If you have would like a copy of this version please contact info@davarpartners.org

Quechua Huaylla Wanca Old Testament

<div class="version vid3318 iso6393qvw" data-vid="3318" data-iso6393="qvw">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Chayn&#252;pamari s&#239;l&#252;&#263;hu cay pach&#228;&#263;hu lluy imapis c&#228;nintin camac&#228;&#347;ha cala. 2An&#263;hishy&#228;nan muyunc&#228;&#263;h&#252;&#241;atacmi Tayta Dios lluy lula&#347;hancun&#228;ta camacalcul jamaycula.#Exo 20.11; Heb 4.4, 10. 3Chaymi allin cananp&#228; chay an&#263;hishy&#228;nan muyunc&#228;ta &#8220;Cananpi&#42892;a jamana muyunmi can&#42892;a&#8221; nil jap&#228;chaycula. Chaynu unanchaycula lluy cama&#347;hancunacta camaca&#347;han muyun captinmi.#Exo 20.11. 4Caymari janay pach&#228;pa cay pach&#228;pa allaycuyninpi willacuynincuna.</div><div class="s">Adanwan Evam Eden wirta&#263;hu</div><div class="p">&#209;atac Tayta Dios cay pach&#228;ta janay pach&#228;ta camac&#228;luptinpis, 5manal&#228; tamya tamyamuptinmi ima ja&#263;hallapis, pastullapis manal&#228; calal&#228;chu. N&#239;tac Tayta Dios tamyactapis tamyachimulal&#228;chu, n&#239;tac lulananp&#228;pis mayan nunapis calal&#228;chu. 6A&#347;hwanpa quiquin allp&#228;p&#239;ta yacu wapsimulmi allp&#228;ta acutachila. 7Chayp&#239;tam quiquin Tayta Diosninchic cay allp&#228;p&#239;ta wayap&#228;ta lulala. Jinalculmi sin&#42892;an&#263;hu p&#252;caycul cawsayta uycula. Chayn&#252;pam nunaca cawsayniyu lical&#239;la.</div><div class="p"> 8Chayp&#239;ta Tayta Dios inti yalamunan l&#228;du&#263;hu c&#228; Eden&#263;h&#252;mi juc wirtacta lulaycula. Chaymanmi lula&#347;han wayap&#228;ta &#263;hulaycula. 9Chaymantacmi imaymana sum&#228; mishqui micuna lantacunactapis Tayta Dios wi&#241;achila. Chaycunap quiquin &#263;hawpin&#263;h&#252;&#241;atacmi ishcay lichc&#228; ja&#263;hactapis wi&#241;achimula. Jucninmi &#8220;wi&#241;a-wi&#241;ayp&#228; cawsach&#239; ja&#263;ha&#8221;#Apo 2.7; 22.2, 14. cala. Jucc&#228;&#241;atacmi &#8220;allin mana allin ca&#347;hantapis lisich&#239; ja&#263;ha&#8221; cala.</div><div class="p"> 10Chay Eden&#263;hu c&#228; wirta r&#239;ga&#347;ha cananp&#228;mi &#263;hawpinp&#239;ta juc mayu yalamula. Chay mayum tawa mayuman laquicacula. 11-12Jucnin mayum &#8220;Pison&#8221; &#347;hutiyu cala. Chaymi Havila l&#228;dup jinantin muy&#252;l&#239;ninpa muyumula. Chay&#263;h&#252;mi sum&#228; f&#239;nu &#252;rupis, bedeliopis, onice nishan lumipis cacula. 13Chay ishcay may&#252;&#241;atacmi &#8220;Gihon&#8221; &#347;hutiyu cala. Chay&#241;atacmi Cus malcap jinantin muy&#252;l&#239;ninpa muyumula. 14Chay quimsa may&#252;&#241;atacmi &#8220;Tigris&#8221; &#347;hutiyu cala. Chaymi Asiria l&#228;du, inti ishpimunanman lila. Chay tawa may&#252;&#241;atacmi &#8220;Eufrates&#8221; &#347;hutiyu cala.</div><div class="p"> 15Chay sum&#228; tuqui imapis wi&#241;&#228; Eden wirtamanmi Tayta Dios &#263;hulaycula wayap&#228;ta lluy lulananp&#228;wan licaycunanp&#228;. 16Jinalculmi nin: &#8220;Cay lluy lantacunap wayuyninta micunquimanmi. 17&#209;atac chay &#8216;allinc&#228;ta mana allinc&#228;ta&#8217; lisich&#239; ja&#263;hap&#239;mi ich&#225; ama micunquichu. Mic&#252;lul&#42892;a, rasunpa wa&#241;unquim&#8221;#Rom 6.23. nil.</div><div class="p"> 18Chayp&#239;mi Tayta Dios nin: &#8220;Manam allinchu wayapaca japallan cay&#228;&#347;han&#42892;a. Ima&#263;h&#252;pis yanap&#228;nanp&#228; masanninta lula&#347;h&#228;&#8221; nil. 19Chayp&#239;tam Tayta Dios lluy uywacun&#228;ta, p&#228;l&#239;cun&#228;ta allp&#228;p&#239;ta lulalcul, &#347;hutich&#228;nanp&#228; wayap&#228;pa maquinman &#263;hulaycula. Chaynu lluy uywacunacta Adan &#347;hutich&#228;&#347;hanc&#228;llam &#347;hutincuna cayan. 20Lluy chucaru uywacunacta, mansu uywacunactapis, p&#228;l&#239;cun&#228;tapis &#347;hutichayaptinpis quiquin Adanp&#225; tinc&#252;ninman yanapayc&#252;nin manam&#225; calachu.</div><div class="p"> 21Chaymi Tayta Dios wa&#241;u&#347;ha-wa&#241;u&#347;hacta Adanta pu&#241;&#252;chila. Jinalculmi w&#228;tanpi jucnin w&#228;ta tullunta jululcul ca&#347;han wi&#263;hayc&#252;la. 22Chay w&#228;tanpi Tayta Dios walm&#239;ta licalilcachilmi wayap&#228;man pu&#347;haycula. 23Chayta lic&#228;lulmi Adan nin:</div><div class="b"></div><div class="q">&#8220;Caymi ich&#225; quiquin aych&#228;pi tull&#252;pi.</div><div class="q">Chaymi &#8216;walmi&#8217; nisha can&#42892;a,</div><div class="q">wayap&#228;p&#239;ta juluycu&#347;ha ca&#347;hanpi&#8221; nil.</div><div class="b"></div><div class="p"> 24Chay-laycun wayapaca taytanta mamanta ca&#263;haycul walminwan juclla&#241;a cap&#228;cun&#42892;a. Chayn&#252;pam juc aychalla&#241;a cap&#228;cun.#Mat 19.5; Mar 10.7-8; 1Cor 6.16; Efe 5.31.</div><div class="p"> 25&#209;atac wayap&#228;pis walm&#239;pis mana m&#252;danayu calalla cayalcalpis manam mayanninpis pin&#42892;aculc&#228;lachu.</div>
 </div>
 </div>
</div>

