Chin, Hakha - 2005 Edition (NT) Non-Drama

Chin, Hakha - 2005 Edition (Non-Drama NT)

Chin, Hakha - 2005 Edition (NT)

<div class="version vid327 iso6393cnh" data-vid="327" data-iso6393="cnh">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Jesuh le Nikodemu</div><div class="p"> 1Judah mi hruaitu a simi pa pakhat a rak um i a min cu Nikodemu a si, amah cu Farasi phu chungmi a si. 2Zan khat cu Jesuh sinah khan a va kal i, &#8220;Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,&#8221; tiah a ti.</div><div class="p"> 3Jesuh nih cun, &#8220;Biatak tein kan chimh: Ahohmanh hrin &#7789;han a si lo ahcun Pathian Pennak kha a hmu kho lai lo,&#8221; tiah a leh.</div><div class="p"> 4Nikodemu nih cun, &#8220;Zeitindah patling a si cangmi cu hrin &#7789;han#3.4 a hrin &#7789;han &#8230; hrin &#7789;han timi hi &#8216;cunglei&#8217; in ti sullam zong a ngei cu a si khawh lai? A nu paw chungah cun lut &#7789;han in hrin &#7789;han cu a si kho bal lai lo,&#8221; tiah a leh.</div><div class="p"> 5Jesuh nih cun, &#8220;Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo. 6Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si. 7&#8216;Hrin &#7789;han nan si hrimhrim awk a si,&#8217; ka ti tikah na khuaruahhar hlah. 8Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,&#8221; tiah a ti.</div><div class="p"> 9Nikodemu nih cun, &#8220;Zeitindah cucu a si khawh lai?&#8221; tiah a ti.</div><div class="p"> 10Jesuh nih cun a thawh i, &#8220;Nang cu Israel mi cawnpiaktu saya ngan na si i hi hmanh na hngal lo maw? 11Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo. 12Hi vawlei cung thil kong ka chim hmanh ah nan ka zumh lo ahcun zeitindah vancung thil kong ka chim tikah nan ka zumh khawh kun lai? 13Vancung in a rung &#7789;ummi Mi Fapa dah ti lo cu ahohmanh vancung i a kaimi an um bal lo.&#8221;</div><div class="p"> 14Moses nih dar rul kha thetse ram lakah a tar bantuk khan Mi Fapa zong hi tar a si ve lai. #Nam 21.9 15Cucaah cun amah a zummi paoh nih zungzal nunnak an ngei lai. 16Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. 17Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah &#7789;ung lo, vawlei khamhtu si awkah pei a run thlah cu.</div><div class="p"> 18&#8220;Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo. 19Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil &#7789;halo kha an tuah caah ceunak nakcun muihnak tu kha an duh deuh. 20Thil &#7789;halo a tuahmi paoh nih cun ceunak kha a huat i ceunak i rat kha a duh lo, zeicahtiah thil &#7789;halo a tuahmi langh kha a duh lo. 21Sihmanhsehlaw thil hmaan a tuahmi cu ceunak ah khan a ra i a tuahmi kha Pathian duhnak zulh in a si ti cu ceunak nih cun a langhter,&#8221; tiah a ti.</div><div class="s">Jesuh le Johan</div><div class="p"> 22Cu hnuah cun Jesuh le a zultu hna cu Judea ram ah khan an kal. Cuka ah cun tlawmpal a um i tipilnak kha a pek hna. 23Johan zong kha Aenon ah khan tipilnak a pe ve hna, zeicahtiah cuka ah cun ti tampi a um. Aenon cu Salim in a hla lo. Mi cu amah sinah khan an va kal i tipilnak kha a rak pek hna. 24(Johan cu thong ah khan an thla rih lo). #Mat 14.3; Mar 6.17; Luk 3.19-20</div><div class="p"> 25Johan zultu a cheukhat hna kha Judah mi he i thianhnak phung kong an i al. 26Cucaah Johan sinah khan an va kal i, &#8220;Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,&#8221; tiah an chimh.</div><div class="p"> 27Johan nih cun a thawh hna i, &#8220;Pathian nih a pek hna dah ti lo ahcun ahohmanh nih zeihmanh an ngei kho lo. 28&#8216;Kei cu Messiah cu ka si lo, a hmai i rak thlah chungmi lawng ka si,&#8217; tiah ka timi kha nanmah pei a hngaltu cu nan si kha. #Jhn 1.20 29&#7788;hitmi ngaknu cu a &#7789;hitu tlangval ta pei a si cu. Nupi &#7789;hitu tlangval kawi cu a pawng khan a dir i nupi &#7789;hitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko. 30Anih cu a &#7789;hangcho lai, kei cu ka &#7789;umchuk lai,&#8221; a ti.</div><div class="s">Vancung In A Rami</div><div class="p"> 31Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um. 32Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo. 33A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter. 34Pathian nih a thlahmipa kha a Thlarau cu tling tein a pek caah, Pathian bia cu a chim. 35Pa nih a Fapa kha a dawt i zeizong vialte kha amah kut tangah a chiah dih. #Mat 11.27; Luk 10.22 36Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.</div>
 </div>
 </div>
</div>

