavaka?” 11Sara dɨnyɨna yeva gamɨnyɨ yɨwaara'na “Yagaaikɨwɨjara nedɨvanɨga' ‘Sɨnnawɨ Ne Yɨlaajai kabozɨ dɨvi Kɨraazɨtɨyai bathelyɨra.’ Savɨne'na baa'na nedɨvanɨga'?” 12Sara wɨ'naka wɨdɨna “Yo, dɨnɨke' sɨnnawɨ Yɨlaajai bozɨ yuyangɨ yavada'galadelyɨra. Nabaai A'mweraavɨne Kaimɨraayainyɨna dɨnɨke' ‘Yɨ Kwaaka davakɨ daanga naanga wɨvɨnadelyɨra. Yɨ yɨlaaya mamari yɨpɨ'delyɨra.’ Sare' gara yɨda'nɨkevaka? 13Kɨrɨ' nɨmɨ sainyɨ yɨhɨthɨvanɨge. Yɨlaajai mi'na bakelyɨra. Mi'na bakerɨ kayaa'nanaangenna wiesa' Gotɨyare bukuya' sara dɨnɨkabaaibɨsa'nesɨra.”
Kaimalei yɨmaka widerɨ Jizaazai nayaa yavada'gala'.
(Matɨyui 17:14-21; Lukɨ 9:37-43)
14Gamɨre pwaraavɨ wɨjɨma'naaweva dara wanganesa' “Kwala bwa'naanya naange' kumɨnyaba mwaaidapi Yagaaikɨwɨjarajɨ nemɨrerajɨ maanga dathɨmanɨgava!” 15Dɨna kye' yɨme'nya'bɨ' bwa'naanya yuya' gamɨnyɨ tɨnna wanganesagaa' atɨka maru'nareva gamɨnyawɨnna kaanyave'na beva “Naangeigɨ,” wɨdɨna. 16Sara wɨdɨna kye' sai yɨwaara'na “Maanga be'na dɨmanɨgataihɨlaka?” 17Yɨwaara'na kya' bwa'naanyavɨdaa'nya pwai wɨdɨna “Nejɨwaakadɨnyaigɨ nyɨbwaalɨvaangei yɨmaka widei yagaala majarɨ gɨmɨnyawɨnna makabɨwa. 18Yɨmakei galalɨmwanna yada kaimalerɨ kwaakevɨna bwalamarakɨna yadehaa' gamɨre maangevɨ maagwaitala yɨma'nada maangerɨka maagɨlaku'gɨlakuta yadaasɨ gamɨre kɨlaaka yuneba dɨragɨnya yɨma'nade sagaa'. ‘Yɨmakei duthaasɨla!’ dena gɨmɨreraavɨ kudɨwa sahwara yɨna yɨna kyɨwaa' yɨmakei kuna widelyɨra. Myɨ yɨpɨnere.” 19Sara wɨdɨna kya' sai ma'maa'na “Dahaasaihi, malɨmwagyadɨvɨsaihi sarɨmɨnyaba mwaala'mujɨ yɨhɨzɨwaaka'mujɨ sarɨmɨnyɨne'na taanga kuna gathɨngaa' maarɨdeinyaka! Kaimale dai nɨmɨnyawɨnna dɨmakabyɨla!” 20Mi'na wɨdɨna kya' makabɨna kye' yɨmakei Jizaazarɨ wanganaka yɨme'nya'bɨ' kaimalerɨ yɨkɨlaaka galyɨma'na kya' kwaakewɨ bwala'na yaka gɨnyɨwannyɨ gɨnyɨwannya yɨna kya' gamɨre maangevɨ maagwaitala yɨma'nyɨna. 21Sara yɨma'nyɨna kya' sai ganɨmaangerɨ yɨwaara'na “Sa' garegaa' yɨma'nakavaka?” Yɨwaara'na kya' ganɨmaangei wɨdɨna “Kaimale maalɨkegaa' sara yɨma'na'. 22Kyɨma'na' yɨmakei kwalaalyagaa' kaimalerɨna ‘Tamakɨma!’ daka dɨkevɨ marasɨ'na yada avaala kwai aalyavɨ marapaihɨna yadei. Sare' kɨrɨ' ‘Nɨmɨre dɨragɨnya' darɨka!’ dɨza' naarɨmɨnyɨna kale kagyozɨ nehɨgaimwana!” 23Sara wɨdɨna kya' Jizaazai wɨdɨna “ ‘Nɨmɨre dɨragɨnya' darɨka!’ dɨza' pwai nayaa nyɨmɨdɨmanɨkei sahwai yuya yannelyɨra.” 