Chaynüpamari sïlüćhu cay pachäćhu lluy imapis cänintin camacäśha cala. Anćhishyänan muyuncäćhüñatacmi Tayta Dios lluy lulaśhancunäta camacalcul jamaycula. Chaymi allin cananpä chay anćhishyänan muyuncäta “Cananpiꞌa jamana muyunmi canꞌa” nil japächaycula. Chaynu unanchaycula lluy camaśhancunacta camacaśhan muyun captinmi. Caymari janay pachäpa cay pachäpa allaycuyninpi willacuynincuna.

Ñatac TAYTA DIOS cay pachäta janay pachäta camacäluptinpis, manalä tamya tamyamuptinmi ima jaćhallapis, pastullapis manalä calalächu. Nïtac TAYTA DIOS tamyactapis tamyachimulalächu, nïtac lulananpäpis mayan nunapis calalächu. Aśhwanpa quiquin allpäpïta yacu wapsimulmi allpäta acutachila. Chaypïtam quiquin TAYTA DIOSNINCHIC cay allpäpïta wayapäta lulala. Jinalculmi sinꞌanćhu pücaycul cawsayta uycula. Chaynüpam nunaca cawsayniyu licalïla.
Chaypïta TAYTA DIOS inti yalamunan lädućhu cä Edenćhümi juc wirtacta lulaycula. Chaymanmi lulaśhan wayapäta ćhulaycula. Chaymantacmi imaymana sumä mishqui micuna lantacunactapis TAYTA DIOS wiñachila. Chaycunap quiquin ćhawpinćhüñatacmi ishcay lichcä jaćhactapis wiñachimula. Jucninmi “wiña-wiñaypä cawsachï jaćha” cala. Juccäñatacmi “allin mana allin caśhantapis lisichï jaćha” cala.
Chay Edenćhu cä wirta rïgaśha cananpämi ćhawpinpïta juc mayu yalamula. Chay mayum tawa mayuman laquicacula. Jucnin mayum “Pison” śhutiyu cala. Chaymi Havila lädup jinantin muyülïninpa muyumula. Chayćhümi sumä fïnu ürupis, bedeliopis, onice nishan lumipis cacula. Chay ishcay mayüñatacmi “Gihon” śhutiyu cala. Chayñatacmi Cus malcap jinantin muyülïninpa muyumula. Chay quimsa mayüñatacmi “Tigris” śhutiyu cala. Chaymi Asiria lädu, inti ishpimunanman lila. Chay tawa mayüñatacmi “Eufrates” śhutiyu cala.
Chay sumä tuqui imapis wiñä Eden wirtamanmi TAYTA DIOS ćhulaycula wayapäta lluy lulananpäwan licaycunanpä. Jinalculmi nin: “Cay lluy lantacunap wayuyninta micunquimanmi. Ñatac chay ‘allincäta mana allincäta’ lisichï jaćhapïmi ichá ama micunquichu. Micülulꞌa, rasunpa wañunquim” nil.
Chaypïmi TAYTA DIOS nin: “Manam allinchu wayapaca japallan cayäśhanꞌa. Imaćhüpis yanapänanpä masanninta lulaśhä” nil. Chaypïtam TAYTA DIOS lluy uywacunäta, pälïcunäta allpäpïta lulalcul, śhutichänanpä wayapäpa maquinman ćhulaycula. Chaynu lluy uywacunacta Adan śhutichäśhancällam śhutincuna cayan. Lluy chucaru uywacunacta, mansu uywacunactapis, pälïcunätapis śhutichayaptinpis quiquin Adanpá tincüninman yanapaycünin manamá calachu.
Chaymi TAYTA DIOS wañuśha-wañuśhacta Adanta puñüchila. Jinalculmi wätanpi jucnin wäta tullunta jululcul caśhan wićhaycüla. Chay wätanpi TAYTA DIOS walmïta licalilcachilmi wayapäman puśhaycula. Chayta licälulmi Adan nin:

“Caymi ichá quiquin aychäpi tullüpi.
Chaymi ‘walmi’ nisha canꞌa,
wayapäpïta juluycuśha caśhanpi” nil.

Chay-laycun wayapaca taytanta mamanta caćhaycul walminwan jucllaña capäcunꞌa. Chaynüpam juc aychallaña capäcun.
Ñatac wayapäpis walmïpis mana müdanayu calalla cayalcalpis manam mayanninpis pinꞌaculcälachu.

Escolta Genesis 2