Mato - WBT Version (NT) Non Drama

Mato - WBT Version (NT) Drama

<div class="version vid2360 iso6393met" data-vid="2360" data-iso6393="met">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="p"> 1Baing ina naga, yanamgadi ba ding longgalo dimesa daxai Yesu mala rangua gabana Pailat. 2Baing dungguti disu haruanga mana, daharua ba, &#8220;Am gabagu ba lipua li bo ba tam Yudadi daxanga diania. Biliam ba am gasina takis na Sisau tai. Harua ba xaitamoxi tela, Urana Lipuxing Mogunganama.&#8221;</div><div class="p"> 3Binabu Pailat xusunga Yesu ba, &#8220;Ung ba xaitamoxi Yuda dingia?&#8221;</div><div class="p">Baing Yesu haxuya ba, &#8220;Wane, bila ung guharua ba.&#8221;</div><div class="p"> 4Baing Pailat baxanga na lipu hananiangamdi yanamidingdi xaung buranga ba, &#8220;Ngabagu ina libu kubolu dian tela te.&#8221;</div><div class="p"> 5Ne dahaxi, daharua ba, &#8220;Haxa mauli titia Yudia saing yumyum lipu longgalo mana tubatubainganoa. Ungguti mana titia Galili saing ma masup la li.&#8221;</div><div class="p"> 6Pailat lungu alaba baing xusungadi ba nabu Yesu Galili tela. 7Bungina lungu ba maxuna, Yesu wa hawa mana Xaitamoxi Herot, tauna, soxi mala rangua, namua na Herot wa mana long sabangga Yerusalem mana bungina baguba.</div><div class="p"> 8Bungina Herot bagu Yesu, yaha sibuna, namua na mana bunging maxaxaya bo ba bagu. Lungu naxuyanganoa, baing bo ba bagu tongtongia axamang haringina. 9Xusunga xusunga xumana, ne Yesu haxuya tela te. 10Lipu hananiangamdi yanamidingdi digabu lipu hanaunaunga tubatubainganamdi dili la ba, saing disu haruanga haringina mana. 11Baing Herot gabu lipuxing haungingamdi didaudau. Disausau imang gumangina mana, bu didaudau bila ina xaitamoxi tela, saing disoxi goxoya mala rangua Pailat. 12Mana xaidapka baguba Herot Pailat tang disok bila dingtang riading riading&#8212;muga mana bungina baguba tang duwa bixua mading.</div><div class="p"> 13Pailat wagi lipu hananiangamdi yanamidingdi, lipu haringindi xaung lipudi dima, 14saing harua nadi ba, &#8220;Ang gaxap lipua li ma rangua nga bila lipua ta lipudi daxanga diania. Ngaxusunga xusunga maxaimia, ne ngabagu ing kubolung dian tela te. 15Herot xauna bagu ing kubolung dian tela te. Namua naga soxi goxoya ma rangua nga muli. Alungu to! Libu axamang tela bu mogu ba mati te. 16-17Binabu bagula ngagusi, saing bagula ngayunga mala.&#8221;#23:16 Buninga teladi daharua ba &#8230;mala. 17 Mana Taunga Dalingam niani taining tainina, Pailat kuboluna ba ina yunga lipu salak yabanam tela mala.</div><div class="p"> 18Baing ding duwagi bila waxutu taininau, duwagi ba, &#8220;Oxop lipua li mala bu mati! Uyunga Barabas nam!&#8221; 19(Barabas dita salak yabania namua na iti haungingua long sabangga Yerusalem rangua gabman, xaung ung lipu tela mati.)