If you have would like a copy of this version please contact info@davarpartners.org

Ekegusii Revised Bible

<div class="version vid2925 iso6393guz" data-vid="2925" data-iso6393="guz">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Omoreng&#8217;anio bw&#8217;eero ye ching&#8217;ondi</div><div class="p"> 1&#8220;Ekeene, ekeene, nabateebirie: Oyotasoereti egesieri ki&#8217;eero ye ching&#8217;ondi, korende aetere aao, oyio nomoibi naende nomokurumi. 2Korende oyogosoera gesieri oyio nomorisia bwe ching&#8217;ondi. 3Omorendi bw&#8217;egesieri nigo akomoigorera, ne ching&#8217;ondi nigo chikoigwa eriogi riaye; ere nigo akorangeria ching&#8217;ondi chiaye ase amarieta abo na gochiira isiko. 4Gakorusia isiko ching&#8217;ondi echire echiaye, nigo agochitang&#8217;ana, ne ching&#8217;ondi nigo chikomotunyana, ekiagera nchimanyete eriogi riaye. 5Omonto omoao tichikomotunyana nonya ng&#8217;ake, korende nigo chiramotame, ekiagera tichimanyeti eriogi ri&#8217;abaanto abaao.&#8221;</div><div class="p"> 6Omoreng&#8217;anio oyo Yeso akabateebia, korende barabwo tibamanyete amang&#8217;ana ayio abateebeetie.</div><div class="s1">Omorisia omuya</div><div class="p"> 7Erio Yeso akabateebia naende, &#8220;Ekeene, ekeene, nabateebirie: Ninche inde egesieri gie ching&#8217;ondi. 8Bonsi abantang&#8217;anerete nabaibi na abakurumi, korende ching&#8217;ondi tichiabaigwete. 9Ninche inde egesieri; omonto karasoe goetera ase &#8217;nde, natooreke, nasoe na gosoka, na konyora oborisia. 10Omoibi tagocha, otatiga aibe, na konyenya, na gosaria; inche nigo nachete erio babe nobogima, naende babe naborobwo ase obonge. 11Inche ninche Omorisia omuya; omorisia omuya nigo akorua obogima bwaye ase engencho ye ching&#8217;ondi. 12Omonto orikire, tari ere omorisia, gose ching&#8217;ondi tichiri echiaye; gakorora esese y&#8217;orosana egocha, nigo agotiga ching&#8217;ondi, otama, na esese y&#8217;orosana yachisakora, na gochiserebania. 13Ere nigo agotama ekiagera nomorikwa, gose tarengerereti amang&#8217;ana e ching&#8217;ondi. 14#Mat 11:27; Luk 10:22Inche ninche omorisia omuya, na echire echiane ninchimanyete, 15buna Tata amanyete inche, na inche nimomanyete Tata, na obogima bwane naborure ase engencho ye ching&#8217;ondi. 16Naende ching&#8217;ondi chinde mbwate, chitari chie riicho eri, na chirochio nabo engwenerete gochirenta, na eriogi riane nachiriigwe. Igo nachibe riicho erimo na omorisia oyomo. 17Ase ayio Tata nanyanchete, ekiagera narure obogima bwane, erinde inyare koboirania naende. 18Tari omonto okobonduera, korende ninche omonyene naborure. Ninde nokobua koborua; naende ninde nokobua koboirania. Ogochika oko nigo nakonyorire ase Tata one.&#8221;</div><div class="p"> 19Erio gokaba naende ogwatananekana ase Abayahudi ase engencho y&#8217;amang&#8217;ana aya. 20Abange babo bakaboora, &#8220;Nigo abwatire nekerecha, naende nigo are ebarimo; nase ki mokomotegerera?