Imeetto 2021 WBT (NT) Drama

<div class="version vid2761 iso6393mgh" data-vid="2761" data-iso6393="mgh">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">Yesu ni Nikotemu</div><div class="p"> 1Ahaawo nfarisi mmoca eehaninya Nikotemu, nkhulupale a ayuta. 2Uyo ahorwaa uhiyu ukela umuulumana Yesu ni ahomwiirela: Mwalimu, nihocuwela wiira uri mwalimu unkhuma wa Nluku, kontha khaawo noorya upanka nnya ikanyero cimpankaa nnya, ari Nluku hikhanle ni uyo.</div><div class="p"> 3Yesu ahomwaakhula eeraka: Khweli khweli kinawuhimerya wiira, ntthu aahiyaryeke tho imaara ikina, khanoorya woona umwene wa Nluku. 4Nikotemu ahonkoha Yesu eeraka: Wanhala wooryaa cani, ntthu uyaryaa tho, nooluvanle? Naahala woorya uhokoleela munthuukwani mwa anumwane ni uyaryaa imaara yonayeeli?</div><div class="p"> 5Yesu ahomwaakhula eeraka: Khweli khweli kinawuhimerya wiira: Ntthu hinhala uyaryaa wo maasi ni wo Nnepa khanoorya ukela wumweneni wa Nluku. 6Ule noyaryaa mwirutthuni nokhala irutthu, ni ule noyaryaa muNnepani nokhala Nnepa. 7Uhitikhine kiwiirenlyaka, nnolamuliya uyaryaa tho imaara ikina. 8Iphyoo inwuka mphantte untthunaya. Unawiiwa iwukaka, nanso khuncuwela unkhumelelaya, hata unkelelaya. Ciicammo phiryaya ale othene annyaryaa muNnepani.</div><div class="p"> 9Vano, Nikotemu ahonkoha eeraka: Cineerannyaa cani cennya citthu nnya? 10Yesu ahaakhula eeraka: We phi mwalimu o'Sirayeli, khuncuwelela nnya citthu nnya? 11Khweli khweli kinawuhimerya wiira hi ninhimyaca itthu incuwelehu, ni ninaavaha usaahiti wo itthu inoonehu, nanso nyu khannokupali usaahiti ihu. 12Vano mi kiwuulumenleni citthu co vathi ni nyu khankupanli, nnohala ukupali cani kawuulumelakani citthu co wirimu? 13Khaawo wenle wirimu, ari hikhanle paahi ule khuruwile wirimu, acuweliyaka ukhala Mwanawe Pinatamu. 14Toko Musa caathomenlyawe utakhwani inwaa yo ncukhuma, ciicammo Mwanawe Pinatamu nolamuliya uthomennya, 15wiira ule othene nomwaamini akhalane ukumi woohimala.</div><div class="p"> 16Kontha Nluku hofenta ittuninya mpaka wanvaherenryawe mwanawe mmoca yooyo, wiira ule nohala unkupali hirimele nanso aphwanye ukumi woohimala. 17Maana Nluku honruma mwanawe wattuniyani, kahi wiira ahukhumule ittuninya, nanso wiira ittuninya yoopoliye ni uyo. 18Ule nonkupali kanhukhumwinya, nanso ule hinonkupali hohukhumwinya, kontha khakupanli ncina na mwana mmoca yooyo a Nluku. 19Ihukhumu phi ila wiira waarya uhowa nttuniyani, ni atthu ayo afentile venci ipiphi woopwaha waarya kontha miteko caya nnyo caari coonanara. 20Kontha ule othene nopanka coonanara naarusanana waarya ni khanaattamerya wo waarya, wiira miteko cawe cihoonnye. 21Ule nopanka yeekhweli nawaattamerya waarya, wiira miteko cawe coonnye, kontha ciri coopankiya mwa Nluku.