</div><div class="p"> 20Mana namua Pailat bo ba yunga Yesu mala, xusungadi muli. 21Ning duwagiwagi ba, &#8220;Ung mati xai balingamia! Ung mati xai balingamia!&#8221;</div><div class="p"> 22Bunging tuwa xusungadi muli, harua ba, &#8220;Baruta? Libu kubolu diang baruamta? Ngabagu kubolu tela bu ngaung mati mana te. Binabu bagula ngagusi, saing bagula ngayunga mala.&#8221;</div><div class="p"> 23Ne duwagi haringing sibuna ba ung mati xai balingamia. Dahaxi buk, saing haxingadinga dali, 24binabu Pailat hau hatuminganoa ba nai mana haruangadinga. 25Baing lipua ba wa salak yabania namua na iti haungingua xaung ung lipu tela mati, lipua ba duxusunga mana, Pailat yunga mala, saing soxi Yesu mala bu mati bila muruding mana.</div><div class="s1">Digoxi Yesu Xai Balingamia</div><div class="r">(Matyu 27:33-44; Mak 15:22-32; Yon 19:17-24)</div><div class="p"> 26Daxai Yesu malau, baing dituxu Saimon, lipu tela mana long sabangga Sairin,#23:26 Sairin wa Aprika. ina sok sangua umangadi ma. Dilibu xoxi xai balingama saing ma kimu mana Yesu. 27Lipu xumana disu mana mala. Haingdi xauna disu mana, saing ditangia haringing sibuna. 28Ne Yesu xugia mala ranguadi saing harua nadi ba, &#8220;Haing Yerusalemgam mana, atangia ngau tai! Atangiang xaung garaimdi. 29Bagu namua na xaidaba ma bungina bagula aharua ba, &#8216;Xai sibuna mana haingdi duwa xuhi, mana haingdi dahayau te xaung haingdi disina suidingdi te!&#8217; 30Baing</div><div class="b"></div><div class="q1">&#8220;&#8202;&#8216;bagula daharua na bimbidi ba, &#8220;Autuang mari mam!&#8221;</div><div class="q2">Saing bagula daharua na xaxagandi ba, &#8220;Ayaxanggam!&#8221;&#8202;&#8217;#Hosea 10:8</div><div class="b"></div><div class="m"> 31Namua na nga bila xaiya gamata, saing abagu kubolua dilibu manga baing. Ne ang bila xaiya mutuxu&#8212;bagula diriang baru?&#8221;</div><div class="p"> 32Lipu diang luwa, daxai dingtang xaung Yesu mala bu dung dingtung mati. 33Dila disok mana longga duxu ba Toxotaxu Guana. La ba digoxi xai balingamia xaung lipu diang luwadi ba, tela wa rimamo, tela wa xong. 34Yesu harua ba, &#8220;Tibugu, uyunga kuboluding diandi, namua na baraxinta dilibu, daxabia te.&#8221;#23:34 Mana xailong muganga teladi, haruanga li wa te. Baing dahali halinga tela bu dibagu gaxarea bagula daxap imangindi. </div><div class="p"> 35Lipudi dili dibagu mua, saing lipudi yanamidingdi ditabia yungxadingdi mana. Daharua ba, &#8220;Hauli lipu teladi ba. Tauna, nabu ina Kristo ma rangua Urana, Urana Lipuxing Mogunganama, bing hauli ing sibuna.&#8221;</div><div class="p"> 36Lipu haungingamdi xauna, dima didaudau. Disina wain mabiana na 37saing daharua ba, &#8220;Nabu ung xaitamoxi Yuda dingia, bing ung guhauliung!&#8221;</div><div class="p"> 38Mana xai tela digoxi etua mana toxonoa, dibung haruanga tela harua ba: Xaitamoxi Yuda Dingia.