Limbum  - 2003 - BSC NT Drama

<div class="version vid1240 iso6393lmp" data-vid="1240" data-iso6393="lmp">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="p"> 1&#330;w&#603;&#780; &#331;g&#242;r m&#242;' &#224; m ba &#224; m&#649;&#768; J&#251;s, a too ye en&#603; N&#236;k&#242;d&#603;m&#242;s. E m ba m&#242;' efa m&#649;&#768; b&#232;e Far&#236;s&#238;. 2&#192; ka' ba n&#232;t&#649;' m&#242;', e du a y&#603; Jis&#242;s, a laa n&#232; ye en&#603;&#770;, &#8220;Rab&#224;i, w&#232;r r&#236;&#331; wern&#603; a w&#603;&#768; &#331;w&#603;&#768; ry&#603;'n&#236; ce Ny&#649;&#768; &#224; tuu, njob&#232;' Ny&#649;&#768; &#224; ka' t&#603; fa &#331;w&#603;&#768; &#331;ger ka', &#224;de' &#331;g&#224;&#331; du&#331;sh&#236; mnc&#242;o ce &#224; ce d&#249;&#331;shi na ka'.&#8221; 3Jis&#242;s &#224; laa n&#232; ye en&#603;&#770;, &#8220;M ce su&#331; w&#603;&#768; n&#232; mini-&#331;w&#603;&#768; en&#603; a ka' t&#603; bi &#331;w&#603;&#768; nf&#232;' baa ka', &#224;de' &#331;g&#224;&#331; y&#603; k&#649;&#649; Ny&#649;&#768; ka'.&#8221; 4N&#236;k&#242;d&#603;m&#242;s &#224; bipsh&#236; en&#603;&#770;, &#8220;&#330;w&#603;&#768; &#224; ka' ba nlee&#331;w&#603;&#768; w&#603;&#603;, &#224;de' a gee ek&#603; ka' ker bi ye? W&#224;' &#224;de' e ker k&#649;ti njep rb&#649;&#768; y&#236; m&#226;, a bi ye &#331;k&#224;r&#224;' baa a?&#8221; 5Jis&#242;s &#224; bees&#236; en&#603;&#770;, &#8220;M ce su&#331; w&#603;&#768; n&#232; mini-&#331;w&#603;&#768; en&#603; a ka' t&#603; bi &#331;w&#603;&#768; n&#232; mdip ker ba n&#232; y&#649;' ka', &#224;de' &#331;g&#224;&#331; ni&#331; mbe d&#464;' k&#649;&#649; Ny&#649;&#768; ka'. 6Yuu ce &#331;w&#603;&#768; &#224; bi, yu y&#464; &#331;w&#603;&#768;. Yuu ce y&#649;' yi bi, &#224; ba y&#464; y&#649;'. 7Fa b&#603;&#768;&#603;&#331;ger njob&#232;' m&#603;&#768; l&#224;a n&#232; w&#603;&#768; en&#603; a be k&#249; k&#232;r bi &#331;w&#603;&#768; nf&#232;' baa ka'. 8Fu' yi ke c&#224;a, kashi &#224;mb&#242; yi gw&#603;&#603;, &#224; yu' &#224;mb&#242; yi c&#242;o. W&#603;&#780; yu' wa', ri&#331; f&#224;d&#236;' yi l&#242; k&#603;&#768; f&#224;d&#236;' ce yi ce d&#249; ka'. Yi ku ba wa'a n&#232; &#331;w&#603;&#768; ce Y&#649;' yi bi ye.&#8221; 9N&#236;k&#242;d&#603;m&#242;s &#224; laa n&#232; ye en&#603;&#770;, &#8220;&#192;de' buu ca vi ba wa'a &#224; nj&#603;&#780;&#603; k&#603;?&#8221; 10Jis&#242;s &#224; laa n&#232; ye en&#603;&#770;, &#8220;W&#603;&#768; ce &#224; yu &#331;w&#603;&#768; ry&#603;'n&#464; &#224; to' Isr&#603;&#768;l, w&#603;&#768; r&#236;&#331; buu ca ka' a?&#8221;</div><div class="p"> 11&#8220;M ce su&#331; w&#603;&#768; n&#232; mini-&#331;w&#603;&#768; en&#603; w&#232;r ce l&#224;a ba buu ce w&#232;r r&#236;&#331;, a ce su&#331; w&#232;e ba buu ce w&#232;r &#224; y&#603; n&#232; mer mmir. W&#232;r &#224; ka' ce su&#331; w&#232;e buu ca, w&#232;e &#224; ke' byem&#236; ka'. 