Versets bíblics populars de ᒉᓂᓯᔅ 1

Comparteix

ᑭᔐᒪᓂᑑ ᑕᔥ ᑮᐃᑭᑐ, ᑕᑲ ᐅᔑᐋᑖᓂᒃ ᐊᐎᔭᒃ ᐯᒫᑎᓯᐙᒡ ᑳᐃᔑᓈᑯᓯᔭᕽ ᐃᔑᐋᑖᓂᒃ, ᐁᔑᐊᔮᔭᕽ ᑲᔦ ᒌᔑᐊᔮᐙᒡ᙮ ᐅᑲ ᑎᐯᓂᒫᐙᐞ ᑕᔥ ᑭᓅᔐᐞ ᐃᐃᒫ ᑭᒋᑲᒦᕽ ᐁᔮᓂᒡ, ᐱᓀᔒᔕᐞ ᑲᔦ ᓀᐗᒋᑮᔑᑯᕽ ᐁᔮᓂᒡ, ᐊᐗᑳᓇᐞ ᑲᔦ, ᑳᐸᐹᒨᑌᓂᒡ ᑲᔦ᙮ ᒥᓯᐌ ᑲᔦ ᐊᑮᓂ ᐅᑲ ᑎᐯᑖᓈᐙ᙮ ᒦᑕᔥ ᑳᐃᔑ ᐅᔑᐋᒡ ᐊᐎᔭᐞ ᐯᒫᑎᓯᓂᒡ ᐁᑮ ᐃᔑᐋᒡ ᑖᐱᔥᑰ ᐁᔑᓈᑯᓯᒡ᙮ ᒪᔮ ᓴ ᐱᑯ ᐁᔑᓈᑯᓯᒡ ᐁᑮ ᐃᔑᐋᒡ᙮ ᐅᑮ ᐃᔑᐋᐞ ᒌᓂᓃᐎᓂᒡ, ᒌᑴᐎᓂᒡ ᑲᔦ᙮

ᒦᑕᔥ ᑳᐃᓈᒡ ᒋᒥᓄᓭᓂᒡ᙮ ᐅᐅ ᐅᑮᐃᓈᐞ, ᓂᑖᐎᑭᓈᐗᓱᒃ ᒋᓂ ᐹᑏᓄᔦᒃ, ᒥᓯᐌ ᐊᓂ ᐊᔮᒃ ᐃᐃᒫ ᐊᑮᕽ᙮ ᑎᐯᑕᒫᓱᒃ ᐊᑭ᙮ ᑎᐯᓂᒥᑰᒃ ᑭᓅᔐᒃ ᑭᒋᑲᒦᕽ ᑳᐊᔮᐙᒡ, ᐱᓀᔒᔕᒃ ᑲᔦ ᓀᐗᒋᑮᔑᒃ ᑳᐊᔮᐙᒡ, ᑲᑭᓇ ᑲᔦ ᑫᑰᓐ ᑳᐱᒫᑕᒃ ᑳᐗᐙᑲᐐᒪᑲᒃ ᐗᑭᑕᑲᒥᒃ᙮

ᒫᐗᒡ ᑕᔥ ᑭᒋ ᓃᑳᓐ, ᑭᔐᒪᓂᑑ ᐅᑮ ᐅᔑᑑᓐ ᑮᔑᒃ, ᐊᑮᓂ ᑲᔦ᙮

ᑮᐱᑾᒐᔭᐄᐗᓐ, ᑮᒪᔕᔥᒀ ᓴ ᑲᔦ ᐅᐅ ᐊᑭ᙮ ᓂᐱ ᑕᔥ ᑮᑮᔥᑳᔭᐙ, ᐐᑫ ᑕᔥ ᒥᓯᐌ ᑮᑲᔥᑮᑎᐱᑲᓐ᙮ ᑭᔐᒪᓂᑑ ᑕᔥ ᐅᑕᒑᑾᓐ ᐊᔑᒋᐲᒃ ᑮᐱᒥ ᐊᔮᐗᓐ᙮