</div><div class="p"> 39Lipu tela digoxi xauna la ba ting haruanga daudaungam na, harua ba, &#8220;Ai, bola ung Urana Lipuxing Mogunganama, bo? Uhauliung saing uhauli amtam xauna!&#8221;</div><div class="p"> 40Ning rianoa bili ba, &#8220;Baruta umaxuwa mana Urana te? Ung xauna dunggung bila ina. 41Dilibu xai dung kira mana kubolura diandi, namua na kuboluradi giminagidinga naga. Ne lipua li libu kubolu dian tela te.&#8221;</div><div class="p"> 42Baing harua ba, &#8220;Yesu, bungina uluxu Yonggaximia, bing uhatumia nga muli.&#8221;</div><div class="p"> 43Yesu haxuya ba, &#8220;Maxung sibuna ngabalaung ba, mana xaidapka baguli bagula uwa rangua nga long walinga xaiyamia.&#8221;</div><div class="s1">Yesu Matianoa</div><div class="r">(Matyu 27:45-56; Mak 15:33-41)</div><div class="p"> 44Xaidap liauba, baing labianoa kaukau titia masup laing bungbung. 45Xaidaba sina te. Baing imang sabangga silola mua maluxu Urana Numania singina hataing luwa. 46Baing Yesu wagi sabanga ba, &#8220;Tibugu, ngata aningogua mala rimamia.&#8221; Harua laing sup, baing matiuba.</div><div class="p"> 47Lipu haungingamdi yanamidinga bagu baraxinta sok, binabu iti Urana yanoa saing harua ba, &#8220;Maxung sibuna, lipua li lipu maringina.&#8221; 48Bungina lipuadi digugunia la ba dibagu axadi ba, dituru saing digoxoya mala. 49Ne lipudi daxabia Yesu, digabu haingdi disu mana ma titia Galili, ding dili hasoya monga, dibagu mua mana axadi bagudi ba.</div><div class="s1">Yesu Kimanginganoa</div><div class="r">(Matyu 27:57-61; Mak 15:42-47; Yon 19:38-42)</div><div class="p"> 50Lipu tela wa, yanoa Yosep, Yuda Kaunsiliding tela, lipu xai xaung maringina. 51Ne ina nai mana yanam riandi hatumingadinga xaung kuboludinga te. Yabanoa titia Yudia long tela duxu ba Erimatea, saing ragu mana Urana Yonggaxinoa ma. 52Ila rangua Pailat saing xusunga mana Yesu sangganoa. 53Baing xap mari, saku mana imang xai sibung tela, saing ta maluxu mana guha gobagoba tela disaba sianga maluxu mala. Dikimang matia tela maluxu mana teguyu. 54Xaidapka ba Paraide, duxu ba Xaidap Xauxaungam, saing Xaidap Yaguangam ma haxek sibunauba.#23:54 Sande bing xaidap mugamugangam mana Yudadi hatumingadinga. Urana tongtongia axamandi mana Sande ila sup Paraide. Baing mana Sarare, ina yagua. Binabu Yudadi disabu mana Sarare saing diyagua. Baing dituxu oxata tela mana Sarare te. Duxu ba Xaidap Yaguangam. Baing daxauxau axamandi bila anginga mana Paraide saing duxu Paraide ba Xaidap Xauxaungam.</div><div class="p"> 55Haingdi dima titia Galili rangua Yesu ma ba, disu mana Yosep saing dibagu guha gobagobua, xaung ta Yesu sangganoa mari maluxu mana baru. 56Baing digoxoya mala numia saing daxauxau guxenga baxiam saminam bu disabaxaya Yesu sangganoa. Ne diyagua mana Xaidap Yaguangam bu disu mana hanaunaungua.</div>
 </div>
 </div>
</div>