</div><div class="s1">Yesu ni Yohani Mpattisa</div><div class="p"> 22Wahoolo Yesu n'eetthuci awe ahorwaa ilapo yo'Yuta; wenwe ahaakhalanaca ni aanapattisa. 23Ciicammo Yohani aanapattisa wEnomi, wo waattamana uSalimu, kontha yahaawo maasi menci, ni atthu yaanatthawelela wonwo ni yaanapattisiya. 24Yohani aari hinaya utthukeliya. 25Vano, eetthuci a Yohani ni nyuta mmoca yaananyakulihana nlattu wookhuca. 26Yahorwaaca umoonanana Yohani ni yahomwiirelaca: Mwalimu, ule aari ni nyu ukhopela Yortani, yoole aankhalenlenyu usaahiti ule, naapattisa ni othene anaarwa umoonanana.</div><div class="p"> 27Vano Yohani ahaakhula eeraka: Ntthu khanoorya waakhela itthu yoohivahiya ukhuma wirimu. 28Nyu mw'asaahiti o citthu cuhimenryakani kiiraka: Mi akinakhala Kristu, nanso kiruminye umwaakela nivakulo. 29Ule rina mwali oohala umpakanela phiri mayopakanela; mpwanawe nonkhalela unanku mayopakanela uyo naatteeliya venci mwa nlattu wo ncu na mpakaneli. Vano wonwo utteeliya nwo, ciicammo uhokiiraneela mi. 30Wanlamuliya wiira uyo oonuweke ni mi kiiyeveke.</div><div class="p"> 31Ule nokhuma uculu ri owaapwaha othene. Ule nokhuma ilapo yo vathi ri ovathi ni noolumaca co vathi. Ule nokhuma wirimu ri uculu wo citthu cothene. 32Ule naavaha usaahiti wo citthu cinoonawe ni cineewawe, nanso khaawo nokupali usaahiti awe. 33Nanso ule nokupali usaahiti awe, naatthitta wiira Nluku ri eekhweli. 34Kontha mayorumiya ni Nluku nooluma ca Nluku, maana Nluku naavaha Nnepa woohi nliko. 35Athumwane anaanfenta mwana ni ahonvaha cothene mmatatani mwawe. 36Phimaana, ule nomwaamini mwana haana ukumi woohimala, nanso ule hinonkupali mwana khanhala woona ukumi, nanso uviruwa wa Nluku unaakhala ni uyo.</div>
 </div>
 </div>
</div>

Ahaawo nfarisi mmoca eehaninya Nikotemu, nkhulupale a ayuta. Uyo ahorwaa uhiyu ukela umuulumana Yesu ni ahomwiirela: Mwalimu, nihocuwela wiira uri mwalimu unkhuma wa Nluku, kontha khaawo noorya upanka nnya ikanyero cimpankaa nnya, ari Nluku hikhanle ni uyo.
Yesu ahomwaakhula eeraka: Khweli khweli kinawuhimerya wiira, ntthu aahiyaryeke tho imaara ikina, khanoorya woona umwene wa Nluku. Nikotemu ahonkoha Yesu eeraka: Wanhala wooryaa cani, ntthu uyaryaa tho, nooluvanle? Naahala woorya uhokoleela munthuukwani mwa anumwane ni uyaryaa imaara yonayeeli?
Yesu ahomwaakhula eeraka: Khweli khweli kinawuhimerya wiira: Ntthu hinhala uyaryaa wo maasi ni wo Nnepa khanoorya ukela wumweneni wa Nluku. Ule noyaryaa mwirutthuni nokhala irutthu, ni ule noyaryaa muNnepani nokhala Nnepa. Uhitikhine kiwiirenlyaka, nnolamuliya uyaryaa tho imaara ikina. Iphyoo inwuka mphantte untthunaya. Unawiiwa iwukaka, nanso khuncuwela unkhumelelaya, hata unkelelaya. Ciicammo phiryaya ale othene annyaryaa muNnepani.
