Quechua, South Bolivian - 1993 Edition (Drama NT)

<div class="version vid2249 iso6393quh" data-vid="2249" data-iso6393="quh">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s">Yachachisqas trigo umasta pallanku</div><div class="r">(Mt 12.1-8; Mr 2.23-28)</div><div class="p"> 1Uj samakuna diapi, Jes&#250;s trigo chajraj chaupinta rishajtin, yachachisqasnin trigo umasta p'itispa, makisninkuwan khakuspataj mikhorqanku. 2Fariseostaj paykunata taporqanku: Imaraykutaj mana ruwanasta samakuna diapi ruwankichej?</div><div class="p"> 3Jesustaj kuticherqa: Manachu leerqankichej imaynatachus David, chanta paywan kajkunapis, yarqhachikuspa ruwasqankuta? 4Davidqa Diospa wasinman yaykuspa, ofrenda t'antata oqharispa mikhorqa, paywan kajkunamampis jaywarqa, yachashaspa sacerdotesllapaj kasqanta.</div><div class="p"> 5Nillarqataj: Runaj Churenqa samakuna p'unchaypata Se&#241;ornin.</div><div class="s">Makin ch'akisqa runa</div><div class="r">(Mt 12.9-14; Mr 3.1-6)</div><div class="p"> 6Waj samakuna p'unchaypi, sinagogaman yaykuspa Jes&#250;s yachachisharqa. chaypitaj kasharqa uj runa pa&#241;a makin ch'akisqa. 7Leymanta yachachejkunawan fariseoswantaj wateqasharqanku Jesusta, samakuna p'unchaypi tha&#241;ichejtin ch'ataykunankupaj. 8Jesustaj imatachus yuyasqankuta yachaspa, nerqa makin ch'akisqa runaman: Jatariy, sayaytaj chaupipi.</div><div class="p">Runataj sayaykorqa &#241;aupaqenkupi. 9Jesustaj nerqa: Ujta tapurisqaykichej: Samakuna p'unchaypeqa, allin kajtachu ruwana, chayr&#237; sajratachu? Mayqentaj aswan walejri; runataqa wa&#241;uymanta salvanachu, chayr&#237; wa&#241;ojta saqenallachu?</div><div class="p"> 10Muyuyninta qhawarispataj nerqa runaman: Jaywariy makiykita. Paytaj ajinata ruwarqa, makintaj tha&#241;ikaporqa. 11Phi&#241;akuspataj paykunapura parlaykorqanku, imatachus Jesusta ruwanankuta.</div><div class="s">Jes&#250;s ajllan apostolesninta</div><div class="r">(Mt 10.1-4; Mr 3.13-19)</div><div class="p"> 12Chaypachataj Jesusqa rerqa uj orqoman, Diosmanta ma&#241;akoj; jinapitaj tutantinta ma&#241;akuspa kakorqa. 13Sut'iyamojtintaj wajyarqa yachachisqasninta, paykunamantataj ajllarqa chunka iskayniyojta, suticharqataj apostolesta. 14Paykunataj karqanku: Sim&#243;n, pitachus Pedrota suticharqa; Andr&#233;s, Simompa wauqenwan; Santiago, Juanwan; Felipe, Bartolomewan; 15Mateo, Tomaswan; Santiago, Alfeoj churin; Sim&#243;n, Zelote nisqawan; 16Judas, Santiagoj wauqen; Judas Iscariote, pichus Jesusta jap'icherqa.</div><div class="s">Jes&#250;s ashkha runaman yachachin</div><div class="r">(Mt 4.23-25)</div><div class="p"> 17Jesusqa paykunawan orqomanta uraykamuspa qhepakorqa uj pampapi. Chaypi payta suyasharqanku ashkha yachachisqasnin; ashkha runastaj tukuy Judeamanta, Jerusal&#233;n llajtamanta, qocha cantopi Tiro Sid&#243;n llajtasmanta ima. 18Paykunaqa jamusqanku Jesusta uyarinankupaj, onqoyninkumantapis tha&#241;inankupaj. Sajra espirituswan &#241;ak'arejkunapis tha&#241;illarqankutaj. 19Tukuyninkutaj payta llankhariyta munarqanku, imaraykuchus paymanta llojsimoj ateyqa tukuyta tha&#241;ichej.</div><div class="s">Kusikuy phutikuywan</div><div class="r">(Mt 5.1-12)</div><div class="p"> 20Chant&#225; Jes&#250;s yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.</div><div class="p"> 21Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.</div><div class="p"> 22Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku. 23Kusikunkichej chaypacha, jatun kusiywan, imaraykuchus t'inkaykichejqa jatun kanqa janaj pachapi. Jinallatataj &#241;aupa runas &#241;ak'arichej kanku profetasta.</div><div class="p"> 24Chayrayku: Ay, qankunamanta qhapajkuna!, imaraykuchus sonqochasqas&#241;a kankichej.</div><div class="p"> 25Ay, qankunamanta sajsasqas!, imaraykuchus yarqhachikunkichej.</div><div class="p">Ay, qankunamanta asikojkuna!, imaraykuchus llakikunkichej, waqankichejtaj.