12M&#603;&#768; su&#331; w&#232;e &#224;mb&#242; buu enjep &#331;g&#242;&#331; na, w&#232;e &#224; byem&#236; ka', m ka' su&#331; w&#232;e &#224;mb&#242; buu embe b&#249;u, w&#232;e gee wee k&#603; ka' byemi? 13&#330;w&#603;&#768; m&#242;' yu &#224;gho ce e m be du mbe b&#249;u caa efa Muu &#330;w&#603;&#768; ce e m l&#242; embo a suu njep &#331;g&#242;&#331; na ka'. 14&#192;mb&#242; Mus&#236;s &#224; m n&#224;a nyo ce a m t&#242;o n&#232; bco' mbek&#236; &#224; nf&#232;' wow&#232;e a m ce j&#603;&#768;r &#224; r&#236;&#331; n&#224;, a mb&#242; a be k&#249; k&#232; n&#224;a Muu &#330;w&#603;&#768; wa'a, 15t&#603; &#331;w&#603;&#768; ce e ka' byemi n&#232; ye, e bo koni ry&#242;&#331; ce nfes&#232;. 16Ny&#649;&#768; &#224; m k&#242;&#331; b&#232;e enjep &#331;g&#242;&#331; mag&#242;r s&#234;, a tuu Muu y&#236; ce e ku ba m&#242;'sir en&#603; &#331;w&#603;&#768; ce e ka' byemi n&#232; ye, e bo kwe ka', koni ry&#242;&#331; ce nfes&#232;. 17Ny&#649;&#768; &#224; m tuu Muu y&#236; njep &#331;g&#242;&#331; en&#603; e v&#649; sa' b&#232;e enjep &#331;g&#242;&#331; ka', e m tuu Muu yi en&#603; wow&#232;e a bo l&#249;&#331; njo' ye. 18Ban&#603; &#331;w&#603;&#768; ce e ka' byemi n&#232; ye, e l&#249;&#331; efa mnsa'. &#330;w&#603;&#768; ce e ka' t&#603; byemi n&#232; ye ka', ban&#603; &#331;g&#224;&#331; &#224; gw&#232; mnsa' njob&#232;' e kani efa rbyemi n&#232; Muu y&#236; ce e ku ba m&#242;'sir. 19A mb&#242; mnsa' an&#224; vi yu &#224; nj&#603;&#768;&#603; en&#603;&#770;: Rraa li v&#649;&#768; njep &#331;g&#242;&#331;, b&#232;e a ko&#331; ba t&#649;&#768;'nji a caa rraa njob&#232;' wow&#232;e a ce g&#232;e buu bbebep. 20&#330;w&#603;&#768; ce e ka' ce g&#232;e buu bbebep ban&#603; &#331;g&#224;&#331; k&#242;&#331; rraa ka', a ko&#331; &#224; rb&#224;' f&#224;d&#236;' rraa li yu ka', t&#603; y&#236; buu bbebep bo y&#603;&#603;ti &#224;wa&#331; ka'. 21&#330;w&#603;&#768; ce e ce g&#232;e yuu mini, e ke v&#649;&#768; f&#224;d&#236;' rraa li yu t&#603; b&#232;e a bo y&#603; rara en&#603; e ce g&#232;e ba yuu ce Ny&#649;&#768; k&#242;&#331;.&#8221;</div><div class="p"> 22Buu ca &#224; ka' m&#236; w&#603;&#603;, Jis&#242;s ba &#331;g&#462;a y&#603;'n&#236; y&#236; buu a nat&#236; a du &#224; &#331;g&#466;&#331; J&#249;diy&#224;, e cu a wow&#232;e &#224;fo, a baptir b&#232;e. 23&#192; m ba &#224; nf&#232;' an&#224;, J&#466;n &#224; m ce b&#224;ptir b&#232;e &#224; rla' &#400;n&#242;n &#224;gee rla' Sal&#236;m. Mdip mi m ba &#224;fo s&#234;. B&#232;e a m ce v&#649;&#768;, e ce b&#224;ptir wow&#232;e. 24&#192; m ba &#224; nf&#232;' an&#224; a be n&#232; fa J&#466;n &#224; sha&#331; ka'.