If you have would like a copy of this version please contact info@davarpartners.org

Quechua, North Conchucos Old Testament

<div class="version vid268 iso6393qxn" data-vid="268" data-iso6393="qxn">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abramwan Lot rakik&#228;yanqan</div><div class="p"> 1Egiptupita Abram kutikurmi warminta pusharkur llapan imaykanta apakurkur Neguevman charqan. Paywanmi sobrinun Lotpis aywarqan. 2Abramqa kapuqyuq karmi qoriyuq, qellayyuq y maytsika w&#228;tayuq karqan. 3Abramqa Neguevpita patsakun patsakun aywarmi Bet-elman charqan. Tsaypitanam yapay aywarqan Bet-elpita Hai markaman aywanach&#246; puntata t&#228;kunqanman. 4Tsaych&#246;mi altarta puntata perqanqanch&#246; Dios Yayata ma&#241;akur adorarqan.</div><div class="p"> 5Lotpis tiyun Abramn&#246; r&#239;cu kaptinmi atska &#252;shankuna, cabrankuna, w&#228;kankuna y carpankunapis karqan. 6Peru ishkanpa maytsika w&#228;tankuna kaptinmi qewapis karqannatsu. Tsayn&#246;pam paqta t&#228;kuyta pu&#235;diyarqannatsu. 7Tsaymi Abrampa mitsikuqninkunawan Lotpa mitsikuqninkuna maqanakuyaq. Tsay witsaymi tsay markach&#246; cananeo runakuna y ferezeo runakunapis t&#228;kuyarqanraq.</div><div class="p"> 8Tsay w&#228;ta mitsiqninkuna pi&#241;anakur maqanakuyaptinmi sobrinun Lotta Abram nirqan: &lt;&lt;Tsay castalla kaykarqa ama chikinakushuntsu ni mitsikuqnintsikkunapis pi&#241;anakuy&#228;tsuntsu. 9Rikanqaykin&#246;pis kay sitiuqa jatunmi. Karu karu t&#228;kunapaq mayqan partitapis akrakuy. Janaq kaqpa aywaptikiqa ura kaqpam aywashaq. Ura kaqpa aywaptikiqa janaq kaqpam aywashaq&gt;&gt;.</div><div class="p"> 10Tsaymi Lotqa Jord&#225;n mayu kuchun ent&#235;ru pampakunata rikarqan Zoar marka kaql&#228;pa. Tsay pampakunach&#246; qewapis y yakupis atska kaptinmi Ed&#233;n huertan&#246;raq#G&#233;n. 2.8-9. y Egiptun&#246;raq karqan. Tsayn&#246;mi karqan Sodoma y Gomorra markakunata Dios Yaya manaraq ushak&#228;tsiptin. 11Tsaymi mas alli kaptin Jord&#225;n mayu kuchun pampakunata Lot akrakurqan. Tsayn&#246;pam Abrampita rakikar rupay yarqamunan kaq l&#228;duman aywakurqan. 12Abramqa patsan Cana&#225;nllach&#246;mi qu&#235;dakurqan. Lotnam Jord&#225;n mayu kuchun pampakunach&#246; kaykaq markakunaman aywar Sodoma marka cercanch&#246; t&#228;kurqan. 13Sodomach&#246;qa Dios Yayapa contran jutsasapa runakunallam t&#228;kuyarqan.</div><div class="p"> 14Lot aywakuskiptinnam Abramta Dios Yaya nirqan: &lt;&lt;Kay t&#228;kuykanqaykipita norti kaqpa, sur kaqpa, rupay yarqamunan kaqpa y rupay jeqanan kaqpa shumaq maytsaypa rikachakuy. 15Tsay llapan rikanqaykitam entregashayki qampaq y qampita miraq aylluykikunapaq imayyaqpis kananpaq.#Hech. 7.5. 16Qampitam aylluykikunata miratsishaq imayka mayu kuchunch&#246; aren&#239;llatan&#246; yupaytapis mana pu&#235;diypaqta. 17Aywarnin rikapakamur ent&#235;rupa tumamunki. Tsay llapan rikanqaykitam entregashayki&gt;&gt;.</div><div class="p"> 18 Dios Yaya tsayn&#246; niptinmi llapan imaykankunata apakurkur Hebr&#243;n markapa cercanman Abram aywakurqan. Tsaych&#246;mi atska encina jachakuna Mamre runapa karqan. Tsaych&#246; t&#228;kurmi altarta perqarqan Dios Yayata adorar ma&#241;akunanpaq.</div>
 </div>
 </div>
</div>