</div><div class="p"> 26Ay, tukuy runas qankunamanta allinta parlajtinku! Jinallatataj &#241;aupa runas ruwaj kanku llulla profetaswan.</div><div class="s">Enemigosta munakunamanta</div><div class="r">(Mt 5.38-48; 7.12)</div><div class="p"> 27Qankuna uyariwajkunamanqa niykichej: Munakuychej enemigosniykichejta, allinta ruwaychej chejnisojkunapaj. 28Allinta parlaychej qankunata maldicejkunapaj; Diosmantataj ma&#241;apuychej qhasimanta tumpasojkunapaj. 29Pipis ujnin kaj uyaykipi laq'asojtenqa, ujnin kajtawan kutirichiy; pipis p'achaykita qhechusojtenqa, ukhun p'achaykitawan qopuy. 30Ma&#241;akusojmanqa qoy; qampata kajta apakapojmantapis ama ma&#241;akapuy&#241;achu. 31Imaynatachus munankichej runas qankunapaj ruwanankuta, ajinallatataj qankunapis paykunapaj ruwaychej.</div><div class="p"> 32Sichus munakunkichej qankunata munakojkunallata chayqa, ima allinta ruwankichejri? Chaytaqa juchasapaspis ruwallankutaj. 33Allinta ruwajkunallapaj allinta ruwajtiykichejqa, ima allintaj ruwasqaykichejri? 34Kutichipusunaykichejta suyaspallachus ma&#241;arinkichej chayqa, ima allintataj ruwankichejri? Juchasapaspis ma&#241;arinakullankutaj, imaraykuchus purajmanta suyanakunku imallatapis jap'iyta munaspa. 35Enemigosniykichejta munakuychej ari allinta ruwaspa; ma&#241;aychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima. 36Qankunapis khuyakojkuna kaychej ari, imaynatachus Tataykichejpis khuyakoj, ajinata.</div><div class="s">Mana wajkunata juchachanamanta</div><div class="r">(Mt 7.1-5)</div><div class="p"> 37Ama pitapis tumpaychejchu mana tumpasqas kanaykichejpaj; nitaj juchachaychejchu ama juchachasqa kanaykichejpaj; perdonaychej perdonasqa kanaykichejpaj. 38Qoriychej wajkunaman, qankunamampis qorillasonqachejtaj, jap'inkichejtaj wayaqaykichej phullchirishajta, mat'i winasqata thalaykapusonqachej tuputaqa. Ima chimpuwanch&#225; tupunkichej, chayllawantaj qankunatapis tupusonqachej.</div><div class="p"> 39Nillarqataj uj rijch'anachinata: Atinmanchu uj ciegoqa waj ciegota pusaykachayta? Manachu iskayninku t'oqoman urmaykonqanku? 40Yachakojqa mana yachachejninta atipanchu; chaywampis sumajta yachakuspaqa yachachejnin jina kanqa.</div><div class="p"> 41Imaraykutaj wauqeykej &#241;awimpi q'opitata qhawanki, qampa &#241;awiykipitaj kurkuta mana rikukunkichu? 42Imaynatataj wauqeykita niwaj: Wauq&#233;y, saqeway &#241;awiykimanta chay q'opitata orqhojta, qampa &#241;awiykipitaj kurkuta mana rikukuspari? Puraj uya! &#209;awiykimantaraj &#241;aupajta kurkuta orqhokuy, chant&#225; allinta qhawarispa orqhonki wauqeykej &#241;awinmanta q'opitata.</div><div class="s">Sach'aqa poqoynimpi rejsikun</div><div class="r">(Mt 7.17-20; 12.34-35)</div><div class="p"> 43Mana kanchu sumaj sach'a, mana walejta poqoj; nitaj kanchu mana walej sach'a, sumajta poqoj. 44Sapa sach'aqa poqoynimpi rejsikun. Higostaqa mana khishkasmantachu pallanku, nillataj uvastapis thaqosmantachu. 45Sumaj runaqa, llimphu sonqonmanta allinta parlan; sajra runatajr&#237;, sajra sonqonmanta sajrallatataj parlan. Imawanchus sonqon junt'a kasqanman jina simenqa parlan.</div><div class="s">Iskay laya wasis</div><div class="r">(Mt 7.24-27)</div><div class="p"> 46Imaraykutaj Se&#241;or, Se&#241;or, nillawankichej, manataj nisqayta ruwankichejchu? 47Pichus noqaman jamun, palabrasniytataj uyarin, ruwantaj, chayta nisqaykichej pimanchus rijch'akusqanta. 48Chay runaqa rijch'akun wasita ruwakojman; pichus &#241;aupajta sumaj ukhuta allan chhankata taripanankama, chaypitaj rumi cimientota churan. Yaku chayamojtintaj, mayoqa manchayta junt'aykuspa wasiman wajtakamorqa, manataj waseqa imanakorqachu, imaraykuchus chhanka patapi ruwasqa karqa. 49Pitajchus nisqayta uyarishaspa mana ruwanchu chayqa, rijch'akun t'iyu patapi wasita ruwakojman; mayutaj chayamuspa wasiman wajtakamorqa, urmacherqataj. Chay thu&#241;ikuynenqa manchay karqa.</div>
 </div>
 </div>
</div>