</div><div class="p"> 25&#330;g&#462;a y&#603;'n&#236; buu J&#466;n mo' a m k&#603;&#768;' a ce s&#603;r mns&#603;r a &#331;w&#603;&#768; m&#242;' efa m&#649;&#768; Jus &#224;mb&#242; &#224;de' &#331;w&#603;&#768; su's&#236; nyor ba nrara &#224; bsii Ny&#649;&#768;. 26Wow&#232;e a du a y&#603; J&#466;n a laa n&#232; ye en&#603;&#770;, &#8220;Rab&#224;i, &#331;w&#603;&#768; ce w&#232;e ye &#224; m ba n&#232;&#331;guu rdip Jod&#224;n, w&#603;&#768; su&#331; b&#232;e &#224;mb&#242; ye n&#224;, &#331;w&#603;&#768; an&#224; ce b&#224;ptir b&#232;e, b&#232;e w&#603;&#603;w&#603; a ce d&#249; y&#283; mb&#249;u.&#8221; 27J&#466;n &#224; bees&#236; a laa en&#603;&#770;, &#8220;&#192;t&#224; &#331;w&#603;&#768; t&#649;r yuu mo' caa efa y&#236; ce Ny&#649;&#768; &#224; fa n&#232; ye ka'. 28Wee w&#232;e fo&#331; &#224; m yu' &#224;mb&#242; m&#603;&#768; m l&#224;a en&#603; a m&#603;&#768; Kr&#462;is n&#224; ka'. M yu ya ba &#331;w&#603;&#768; ce a tuu en&#603; e du entomb&#236; n&#232; ye. 29&#330;w&#603;&#768; ce e ke t&#649;r &#331;gwag&#249;u yu ba nduu. &#330;kar nduu ka' t&#603;&#603; ce yu' &#224;mb&#242; nduu an&#224; ce l&#224;a, ban&#603; e be lu'shi mag&#242;r s&#234;. A mb&#242; yi ku ba n&#232; m&#603;&#768; wa'a. M ce lu'shi se njob&#232;' m yu &#331;kar nduu an&#224;. 30Yi nta' yi be k&#249; ce d&#249; entomb&#236;, t&#603; ya yi ce k&#649;ti nj&#236;nj&#236;.</div><div class="p"> 31&#8220;&#330;w&#603;&#768; ce e s&#249;u embe b&#249;u a &#331;w&#603;&#768; ce e yu mbend&#249; buu w&#603;&#603;w&#603;. &#330;w&#603;&#768; enjep &#331;g&#242;&#331; ku ba &#331;w&#603;&#768; enjep &#331;g&#242;&#331;, a ce l&#224;a yi ba &#224;mb&#242; buu enjep &#331;g&#242;&#331;. &#330;w&#603;&#768; ce e s&#249;u yi ba embe b&#249;u n&#224; yu mbend&#249; buu w&#603;&#603;w&#603; ce Ny&#649;&#768; &#224; m g&#232;e. 32E ce l&#224;a ba buu ce e m y&#603; n&#232; mi mmir, a yu' n&#232; vi bt&#249;'. Geewa'a b&#232;e a byemi yuu ce e ce l&#224;a ka'. 33&#330;w&#603;&#768; ce e ka' byemi yuu ce e l&#224;a, ban&#603; &#331;g&#224;&#331; ce d&#249;&#331;shi en&#603; yuu Ny&#649;&#768; &#224; l&#224;a yi yu mini. 34&#330;w&#603;&#768; ce Ny&#649;&#768; &#224; tuu ce su&#331; b&#232;e bl&#462;a Ny&#649;&#768;, njob&#232;' Ny&#649;&#768; &#224; l&#242;r yi Y&#649;' a fa n&#232; ye a b&#603;r yuu mo' ka'. 35T&#224;r k&#242;&#331; Muu y&#236;, a fa buu w&#603;&#603;w&#603; mba y&#283; mmb&#242;. 36&#330;w&#603;&#768; ce e ka' byemi n&#232; Muu ban&#603; &#331;g&#224;&#331; be koni ry&#242;&#331;. &#330;w&#603;&#768; ce e ka' kani efa rbyemi n&#232; Muu y&#236; ban&#603; &#331;g&#224;&#331; be koni ry&#242;&#331; ka'. Ny&#649;&#768; be c&#603;pshi nt&#232;e n&#232; &#331;w&#603;&#768; an&#224; nfes&#232;.&#8221;</div>
 </div>
 </div>
</div>

Limbum New Testament © Bible Society of Cameroon, 2003.

