If you have would like a copy of this version please contact info@davaraudiobibles.org

Deg Bible © 2017, Ghana Institute of Linguistics, Literacy and Bible Translation (GILLBT). In cooperation with Wycliffe Bible Translators, Inc. (Text) Deg Old Testament Audio Bible ℗ 2024, Davar Partners International. (Audio)

Deg Old Testament

N Naa Korowii!
N Naa Korowii!
Ɛrɛɛ he chwa mɛ nɔɔ?
N do lɔŋɔ sum ne ŋɔ
hé cha mɛ,
kɛ maa wobɛlbwa na.
N Naa Korowii,
n wio dɛɛ noe chɔɔ
haa men chaŋe,
dɛ wi dɛɛ noe jwaana,
kɛ n bwara aa men sɔɔh.

N jemɔ kɛ he ɛ Korowii
Waa Do Goroŋ
dɛɛ di kora,
henee Israel tena ɛɛ kpɛɛ.
He nɛɛ ya naawa hwɛɡɛ,
ba kpɔ ba te dawɛ he nɛ,
asɛ he lɛɛ ba.
Ba wio noe,
asɛ he lɛɛ ba le siswɛm ta,
ba kpɔ ba te dawɛ he nɛ,
he ta ɡelɛ a ɛ pɛɛ.

N ta nɛn ɛɛ kpa,
n do kɛ sɔɡlɔ,
nɛra baa hah mɛ,
dɛɛ nyiŋi n nyubaah.
Nɛra na mɛ naa,
ba dɛ chɛɡ mɛ,
dɛ di n loro
dɛɛ viiɡi ba nyuune.
Ba ŋɔ, “He kpɔ he te
dawɛ Korowii nɛ,
ɛrɛɛ waa wola hen lɛɛ yɔ?
Dɛ Korowii dɛ nyini naa,
ɛrɛɛ waa wola hen chae
yɔ?”

Hen Korowiirii ɡela
ba lol mɛ,
n taa ɛ bechasɔɔhna
dɛɛ ɔr la,
he nyiŋi n nɛ,
dɛ tɛ mɛ bosɔɔhna.
Awola baa lol mɛ bwaa
n le kpɔ n te dawɛ he nɛ,
he ɛ Korowii
maa dɛ tomɛ saŋ bɛlbwa.
Bɛ ɡel n ne he baah do jaŋne!
Waa puu mɛ tonɛ,
nomɛlbwa toole dɛ́ cha mɛ.

Dɔma warɔ
dɛ bar mɛ cheme,
kɛŋɔ Basan harɛ nabala
a bwara aa kpeɡa ken.
Ba hah nyoo
kɛŋɔ nyujentena,
dɛɛ kɔɡre, dɛ́ toɡri n ola.
N bokpeɡa tonɔ kɛŋɔ,
baa fuɡe nee ta
harɛ ken,
asɛ n hoɡa bwa soɡre,
n bambile chɔɡ,
n ta hwɛɡa bɛlbwa dɔe
kpa.
N ta bokpeɡa dɔe
kɛŋɔ kaŋli ken,
n nyondoŋe marɛ n nyoa,
hé ɡel mɛ ń sewɛ
ka chɔ lalabwɛ.
N dɔma bar mɛ cheme,
kɛŋɔ nyootena aa wara
dɛ tɔ mɛ do baah ta,
dɛɛ toɡri n nɔɔra
ne nakpale.
N ka hoɡa ɡbo,
n dɔma nyiŋ mɛ
dɛɛ mamɛ.
Ba ta chacha n laala wa,
dɛ bɔna kpɔ.

N Naa Korowii, bɛ ɡel
n ne he baah do jaŋne!
Henee n kpeɡri,
ba warane dɛ́ ba lɛɛ mɛ.
Lɛɛ mɛ le tokobi seo nyoa.
Lɛɛ mɛ le n dɔma
baa do kɛŋɔ
nyootena nɔ nɔn ta.
Lɛɛ mɛ n dɔma baa do kɛ
nyujentena nɔ nɔn ta,
lɛɛ mɛ le n dɔma
baa do kɛ,
nabala nyeɡlare nɔ nyoa.

Mɛɛ bol he waa haa ɛa n nɛra
bee,
mɛɛ kpɛɛree ba chema
binii.
“He banɔ haa dɛ ɔmɛ
Korowii la, hé kpɛɛro!
Jekɔb naanar,
hé kpɔ duure tɛo!
Israel tena, hé tomɔ!
Korowii aa nyaara vɛh
ba wenaale ta,
waa habɔɔ berɛ dɛɛ kpo ba,
ba wio noo waa,
o dɛ cha ba.”

Mɛɛ kpɛɛre nɛnlaa tenten
baahnee,
nɛra baa dɛ tomɛ siee
mɛɛ ba kwaa kpoora
ɛ saraha tɛɛ,
ɡɛ maa baɡɛ nyoa la.
Nyaara ɛɛ di kwaa vaɡɛ
ɡɛ baa dɛ nyin,
nɛra baa dɛ tomɛ Korowii
ɛɛ kpɛɛroo.
Kórowii ɡel bá dɔ silɛɛ
saŋ bɛlbwa dɛɛ la!
Harɛre nɛra bwa ɛɛ lii
Korowii waa dɛ́ kpɛɛro,
baa le harɛ jaɡa bwaa,
dɛ́ ba o be,
harɛre nɛra bwa
ba ɡuŋi o sie.
N Naa Korowii ɛ kooro,
dɛɛ di kora harɛre
nɛra bwa nɛ.

Nɛra baa dɛ ɛ mbarafo
bwa ɛɛ ba tomɔɔ,
nɛwɛnyina bwa ɛɛ ba
ɡuŋuu.
Naanar baa ka ba bwa
ɛɛ tomɛ Korowii,
dɛ́ bol o waa baɡle
ba biirere ne ba naanar.
Bii baa wola ban lolɛ mɔɔ
kwaraa ɛɛ ba noo kɛŋɔ,
“Korowii lɛ o nɛra.”

Escolta Yela 22