Qheshwa Biblia DC © Sociedades Bíblicas Unidas, 1986.

Uj samakuna diapi, Jesús trigo chajraj chaupinta rishajtin, yachachisqasnin trigo umasta p'itispa, makisninkuwan khakuspataj mikhorqanku. Fariseostaj paykunata taporqanku: Imaraykutaj mana ruwanasta samakuna diapi ruwankichej?
Jesustaj kuticherqa: Manachu leerqankichej imaynatachus David, chanta paywan kajkunapis, yarqhachikuspa ruwasqankuta? Davidqa Diospa wasinman yaykuspa, ofrenda t'antata oqharispa mikhorqa, paywan kajkunamampis jaywarqa, yachashaspa sacerdotesllapaj kasqanta.
Nillarqataj: Runaj Churenqa samakuna p'unchaypata Señornin.


Waj samakuna p'unchaypi, sinagogaman yaykuspa Jesús yachachisharqa. chaypitaj kasharqa uj runa paña makin ch'akisqa. Leymanta yachachejkunawan fariseoswantaj wateqasharqanku Jesusta, samakuna p'unchaypi thañichejtin ch'ataykunankupaj. Jesustaj imatachus yuyasqankuta yachaspa, nerqa makin ch'akisqa runaman: Jatariy, sayaytaj chaupipi.
Runataj sayaykorqa ñaupaqenkupi. Jesustaj nerqa: Ujta tapurisqaykichej: Samakuna p'unchaypeqa, allin kajtachu ruwana, chayrí sajratachu? Mayqentaj aswan walejri; runataqa wañuymanta salvanachu, chayrí wañojta saqenallachu?
Muyuyninta qhawarispataj nerqa runaman: Jaywariy makiykita. Paytaj ajinata ruwarqa, makintaj thañikaporqa. Phiñakuspataj paykunapura parlaykorqanku, imatachus Jesusta ruwanankuta.


Chaypachataj Jesusqa rerqa uj orqoman, Diosmanta mañakoj; jinapitaj tutantinta mañakuspa kakorqa. Sut'iyamojtintaj wajyarqa yachachisqasninta, paykunamantataj ajllarqa chunka iskayniyojta, suticharqataj apostolesta. Paykunataj karqanku: Simón, pitachus Pedrota suticharqa; Andrés, Simompa wauqenwan; Santiago, Juanwan; Felipe, Bartolomewan; Mateo, Tomaswan; Santiago, Alfeoj churin; Simón, Zelote nisqawan; Judas, Santiagoj wauqen; Judas Iscariote, pichus Jesusta jap'icherqa.


Jesusqa paykunawan orqomanta uraykamuspa qhepakorqa uj pampapi. Chaypi payta suyasharqanku ashkha yachachisqasnin; ashkha runastaj tukuy Judeamanta, Jerusalén llajtamanta, qocha cantopi Tiro Sidón llajtasmanta ima. Paykunaqa jamusqanku Jesusta uyarinankupaj, onqoyninkumantapis thañinankupaj. Sajra espirituswan ñak'arejkunapis thañillarqankutaj. Tukuyninkutaj payta llankhariyta munarqanku, imaraykuchus paymanta llojsimoj ateyqa tukuyta thañichej.


Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.
Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.
Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku. Kusikunkichej chaypacha, jatun kusiywan, imaraykuchus t'inkaykichejqa jatun kanqa janaj pachapi. Jinallatataj ñaupa runas ñak'arichej kanku profetasta.
Chayrayku: Ay, qankunamanta qhapajkuna!, imaraykuchus sonqochasqasña kankichej.
Ay, qankunamanta sajsasqas!, imaraykuchus yarqhachikunkichej.
Ay, qankunamanta asikojkuna!, imaraykuchus llakikunkichej, waqankichejtaj.
Ay, tukuy runas qankunamanta allinta parlajtinku! Jinallatataj ñaupa runas ruwaj kanku llulla profetaswan.


Qankuna uyariwajkunamanqa niykichej: Munakuychej enemigosniykichejta, allinta ruwaychej chejnisojkunapaj. Allinta parlaychej qankunata maldicejkunapaj; Diosmantataj mañapuychej qhasimanta tumpasojkunapaj. Pipis ujnin kaj uyaykipi laq'asojtenqa, ujnin kajtawan kutirichiy; pipis p'achaykita qhechusojtenqa, ukhun p'achaykitawan qopuy. Mañakusojmanqa qoy; qampata kajta apakapojmantapis ama mañakapuyñachu. Imaynatachus munankichej runas qankunapaj ruwanankuta, ajinallatataj qankunapis paykunapaj ruwaychej.
Sichus munakunkichej qankunata munakojkunallata chayqa, ima allinta ruwankichejri? Chaytaqa juchasapaspis ruwallankutaj. Allinta ruwajkunallapaj allinta ruwajtiykichejqa, ima allintaj ruwasqaykichejri? Kutichipusunaykichejta suyaspallachus mañarinkichej chayqa, ima allintataj ruwankichejri? Juchasapaspis mañarinakullankutaj, imaraykuchus purajmanta suyanakunku imallatapis jap'iyta munaspa. Enemigosniykichejta munakuychej ari allinta ruwaspa; mañaychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima. Qankunapis khuyakojkuna kaychej ari, imaynatachus Tataykichejpis khuyakoj, ajinata.


Ama pitapis tumpaychejchu mana tumpasqas kanaykichejpaj; nitaj juchachaychejchu ama juchachasqa kanaykichejpaj; perdonaychej perdonasqa kanaykichejpaj. Qoriychej wajkunaman, qankunamampis qorillasonqachejtaj, jap'inkichejtaj wayaqaykichej phullchirishajta, mat'i winasqata thalaykapusonqachej tuputaqa. Ima chimpuwanchá tupunkichej, chayllawantaj qankunatapis tupusonqachej.
Nillarqataj uj rijch'anachinata: Atinmanchu uj ciegoqa waj ciegota pusaykachayta? Manachu iskayninku t'oqoman urmaykonqanku? Yachakojqa mana yachachejninta atipanchu; chaywampis sumajta yachakuspaqa yachachejnin jina kanqa.
Imaraykutaj wauqeykej ñawimpi q'opitata qhawanki, qampa ñawiykipitaj kurkuta mana rikukunkichu? Imaynatataj wauqeykita niwaj: Wauqéy, saqeway ñawiykimanta chay q'opitata orqhojta, qampa ñawiykipitaj kurkuta mana rikukuspari? Puraj uya! Ñawiykimantaraj ñaupajta kurkuta orqhokuy, chantá allinta qhawarispa orqhonki wauqeykej ñawinmanta q'opitata.


Mana kanchu sumaj sach'a, mana walejta poqoj; nitaj kanchu mana walej sach'a, sumajta poqoj. Sapa sach'aqa poqoynimpi rejsikun. Higostaqa mana khishkasmantachu pallanku, nillataj uvastapis thaqosmantachu. Sumaj runaqa, llimphu sonqonmanta allinta parlan; sajra runatajrí, sajra sonqonmanta sajrallatataj parlan. Imawanchus sonqon junt'a kasqanman jina simenqa parlan.


Imaraykutaj Señor, Señor, nillawankichej, manataj nisqayta ruwankichejchu? Pichus noqaman jamun, palabrasniytataj uyarin, ruwantaj, chayta nisqaykichej pimanchus rijch'akusqanta. Chay runaqa rijch'akun wasita ruwakojman; pichus ñaupajta sumaj ukhuta allan chhankata taripanankama, chaypitaj rumi cimientota churan. Yaku chayamojtintaj, mayoqa manchayta junt'aykuspa wasiman wajtakamorqa, manataj waseqa imanakorqachu, imaraykuchus chhanka patapi ruwasqa karqa. Pitajchus nisqayta uyarishaspa mana ruwanchu chayqa, rijch'akun t'iyu patapi wasita ruwakojman; mayutaj chayamuspa wasiman wajtakamorqa, urmacherqataj. Chay thuñikuynenqa manchay karqa.

Escolta SAN LUCAS 6