ᑭᔐᒪᓂᑑ ᑕᔥ ᑮᐃᑭᑐ, ᑕᑲ ᑕᐙᓭᔮ, ᒦᔥ ᑳᐃᔑ ᐙᓭᔮᓂᒃ᙮

ᑭᔐᒪᓂᑑ ᑕᔥ ᐅᑮ ᐙᐸᑖᓐ ᑲᑭᓇ ᑫᑰᓐ ᑳᑮ ᐅᔑᑑᒡ, ᐋᐱᒋ ᑕᔥ ᐐᑫ ᑮᐅᓂᔑᔑᓂᓂ᙮ ᒦᓇᐙ ᑕᔥ ᑮᐊᓂ ᑎᐱᑲᓐ, ᐁᑮ ᐊᓂ ᑭᔐᐹᐗᑲᒃ ᑲᔦ᙮ ᒦ ᐃ ᑮᓂᑯᑣᓱᑮᔑᑲᓂᓂᒃ᙮

ᒦᑕᔥ ᑳᐃᔑ ᒥᓍᐸᑕᕽ ᐃᐃ ᑳᑮ ᐙᓭᔮᓂᒃ᙮ ᐅᑮ ᓀᓈᐎᓈᓐ ᑕᔥ ᐃᐃ ᑳᑮ ᐙᓭᔮᓂᒃ ᐃᐃ ᑲᔦ ᑳᑮ ᑲᔥᑮᑎᐱᑲᓂᓂᒃ᙮

ᒦᔥ ᑲᔦ ᑳᐃᓈᒡ, ᐃᓇᔥᑫ, ᑲᑭᓇ ᑭᒦᓂᓂᓂᒻ ᑳᒦᓂᐗᑭᓐ ᑭᑎᑳᓀᓴᓐ ᐅᐅᒫ ᒥᓯᐌ ᐗᑭᑕᑲᒥᒃ, ᑲᑭᓇ ᑲᔦ ᑎᓄᐙᑎᑰᒃ ᑳᒦᓂᐎᐙᒡ ᑳᐗᑲᑖᒥᓂᐎᐙᒡ ᒦ ᐃᐌ ᑫᐅᒦᒋᒥᒥᔭᓐ᙮

ᑳᑮ ᐙᓭᔮᓂᒃ ᑕᔥ ᑮᔑᑲᓐ ᐅᑮ ᐃᔑᓂᑳᑖᓐ ᔑᑾ ᑳᑮ ᑲᔥᑮᑎᐱᑲᓂᓂᒃ ᑕᔥ ᑎᐱᑲᓐ ᐅᑮ ᐃᔑᓂᑳᑖᓐ᙮ ᒦᔥ ᑳᐊᓂᔑ ᑎᐱᑲᓂᓂᒃ, ᑮᐊᓂ ᑭᔐᐹᐗᑲᓂᓂ ᑲᔦ, ᒦ ᐃ ᑮᐯᔑᑯᑮᔑᑲᓂᓂᒃ᙮

ᑭᔐᒪᓂᑑ ᑕᔥ ᑮᐃᑭᑐ, ᑕᑲ, ᑕᐊᔮᒪᑲᓐ ᐋᓴᒥᑮᔑᒃ ᐊᑾᓇᐃᑲᓂᕽ ᑫᐃᓀᑖᑾᒃ ᑫᔑ ᐲᑕᐙᑭᓐ ᓂᐲᓐ᙮

ᑲᑭᓇ ᑲᔦ ᐊᔭᐋᐎᔕᒃ ᒦᓈᐗᒃ ᑲᑭᓇ ᑭᑎᑳᓇᓐ ᑳᓂᑖᐎᑭᓂᓂᑭᓐ ᒋᒦᒋᐙᒡ, ᐃᑭ ᑲᔦ ᑲᑭᓇ ᐱᓀᔒᔕᒃ, ᑳᐱᒨᑌᐙᒡ ᑲᔦ ᒥᑕᑲᒥᒃ᙮ ᒥᓂᒃ ᓴ ᑯ ᐯᒫᑎᓯᐙᒡ ᐊᔭᐋᐎᔕᒃ ᒦ ᐃ ᐁᔑ ᒦᓇᒀ ᒋᔑ ᐅᒦᒋᒥᒥᐙᒡ᙮ ᒦ ᓴ ᐃ ᑳᐃᔑᓭᓂᒃ᙮

