Versets bíblics populars de Jon 10

Comparteix

Laradi xipkip pilo ik beles mene rip kip pilo, tip sep amet, la rik lok kapmek laxasipsip. Nenia agara vot pam kusu ti raba lorooro ri limixin, la mo lorooro rak naba umsu atdi.

Nenia laradi nunuan ti lok tatao laxasipsip la a gagas bok kusu ana met ti laxasipsip.

Laxasipsip tarak ding tonga laxaka rak. Akleklen di, la di mumu asu levelinga rak.

A raba nedi mi lorooro avolo la di noxo seeve rinotno; la tara noxo lok kepe di basinge ia.

Nenia lumusmarakom. Do tara na beles keneng at na lumusmarakom, neni naba ruuna ka lorooro avolo; neni nabat pas beles la nat pas su la na puse xaka lempivilis nunuan.

Nenia laradi nunuan ti lok tatao laxasipsip, la nenia akleklen mo laxasipsip do atarak, la nedi dikleklen ia

Ne Tamak ga raba ia mi nom laxasipsip la neni i silok ti levempanga vipis axap, la tara noxo lok kepe nedi laxasipsip basinge loklok tatao ren. Nema’ mi ne Tamak ma lok ngan legesara.”

kerekngan mun ne Tamak ikleklen ia, la nenia akleklen ne Tamak. La a gagas kusu ri met nop di.

Kopmen teta naba lok pes lorooro rak basinge ia. Aba raba gamasa mun i at lavavara axa rak. La a epovo xusu ri raba lorooro rak la a epovo bok kusu ri roo xat amlong. Ne Tamak ga raba ia mi lololos ti lox i xuren.”

Kuren la ne Iesu ga lok manga, “A tong tuturun i rinimi. Nenia lumusmarakom ti laxasipsip.

Laradi do di un kaka mene i xusu ri lok tatao laxasipsip, la laxasipsip kopmen ateren, neni ik sixiro do neni i ven tangarang ka lavatman sio it pas kusu ri sev amet laxasipsip. Do kuren laman naba atat alis ka tentaba at nai laxasipsip la laxasipsip diba rem epeseves.

La ne Iesu ga lok bok tidi, “A tong tuturun i rinimi; laradi do ixok beles at lumusmarakom at loroboro at laxasipsip, ketla i xot lixa at lengkot petpes, neni laradi xipkip pilo la laradi saksak paxat panga.