Vano, Nikotemu ahonkoha eeraka: Cineerannyaa cani cennya citthu nnya? Yesu ahaakhula eeraka: We phi mwalimu o'Sirayeli, khuncuwelela nnya citthu nnya? Khweli khweli kinawuhimerya wiira hi ninhimyaca itthu incuwelehu, ni ninaavaha usaahiti wo itthu inoonehu, nanso nyu khannokupali usaahiti ihu. Vano mi kiwuulumenleni citthu co vathi ni nyu khankupanli, nnohala ukupali cani kawuulumelakani citthu co wirimu? Khaawo wenle wirimu, ari hikhanle paahi ule khuruwile wirimu, acuweliyaka ukhala Mwanawe Pinatamu. Toko Musa caathomenlyawe utakhwani inwaa yo ncukhuma, ciicammo Mwanawe Pinatamu nolamuliya uthomennya, wiira ule othene nomwaamini akhalane ukumi woohimala.
Kontha Nluku hofenta ittuninya mpaka wanvaherenryawe mwanawe mmoca yooyo, wiira ule nohala unkupali hirimele nanso aphwanye ukumi woohimala. Maana Nluku honruma mwanawe wattuniyani, kahi wiira ahukhumule ittuninya, nanso wiira ittuninya yoopoliye ni uyo. Ule nonkupali kanhukhumwinya, nanso ule hinonkupali hohukhumwinya, kontha khakupanli ncina na mwana mmoca yooyo a Nluku. Ihukhumu phi ila wiira waarya uhowa nttuniyani, ni atthu ayo afentile venci ipiphi woopwaha waarya kontha miteko caya nnyo caari coonanara. Kontha ule othene nopanka coonanara naarusanana waarya ni khanaattamerya wo waarya, wiira miteko cawe cihoonnye. Ule nopanka yeekhweli nawaattamerya waarya, wiira miteko cawe coonnye, kontha ciri coopankiya mwa Nluku.

Wahoolo Yesu n'eetthuci awe ahorwaa ilapo yo'Yuta; wenwe ahaakhalanaca ni aanapattisa. Ciicammo Yohani aanapattisa wEnomi, wo waattamana uSalimu, kontha yahaawo maasi menci, ni atthu yaanatthawelela wonwo ni yaanapattisiya. Yohani aari hinaya utthukeliya. Vano, eetthuci a Yohani ni nyuta mmoca yaananyakulihana nlattu wookhuca. Yahorwaaca umoonanana Yohani ni yahomwiirelaca: Mwalimu, ule aari ni nyu ukhopela Yortani, yoole aankhalenlenyu usaahiti ule, naapattisa ni othene anaarwa umoonanana.
Vano Yohani ahaakhula eeraka: Ntthu khanoorya waakhela itthu yoohivahiya ukhuma wirimu. Nyu mw'asaahiti o citthu cuhimenryakani kiiraka: Mi akinakhala Kristu, nanso kiruminye umwaakela nivakulo. Ule rina mwali oohala umpakanela phiri mayopakanela; mpwanawe nonkhalela unanku mayopakanela uyo naatteeliya venci mwa nlattu wo ncu na mpakaneli. Vano wonwo utteeliya nwo, ciicammo uhokiiraneela mi. Wanlamuliya wiira uyo oonuweke ni mi kiiyeveke.
Ule nokhuma uculu ri owaapwaha othene. Ule nokhuma ilapo yo vathi ri ovathi ni noolumaca co vathi. Ule nokhuma wirimu ri uculu wo citthu cothene. Ule naavaha usaahiti wo citthu cinoonawe ni cineewawe, nanso khaawo nokupali usaahiti awe. Nanso ule nokupali usaahiti awe, naatthitta wiira Nluku ri eekhweli. Kontha mayorumiya ni Nluku nooluma ca Nluku, maana Nluku naavaha Nnepa woohi nliko. Athumwane anaanfenta mwana ni ahonvaha cothene mmatatani mwawe. Phimaana, ule nomwaamini mwana haana ukumi woohimala, nanso ule hinonkupali mwana khanhala woona ukumi, nanso uviruwa wa Nluku unaakhala ni uyo.

Escolta Yohani 3