24Dɨragɨnna sara kuda' yɨme'nya'bɨ' ganɨmaangai yarai wɨdɨna “Gɨmɨdɨmanɨgevwi maalɨka warɨke'na naanga yɨma'nya'ne' dɨnyɨgaimwana!” 25Jizaazai dara wanganake' “O, kwala bwa'naanya' kaanyave'na jɨkabɨvanɨgava!” Daka yɨmakerɨ maanga wɨdɨna “Yɨmakeigɨ kadɨkɨryaigɨ yagaala majaigɨ kaimalerɨ be'na wɨmwaaihɨna! Gamɨre munyɨkɨdaasɨ yunakaanna dɨwona! Ayɨna nabwidɨka!” 26Sara wɨdɨna kya' yɨmakei jaka dɨna yaka kaimalerɨ naanga galyɨma'na yaka bwalyuna. Sara bwalyuna kya' kaimalei baryaibɨ' warɨna kya' pwara dɨnyɨna “Mena baimwaka.” 27Sara dɨnyɨna kye' Jizaazai gamɨre asavɨ yɨrɨ'bwa'na kya' kaimalei sagaa' tewaanya dɨkaa'na yaka daavɨna ya'. 28Angevɨ mi'na wɨlamwaaina kya' gamɨjɨ gamɨrerari gavera mwaaidapi gamɨrera yɨdaanganna “Sahwaina yɨmakerɨ wɨdasaanne' gara yawaajɨ wɨdasaannekajɨnyɨra?” 29Yɨdaanganna kye' sai wɨdɨna “Yɨmaka darɨna Gotɨyarɨ tɨbarɨyagaala kadapɨri bwalyawodelyɨra. Aane pɨrɨ' kɨrɨ'na mɨka!”
Jizaazare balyagaa'na pɨgasaai wɨda'.
(Matɨyui 17:22-23; Lukɨ 9:43-45)
30Sabadaa'nyara Kwaaka Galɨli wavɨla'na. Wavɨla'na yadaapi “A'mwera nanyangabɨthɨka!” daka sai kave wɨna. 31Sare' dare'nanyɨ. “Nɨmɨreraavɨ wɨjɨwaakɨma!” daka wɨdɨna “A'mweraavɨne Kaimɨraayainyɨ pwai nɨmɨnyɨ yɨkamaangeraavɨna kwibwarɨdaakwojɨ yɨkamaangera kanyɨramakapɨri balɨdeinyɨra. Mi'na bala'mujɨ yɨrɨka daryaai darɨkɨ ayɨna dɨkaavɨdeinyɨra.” 32Sara wɨdɨna kya' yagaala sa'na myawɨryadɨvɨ' nabaai, yɨdaanganya'na lɨka yɨna ye'.
“A'mwe naangei bewalaka?”
(Matɨyui 18:1-5; Lukɨ 9:46-48)
33Angaba Kaapanɨyamɨna yɨ'maveva angevɨ ayɨna kabulamwaale' sai gamɨreraavɨ yɨwaara'na “Tusavɨ wɨvanɨgasaihi be yagaala dɨmanɨgatavaka?” 34Wɨdɨna kya' sahwara yagaala majara mwaalɨna. Sare' dare'nesɨ. Tusavɨ dɨnyɨna “Nemɨjɨyai a'mwe naangei aaihwalaka? Nɨmɨ dɨngaka?” 35Majara mwaalɨna kye' walamwaalaka gamɨre atɨraai sɨvɨlyɨrɨdaa'nyɨ pwaraalyaraavɨ jɨvwaramaa'na yaka wɨdɨna “Pwai gannya sɨmunyavɨ ‘Sɨnnawɨnyainyɨ yɨma'nɨma!’ yawɨrajai sai yuyaraavɨne aayaangei yɨma'nana! Yuya saraavɨna wɨdaayadei yɨma'nana! Sai yawɨ'na ‘Nɨmɨ maalɨkeinyɨra. Yuyaraavɨre wɨdaayɨdeinyɨ yɨma'nɨma!’ dozɨya sahwai naangei yɨma'nadelyɨra Gotɨyarɨna.” 36Wɨdɨna yaka kaimɨraayamɨlɨ' maaraka tɨnnyaba mwaaidapiyaba gannya tɨ'munyavɨ maramujɨ'na yaka wɨdɨna 37“Pwai kwai nɨmɨnyɨna yawɨrojɨ kaimɨraaya daibɨsamɨlɨ' maaraja' nɨmɨnyɨ nyɨmaaradeinyɨra. Nabaai sai sara nyɨmaarajai nɨmɨnyɨ gaveinyɨ nyɨmaaradeinyɨ mɨ'. Aawa. Nɨmaamaangei nyɨdasaabakerɨjɨ maaradelyɨra.”
Neya'mwelyɨreva.
