OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Yesus taki nanga Nikodemus</div><div class="p"> 1Wan Fariseiman ben de di ben nen Nikodemus. A ben de wan fu den edeman fu den Dyu. 2Wan neti a man disi kon na Yesus dan a taigi En taki: &#8220;Meister, wi sabi tak' na Gado seni Yu kon fu gi den sma leri. Bika no wan sma bo man du den marki san Yu e du, efu Gado no ben de nanga en.&#8221;</div><div class="p"> 3Yesus piki en taki: &#8220;Fu tru Mi e taigi yu: Efu yu no kon gebore nyunyun, yu no man kon ondro a tiri fu Gado.&#8221;</div><div class="p"> 4Dan Nikodemus aksi En taki: &#8220;Fa wan sma di owru kba kan kon gebore baka? Yu no man go ini yu m'ma bere baka fu a meki yu ete wan leisi.&#8221;</div><div class="p"> 5Yesus piki en baka taki: &#8220;Fu tru Mi e taigi yu: No wan sma kan kon ondro a tiri fu Gado efu a no kon gebore fu watra nanga a Yeye. 6Bika san libisma meki na libisma, ma san a Yeye e meki na yeye. 7Yu no mus ferwondru di Mi taigi yu tak' un mus kon gebore nyunyun. 8A winti e wai go pe a wani. Yu e yere en, ma yu no sabi pe a kmopo nanga pe a e go. Na so a de tu te wan sma kon gebore fu a Yeye.&#8221;</div><div class="p"> 9Dan Nikodemus aksi En taki: &#8220;Fa a sani dati kan?&#8221;</div><div class="p"> 10Yesus piki en taki: &#8220;Fa yu leki wan leriman fu Israel no sabi den sani disi? 11Fu tru Mi e taigi yu taki: Wi sabi san wi e taki &#232;n wi e ferteri san wi ben si. Ma toku un no e bribi san wi e taigi unu. 12Efu un no e bribi Mi te Mi e ferteri unu sani fu grontapu, dan fa un o bribi Mi te Mi e ferteri unu sani fu heimel? 13No wan sma de di opo go na heimel, boiti a wan di saka kmopo fu heimel. Dati na a Manpikin fu Libisma.</div><div class="p"> 14Soleki fa Moses ben opo a sneki go na loktu ini a dreisabana, na so den mus opo a Manpikin fu Libisma go na loktu tu, #Num 21:9 15fu meki tak' ala sma di e bribi ini En sa abi a libi fu t&#234;go. 16Bika Gado lobi libisma sote, tak' A gi En wan enkri Manpikin fu meki tak' ala sma di e bribi ini En, no mus go lasi, ma fu den abi a libi fu t&#234;go. 17Bika Gado no seni En Manpikin kon na grontapu fu krutu libisma, ma fu A ferlusu den.</div><div class="p"> 18A sma di e bribi ini En, no o kisi strafu. Ma efu wan sma no e bribi ini En, dan a strafu de na en tapu kba. Bika a no bribi ini a wan enkri Manpikin fu Gado. 19Na fu a sani disi den o kisi strafu: A faya kon na grontapu, ma sma ben lobi a dungru moro a faya, bika san den ben e du ben ogri. 20A sma di e du ogri, no lobi a faya srefsrefi &#232;n a no e kon ini a faya, fu sma no kon sabi san a e du. 21Ma a sma di e du den sani san tru, a dati e kon ini a faya, fu sori tak' san a e du na san Gado wani fu a du.&#8221;</div><div class="s">San Yohanes taki fu Yesus</div><div class="p"> 22Baka dati Yesus nanga den man fu En go na a kontren fu Yudea. A tan nanga den drape, &#232;n A dopu sma. 23Yohanes ben e dopu sma tu na Enon, krosbei fu a foto Salim, bika furu watra ben drape. Den sma ben go drape na en fu a dopu den. 24A pisten dati Yohanes no ben de na straf'oso ete. #Mat 14:3; Mrk 6:17; Luk 3:19-20</div><div class="p"> 25Dan den man fu Yohanes kisi trobi nanga wan Dyu fu a fasi fa yu mus krin yusrefi. 26Dan den kon na Yohanes &#232;n den taigi en taki: &#8220;Meister, wan Man ben de na yu na a tra sei fu a Yordanliba &#232;n yu ben ferteri unu suma na En. Now a Man dati e dopu sma tu &#232;n ala sma e go na En.&#8221;</div><div class="p"> 27Ma Yohanes piki den taki: &#8220;No wan sma kan kisi wan sani, efu a no Gado na heimel gi en. 28Un srefi yere di mi ben taki tak' mi a no Kristus, ma tak' Gado ben seni mi kon na En fesi. #Yoh 1:20 29A trowmisi na fu a trowmasra. A mati fu a trowmasra e tnapu arki nomo oten a trowmasra e kon, &#232;n a e breiti te a yere en sten. A sani disi e meki mi breiti fu tru. 30Sma mus poti den ai moro nanga moro na En tapu, dan den puru den ai na mi tapu.&#8221;</div><div class="p"> 31A wan di kmoto na loktu bigi moro ala trawan. Ma a sma di de fu grontapu, na fu grontapu. Dat' meki a e si ala sani grontapu fasi. 32A Wan di kmoto na heimel#3:32 Wantu manuscript skrifi taki: &#8220;A Wan di kmoto na heimel bigi moro ala trawan. A e ferteri fu san A si...&#8221; e ferteri fu san A si nanga san A yere, ma no wan sma e bribi san A e taki. 33Ma te wan sma bribi san A taki, a e sori nanga dati tak' Gado abi leti. 34Bika a wan di Gado seni kon e ferteri san Gado taki, bika Gado gi En a Santa Yeye psa marki. 35A P'pa lobi a Manpikin, &#232;n A poti ala sani na ini En anu. #Mat 11:27; Luk 10:22 36A sma di e bribi ini a Manpikin, abi a libi fu t&#234;go. Ma a sma di no wani du san a Manpikin e taki, no o kisi a libi, bika a atibron fu Gado e tan na en tapu.</div>
 </div>
 </div>
</div>

