Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s">E Iesu e hala rela u tohit u maloto tara katuun</div><div class="p"> 1I murina a ka teka ba Tsunono e hop&#246; kap rena u tohit u maloto tara katuun.#10:1 A palaina man raranga turu Gospel ti retin u katunura i Grik i manasa e poeier, u tohit u maloto na palai e poeier u tohit u maloto na huol. Nonei e ngilin hala huhuol mam mera leien tara man taun na man han hoboto te katsin la uaien. 2Be Iesu e poeiena i taren, &#8220;A kui e tangoho hakapa kaba e m&#246;a ta katuun ta para tega hagali a kannou. Alimiou go singo uaiam tara Tsunono bate hala renama u katuun batena hagale rima a kannou a tangoho. 3La tala mula. Tara, alia e hala here ragi limiou u tunan sipsip te la uaier i gusur u muki u hie. 4Alimiou goma la memi ta pous moni tsi ta pora tsi tu sendol. Na e m&#246;a tu tuol bate ranga gono mem ta katuun i maroro. 5Na tena tasu moa limiou ta luma, ba limiou te pei mamemiou, &#8216;A masalohana e tatei ka uana tara luma teka.&#8217; 6Na te kanoa ta katununa tara masalohana tara luma teka, ba masalohana i tamilimiou te kanoa i tanen. Kaba te m&#246;a noa ta katununa tara masalohana, ba masalohana i tamilimiou te hakopis pouts has uanou i tamilimiou. 7Alimiou go ka nit&#246;a mia tara t&#246;a luma batema hula la uami tara man taina man luma.#10:7 E ranga nena, nori gi sohoia tara t&#246;a puku a luma kaba nori e tatei na hihatuts ria tara palaina man makum batemi soho pouts ria tara t&#246;a puku a luma. Alimiou e tatei noue miou ne tatei ue miou a man saha manka te tatei hala naren. Taraha? A katunun kui egi halei a hihol i tanen. 8P&#246;ata tena butu moua limiou tara t&#246;a taun ba u katuun te lu mera rilimiou i luma i taren, alimiou go noueiam a saha kannou te hanou rarien limiou. 9Alimiou go kato haniga pouts raiam u katuun te ka mer a siki nonei tara taun, bate mar ranga hatei meramien teka, &#8216;A nipepeito kap tere Sunahan e susuku hakapa uama i tamilimiou.&#8217; 10-11Kaba tena butu moa limiou tara t&#246;a taun bu katuun tema haniga rari limiou, ba limiou tena tuol mia i maroro bate ranga meramen, &#8216;Alam e tohu ba nem u k&#246;ahu tara taun i tamilimiou te rokotona i moumulam! Kaba limiou go hakats haniga iam: a Nipepeito tere Sunahan e la hasusuku hakapa uama i tamilimiou, kaba limiou ema ngil tsipone mien!&#8217; 12Alia e ranga mera goulimiou, turu lanin hahuna tere Sunahan, u katuun tara taun teka e lue riou a nihahuna te pan bala nanou a nihahuna turu katuun u omi ra i Sodom.&#8221;</div><div class="s">U katuun tara man taun ti hahamana</div><div class="r">(Matiu 11:20-24)</div><div class="p"> 13E Iesu e hihatuts me poeiena, &#8220;A nomi pan koru e butuna romana i tamilimiou u katunura i Korasin na i Betsaida! Sanena a man mirakol ti katoeia i gusumilimiou ti kato mameia i Taia na i Saidon i iomin, nori sanena i tori tsuga ban a man markato a man omi i taren bate ka ria turu gum. 14Kaba turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon. 15Na limiou u katunura tara taun i Kapenium e ngilin soloseie miou a peisa milimiou iasa, kaba limiou e lapo ba has raroua i hel!&#8221; 16Be Iesu e poeiena turu katunun tsitsilo i tanen, &#8220;U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.&#8221;</div><div class="s">U tohit u maloto tara katuun i kopisima</div><div class="p"> 17U tohit u maloto tara katuun i kopis mema a nisasaala pan me poeier tere Iesu, &#8220;O Tsunono, u liliahanei u omi has i hengo korui u ranga i tamulam tu tsuga meraien lam tara solo m&#246;l&#246;!&#8221; 18Be Iesu e ranga palis ranen, &#8220;Aa, alia u tari e Satan e rus here mei u kanaha i Kol&#246;. 19Hengoiam! Alia u hala hakapa railimiou a nitagala tego t&#246;t&#246; mera milimiou u k&#246;k&#246;tsi na u k&#246;koto. Na lia u hala hakapa has railimiou a nitagala tego tagala saluhe mena milimiou a nitagala hoboto tere Satan, a katuun te pak&#246; ranou ra. Na e m&#246;a nou romana ta ka tega kato homi raiou limiou. 20Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kol&#246;.