(Lukɨ 9:49-50)
38Jonɨ wɨdɨna, “Nejɨwaakadɨnyaigɨ, nemɨ dara wangamwo' ‘A'mwei gɨmɨre yaya' wɨdaka yɨmakeraavɨ a'mweraavɨre munyɨkaavɨdaasɨ dathasɨvanaabɨka!’ Sai nemɨjɨyai mɨ'. Savɨdaasɨ nemɨ wɨdɨwo ‘Sabwi minnera maaveigɨ!’ ” 39Mi'na wɨdɨna kya' Jizaazai wɨdɨna “ ‘Sabwi minnera!’ mudɨpɨnera! Sare' dare'nesɨ. Aane pwai kwai nɨmɨre yaya' wɨdozɨ dɨragɨnaange' yojɨ maalɨkegaa' nɨmɨnyɨna kayaa'na wɨdathei mɨ'. 40Sare' dare'nesɨ. A'mwe nemɨre yɨkamaangei mamwaalyɨkei nemɨnyɨnelyɨ. 41Sare' dare'nesɨ. Pwai sarɨmɨnyɨna ‘Kɨraazɨtɨyarerɨ mɨjɨka'na aalya tɨka nya'ne' wɨjaavɨma!’ dozɨya'na nɨmɨnyɨna yɨhɨzaavajai. Yɨ sahwarɨna nebwi yɨhɨthɨwa. Gotɨyai gamɨnyɨne tɨvɨkɨta tewaanya mujaayɨ yadei mɨka! Arɨkewɨ.”
Kayaa'nanaangebwi a'mweraavɨ kayaaka yadevulyɨra.
(Matɨyui 18:6-9; Lukɨ 17:1-2)
42“Pwai kaimɨraaya damɨlɨ'bɨsamɨlɨ' nɨmɨnyɨ nyɨlɨmwaga'demɨlɨ' pwarebwi kujaawa' wala'mwaake' kayaa'nanaangesɨra. A'mwei sara yajarɨna Gotɨyarɨ sɨnna tɨka naanga wɨdavadelyɨra. Sɨnnawɨ sahwai pwarebwi mujaayadɨ'nyɨyagaa' a'mwe darɨ maapɨjɨ kwajɨ sɨla naange' gamɨre tɨlɨnnyavɨ tɨmupɨjɨ kwajɨ aalɨbunyavɨ wɨvaihɨna kyɨpɨke'na wabana yɨnɨkesɨra.” 43Jizaazai yawɨraka “Kayaa'nanya nyɨpɨdɨka! Dɨkevɨ nulaawɨpɨka!” daka ke'ba'na wɨdɨna “Nabaai gɨnnya asasɨ kayaa'nanyabwi yɨjɨ kwajɨ gɨnnya asavɨ woripu'na'gi ata gavesɨyaigɨ Gotɨyarebanna jɨlaawade'na tewaanyasɨra. 44Kayaa'nanyabwi yɨjɨ kwajɨ asawaalyɨyaigɨ yaayebanna gazagaasagaa' Dɨke' yɨda'nɨvanɨkevɨna dulaawade'na kayaa'nanaangesɨra. 45Nabaai gɨnnya sɨvɨlyasɨ kayaa'nanyabwi yɨjɨ kwajɨ woripu'na'gi sɨvɨla gavesɨyaigɨ Gotɨyarebanna dulaawade'na tewaanyasɨra. 46Kayaa'nanyabwi yɨjɨ kwajɨ sɨvɨlyawaalyɨyaigɨ Dɨkevɨna dulaawade'na kayaa'nanaangesɨra. 47Nabaai gɨnnya tɨnnyalyɨ kayaa'nanyabwi yɨjɨ kwajɨ gɨnnya tɨnnyai galajɨwa'mwanna'gɨzɨ tɨnna gavelyɨyaigɨ Gotɨyai maremwaaidevanna dulaawade'na tewaanyasɨra. Kayaa'nanyabwi yɨjɨ kwajɨ tɨnnyaraalyɨyaigɨ Dɨkevɨna dulaawade'na kayaa'nanaangesɨra. 48Dɨka savɨ yuyagaa' gumɨlɨka gɨlaayangɨ tɨka nadɨvɨsa mabalyɨ yɨpɨ'dengɨra. Dɨka myɨgaakuri yadesɨra.
49Sare' dare'nesɨ. A'mwera Gotɨyare yagaalya' wɨ'nadɨvɨsara tewaanna mwaaibɨ'dere. Kayaa'nanyabwi dɨke'bɨsabwi kyɨma'nojɨ Gotɨyare dɨragɨnyabwi kujaavojɨ dɨragɨnya tewaanna mwaaibɨ'dere. 50Saalya' nawɨ'nyasɨra. Sa'na saalya' gɨrɨngwɨta yɨma'nojɨ nawɨ'nya ayɨna gara yadevaka? Aawa. Nawɨ'nya mima'nyɨ yadesɨra. ‘Nemɨ saala gɨrɨngwɨsa'bɨsaina nyɨma'naadɨka!’ dapɨjɨ nayaa dɨmwaalyidera. Gazaizai gamɨnyɨ pwarɨna kwaamu'na mwaalana!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.