Ŋwɛ̌ ŋgòr mò' à m ba à mʉ̀ Jûs, a too ye enɛ Nìkòdɛmòs. E m ba mò' efa mʉ̀ bèe Farìsî. À ka' ba nètʉ' mò', e du a yɛ Jisòs, a laa nè ye enɛ̂, “Rabài, wèr rìŋ wernɛ a wɛ̀ ŋwɛ̀ ryɛ'nì ce Nyʉ̀ à tuu, njobè' Nyʉ̀ à ka' tɛ fa ŋwɛ̀ ŋger ka', àde' ŋgàŋ duŋshì mncòo ce à ce dùŋshi na ka'.” Jisòs à laa nè ye enɛ̂, “M ce suŋ wɛ̀ nè mini-ŋwɛ̀ enɛ a ka' tɛ bi ŋwɛ̀ nfè' baa ka', àde' ŋgàŋ yɛ kʉʉ Nyʉ̀ ka'.” Nìkòdɛmòs à bipshì enɛ̂, “Ŋwɛ̀ à ka' ba nleeŋwɛ̀ wɛɛ, àde' a gee ekɛ ka' ker bi ye? Wà' àde' e ker kʉti njep rbʉ̀ yì mâ, a bi ye ŋkàrà' baa a?” Jisòs à beesì enɛ̂, “M ce suŋ wɛ̀ nè mini-ŋwɛ̀ enɛ a ka' tɛ bi ŋwɛ̀ nè mdip ker ba nè yʉ' ka', àde' ŋgàŋ niŋ mbe dǐ' kʉʉ Nyʉ̀ ka'. Yuu ce ŋwɛ̀ à bi, yu yǐ ŋwɛ̀. Yuu ce yʉ' yi bi, à ba yǐ yʉ'. Fa bɛ̀ɛŋger njobè' mɛ̀ làa nè wɛ̀ enɛ a be kù kèr bi ŋwɛ̀ nfè' baa ka'. Fu' yi ke càa, kashi àmbò yi gwɛɛ, à yu' àmbò yi còo. Wɛ̌ yu' wa', riŋ fàdì' yi lò kɛ̀ fàdì' ce yi ce dù ka'. Yi ku ba wa'a nè ŋwɛ̀ ce Yʉ' yi bi ye.” Nìkòdɛmòs à laa nè ye enɛ̂, “Àde' buu ca vi ba wa'a à njɛ̌ɛ kɛ?” Jisòs à laa nè ye enɛ̂, “Wɛ̀ ce à yu ŋwɛ̀ ryɛ'nǐ à to' Isrɛ̀l, wɛ̀ rìŋ buu ca ka' a?”
“M ce suŋ wɛ̀ nè mini-ŋwɛ̀ enɛ wèr ce làa ba buu ce wèr rìŋ, a ce suŋ wèe ba buu ce wèr à yɛ nè mer mmir. Wèr à ka' ce suŋ wèe buu ca, wèe à ke' byemì ka'. Mɛ̀ suŋ wèe àmbò buu enjep ŋgòŋ na, wèe à byemì ka', m ka' suŋ wèe àmbò buu embe bùu, wèe gee wee kɛ ka' byemi? Ŋwɛ̀ mò' yu àgho ce e m be du mbe bùu caa efa Muu Ŋwɛ̀ ce e m lò embo a suu njep ŋgòŋ na ka'. Àmbò Musìs à m nàa nyo ce a m tòo nè bco' mbekì à nfè' wowèe a m ce jɛ̀r à rìŋ nà, a mbò a be kù kè nàa Muu Ŋwɛ̀ wa'a, tɛ ŋwɛ̀ ce e ka' byemi nè ye, e bo koni ryòŋ ce nfesè. Nyʉ̀ à m kòŋ bèe enjep ŋgòŋ magòr sê, a tuu Muu yì ce e ku ba mò'sir enɛ ŋwɛ̀ ce e ka' byemi nè ye, e bo kwe ka', koni ryòŋ ce nfesè. Nyʉ̀ à m tuu Muu yì njep ŋgòŋ enɛ e vʉ sa' bèe enjep ŋgòŋ ka', e m tuu Muu yi enɛ wowèe a bo lùŋ njo' ye. Banɛ ŋwɛ̀ ce e ka' byemi nè ye, e lùŋ efa mnsa'. Ŋwɛ̀ ce e ka' tɛ byemi nè ye ka', banɛ ŋgàŋ à gwè mnsa' njobè' e kani efa rbyemi nè Muu yì ce e ku ba mò'sir. A mbò mnsa' anà vi yu à njɛ̀ɛ enɛ̂: Rraa li vʉ̀ njep ŋgòŋ, bèe a koŋ ba tʉ̀'nji a caa rraa njobè' wowèe a ce gèe buu bbebep. Ŋwɛ̀ ce e ka' ce gèe buu bbebep banɛ ŋgàŋ kòŋ rraa ka', a koŋ à rbà' fàdì' rraa li yu ka', tɛ yì buu bbebep bo yɛɛti àwaŋ ka'. Ŋwɛ̀ ce e ce gèe yuu mini, e ke vʉ̀ fàdì' rraa li yu tɛ bèe a bo yɛ rara enɛ e ce gèe ba yuu ce Nyʉ̀ kòŋ.”