Egiptupita Abram kutikurmi warminta pusharkur llapan imaykanta apakurkur Neguevman charqan. Paywanmi sobrinun Lotpis aywarqan. Abramqa kapuqyuq karmi qoriyuq, qellayyuq y maytsika wätayuq karqan. Abramqa Neguevpita patsakun patsakun aywarmi Bet-elman charqan. Tsaypitanam yapay aywarqan Bet-elpita Hai markaman aywanachö puntata täkunqanman. Tsaychömi altarta puntata perqanqanchö DIOS YAYATA mañakur adorarqan.
Lotpis tiyun Abramnö rïcu kaptinmi atska üshankuna, cabrankuna, wäkankuna y carpankunapis karqan. Peru ishkanpa maytsika wätankuna kaptinmi qewapis karqannatsu. Tsaynöpam paqta täkuyta puëdiyarqannatsu. Tsaymi Abrampa mitsikuqninkunawan Lotpa mitsikuqninkuna maqanakuyaq. Tsay witsaymi tsay markachö cananeo runakuna y ferezeo runakunapis täkuyarqanraq.
Tsay wäta mitsiqninkuna piñanakur maqanakuyaptinmi sobrinun Lotta Abram nirqan: <<Tsay castalla kaykarqa ama chikinakushuntsu ni mitsikuqnintsikkunapis piñanakuyätsuntsu. Rikanqaykinöpis kay sitiuqa jatunmi. Karu karu täkunapaq mayqan partitapis akrakuy. Janaq kaqpa aywaptikiqa ura kaqpam aywashaq. Ura kaqpa aywaptikiqa janaq kaqpam aywashaq>>.
Tsaymi Lotqa Jordán mayu kuchun entëru pampakunata rikarqan Zoar marka kaqläpa. Tsay pampakunachö qewapis y yakupis atska kaptinmi Edén huertanöraq y Egiptunöraq karqan. Tsaynömi karqan Sodoma y Gomorra markakunata Dios Yaya manaraq ushakätsiptin. Tsaymi mas alli kaptin Jordán mayu kuchun pampakunata Lot akrakurqan. Tsaynöpam Abrampita rakikar rupay yarqamunan kaq läduman aywakurqan. Abramqa patsan Canaánllachömi quëdakurqan. Lotnam Jordán mayu kuchun pampakunachö kaykaq markakunaman aywar Sodoma marka cercanchö täkurqan. Sodomachöqa DIOS YAYAPA contran jutsasapa runakunallam täkuyarqan.
Lot aywakuskiptinnam Abramta DIOS YAYA nirqan: <<Kay täkuykanqaykipita norti kaqpa, sur kaqpa, rupay yarqamunan kaqpa y rupay jeqanan kaqpa shumaq maytsaypa rikachakuy. Tsay llapan rikanqaykitam entregashayki qampaq y qampita miraq aylluykikunapaq imayyaqpis kananpaq. Qampitam aylluykikunata miratsishaq imayka mayu kuchunchö arenïllatanö yupaytapis mana puëdiypaqta. Aywarnin rikapakamur entërupa tumamunki. Tsay llapan rikanqaykitam entregashayki>>.
DIOS YAYA tsaynö niptinmi llapan imaykankunata apakurkur Hebrón markapa cercanman Abram aywakurqan. Tsaychömi atska encina jachakuna Mamre runapa karqan. Tsaychö täkurmi altarta perqarqan DIOS YAYATA adorar mañakunanpaq.

Escolta Génesis 13