Judah mi hruaitu a simi pa pakhat a rak um i a min cu Nikodemu a si, amah cu Farasi phu chungmi a si. Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.
Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.
Nikodemu nih cun, “Zeitindah patling a si cangmi cu hrin ṭhan cu a si khawh lai? A nu paw chungah cun lut ṭhan in hrin ṭhan cu a si kho bal lai lo,” tiah a leh.
Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo. Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si. ‘Hrin ṭhan nan si hrimhrim awk a si,’ ka ti tikah na khuaruahhar hlah. Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.
Nikodemu nih cun, “Zeitindah cucu a si khawh lai?” tiah a ti.
Jesuh nih cun a thawh i, “Nang cu Israel mi cawnpiaktu saya ngan na si i hi hmanh na hngal lo maw? Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo. Hi vawlei cung thil kong ka chim hmanh ah nan ka zumh lo ahcun zeitindah vancung thil kong ka chim tikah nan ka zumh khawh kun lai? Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”
Moses nih dar rul kha thetse ram lakah a tar bantuk khan Mi Fapa zong hi tar a si ve lai. Cucaah cun amah a zummi paoh nih zungzal nunnak an ngei lai. Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.
“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo. Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh. Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo. Sihmanhsehlaw thil hmaan a tuahmi cu ceunak ah khan a ra i a tuahmi kha Pathian duhnak zulh in a si ti cu ceunak nih cun a langhter,” tiah a ti.

Cu hnuah cun Jesuh le a zultu hna cu Judea ram ah khan an kal. Cuka ah cun tlawmpal a um i tipilnak kha a pek hna. Johan zong kha Aenon ah khan tipilnak a pe ve hna, zeicahtiah cuka ah cun ti tampi a um. Aenon cu Salim in a hla lo. Mi cu amah sinah khan an va kal i tipilnak kha a rak pek hna. (Johan cu thong ah khan an thla rih lo).
Johan zultu a cheukhat hna kha Judah mi he i thianhnak phung kong an i al. Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.
Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo. ‘Kei cu Messiah cu ka si lo, a hmai i rak thlah chungmi lawng ka si,’ tiah ka timi kha nanmah pei a hngaltu cu nan si kha. Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko. Anih cu a ṭhangcho lai, kei cu ka ṭumchuk lai,” a ti.

Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um. Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo. A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter. Pathian nih a thlahmipa kha a Thlarau cu tling tein a pek caah, Pathian bia cu a chim. Pa nih a Fapa kha a dawt i zeizong vialte kha amah kut tangah a chiah dih. Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

Escolta JOHAN 3