&#8221;</div><div class="s">E Iesu e sasaala</div><div class="r">(Matiu 11:25-27, Matiu 13:16-17)</div><div class="p"> 21Nonei has tara p&#246;ata, e Iesu e ka mei a nisasaala pan turu Namnamei u G&#246;agono me poeiena, &#8220;O Tamar, al&#246; a Tsunono pan i Kol&#246; na i puta! Alia e haniga koru megia i tam&#246;l&#246; te hamous me mil&#246; u raranga u mana turu katuun te poeier e ka mer a niatei, bate har&#246;to namen turu katuun papala tema atei balari. Aa, O Tamagulia, al&#246; e markato uaiem teka turu ngil peisa i tam&#246;l&#246; bal&#246; te sasaala memen.&#8221; 22Be Iesu e rangana turu katuun, &#8220;E Tamar e hale ii lia a mamanaka hoboto. Na e m&#246;a ta t&#246;a ta katuun tega atei sil a Pien Tson. E Tamar pepeisa lasi. Na e m&#246;a has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hop&#246; kap naien te tatei hatei butu narouen.&#8221; 23Be Iesu e habirits uana turu katunun tsitsilo me poeiena i taren pepeisa, &#8220;Sasaalaiam a man mata te tarer a manka te tare milimiou! 24Alia e ranga mera goulimiou, u propet na u king u parpara i ngilin tara a manka te tare milimiou, kaba nori ima tareien. Nori i ngilin hengoe a manka te hengoe milimiou, kaba nori ima hengoeien.&#8221;</div><div class="s">U haharuei tara toun Samaria a niga</div><div class="p"> 25Turu t&#246;a u lan, a t&#246;a tson hihatuts tara Lo tere Mosis e tuol sei me torohane nei e Iesu u rangatasei teka, &#8220;Tson Hihatuts, aha tego kati lia ba lia te luegou a nit&#246;at&#246;a te ka nit&#246;ana?&#8221; 26Be Iesu e poeiena i tanen, &#8220;Aha te ranga nena u Buku u G&#246;agono? Al&#246; e mar atei mena mien ime?&#8221; 27Ba nonei e poeiena, &#8220;U Buku u G&#246;agono e poeiena, &#8216;Al&#246; go ngil koru a Tsunono i tam&#246;l&#246; e Sunahan turu tori hoboto i tam&#246;l&#246; nu namnamei na nitagala na u hakats hoboto i tam&#246;l&#246;, bate ngil has menami a tana katuun temar ngil mena mil&#246; a peisam.&#8217;&#8221; 28Be Iesu e poeiena i tanen, &#8220;Al&#246; e ranga hamatsk&#246; mula. Markato uu teka ba l&#246; te t&#246;at&#246;a hamana mou.&#8221; 29Kaba a tson hihatuts tara Lo e ngil u katuun egi pei nonei a katuun a matsk&#246;, ba nonei e rangatena e Iesu, &#8220;Esi nonei a katuun tego ngili lia?&#8221; 30Be Iesu e ranga palisina me poeiena, &#8220;A t&#246;a katuun e la ban i Jerusalem me gala uana i Jeriko, ba u kopkop e atung hohomie ren me lueier a mamanaka, ba nori e laba naren. 31Nonei tara p&#246;ata, a t&#246;a pris turu Jiu e gala silaia tara maroro teka, kaba p&#246;ata te tareien a katuun ba nonei e la hapalis ba nanen. 32I murinen a t&#246;a Livai e gala sila hasia tara maroro teka, kaba p&#246;ata te tareien a katuun ba nonei e la hapalis ba has nanen. 33Kaba a t&#246;a toun Samaria e gala sila hasia tara maroro teka. Ba p&#246;ata te tareien nonei a katuun me taatagi koru nanen. 34Ba nonei ena hakis nena u uapi na uain tara man takiraha na man ngats i peisanen, me pouenen. Ba nonei e hose nen tara rongki i tanen me lu mena neien tara t&#246;a luman soho mena tara kap nanen. 35Turu hamah&#246; ba nonei e lousena a huol a denarius moni me hale neien a katuun terena luman soho me poeiena, &#8216;Pakoko hanigei a katuun teka. Na te noue noen ta moni lel i tam&#246;l&#246;, ba lia temi palis poutse gouen tara p&#246;ata te sila pouts guma lia teka.&#8217;&#8221; 36Be Iesu e pei lelena, &#8220;Esi tara topisa katuun teka te ngil korui a tana katuun?&#8221; 37Ba tson hihatuts tara Lo e poeiena, &#8220;A katuun te taatagi naien.&#8221; Be Iesu e poeiena i tanen, &#8220;Bara. Al&#246; go markato has uu te mar kato uaien.&#8221;</div><div class="s">E Iesu e roroia tere Marta mere Maria</div><div class="p"> 38E Iesu na u katunun tsitsilo i tanen i la uu tara maroro mena butu ria tara t&#246;a han, ba t&#246;a tahol a solonen e Marta e lu mera neien tara luma i tanen. 39E toulanen e Maria e gum ia i mouna e Iesu bate hahengona turu hihatuts i tanen. 40Kaba e Marta e kato sil korui a man toukui tega katoeien. Ba nonei e la nama memi poeiena, &#8220;Tsunono, al&#246; ema hakats nami e toular e laba nena moulia ba lia te kato pepeisegu a man toukui? Al&#246; go ranga memen bate mi taguhe noulia!&#8221; 41Ba Tsunono e ranga palise nen, &#8220;O Marta, Marta! Al&#246; e toku korum na e hakats hatagala nem a mamanaka. 42Kaba t&#246;a puku a ka te pan balana. E Maria e hop&#246; kap nena a ka a niga teka, na ema antunan luba naroien.&#8221;</div>
 </div>
 </div>
</div>