Baing ina naga, yanamgadi ba ding longgalo dimesa daxai Yesu mala rangua gabana Pailat. Baing dungguti disu haruanga mana, daharua ba, “Am gabagu ba lipua li bo ba tam Yudadi daxanga diania. Biliam ba am gasina takis na Sisau tai. Harua ba xaitamoxi tela, Urana Lipuxing Mogunganama.”
Binabu Pailat xusunga Yesu ba, “Ung ba xaitamoxi Yuda dingia?”
Baing Yesu haxuya ba, “Wane, bila ung guharua ba.”
Baing Pailat baxanga na lipu hananiangamdi yanamidingdi xaung buranga ba, “Ngabagu ina libu kubolu dian tela te.”
Ne dahaxi, daharua ba, “Haxa mauli titia Yudia saing yumyum lipu longgalo mana tubatubainganoa. Ungguti mana titia Galili saing ma masup la li.”
Pailat lungu alaba baing xusungadi ba nabu Yesu Galili tela. Bungina lungu ba maxuna, Yesu wa hawa mana Xaitamoxi Herot, tauna, soxi mala rangua, namua na Herot wa mana long sabangga Yerusalem mana bungina baguba.
Bungina Herot bagu Yesu, yaha sibuna, namua na mana bunging maxaxaya bo ba bagu. Lungu naxuyanganoa, baing bo ba bagu tongtongia axamang haringina. Xusunga xusunga xumana, ne Yesu haxuya tela te. Lipu hananiangamdi yanamidingdi digabu lipu hanaunaunga tubatubainganamdi dili la ba, saing disu haruanga haringina mana. Baing Herot gabu lipuxing haungingamdi didaudau. Disausau imang gumangina mana, bu didaudau bila ina xaitamoxi tela, saing disoxi goxoya mala rangua Pailat. Mana xaidapka baguba Herot Pailat tang disok bila dingtang riading riading—muga mana bungina baguba tang duwa bixua mading.
Pailat wagi lipu hananiangamdi yanamidingdi, lipu haringindi xaung lipudi dima, saing harua nadi ba, “Ang gaxap lipua li ma rangua nga bila lipua ta lipudi daxanga diania. Ngaxusunga xusunga maxaimia, ne ngabagu ing kubolung dian tela te. Herot xauna bagu ing kubolung dian tela te. Namua naga soxi goxoya ma rangua nga muli. Alungu to! Libu axamang tela bu mogu ba mati te. Binabu bagula ngagusi, saing bagula ngayunga mala.”
Baing ding duwagi bila waxutu taininau, duwagi ba, “Oxop lipua li mala bu mati! Uyunga Barabas nam!” (Barabas dita salak yabania namua na iti haungingua long sabangga Yerusalem rangua gabman, xaung ung lipu tela mati.)
Mana namua Pailat bo ba yunga Yesu mala, xusungadi muli. Ning duwagiwagi ba, “Ung mati xai balingamia! Ung mati xai balingamia!”
Bunging tuwa xusungadi muli, harua ba, “Baruta? Libu kubolu diang baruamta? Ngabagu kubolu tela bu ngaung mati mana te. Binabu bagula ngagusi, saing bagula ngayunga mala.”
Ne duwagi haringing sibuna ba ung mati xai balingamia. Dahaxi buk, saing haxingadinga dali, binabu Pailat hau hatuminganoa ba nai mana haruangadinga. Baing lipua ba wa salak yabania namua na iti haungingua xaung ung lipu tela mati, lipua ba duxusunga mana, Pailat yunga mala, saing soxi Yesu mala bu mati bila muruding mana.


