KECHENG 48
48
Ephraim Lapen Manasseh Aphan Jakob Ahirjume kepi
1Penang an aphi apo so-olo pu Joseph aphan thanlo. Lasi alangli asopo, Manasseh lapen Ephraim aphan cheponsi Jakob along damlo. 2Asopo Joseph ke Jakob aphan kelangjisi kevang-lo pu alangliphan kethan ahut, alangli ajakong chepatir si hongplang athak ingnilun lo. 3Joseph aphan Jakob pulo, “Kanaan adet Luz pu adim along Jakongkethe Arnam nephan nangcheklang-lo, lapen nephan pahirjumelo.#Kech 28.13-14 4Alangli nephan pulo, ‘Ne nangphan ongdung a-osomar nangpiji, anke nangso-nangsu atum ongdung akhei plangpo; laso alongle kaike aphan nangso-nangsu aphansi kepilo.’ ”
5Jakob ningjebomlo, “Ne ladak kevangve aphrang Ijip adet mahang nangkethekpi nangsomar banghini ke nelo; Ephraim lapen Manasseh latum ke nesopo Reuben lapen Simeon atum asonlo. 6Jongsi nang osomar dolang pulote, halahei ke nesomar pu ne lakhakhelo, latum kechepahemphuji ke Ephraim lapen Manasseh pensi vangpo. 7Nangpei Rachel aphansi ne la keklempilo. Kanaan adet bangpi thisi nening padukpik-lo, ne Mesopotamia pen kechevoi ahut, Ephrath pen helole. Ne bangpi aphan hadaksi Ephrath atovar akung pip-lo.” (Ephrath aphan non kechethan ke Bethlehem pu.)#Kech 35.16-19
8Joseph asopo atum aphan Jakob thek-longsi, alangli arjulo, “Lahei komat asomarlo?”
9Joseph thak-lo, “Latum ke nesomarlo, ladak Ijip adet Arnam nekepi asomarlo.”
Jakob pulo, “Latum aphan ne hirjume kepijile latum aphan nedung vannon.” 10Kesarlo apotsi Jakob amek chechar-cherimlo. Alanglilong Joseph asomar vanlo, lapen latum aphan alangli arbak-lo lapen ingjup-lo. 11Joseph aphan Jakob pulo, “Ne nangphan puthot nangkethek-longji aphan nening chethethepinlo, seta non Arnam nephan nangsomar anta nepathek-long-lo.” 12Anke latum aphan Jakob arideng pen Joseph endet-lo, lapen aphu longle papho si alangliphan ardomlo.
13Jakob ari arvi anat ke Ephraim aphan lapen ari ar-e anat ke Manasseh aphansi Joseph bilo. 14Bonta Jakob ari kebat pupu parpanpetsi ari ar-e Ephraim aphuthak, la akebi abang seta, ari arvi ke Manasseh, akleng abang aphuthak bat-lo. 15Anke alangli Joseph#Jakob ke Joseph aphan ahirjume kepi binong-lo aphan pahirjumelo:
“Nephusar Abraham lapen Isaak kangduk a-Arnamle
laso a-osomar atum aphan pahirjume nang!
Nephan pini anta nekeja a-Arnamle,
latum aphan pahirjume nang!
16Nephan kedo-an akephonangji pen nekepajok
apherangkele, latum aphan pahirjume nang!
Lahei a-osomar atum pen ajok nepo Abraham, lapen
Isaak amen padolongver nang!
Latum asomar pa-ongdung nang, aso-asu pado-onang!”
17Ephraim aphuthak apo ari ar-e kebat apot Joseph aning-oilo, lasi Ephraim pen Manasseh anat apo ari keterekjisi ari ot-lo. 18Alangli po aphan pulo, “Lason kali, po. Lahelo akleng-lo, la aphu athak-le nangri batnon.”
19Alangli po kroikredet-lo, pulo, “Ne chini lo, po, ne chinilo. Manasseh aso-asu ta thedung arat plangpo. Bonta la apar ta la amu abang themuchotpo, lapen la aso-asu thedung akhei plangpo.”
20Lasi halaso arni latum aphan alangli pahirjumelo, lapen pulo, “Israel aso atum ahirjume kepi ahut nangtum amen si enpo. Latum pupo, ‘Ephraim lapen Manasseh aphan ason Arnam nangtum aphan paplang-lonang.’ ” Lasonsi Manasseh aphrang Jakob ke Ephraim aphan bat-lo.#Ibr 11.21
21Anke Joseph aphan Jakob pulo, “Nang thek-long-lo, ne thi dapprangpo, bonta Arnam nanglong dopo lapen nangphusar atum adet nangpondet-po. 22Lake nangphan, bonta nang-ik atum aphan kali, nenokjir lapen nethai pen Amor atum arideng pen ne kelong a-Shekem, aho-or kedonei alongle, nangphan si ne nangpidet-lo.”