I murina a ka teka ba Tsunono e hopö kap rena u tohit u maloto tara katuun. Nonei e ngilin hala huhuol mam mera leien tara man taun na man han hoboto te katsin la uaien. Be Iesu e poeiena i taren, “A kui e tangoho hakapa kaba e möa ta katuun ta para tega hagali a kannou. Alimiou go singo uaiam tara Tsunono bate hala renama u katuun batena hagale rima a kannou a tangoho. La tala mula. Tara, alia e hala here ragi limiou u tunan sipsip te la uaier i gusur u muki u hie. Alimiou goma la memi ta pous moni tsi ta pora tsi tu sendol. Na e möa tu tuol bate ranga gono mem ta katuun i maroro. Na tena tasu moa limiou ta luma, ba limiou te pei mamemiou, ‘A masalohana e tatei ka uana tara luma teka.’ Na te kanoa ta katununa tara masalohana tara luma teka, ba masalohana i tamilimiou te kanoa i tanen. Kaba te möa noa ta katununa tara masalohana, ba masalohana i tamilimiou te hakopis pouts has uanou i tamilimiou. Alimiou go ka nitöa mia tara töa luma batema hula la uami tara man taina man luma. Alimiou e tatei noue miou ne tatei ue miou a man saha manka te tatei hala naren. Taraha? A katunun kui egi halei a hihol i tanen. Pöata tena butu moua limiou tara töa taun ba u katuun te lu mera rilimiou i luma i taren, alimiou go noueiam a saha kannou te hanou rarien limiou. Alimiou go kato haniga pouts raiam u katuun te ka mer a siki nonei tara taun, bate mar ranga hatei meramien teka, ‘A nipepeito kap tere Sunahan e susuku hakapa uama i tamilimiou.’ Kaba tena butu moa limiou tara töa taun bu katuun tema haniga rari limiou, ba limiou tena tuol mia i maroro bate ranga meramen, ‘Alam e tohu ba nem u köahu tara taun i tamilimiou te rokotona i moumulam! Kaba limiou go hakats haniga iam: a Nipepeito tere Sunahan e la hasusuku hakapa uama i tamilimiou, kaba limiou ema ngil tsipone mien!’ Alia e ranga mera goulimiou, turu lanin hahuna tere Sunahan, u katuun tara taun teka e lue riou a nihahuna te pan bala nanou a nihahuna turu katuun u omi ra i Sodom.”


