Versets bíblics populars de Juan 5

Comparteix

“Laus gayed sa ag-ikagiyen ku ha bisan sin-u sa magpaliliman kanak daw tumuu hu Dios ha migsugù kanak amin din kinabuhì ha hurà din katapusan. Harì en haena masilutan ta nakalikay en duun hu kamatayen daw amin din en kinabuhì ha hurà din katapusan.

Su maahà hi Jesus ha taghidegaay haena diyà daw su matun-an din ha nalugay en sa kadaluwi taena, ininsaan din, “Agkabayà ka ba ku maulian ka?”

Tagtuen kaw gayed hu lalang hu Dios ta kagi nuy ha iyan haena makaila inyu hu kinabuhì ha hurà din katapusan. Ba saena ha lalang din iyan daan makapanistigus mahitenged kanak, ba hurà a inyu tuuwi ta daw amin nuy ngaay kinabuhì.

Dayun inikagiyan hi Jesus, “Bangun kad, luluna sa banig nu daw hipanaw kad en.” Sagunà naulian su etaw daw uwita sa banig din dayun hipanaw. Ba aldaw haena hu Sabadu

Inikagiyan sidan hi Jesus, “Laus gayed sa ag-ikagiyen ku inyu ha siak sa Batà hu Dios hurà ku gayed mahimu hu kanak dà ha gahem. Iyan dà agkabuhat ku sa naahà ku ha binuhat hu Amay ku, aman sa tagbuhaten din iyan daan agbuhaten ku.