Daxai Yesu malau, baing dituxu Saimon, lipu tela mana long sabangga Sairin, ina sok sangua umangadi ma. Dilibu xoxi xai balingama saing ma kimu mana Yesu. Lipu xumana disu mana mala. Haingdi xauna disu mana, saing ditangia haringing sibuna. Ne Yesu xugia mala ranguadi saing harua nadi ba, “Haing Yerusalemgam mana, atangia ngau tai! Atangiang xaung garaimdi. Bagu namua na xaidaba ma bungina bagula aharua ba, ‘Xai sibuna mana haingdi duwa xuhi, mana haingdi dahayau te xaung haingdi disina suidingdi te!’ Baing

“ ‘bagula daharua na bimbidi ba, “Autuang mari mam!”
Saing bagula daharua na xaxagandi ba, “Ayaxanggam!” ’

Namua na nga bila xaiya gamata, saing abagu kubolua dilibu manga baing. Ne ang bila xaiya mutuxu—bagula diriang baru?”
Lipu diang luwa, daxai dingtang xaung Yesu mala bu dung dingtung mati. Dila disok mana longga duxu ba Toxotaxu Guana. La ba digoxi xai balingamia xaung lipu diang luwadi ba, tela wa rimamo, tela wa xong. Yesu harua ba, “Tibugu, uyunga kuboluding diandi, namua na baraxinta dilibu, daxabia te.” Baing dahali halinga tela bu dibagu gaxarea bagula daxap imangindi.
Lipudi dili dibagu mua, saing lipudi yanamidingdi ditabia yungxadingdi mana. Daharua ba, “Hauli lipu teladi ba. Tauna, nabu ina Kristo ma rangua Urana, Urana Lipuxing Mogunganama, bing hauli ing sibuna.”
Lipu haungingamdi xauna, dima didaudau. Disina wain mabiana na saing daharua ba, “Nabu ung xaitamoxi Yuda dingia, bing ung guhauliung!”
Mana xai tela digoxi etua mana toxonoa, dibung haruanga tela harua ba: XAITAMOXI YUDA DINGIA.
Lipu tela digoxi xauna la ba ting haruanga daudaungam na, harua ba, “Ai, bola ung Urana Lipuxing Mogunganama, bo? Uhauliung saing uhauli amtam xauna!”
Ning rianoa bili ba, “Baruta umaxuwa mana Urana te? Ung xauna dunggung bila ina. Dilibu xai dung kira mana kubolura diandi, namua na kuboluradi giminagidinga naga. Ne lipua li libu kubolu dian tela te.”
Baing harua ba, “Yesu, bungina uluxu Yonggaximia, bing uhatumia nga muli.”
Yesu haxuya ba, “Maxung sibuna ngabalaung ba, mana xaidapka baguli bagula uwa rangua nga long walinga xaiyamia.”


Xaidap liauba, baing labianoa kaukau titia masup laing bungbung. Xaidaba sina te. Baing imang sabangga silola mua maluxu Urana Numania singina hataing luwa. Baing Yesu wagi sabanga ba, “Tibugu, ngata aningogua mala rimamia.” Harua laing sup, baing matiuba.
Lipu haungingamdi yanamidinga bagu baraxinta sok, binabu iti Urana yanoa saing harua ba, “Maxung sibuna, lipua li lipu maringina.” Bungina lipuadi digugunia la ba dibagu axadi ba, dituru saing digoxoya mala. Ne lipudi daxabia Yesu, digabu haingdi disu mana ma titia Galili, ding dili hasoya monga, dibagu mua mana axadi bagudi ba.


Lipu tela wa, yanoa Yosep, Yuda Kaunsiliding tela, lipu xai xaung maringina. Ne ina nai mana yanam riandi hatumingadinga xaung kuboludinga te. Yabanoa titia Yudia long tela duxu ba Erimatea, saing ragu mana Urana Yonggaxinoa ma. Ila rangua Pailat saing xusunga mana Yesu sangganoa. Baing xap mari, saku mana imang xai sibung tela, saing ta maluxu mana guha gobagoba tela disaba sianga maluxu mala. Dikimang matia tela maluxu mana teguyu. Xaidapka ba Paraide, duxu ba Xaidap Xauxaungam, saing Xaidap Yaguangam ma haxek sibunauba.
Haingdi dima titia Galili rangua Yesu ma ba, disu mana Yosep saing dibagu guha gobagobua, xaung ta Yesu sangganoa mari maluxu mana baru. Baing digoxoya mala numia saing daxauxau guxenga baxiam saminam bu disabaxaya Yesu sangganoa. Ne diyagua mana Xaidap Yaguangam bu disu mana hanaunaungua.

Escolta Luk 23