E Iesu e hihatuts me poeiena, “A nomi pan koru e butuna romana i tamilimiou u katunura i Korasin na i Betsaida! Sanena a man mirakol ti katoeia i gusumilimiou ti kato mameia i Taia na i Saidon i iomin, nori sanena i tori tsuga ban a man markato a man omi i taren bate ka ria turu gum. Kaba turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon. Na limiou u katunura tara taun i Kapenium e ngilin soloseie miou a peisa milimiou iasa, kaba limiou e lapo ba has raroua i hel!” Be Iesu e poeiena turu katunun tsitsilo i tanen, “U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.”

U tohit u maloto tara katuun i kopis mema a nisasaala pan me poeier tere Iesu, “O Tsunono, u liliahanei u omi has i hengo korui u ranga i tamulam tu tsuga meraien lam tara solo mölö!” Be Iesu e ranga palis ranen, “Aa, alia u tari e Satan e rus here mei u kanaha i Kolö. Hengoiam! Alia u hala hakapa railimiou a nitagala tego tötö mera milimiou u kökötsi na u kökoto. Na lia u hala hakapa has railimiou a nitagala tego tagala saluhe mena milimiou a nitagala hoboto tere Satan, a katuun te pakö ranou ra. Na e möa nou romana ta ka tega kato homi raiou limiou. Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kolö.”


Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.” Be Iesu e rangana turu katuun, “E Tamar e hale ii lia a mamanaka hoboto. Na e möa ta töa ta katuun tega atei sil a Pien Tson. E Tamar pepeisa lasi. Na e möa has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hopö kap naien te tatei hatei butu narouen.” Be Iesu e habirits uana turu katunun tsitsilo me poeiena i taren pepeisa, “Sasaalaiam a man mata te tarer a manka te tare milimiou! Alia e ranga mera goulimiou, u propet na u king u parpara i ngilin tara a manka te tare milimiou, kaba nori ima tareien. Nori i ngilin hengoe a manka te hengoe milimiou, kaba nori ima hengoeien.”

Turu töa u lan, a töa tson hihatuts tara Lo tere Mosis e tuol sei me torohane nei e Iesu u rangatasei teka, “Tson Hihatuts, aha tego kati lia ba lia te luegou a nitöatöa te ka nitöana?” Be Iesu e poeiena i tanen, “Aha te ranga nena u Buku u Göagono? Alö e mar atei mena mien ime?” Ba nonei e poeiena, “U Buku u Göagono e poeiena, ‘Alö go ngil koru a Tsunono i tamölö e Sunahan turu tori hoboto i tamölö nu namnamei na nitagala na u hakats hoboto i tamölö, bate ngil has menami a tana katuun temar ngil mena milö a peisam.’” Be Iesu e poeiena i tanen, “Alö e ranga hamatskö mula. Markato uu teka ba lö te töatöa hamana mou.” Kaba a tson hihatuts tara Lo e ngil u katuun egi pei nonei a katuun a matskö, ba nonei e rangatena e Iesu, “Esi nonei a katuun tego ngili lia?” Be Iesu e ranga palisina me poeiena, “A töa katuun e la ban i Jerusalem me gala uana i Jeriko, ba u kopkop e atung hohomie ren me lueier a mamanaka, ba nori e laba naren. Nonei tara pöata, a töa pris turu Jiu e gala silaia tara maroro teka, kaba pöata te tareien a katuun ba nonei e la hapalis ba nanen. I murinen a töa Livai e gala sila hasia tara maroro teka, kaba pöata te tareien a katuun ba nonei e la hapalis ba has nanen. Kaba a töa toun Samaria e gala sila hasia tara maroro teka. Ba pöata te tareien nonei a katuun me taatagi koru nanen. Ba nonei ena hakis nena u uapi na uain tara man takiraha na man ngats i peisanen, me pouenen. Ba nonei e hose nen tara rongki i tanen me lu mena neien tara töa luman soho mena tara kap nanen. Turu hamahö ba nonei e lousena a huol a denarius moni me hale neien a katuun terena luman soho me poeiena, ‘Pakoko hanigei a katuun teka. Na te noue noen ta moni lel i tamölö, ba lia temi palis poutse gouen tara pöata te sila pouts guma lia teka.’” Be Iesu e pei lelena, “Esi tara topisa katuun teka te ngil korui a tana katuun?” Ba tson hihatuts tara Lo e poeiena, “A katuun te taatagi naien.” Be Iesu e poeiena i tanen, “Bara. Alö go markato has uu te mar kato uaien.”

E Iesu na u katunun tsitsilo i tanen i la uu tara maroro mena butu ria tara töa han, ba töa tahol a solonen e Marta e lu mera neien tara luma i tanen. E toulanen e Maria e gum ia i mouna e Iesu bate hahengona turu hihatuts i tanen. Kaba e Marta e kato sil korui a man toukui tega katoeien. Ba nonei e la nama memi poeiena, “Tsunono, alö ema hakats nami e toular e laba nena moulia ba lia te kato pepeisegu a man toukui? Alö go ranga memen bate mi taguhe noulia!” Ba Tsunono e ranga palise nen, “O Marta, Marta! Alö e toku korum na e hakats hatagala nem a mamanaka. Kaba töa puku a ka te pan balana. E Maria e hopö kap nena a ka a niga teka, na ema antunan luba naroien.”

Escolta Luk 10