Wan Fariseiman ben de di ben nen Nikodemus. A ben de wan fu den edeman fu den Dyu. Wan neti a man disi kon na Yesus dan a taigi En taki: “Meister, wi sabi tak' na Gado seni Yu kon fu gi den sma leri. Bika no wan sma bo man du den marki san Yu e du, efu Gado no ben de nanga en.”
Yesus piki en taki: “Fu tru Mi e taigi yu: Efu yu no kon gebore nyunyun, yu no man kon ondro a tiri fu Gado.”
Dan Nikodemus aksi En taki: “Fa wan sma di owru kba kan kon gebore baka? Yu no man go ini yu m'ma bere baka fu a meki yu ete wan leisi.”
Yesus piki en baka taki: “Fu tru Mi e taigi yu: No wan sma kan kon ondro a tiri fu Gado efu a no kon gebore fu watra nanga a Yeye. Bika san libisma meki na libisma, ma san a Yeye e meki na yeye. Yu no mus ferwondru di Mi taigi yu tak' un mus kon gebore nyunyun. A winti e wai go pe a wani. Yu e yere en, ma yu no sabi pe a kmopo nanga pe a e go. Na so a de tu te wan sma kon gebore fu a Yeye.”
Dan Nikodemus aksi En taki: “Fa a sani dati kan?”
Yesus piki en taki: “Fa yu leki wan leriman fu Israel no sabi den sani disi? Fu tru Mi e taigi yu taki: Wi sabi san wi e taki èn wi e ferteri san wi ben si. Ma toku un no e bribi san wi e taigi unu. Efu un no e bribi Mi te Mi e ferteri unu sani fu grontapu, dan fa un o bribi Mi te Mi e ferteri unu sani fu heimel? No wan sma de di opo go na heimel, boiti a wan di saka kmopo fu heimel. Dati na a Manpikin fu Libisma.
Soleki fa Moses ben opo a sneki go na loktu ini a dreisabana, na so den mus opo a Manpikin fu Libisma go na loktu tu, fu meki tak' ala sma di e bribi ini En sa abi a libi fu têgo. Bika Gado lobi libisma sote, tak' A gi En wan enkri Manpikin fu meki tak' ala sma di e bribi ini En, no mus go lasi, ma fu den abi a libi fu têgo. Bika Gado no seni En Manpikin kon na grontapu fu krutu libisma, ma fu A ferlusu den.
A sma di e bribi ini En, no o kisi strafu. Ma efu wan sma no e bribi ini En, dan a strafu de na en tapu kba. Bika a no bribi ini a wan enkri Manpikin fu Gado. Na fu a sani disi den o kisi strafu: A faya kon na grontapu, ma sma ben lobi a dungru moro a faya, bika san den ben e du ben ogri. A sma di e du ogri, no lobi a faya srefsrefi èn a no e kon ini a faya, fu sma no kon sabi san a e du. Ma a sma di e du den sani san tru, a dati e kon ini a faya, fu sori tak' san a e du na san Gado wani fu a du.”

Baka dati Yesus nanga den man fu En go na a kontren fu Yudea. A tan nanga den drape, èn A dopu sma. Yohanes ben e dopu sma tu na Enon, krosbei fu a foto Salim, bika furu watra ben drape. Den sma ben go drape na en fu a dopu den. A pisten dati Yohanes no ben de na straf'oso ete.
Dan den man fu Yohanes kisi trobi nanga wan Dyu fu a fasi fa yu mus krin yusrefi. Dan den kon na Yohanes èn den taigi en taki: “Meister, wan Man ben de na yu na a tra sei fu a Yordanliba èn yu ben ferteri unu suma na En. Now a Man dati e dopu sma tu èn ala sma e go na En.”
Ma Yohanes piki den taki: “No wan sma kan kisi wan sani, efu a no Gado na heimel gi en. Un srefi yere di mi ben taki tak' mi a no Kristus, ma tak' Gado ben seni mi kon na En fesi. A trowmisi na fu a trowmasra. A mati fu a trowmasra e tnapu arki nomo oten a trowmasra e kon, èn a e breiti te a yere en sten. A sani disi e meki mi breiti fu tru. Sma mus poti den ai moro nanga moro na En tapu, dan den puru den ai na mi tapu.”
A wan di kmoto na loktu bigi moro ala trawan. Ma a sma di de fu grontapu, na fu grontapu. Dat' meki a e si ala sani grontapu fasi. A Wan di kmoto na heimel e ferteri fu san A si nanga san A yere, ma no wan sma e bribi san A e taki. Ma te wan sma bribi san A taki, a e sori nanga dati tak' Gado abi leti. Bika a wan di Gado seni kon e ferteri san Gado taki, bika Gado gi En a Santa Yeye psa marki. A P'pa lobi a Manpikin, èn A poti ala sani na ini En anu. A sma di e bribi ini a Manpikin, abi a libi fu têgo. Ma a sma di no wani du san a Manpikin e taki, no o kisi a libi, bika a atibron fu Gado e tan na en tapu.

Escolta Yohanes 3