Currently Selected:
KECHENG 48: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
KECHENG 48
48
Ephraim Lapen Manasseh Aphan Jakob Ahirjume kepi
1Penang an aphi apo so-olo pu Joseph aphan thanlo. Lasi alangli asopo, Manasseh lapen Ephraim aphan cheponsi Jakob along damlo. 2Asopo Joseph ke Jakob aphan kelangjisi kevang-lo pu alangliphan kethan ahut, alangli ajakong chepatir si hongplang athak ingnilun lo. 3Joseph aphan Jakob pulo, “Kanaan adet Luz pu adim along Jakongkethe Arnam nephan nangcheklang-lo, lapen nephan pahirjumelo.#Kech 28.13-14 4Alangli nephan pulo, ‘Ne nangphan ongdung a-osomar nangpiji, anke nangso-nangsu atum ongdung akhei plangpo; laso alongle kaike aphan nangso-nangsu aphansi kepilo.’ ”
5Jakob ningjebomlo, “Ne ladak kevangve aphrang Ijip adet mahang nangkethekpi nangsomar banghini ke nelo; Ephraim lapen Manasseh latum ke nesopo Reuben lapen Simeon atum asonlo. 6Jongsi nang osomar dolang pulote, halahei ke nesomar pu ne lakhakhelo, latum kechepahemphuji ke Ephraim lapen Manasseh pensi vangpo. 7Nangpei Rachel aphansi ne la keklempilo. Kanaan adet bangpi thisi nening padukpik-lo, ne Mesopotamia pen kechevoi ahut, Ephrath pen helole. Ne bangpi aphan hadaksi Ephrath atovar akung pip-lo.” (Ephrath aphan non kechethan ke Bethlehem pu.)#Kech 35.16-19
8Joseph asopo atum aphan Jakob thek-longsi, alangli arjulo, “Lahei komat asomarlo?”
9Joseph thak-lo, “Latum ke nesomarlo, ladak Ijip adet Arnam nekepi asomarlo.”
Jakob pulo, “Latum aphan ne hirjume kepijile latum aphan nedung vannon.” 10Kesarlo apotsi Jakob amek chechar-cherimlo. Alanglilong Joseph asomar vanlo, lapen latum aphan alangli arbak-lo lapen ingjup-lo. 11Joseph aphan Jakob pulo, “Ne nangphan puthot nangkethek-longji aphan nening chethethepinlo, seta non Arnam nephan nangsomar anta nepathek-long-lo.” 12Anke latum aphan Jakob arideng pen Joseph endet-lo, lapen aphu longle papho si alangliphan ardomlo.
13Jakob ari arvi anat ke Ephraim aphan lapen ari ar-e anat ke Manasseh aphansi Joseph bilo. 14Bonta Jakob ari kebat pupu parpanpetsi ari ar-e Ephraim aphuthak, la akebi abang seta, ari arvi ke Manasseh, akleng abang aphuthak bat-lo. 15Anke alangli Joseph#Jakob ke Joseph aphan ahirjume kepi binong-lo aphan pahirjumelo:
“Nephusar Abraham lapen Isaak kangduk a-Arnamle
laso a-osomar atum aphan pahirjume nang!
Nephan pini anta nekeja a-Arnamle,
latum aphan pahirjume nang!
16Nephan kedo-an akephonangji pen nekepajok
apherangkele, latum aphan pahirjume nang!
Lahei a-osomar atum pen ajok nepo Abraham, lapen
Isaak amen padolongver nang!
Latum asomar pa-ongdung nang, aso-asu pado-onang!”
17Ephraim aphuthak apo ari ar-e kebat apot Joseph aning-oilo, lasi Ephraim pen Manasseh anat apo ari keterekjisi ari ot-lo. 18Alangli po aphan pulo, “Lason kali, po. Lahelo akleng-lo, la aphu athak-le nangri batnon.”
19Alangli po kroikredet-lo, pulo, “Ne chini lo, po, ne chinilo. Manasseh aso-asu ta thedung arat plangpo. Bonta la apar ta la amu abang themuchotpo, lapen la aso-asu thedung akhei plangpo.”
20Lasi halaso arni latum aphan alangli pahirjumelo, lapen pulo, “Israel aso atum ahirjume kepi ahut nangtum amen si enpo. Latum pupo, ‘Ephraim lapen Manasseh aphan ason Arnam nangtum aphan paplang-lonang.’ ” Lasonsi Manasseh aphrang Jakob ke Ephraim aphan bat-lo.#Ibr 11.21
21Anke Joseph aphan Jakob pulo, “Nang thek-long-lo, ne thi dapprangpo, bonta Arnam nanglong dopo lapen nangphusar atum adet nangpondet-po. 22Lake nangphan, bonta nang-ik atum aphan kali, nenokjir lapen nethai pen Amor atum arideng pen ne kelong a-Shekem, aho-or kedonei alongle, nangphan si ne nangpidet-lo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.