Versets bíblics populars de Luk 10

Comparteix

Snawa ɓa! Vlaghuna vla yu ta mbrakwa diŋlanaptá nahaɗikha nda rdaha, nda ya ta ghəŋa inda mbrakwa ghuma, haɗ sana skwi dzaʼa balaghunata wa.

Ka Yesu nda tsi mantsa: « Marta! Marta! Ma ghuy ka ta ghəŋa gha, ma laghu ka da ndandanaku ta ghəŋa ndəghata skwiha. Turtuk skwi ta raku. Ka zbaptá Mari ta vərɗa ni ya dzaʼa kwal lu klugudunusta ɗekɗek, » ka Mgham Yesu nda tsi.

« Ka ɗvuta ka ta Mgham Lazglafta gha nda kɗavakta ŋuɗufa gha, nda kɗavakta hafa gha, nda kɗavakta mbrakwa gha, nda kɗavakta ndana gha guli, ka ɗvuta ka ta mnda səla manda va ghəŋa gha kəʼa, » kaʼa nda tsi.

Kaʼa nda həŋ mantsa: « Dagala skwiha ŋa tskay ta vwah, tsaw slaghwa a mnduha ŋa magay wa. Ndəɓawa dzvu da mnda vwah ka sganaghata tsi ta mnduha nda ndəgha ŋa tskanata.

« Wati mataba tsa duhwalha hkən ya, ta nzakway ka sləvda tsa mndu ta dəɗamta mataba la gənda ya, ka kagha ta gray na? » kaʼa nda tsi. « Tsa mndu ta tawatá hiɗahiɗa tida ya ya, » ka tsa mnda tagha zlahu ya. « La, ka maga kagha mantsa, » ka Yesu nda tsi.

Lawa la, ta ghuna kaghuni yu manda zwana tuwak da taba kramtakha.