Versets bíblics populars de Matiunu 24

Comparteix

I kowaro emema ba me ueta derawere ufitaitaba neno arama ueta ekodifitaita. Nono anama awonaroma inare kimu ue i dubu fafisu kowaro ane fafisuna dana wiroeta mubisu.

Godinu yawotasu sina i orofa atata uwara nesiabai we inareibitaro i orofa atata uwara nesia naufitaro i dubu kowa ido fafisu.

Dera uranetanu rurua ewado baworo naufote emirowere orofaro me sina torowa naufoitana iba iya da uyawe. Ina eno ido fafiro nono i dubu fafisu kowa ina oidea wei.

Mui orofa gaemanini mui orofa gaemanini urafitaita. I orofa atata uwara aika maika urafitaita. Orofa faiyawerero sinai derawere woufitaita. Orofa faiyawerero nasini wawana wawana ufisu. Ina nesia ufisuna eme emanu oferi awetama kuita mubie uteda oferi derawere wourebasu i ari ido reka woufitaita wei.

Ureini nasinini me sibiro Nanu sina da me sibisu Yesuma wei.

Uwara faiyawere Nanu ifuro fafitate nana Keriso webitate eme faiyawere irufitaita.

Ina eno ufisuna emema ya siosawere ufitae uteda budari ufitate ma uifitaita. Yana Nanu sina naufoitaba eme nesia yaba neno ka ufitate iba eno ufitaita. I kowaro uwara faiyawere Na ekodifitate emanu aika do mafitate emanu aika urane matafitaita. I kowaro meoma we bou ueta uwarama uyafitate meo sina webitaro uwara faiyawere emanu sina naufitate emanu buribi anibitaita.

Weitaro Yesuma wei, eregou uforo! Moana uwarama ya irufitae fafitaita.

Idoba i Ba Eme Sini Amaranu fareta kowa ya iwata meba ainewaure toafurau yawoteiboro wei.

Yanu Dera Amaranu fareta kowa wai ufiro aba yawiro ya iwata meba eregou uforo wei.

I fafisu kowa eme iwata me, i urero ibinita aneru iwata me, Godinu Amara Dawa iwata me, Godi torowa Dawa iwata utasu wei.

I kowaro irueta kerisoini irueta we bou ueta uwaraini uyafitate buna uetaini eretaini eme irufitae ufitate Godinu muneta uwara irufitae ufitaita.

Noanu kowaro ane ane utebita enanari i Ba Eme Sini Amaranu fareta kowaro ufitaita. Noanu kowaro emema ietaini ogoini itebitate aweta awera munebitana Noa danu bouti ubarero amuiro obi oku derawere ido fariba uwara nesia ogo okuro imuie me sita. Enorogo ema i emabai fafie arebi emetu iwata me. Emanu unu ibaiabai utebitaro oku farite ema woure ane me sinina ido nesia iwata uta. I arina i Ba Eme Sini Amaranu fafisu kowaro enanari ufisu.