&#8221; 21Abande bakaboora &#8220;Amang&#8217;ana aya tari ay&#8217;omonto obwatire nekerecha. Inee! Ekerecha nkenyare koramokia &#8217;emeuko amaiso?&#8221;</div><div class="s1">Yeso ore ase Rituko Rinene ri&#8217;okoinyora okoigorwa na ogosaberwa gwe Hekalu ya Yerusalemu</div><div class="p"> 22Ndiarenge Rituko Rinene ri&#8217;okoinyora okoigorwa na ogosaberwa gwe Hekalu aria Yerusalemu. 23Nigo kiarenge ekero ki&#8217;obokendu, na Yeso nigo arenge gotaara ase Hekalu ime, ase egoora ya Sulemani. 24Erio Abayahudi bakamoetanana, bakamobooria, &#8220;Ngoika ririri oratoichanie emioyo yaito? Onye naye Kristo, toteebia maiso marore.&#8221;</div><div class="p"> 25Yeso akabairaneria, &#8220;Nabatebirie, na inwe timori kwegena; emeremo eye ngokora ase erieta ria Tata one, nero ekombera kirori. 26Korende inwe timori kwegena, ekiagera timori abamo ase ching&#8217;ondi chiane. 27Ching&#8217;ondi chiane nigo chikoigwa eriogi riane, na inche ninchimanyete, na chirochio nigo chigontunyana; 28inche nachieire obogima bwa kare na kare, na chirochio tichigosira nonya ng&#8217;ake, nonya nomonto tagochitaboria korwa ase okoboko kwane. 29Tata one oching&#8217;eire nomonene kobua bonsi, na onde takonyara gochitaboria korwa ase okoboko gwa Tata. 30Inche na Tata nigo tore oyomo.&#8221;</div><div class="s1">Obobisa bw&#8217;Abayahudi</div><div class="p"> 31Erio Abayahudi bakaimokia amagena naende, erinde bamoake. 32Yeso akabairaneria, &#8220;Naborokirie emeremo emiya emenge erwete ase Tata; nereri ase emeremo eyio mokong&#8217;akera amagena?&#8221; 33#Abal 24:16Abayahudi bakamoiraneria, &#8220;Titogokoaka amagena ase emeremo emiya, korende nase okorama, ekiagera aye nomonto ogwekora omonyene ng&#8217;a naye Nyasae.&#8221;</div><div class="p"> 34 # 
 Zab 82:6
 Yeso akabairaneria, &#8220;Tarikiri ase amachiiko aino ng&#8217;a: Inche nateebete ng&#8217;a inwe nigo more chinyasae? 35Onye orogete baria chinyasae, abacheretwe ne ring&#8217;ana ria Nyasae (na amariiko takonyara gosareka), 36inee, nigo mogoteeba igoro yaye, ere oyo Tata aatananete akamotoma ase ense: Nkorama are, ekiagera nateba: Inche n&#8217;Omwana o Nyasae? 37Onye tindi gokora emeremo ya Tata one, timonyegena. 38Korende konda yekore, nonya timonyegeneti inche, egene emeremo eria, monyare komanya na kwegena ng&#8217;a Tata nigo are ime yane, na inche ime ase Tata.&#8221; 39Bakarigia eria kabere komobwata, korende akarua ase amaboko abo.</div><div class="p"> 40 # 
 Yoh 1:28
 Akagenda naende ng&#8217;umbu ya Yorodani goika aase aria Yohana arenge kobatisera ritang&#8217;ani, akabeera aroro. 41Abanto abange bakamochiera, bakaboora, &#8220;Yohana takorete egekone kende gionsi, korende onsi aya Yohana ateebete igoro y&#8217;omonto oyo nigo are ay&#8217;ekeene.&#8221; 42Abange bakamwegena aroro.</div>
 </div>
 </div>
</div>