ᑭᔐᒪᓂᑑ ᑕᔥ ᑮᐃᑭᑐ, ᑕᑲ ᑕᐊᔮᒪᑲᓅᓐ ᑫᐅᒋᐙᓭᔮᒃ ᐋᓴᒥᑮᔑᒃ, ᒋᐅᒋ ᓀᓈᐎᓂᑳᑌᑭᓐ ᑳᑮᔑᑲᑭᓐ, ᑳᑎᐱᑲᑭᓐ ᑲᔦ᙮ ᒦ ᓴ ᐃᐌ ᑫᐅᒋ ᑭᑭᓇᐙᒋ ᑭᑫᒋᑳᑌᑭᓐ ᐋᓃᓐ ᐁᔑ ᑮᔑᑲᒃ, ᐋᓃᓐ ᑲᔦ ᐊᐲ ᑫᐱᐴᕽ, ᐊᐲ ᑲᔦ ᑫᐐᑾᑎᓈᓂᐗᕽ᙮

ᑭᔐᒪᓂᑑ ᑕᔥ ᒦᓇᐙ ᑮᐃᑭᑐ, ᑕᑲ ᐅᐅᒫ ᐊᑮᕽ ᑕᓵᑲᑮᐗᓐ ᑳᑕᓶᐙᓇᑲᑭᓐ ᑭᑎᑳᓂ ᑫᑰᓇᓐ, ᑖᐱᔥᑰ ᐊᔥᑭᐸᑰᓐ ᑳᒦᓂᐗᑭᓐ ᑭᑎᑳᓀᓴᓐ, ᐃᑭ ᑲᔦ ᒦᓈᑎᑰᒃ ᐁᑎᓄᐎᐙᒡ ᑳᓂᑖᐎᑭᑑᐙᒡ ᒦᓇᓐ ᐃᐃᒫ ᑳᐲᑌᑭᓐ ᐗᑲᑖᒥᓇᓐ᙮ ᒦ ᓴ ᐃ ᑳᐃᔑᓭᓂᒃ᙮

ᒦᑕᔥ ᑳᑮ ᐅᔑᑑᒡ ᐋᓴᒥᑮᔑᒃ, ᐁᑮ ᓀᓈᐎᓇᕽ ᐃᓂ ᓂᐲᓐ ᐊᓈᒥᑮᔑᒃ ᐁᔮᓂᑭᓐ, ᐃᓂ ᑲᔦ ᐗᑭᒋ ᑮᔑᒃ᙮ ᒦ ᓴ ᐃ ᑳᐃᔑᓭᓂᒃ᙮

ᑮᐱ ᓵᑲᑮᓂᐗᓐ ᑕᔥ ᐃᓂ ᑳᑕᓶᐙᓇᑲᑭᓐ ᑭᑎᑳᓂ ᑫᑰᓇᓐ ᑖᐱᔥᑰ ᐊᔥᑭᐸᑰᓐ ᒥᓂᒃ ᐁᑎᓄᐎᐙᒡ ᑳᒦᓂᐗᑭᓐ ᑭᑎᑳᓀᓴᓐ, ᐃᑭ ᑲᔦ ᒦᓈᑎᑰᒃ ᒥᓂᒃ ᐁᑎᓄᐎᐙᒡ ᑳᓂᑖᐎᑭᑑᐙᒡ ᒦᓇᓐ ᐃᐃᒫ ᑳᐲᑌᑭᓐ ᐗᑲᑖᒥᓇᓐ᙮ ᐐᑫ ᑕᔥ ᐅᑮ ᒥᓍᐸᑖᓐ᙮

ᒦᑕᔥ ᑭᔐᒪᓂᑑ ᑳᐃᔑ ᐅᔑᑑᒡ ᓃᔑᓐ ᑫᒋ ᐙᓴᑯᓀᓂᑭᓐ; ᑮᓯᓲᓐ ᑫᑎᐯᑕᒥᓂᒡ ᑮᔑᑲᓐ ᔑᑾ ᑎᐱᑭᑮᓯᓲᓐ ᑫᑎᐯᑕᒥᓂᒡ ᑎᐱᑲᓐ᙮ ᐗᓇᑯᔕᐞ ᑕᔥ ᑲᔦ ᐅᑮ ᐅᔑᐋᐞ᙮