Buu ca à ka' mì wɛɛ, Jisòs ba ŋgǎa yɛ'nì yì buu a natì a du à ŋgǒŋ Jùdiyà, e cu a wowèe àfo, a baptir bèe. À m ba à nfè' anà, Jǒn à m ce bàptir bèe à rla' Ɛnòn àgee rla' Salìm. Mdip mi m ba àfo sê. Bèe a m ce vʉ̀, e ce bàptir wowèe. À m ba à nfè' anà a be nè fa Jǒn à shaŋ ka'.
Ŋgǎa yɛ'nì buu Jǒn mo' a m kɛ̀' a ce sɛr mnsɛr a ŋwɛ̀ mò' efa mʉ̀ Jus àmbò àde' ŋwɛ̀ su'sì nyor ba nrara à bsii Nyʉ̀. Wowèe a du a yɛ Jǒn a laa nè ye enɛ̂, “Rabài, ŋwɛ̀ ce wèe ye à m ba nèŋguu rdip Jodàn, wɛ̀ suŋ bèe àmbò ye nà, ŋwɛ̀ anà ce bàptir bèe, bèe wɛɛwɛ a ce dù yě mbùu.” Jǒn à beesì a laa enɛ̂, “Àtà ŋwɛ̀ tʉr yuu mo' caa efa yì ce Nyʉ̀ à fa nè ye ka'. Wee wèe foŋ à m yu' àmbò mɛ̀ m làa enɛ a mɛ̀ Krǎis nà ka'. M yu ya ba ŋwɛ̀ ce a tuu enɛ e du entombì nè ye. Ŋwɛ̀ ce e ke tʉr ŋgwagùu yu ba nduu. Ŋkar nduu ka' tɛɛ ce yu' àmbò nduu anà ce làa, banɛ e be lu'shi magòr sê. A mbò yi ku ba nè mɛ̀ wa'a. M ce lu'shi se njobè' m yu ŋkar nduu anà. Yi nta' yi be kù ce dù entombì, tɛ ya yi ce kʉti njìnjì.
“Ŋwɛ̀ ce e sùu embe bùu a ŋwɛ̀ ce e yu mbendù buu wɛɛwɛ. Ŋwɛ̀ enjep ŋgòŋ ku ba ŋwɛ̀ enjep ŋgòŋ, a ce làa yi ba àmbò buu enjep ŋgòŋ. Ŋwɛ̀ ce e sùu yi ba embe bùu nà yu mbendù buu wɛɛwɛ ce Nyʉ̀ à m gèe. E ce làa ba buu ce e m yɛ nè mi mmir, a yu' nè vi btù'. Geewa'a bèe a byemi yuu ce e ce làa ka'. Ŋwɛ̀ ce e ka' byemi yuu ce e làa, banɛ ŋgàŋ ce dùŋshi enɛ yuu Nyʉ̀ à làa yi yu mini. Ŋwɛ̀ ce Nyʉ̀ à tuu ce suŋ bèe blǎa Nyʉ̀, njobè' Nyʉ̀ à lòr yi Yʉ' a fa nè ye a bɛr yuu mo' ka'. Tàr kòŋ Muu yì, a fa buu wɛɛwɛ mba yě mmbò. Ŋwɛ̀ ce e ka' byemi nè Muu banɛ ŋgàŋ be koni ryòŋ. Ŋwɛ̀ ce e ka' kani efa rbyemi nè Muu yì banɛ ŋgàŋ be koni ryòŋ ka'. Nyʉ̀ be cɛpshi ntèe nè ŋwɛ̀ anà nfesè.”

Escolta Ñwaè' Joân 3