“Ekeene, ekeene, nabateebirie: Oyotasoereti egesieri ki’eero ye ching’ondi, korende aetere aao, oyio nomoibi naende nomokurumi. Korende oyogosoera gesieri oyio nomorisia bwe ching’ondi. Omorendi bw’egesieri nigo akomoigorera, ne ching’ondi nigo chikoigwa eriogi riaye; ere nigo akorangeria ching’ondi chiaye ase amarieta abo na gochiira isiko. Gakorusia isiko ching’ondi echire echiaye, nigo agochitang’ana, ne ching’ondi nigo chikomotunyana, ekiagera nchimanyete eriogi riaye. Omonto omoao tichikomotunyana nonya ng’ake, korende nigo chiramotame, ekiagera tichimanyeti eriogi ri’abaanto abaao.”
Omoreng’anio oyo Yeso akabateebia, korende barabwo tibamanyete amang’ana ayio abateebeetie.

Erio Yeso akabateebia naende, “Ekeene, ekeene, nabateebirie: Ninche inde egesieri gie ching’ondi. Bonsi abantang’anerete nabaibi na abakurumi, korende ching’ondi tichiabaigwete. Ninche inde egesieri; omonto karasoe goetera ase ’nde, natooreke, nasoe na gosoka, na konyora oborisia. Omoibi tagocha, otatiga aibe, na konyenya, na gosaria; inche nigo nachete erio babe nobogima, naende babe naborobwo ase obonge. Inche ninche Omorisia omuya; omorisia omuya nigo akorua obogima bwaye ase engencho ye ching’ondi. Omonto orikire, tari ere omorisia, gose ching’ondi tichiri echiaye; gakorora esese y’orosana egocha, nigo agotiga ching’ondi, otama, na esese y’orosana yachisakora, na gochiserebania. Ere nigo agotama ekiagera nomorikwa, gose tarengerereti amang’ana e ching’ondi. Inche ninche omorisia omuya, na echire echiane ninchimanyete, buna Tata amanyete inche, na inche nimomanyete Tata, na obogima bwane naborure ase engencho ye ching’ondi. Naende ching’ondi chinde mbwate, chitari chie riicho eri, na chirochio nabo engwenerete gochirenta, na eriogi riane nachiriigwe. Igo nachibe riicho erimo na omorisia oyomo. Ase ayio Tata nanyanchete, ekiagera narure obogima bwane, erinde inyare koboirania naende. Tari omonto okobonduera, korende ninche omonyene naborure. Ninde nokobua koborua; naende ninde nokobua koboirania. Ogochika oko nigo nakonyorire ase Tata one.”
Erio gokaba naende ogwatananekana ase Abayahudi ase engencho y’amang’ana aya. Abange babo bakaboora, “Nigo abwatire nekerecha, naende nigo are ebarimo; nase ki mokomotegerera?” Abande bakaboora “Amang’ana aya tari ay’omonto obwatire nekerecha. Inee! Ekerecha nkenyare koramokia ’emeuko amaiso?”

Ndiarenge Rituko Rinene ri’okoinyora okoigorwa na ogosaberwa gwe Hekalu aria Yerusalemu. Nigo kiarenge ekero ki’obokendu, na Yeso nigo arenge gotaara ase Hekalu ime, ase egoora ya Sulemani. Erio Abayahudi bakamoetanana, bakamobooria, “Ngoika ririri oratoichanie emioyo yaito? Onye naye Kristo, toteebia maiso marore.”
Yeso akabairaneria, “Nabatebirie, na inwe timori kwegena; emeremo eye ngokora ase erieta ria Tata one, nero ekombera kirori. Korende inwe timori kwegena, ekiagera timori abamo ase ching’ondi chiane. Ching’ondi chiane nigo chikoigwa eriogi riane, na inche ninchimanyete, na chirochio nigo chigontunyana; inche nachieire obogima bwa kare na kare, na chirochio tichigosira nonya ng’ake, nonya nomonto tagochitaboria korwa ase okoboko kwane. Tata one oching’eire nomonene kobua bonsi, na onde takonyara gochitaboria korwa ase okoboko gwa Tata. Inche na Tata nigo tore oyomo.”

Erio Abayahudi bakaimokia amagena naende, erinde bamoake. Yeso akabairaneria, “Naborokirie emeremo emiya emenge erwete ase Tata; nereri ase emeremo eyio mokong’akera amagena?” Abayahudi bakamoiraneria, “Titogokoaka amagena ase emeremo emiya, korende nase okorama, ekiagera aye nomonto ogwekora omonyene ng’a naye Nyasae.”
Yeso akabairaneria, “Tarikiri ase amachiiko aino ng’a: Inche nateebete ng’a inwe nigo more chinyasae? Onye orogete baria chinyasae, abacheretwe ne ring’ana ria Nyasae (na amariiko takonyara gosareka), inee, nigo mogoteeba igoro yaye, ere oyo Tata aatananete akamotoma ase ense: Nkorama are, ekiagera nateba: Inche n’Omwana o Nyasae? Onye tindi gokora emeremo ya Tata one, timonyegena. Korende konda yekore, nonya timonyegeneti inche, egene emeremo eria, monyare komanya na kwegena ng’a Tata nigo are ime yane, na inche ime ase Tata.” Bakarigia eria kabere komobwata, korende akarua ase amaboko abo.
Akagenda naende ng’umbu ya Yorodani goika aase aria Yohana arenge kobatisera ritang’ani, akabeera aroro. Abanto abange bakamochiera, bakaboora, “Yohana takorete egekone kende gionsi, korende onsi aya Yohana ateebete igoro y’omonto oyo nigo are ay’ekeene.” Abange bakamwegena aroro.

Escolta Yohana 10