ᑭᔐᒪᓂᑑ ᑕᔥ ᒦᓇᐙ ᑮᐃᑭᑐ, ᑕᑲ ᑕᒫᒪᐎᒋᐗᓅᓐ ᐃᓂ ᐋᓴᒥᑮᔑᒃ ᐁᔮᑭᓐ ᓂᐲᓐ ᐃᐃᒫ ᐯᔑᒃ ᐊᔮᐎᓂᕽ, ᒋᓈᑾᒃ ᒋᐹᑾᑲᒥᑳᒃ᙮ ᒦ ᓴ ᐃ ᑳᐃᔑᓭᓂᒃ᙮ ᑳᑮ ᐹᑾᑲᒥᑳᓂᒃ ᑕᔥ ᐊᑭ ᐅᑮ ᐃᔑᓂᑳᑖᓐ, ᑳᑮ ᐃᔑ ᒫᒪᐎᒋᐗᓂᓂᑭᓐ ᑕᔥ ᓂᐲᓐ ᑭᒋᑲᒻ ᐅᑮ ᐃᔑᓂᑳᑖᓐ᙮ ᐐᑫ ᑕᔥ ᐅᑮ ᒥᓍᐸᑖᓐ᙮

ᑭᔐᒪᓂᑑ ᑕᔥ ᐅᑮᐃᓈᐞ ᒋᒥᓄᓭᓂᒡ ᐁᑮ ᐃᑭᑐᒡ, ᓂᑖᐎᑭᓈᐗᓱᒃ ᒋᓂ ᐹᑏᓄᔦᒃ, ᒥᓯᐌ ᐊᓂ ᐊᔮᒃ ᐅᐅᒫ ᑭᒋᑲᒦᕽ, ᑕᓂ ᐹᑏᓄᐗᒃ ᑲᔦ ᐱᓀᔒᔕᒃ ᐗᑭᑕᑲᒥᒃ᙮

ᒦᓇᐙ ᑕᔥ ᑭᔐᒪᓂᑑ ᑮᐃᑭᑐ, ᑕᑲ ᑕᐊᔮᐗᒃ ᐊᔭᐋᐎᔕᒃ ᐗᑭᑕᑲᒥᒃ, ᐊᓅᒡ ᒋᑕᓶᐙᓇᑭᓯᐙᒡ᙮ ᐊᐗᑳᓇᒃ ᑕᐊᔮᐗᒃ, ᐃᑭ ᑲᔦ ᑳᐱᒨᑌᐙᒡ, ᐱᑾᒋ ᐊᔭᐋᐎᔕᒃ ᑲᔦ᙮ ᒦ ᓴ ᐃ ᑳᐃᔑᓭᓂᒃ᙮

ᒦᓇᐙ ᑕᔥ ᑭᔐᒪᓂᑑ ᑮᐃᑭᑐ, ᑕᑲ ᑕᐹᑏᓄᐗᒃ ᓂᐲᕽ ᑳᐊᔮᐙᒡ ᑫᒨᔥᑭᓀᐙᒡ ᐃᐃᒫ ᓂᐲᕽ᙮ ᑕᑕᔑ ᐸᐹᒥᓭᐗᒃ ᑲᔦ ᐱᓀᔒᔕᒃ ᓀᐗᒋᑮᔑᒃ᙮

ᒦᑕᔥ ᐃᐃ ᓇᑫ ᑳᐃᔑ ᐅᔑᐋᒡ ᐱᑾᒋ ᐊᔭᐋᐎᔕᐞ, ᒥᓂᒃ ᐃᑯ ᐁᑕᓶᐙᓇᑭᓯᓂᒡ ᒌᔑᐊᔮᓂᒡ, ᐅᑮ ᐅᔑᐋᐞ ᑲᔦ ᐊᐗᑳᓇᐞ ᐁᑕᓶᐙᓇᑭᓯᓂᒡ ᒌᔑᐊᔮᓂᒡ᙮ ᑲᑭᓇ ᑲᔦ ᒥᑕᑲᒥᒃ ᑳᐱᒨᑌᓂᒡ, ᐁᑕᓶᐙᓇᑭᓯᓂᒡ ᐅᑮ ᐅᔑᐋᐞ᙮ ᑭᔐᒪᓂᑑ ᑕᔥ ᐅᑮ ᒥᓍᐸᑖᓐ᙮