Versets bíblics populars de Ruku 21

Comparteix

'Enakúne veku veku hine 'ajohe nia nirie siporua 'oji'i hi'irakúne ja areri harura rena'eje uneka ka'ene re'iro vejujaho asima va'e Emaa Puni Harihijihuni una'i nami'avara 'iamana.

Ja hami hami 'ajohareje pahine joni kaukararu vene 'ee toa sisea ine 'ee jara iviamaa 'unama ka'ene ichá'ina'e hami hihuna pavwihaji'i hi'avara. Ijihuni maijaho ja ija'ina hi'eje vea kajaho areri ni'aha kwino kwavaha puna'i asuma va hihuna.

'Enajihuna'e ata kirasahe naminareje ja majama hihuna ape'avara.

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Akúpa mwe'ijaho pa'arehuna kaivo Nuni Ira kakaho papa'are'ena.

'E'eje masapa 'ee china 'ee vea 'ee akúpa 'ahi aacha ani'ina kihuna. 'E'eje ea mapoka ka'ene mwe'i hijukija soha ka'ene sisea ani'ina'e amenareje ira ani'ina 'ume'amaji henareje tea juname 'ee niho'o puruva reti'eje hihuna. Emaa ijí uneka ka'ene iki mwe'i re'amaji kamareje niho'o juma paranareje kwapihuna. 'Ene uneunecha ka'ene akúpa 'ahi navujija akúpa kakara varivarimareje 'unirame usimahuna. 'E'eje Ema Puni Harihijaho 'imitia vaji Huni harura 'ee Huni hanaji'iniji'i maho'o roe ea mapoka kahuna.

Nuni ihijihuna'e ea 'ahopo ja senahuna.

Kwaa ara mapoka mwevarivura mama'ina rohuna. 'Ene sisemaapo roe 'ee kwaa ara mapoka 'ora vea rene 'ee atama siseapo kwaa ara mapokakaho ani rene 'ee aacha mama'ina ani'ina mapoka sisea akúpi 'ahi kihuna.

'Ejakame ja he'eje kwaa araka mapokija ajira vehune 'ee ijí ajira vehuni pinana kajaho 'urina rohuna. Ija'inijaho re'ena vo urijaho mai'o pava'a 'e'u'enakúne ja niho'o paju'avara 'iamana. 'Enarena Hu kú'o ijá 'iama Kwaa ara 'ahopo 'urine 'aho'a ninamahune 'ee ara 'ahopo 'urine ara 'aho'a ninamahuna.

'E'eje masapa 'ee china 'ee vea 'ee akúpa 'ahi aacha ani'ina kihuna. 'E'eje ea mapoka ka'ene mwe'i hijukija soha ka'ene sisea ani'ina'e amenareje ira ani'ina 'ume'amaji henareje tea juname 'ee niho'o puruva reti'eje hihuna. Emaa ijí uneka ka'ene iki mwe'i re'amaji kamareje niho'o juma paranareje kwapihuna. 'Ene uneunecha ka'ene akúpa 'ahi navujija akúpa kakara varivarimareje 'unirame usimahuna.

'Enarena Hu kú'o ijá 'iama Kwaa ara 'ahopo 'urine 'aho'a ninamahune 'ee ara 'ahopo 'urine ara 'aho'a ninamahuna.

'Ejume Hu ijá 'iama Ja hami ka'avara. 'Ejakame pu ea ja papisimi'avara. Ijihuni maijaho ea mapoka'e Nuni iha 'ahi roe ijá 'iahune Na Kerisona'omo vea niape'i venu 'iava he'avajaho niho'o pa'ararihi'avara.